翡翠海鮮酒家.明珠宴會廳

营业中

休息中

是晚預祝奶奶生日，團購了2位+4位晚餐，食物質素不錯，感覺非常抵食~青瓜 - 很爽口鮑魚 - 蒸得剛剛好軟殼蟹 - 有羔，炸得香趣，不算太肥膩，點醋好味甜品 - 椰汁桂花糕，不太甜加了$60冬瓜盅，份量不少，說是4人份量，6人每人也有2碗，消暑好味，正整體食物清淡，味道適中，健康之選，有機會會再吃~

之前團購見到有，每人唔洗70免加一及茶芥，終是就買黎試下啦，有效期有2-3個月，但都係拖到最後一個星期六先去食，一早BOOK左2點鐘，1點40分就去到了，但門口好多人等緊位，逼左好耐先同知客講已BOOK位，但都要等位，我唔清楚佢地點分配座位O既，有團購客及街客等位，但街客比我地遲拎飛但可以早D入座(人數一樣)，莫非街客未比錢可以先優待，我地團購客已付款就可以等耐D？等到2點20分終於入得啦，由於已經好累，所以知道要搭枱後都照入，入到去坐得好逼，環境好嘈，可能細O既原因，坐低左馬上剔點心紙，團購內容係每位有1客上湯蔬菜，3籠點心(大中小點任選)，1碗排骨飯及1客甜品，將團購紙及點心紙交過侍應後就等食啦，點知10分鐘後侍應先過黎講小籠包賣哂要改(其實好多大點都賣哂，而點心紙內容同團購上都唔同)，改完又等10分鐘就陸續上枱啦，所以由等位到有第一碟食物黎到等左個幾鐘，食物味道好普通，就係一間普通O既酒樓點心呀，唔覺得特別在邊到之餘，反而份量比街客O既為少，燒賣一籠四粒變3粒，侍應話團購係得3粒架，好搞笑，我地剔張點心紙同搭枱的人(街客)剔O既點心紙一樣，點解團購會份量少D？如果係咁，應該特別整

以米芝蓮推介來說,這個食店的食物也算很不錯.而且用了團購價來吃,非常超值!花開富貴 (Deep Fried Dumpling),做的很漂亮.又薄又脆!可惜太油了,而內裡的 料也火小,但很特色.石鍋唐生菜 (Chinese Lettuce with Prawn Paste)冬天的菜一般都新鮮嫩口,這個也不例外.八珍海鮮煲 (Seafood Pot)花膠,魚肚,帶子,蝦…嘩, 很足料呢,而且很美味.濃湯雞煲翅 (Shark Fin with Chicken Soup)這個不得了, 翅足八兩二.雞湯做得極鮮美.吃得滿足的.雖說依家唔興食翅,因為太殘忍,但舊貨總要找個出路吧…欖角醬燒骨 (Pork with Black Olive sauce)非常非常的惹味,吃得住不了口.加追了非團購的~酥皮义燒包 正如同枱友人說的一樣,果真是個鎮店的美點,微脆的外層,加上熱騰騰的送上來,又新鮮又香熱的,蜜汁义燒恰到好處,很讚.紅棗雪耳糖心 (Sweet Soup)清心潤肺.

曾經與朋友到此餐廳吃過晚飯，覺得它的小炒不錯，可能我喜歡喝胡椒湯，上兩次試過它的招牌菜「豬骨鍋」都很喜愛，所以當今天有親友(共7人) 相約到此吃晚飯時，便點了大鍋「豬骨鍋」(有大、小鍋之分)，但今次覺得它有些失準，胡椒味略嫌不夠，湯味亦稍淡，但湯內的大大塊豬骨及雞脚依然吸引(雖然膽固醇極高)。鮮百合蜜豆珊瑚蚌 - 份量算大，但帶子口感與一般帶子顯然不同，感覺不是真帶子味？味道亦過淡，沒什麼味道。醬燒脆香欖角骨 - 一般，味略甜。咖哩牛筋腩煲 - 不是太辣，味道不錯，很適合餸飯。石鍋蝦醬唐生菜 - 味濃、頗油膩，放少些油會較好。

今晚一家人食生日打邊爐，坐底無耐走去醬油區自行調配汁醬，誰不知無辣椒粒！之後咪問身旁嘅女知客，佢竟然黑面話＂全酒樓都無＂仲不得止，叫我地用潮州辣椒油頂住先！一間酒樓七點鐘已經無打邊爐配件！眼都凸埋！！！唯有返埋位等 打邊爐啦，湯底無耐放底，以為有其他火鍋配料陸續送上。大約二十分鐘後，有個女侍應拎起湯底個蓋，但湯底已已經滾乾了！！！之後再三催促，等多十分鐘就嚟咗碟四寶丸，豬頸肉，雲吞，桶蠔，肥牛，珊瑚蚌，蘿蔔，鮮腐竹，豆卜，牛柳粒，唐蒿，皇帝菜，烏冬送上。有位男部長就話雜錦菇籃，魚片，荳苗，豬潤無貨！慶幸最後叫咗碟午餐肉，送上枱時仲煎得好香口，讚不絕口！一家人諗住之前食過幾好，點知今次咁搞法永無下次！

本人今午與同事午膳，早前曾嘗試茶市食品，質素尚可，於是希望一嘗小菜，豈料卻慘被欺騙。事緣昨晚親到食肆查詢午市小菜安排，當時一名男經理表示，晚市菜式在午市亦可提供，本人詢問是否需要預定，經理表示不需要，於是本人便預留座位。今午本人與同事到達食肆，選擇了收費＄1488的晚市八人套餐，當時一名女部長亦表示沒有問題，豈料等候了十五分鐘卻仍未有菜餚送上，及後女部長卻表示套餐中的燉湯未能供應，要改為粟米魚肚羹。因同事們已經就座，午膳時間有限，故只好依循。當中一道鴨胸拼炸豆腐，竟藏有一條長近一尺的頭髮;沙薑雞可以做到完全淡而無味。本人與同事在下午十二時二十分就座，十二時三十分上菜，經過三催四請，所有食物要到下午一時四十五分才全數送到，而套餐中的精美甜品是蕃薯糖水，生果拼盤則是八片西瓜。套餐不包括加一及茶芥，最後埋單＄1719.

約了10個朋友食飯娶舊,咁多人最好就係打邊爐了,就訂了花墟附近那家翡翠(舊老細火鍋),因那家的安格斯肥牛起正,有牛味,雪花均勻,落到去好多人等位,好彩我地訂了檯,座底後睇見有張海報寫住食火鍋送龍蝦咁荀7位以上更送2隻,以為緊係送雪藏龍蝦,但有驚喜隻波士頓龍蝦上檯時D爪仲識跳的,嘩!咁正,即刻整黎食,好彈牙,好鮮!另外經理推介沙巴吊片豬肉丸,聽個名咁特別,即管試試,肉丸外表無咩特別,比平時食慣細D,但碌熟後,口咁好爽,好香,經理話說是正接沙巴空運到港,估唔到都有D驚喜,其後更食了兩個幾特別的甜品添:雷沙芝麻湯丸及宮廷棗皇糕,雷沙湯丸通常裡面無餡的,但尼個裡面有芝麻,以為咁多野,好HEAVY,但OK喎,唔太甜一個人可以食四粒!另一個貌似咖啡糕的棗皇糕,食後感好軟好香紅棗味,我平時唔係咁鍾意食紅棗的人,都鍾意!值得一試!

近排忙得要命，連朋友生日飯地點也沒有仔細的去想，隨便定了少年食神曾介紹過的翡翠海鮮酒家。朋友問我來過沒有。其實，在桃園的時代吃過，但遷出來之後就未有機會到訪。每人揀一兩個菜色，湊成了是晚的菜色。先說我的選擇。原本一心來食叉燒的，可是當晚沒有供應，只怪我自己沒有做好準備，無預留罷了。再揀，芝士海鮮酥盒，又售罄，激死。跟住要了蒜片牛柳粒，芡汁又厚又杰的，蒜片數量又少，已心感不妙。牛柳質地亦有欠鬆化，麻麻。另一款我點的是砵酒焗蠔，桶蠔本身未見肥美，既無蠔香，亦缺酒味，也談不上外脆內嫩，跟心目中的想理出品差了一大截。唯一好處是放涼了亦沒有腥味，叫做有點安慰。朋友好識揀，柯打香蔥乳鴿飯，這裡的招牌菜之一。據聞是用了豬油，所以寧舍香，乳鴿拆肉混合在米飯之中，口感嫩滑，富有層次，面頭的蔥花夠多，更合心意，一致認同係全晚最佳作品。啫啫唐生菜比較似樣子，起碼上桌時熱辣辣，確實有著「啫啫」的聲響感覺。吃起來爽脆，惹味，喜歡香口東西的我，毫不客氣地夾完又夾。另一味蔬菜類，又是香口熱氣的，窩貼小棠菜。無錯是香脆，蝦膠亦彈牙，咬開不易散，溫度充足，有點功架的。不過，調味方面出了問題，是沒有味道的，即使沾上甜酸汁

以前的桃苑結業之後一直都未來過他們開的新店來試試，去得多一點心去食今次就行多幾步去去他們開的新店水準如何。翡翠海鮮酒家是在洗衣街近運動場道這一邊，就在界限街室內運動場的對面，和以前在麗東酒店的位置只是行入洗衣街幾步就見到的，以前來到花墟行好多時都會去桃苑去飲茶，因為地點就腳而食物的水準都可以，希望轉了新鋪水準還可以保持。去到時剛剛十一時，入到去真是非常少人，真是可以用水靜河飛來形容，望望餐牌原來剛剛過了早市的特價時間，所以只有一兩枱的客人，而且還見到員工們正在午膳中，望望地方都幾寬敞，位與位之間的空間都幾大，新裝修的感覺還是存在的，比較特別的事見到牆上寫著wifi的密碼給客人使用，在現今科技發達的年代給予人家的方便。望望餐紙食物的選擇都非常之多，數一數連炒粉麵真是接近在一百多種，這就是酒樓和點心店的分別了，眼花撩亂地選時就選了蝦餃、粉果、釀虎椒、腐乳灼通菜和豉油皇銀芽肉絲炒麵。蝦餃($20)蝦餃的皮食落都幾薄，但就不會太粘口，大小就偏向細細地，但反而一嗒一粒幾適合嘴型，食落餡料幾鮮味，蝦鮮味和豬香味兩者都幾配合，而入面又有少少油的甘香味，而笋尖的清新就中和了這種油膩感，水準之上的選擇。

一個月前在同一間食店食過父親節飯, 雖然招呼欠佳. 不過心想是父親節比較多人, 加上佢的豬骨湯底好像幾香, 地點又就腳. 於是父親生日又去多次. 由於上次食過不過不失的晚飯, 呢次就試下佢出名的火鍋-豬骨湯底。講講食物: 我覺得ok 1) 豬骨鍋. ok 有料既, 味唔錯, 偏淡, 我給的評語是: 試下ok, 不值排隊2) 墨魚滑, 正常野, 無咩特別, 夠新鮮既.3) 生蠔, 桶蠔來的, 廿多元隻, 貴過人地98元桶, 不過未至於離譜4) 帶子, 新鮮既, ok5) 皇帝菜, 無咩爛, 新鮮6) 油墨菜, 無咩爛, 新鮮7) 青衣魚, 新鮮, 看出是即擋的. 不過我們點單時是跟經理說要288元的青衣, 經理介紹魚時也是288元. 為何來時話呢條是大青衣, 要收388呢? 還好的是個經理都知自己理虧, 主動減返50元, 我們就息事寧人算了.8) 羊肉, 新鮮, 份量偏小9) 肥牛, 新鮮, 份量偏小10) 烏冬, 由於唔想再點野, 用來醫肚吧了, 正常味道11) 紅豆沙, 有豆, 有甜味, 是糖水來的至於服務, 全程近乎零服務, 豬骨湯飲多了, 要求加湯. 店家話要收40元, 那都合理

7月2日, 4傻約出黎飲茶, 幾年未試過了本來選擇一點心, 但見人龍好長, 預計要排一個鐘加上位置狹窄, 不適合大肚婆長坐, 所以選擇了較遠的翡翠海鮮酒家不用等位就有一張四人枱排骨因為塞車, 我們等大肚婆到齊後開始叫點心, 點心放了整張枱 帶子燒賣: 因為特價而叫, 帶子不算大粒, 但仍算爽口黑椒豬肚: 爽口豬肚, 好吃!鮮蝦菜苗餃: 蝦爽口, 不錯黑糖蒸馬拉糕: 熱熱的蒸出來, 很香軟, 不會太甜芝士蝦春卷: 芝士何在: 找不到, 少許失望其他:炸魷魚鬚, 腐乳通菜, 奶皇包, 蒸鳳爪, 煎咸肉糉, 叉燒包與平時在其他酒樓吃的差不多 想不到這間點心的味道不錯, 相比起2街之隔的一點心要在大熱天時下排隊一小時這些名不經傳的酒樓可能更好

趁71公眾假期一班朋友相約晚飯,友人D話食過這裏感覺良好,於是相約星期六晚到此相聚閒話家常一番,一行8人, 晚上七點開始, 酒家分左右兩邊铺位,每邊面積都不太大, 但因為面向路面加上落地玻璃,看上去感覺比實際的大,當晚上菜如下:咕嚕骨- 吃了一件感覺踏實, 沒有什麼奇怪口感,相對八個人份量這碟可能稍為細碟了點, 下次再有機會叫的話, 人多可能要加大才夠食,一個用黑陶器裝住上的蔬菜類,忘記了名字- 內裏是一些蔬果類上加一舊舊炸過的粉頭嘅齋之類的食物,再淋上一個粟米獻汁,味道OK,泰式蝦膠炸皮蛋- 蝦膠簿,皮蛋一開六, 低成本製作, 以一個取價幾十元的菜式來說,利錢未免有點高得…生煎飽- 飽阿熱但肉汁欠奉又似乎失色了一點,有點強差人意貴妃雞- 味道一般, 豬骨煲是朋友推介- 豬骨份量夠多豬腳筋亦多,要求骨膠原的這裡可以得到滿足了, 惜因為豬骨似乎沒有給過底味, 食落只有軟組織的質感同時只能嘗到外面的湯味, 湯底根本上是腐皮湯, 白果是有但不夠多, 唐芹魚湯雜菇鍋- 湯底OK蔬菜亦多, 沒有太多花巧但已經可以了攞你命菠蘿飽- 其實是奶黃餡的菠蘿飽,沒啥特別只是改個名來吸引食客罷了總結是以價位

由於一點心上了米之蓮，每日超多人排隊，於是改往遠少少這間翡翠明珠試吓，午市沒有太多人，好易搵位，裝修得非常靚，地方不大，但有多部大電視，金壁輝煌，但價錢合理，平過太子其他大酒樓，兩個人叫了以下食品：乳鴿煲仔飯，好好味，全部肉絲，無骨! 好多蔥花，必食推介，不過份量夠3-4人食，所以出咗事,蝦餃，新鮮，彈牙，啲皮做得很薄，正鳳爪，好味，無雪味，蒸得恰到好處，不會過耐或過硬雞扎，好大舊火腿呀，啲料大大件，俾人一種真材實了感覺出事，兩個人其實食煲飯已夠飽，不用叫其他點心，所以我飽到行唔郁之後與老闆傾起，晚飯打邉爐有隔音板間房，還有電視，所以就訂了一張台約十人與同事興祝生曰，當晚老闆給我間了間房，長型，可坐十多人，有電視，另有兩張枱放調味料等，叫了一個醉雞窩，一個豬骨窩，最值得一提是豬骨窩竟是用大大舊的豬軟骨，而不是普通的一條條豬骨，超正呀，由於食物太多，不能詳述，但另一驚喜是炸魚皮，熱熱的，嘩！即炸架，所以我無用來打邉爐，用來即食，因為我未試過食即炸魚皮呀，超正，同事們飲了很多很多啤酒，埋單約$2800-hk，不算貴，有房坐，點嘈都得，有個侍應在房專人招呼，仲想點 老闆非常有heat ，裝

這間舊址原來係桃苑，原來酒店say bye bye所以就無左，變左而家既翡翠~ 桃苑係一間我都算經常光顧既酒樓，無論飲茶/晚飯，雖然佢個位幾隔涉，但一直都覺得佢D食物都唔太差。我同媽咪兩個人去完Church黎左呢度飲茶，大概兩點到都即刻有位，不過個位就隱蔽左少少，都幾乎滿哂咁制~ 其實下午茶食煲仔飯都幾搞笑，不過既然佢想食我當然無所謂，不過個份量幾大下的，好彩我地有帶食物盒可以裝走~乳鴿煲仔飯要等一段時間的，不過黎到又真係覺得幾好食，份量幾大，而且依家做緊promotion(?)所以幾平下~ 個飯食落好香，粒粒分明，而且成隻乳鴿拆肉都幾多下，乳鴿肉帶少少脂肪食落甘香，真係幾好味喎~ 不過其實都幾膩的，建議多d人食好d~~另外仲叫左D 點心同小食，叫左個花雕牛坑腩試下，不過呢個唔好食呢~ 黎到已覺得賣相麻麻，食落肉質韌而且無咩肉味，仲要花雕味都無乜，非常淡口~ 所以呢個唔得，我地仲拎左返屋企自己再用D花雕浸下佢添!叫左紫蕃薯包，呢個就覺得好味，咬落個包覺得好軟熟，皮又唔會太厚，而且入面D紫蕃薯餡好多好清甜，呢個就幾好食~~最後個蝦腸，等左好耐真係好耐先黎，出到黎都唔熱既，懷疑佢係唔記得拎

係電視睇完Michael推介之後,俾佢個乳鴿煲仔飯同叉燒飯吸引左,聽晚就去試地點有點僻靜,所以不太旺場,7點去到不用等位,只有3-4台既人食緊。之後我地點左4樣野黎試。酸菜($15):規定每台都一定要,但又好酸.....食左1條就無食乳鴿煲仔飯($68):鎮店之寶!!份量夠3-4人食,由於加左豬油既關係,飯好香;乳鴿拆肉,好均勻咁同D飯混為一體,仲要有D飯焦,真係幾正。唔怕肥既人,必定要試!!叉燒飯($26):上台時叉燒係有半條,幾抵食。蜜汁鋪滿係D叉燒上,食落好淋好鬆軟,一般燒味檔既叉燒同呢個無得比!!鑊仔魚湯三菇娃娃菜($58):個湯都幾鮮甜,D娃娃菜吸左魚湯既鮮甜都幾好。欖菜肉鬆鮮淮山($58):好油膩,D淮山上面鋪滿曬D欖菜油,反而欖菜就唔多覺有.......原來Michael推介既油浸東星斑就係呢個原來東星斑(清蒸)+$50就可以改做油浸,但我地沒點到,亦不見其他台有人點。但半隻燒鴨($38)就幾抵,我見其他台有人點,好大碟,佢地4人都食剩半碟,要打包......有驚喜,原來食晚飯佢地會送糖水!!個日係送紅豆沙,每人1碗,雖然份量不多(只有4-5啖),但幾好食,起曬沙,好香陳