老馮茶居 (荃灣千色匯II)

依日去咗荃灣千色匯，行完係商場地舖 "老馮茶居" 歎番一盅兩件先 ~ 茶居店內以懷舊風格設計，枱櫈、碗筷、裝飾及食品都好特色，完全感受到老香港情懷，別有一番風味！老馮鮮蝦餃      $36蝦餃皮薄，唔會又濕又淋，餡料方面好多蝦肉，而且好大隻，仲好新鮮，爽口彈牙，連埋啲鮮筍 一齊食，口感豐富。XO醬蘿蔔糕       $30蘿蔔糕炸完非常香脆，形狀長長方方，外脆內軟，入面有臘味等食材，本身已經好夠味，連埋XO醬更加惹味。古法牛肉球        $26覺得牛肉球係精選之作，呢度用新鮮牛肉製，味道特別鮮嫩、香滑，味道特出之餘，十分美味。豉汁蒸鳳爪       $26鳳爪都幾大隻，醃得夠入味，外皮軟淋香口，而且較易咬開，水準同一般酒樓分別都幾大。豉汁蒸排骨       $26排骨嘅肉同脂肪分佈好均勻，口感軟身但有少少咬口，肉質鮮嫩，蒸製時間掌控得啱啱好，面層鋪滿蒜蓉，食起嚟更滋味。香滑牛肉腸        $26腸粉皮薄好滑，內裡餡料豐滿，口感好軟，牛肉非常新鮮，加埋豉油，更帶出牛肉腸嘅美味，很好吃。金牌炸芋角       $18炸芋角入口鬆化，炸得香脆，芋泥質地軟綿綿，入面餡料滿滿且熱辣

在繁忙的都市中，總有那麼一間懷舊的點心店，讓人一走進去就彷彿回到了童年。這裡的裝修、枱凳和餐具都充滿八九十年代感。🔸老馮咸水角｜外皮炸得金黃酥脆，內餡十分香濃🔸金牌叉燒包｜包很鬆軟，叉燒內餡甜甜的很好吃🔸咖喱蒸魷魚｜肉質不會太韌，咖喱味香濃🔸八珍糯米雞｜很大隻！裏面有多種不同食材🔸魷魚肉餅飯｜肉質滑嫩，淋上醬油拌飯一流🔸蠔皇鮮竹卷｜很足料，醬汁味道調製得剛剛好🔸黑糖桂花糕｜很香桂花味不會太甜所有點心上桌都是新鮮滾熱辣！加上懷舊的裝修，必去打卡熱點 👍🏻

餐具油淋淋，個芋角係凍嘅，蝦餃皮又爛，馬拉糕有倒汗水，個腸粉中間炸兩係硬又油。仲要服務態度非常惡劣！限時一個鐘，坐位狹窄，咁樣飲茶只可以講，係貼錢買難受，真係冇下次！

今日（27/1）專登入荃灣食呢間餐廳，除了點心唔夠熱、員工服務態度奇差，通知客人用餐時間到時，態度更是特別差！當前去埋單付款時，回覆可用哪種付款方式也是沒禮貌的。總之整體員工態度、服務質素、食物新鮮上桌都是差到不得了！

飲茶都唔一定去酒樓 就係呢間老馮茶居🫖主打一個老香港復古裝潢以60年代香港為主題 舊式招牌 每一個位都係打卡位📸特別係帶住小朋友👶🏻 有卡位仲坐得舒舒服服！天氣凍凍地，叫咗碗椰子燉鱷魚肉湯🥢暖笠笠 好足料！飲茶一定要叫飯 咁先夠滿足叫咗個平時酒樓好少有既魷香肉餅飯🥢魷魚味勁香 成碗飯好惹味😋之後嘅點心都離不開蝦餃燒賣鳳爪腸粉一定要叫咖喱蒸魷魚！飲茶必點！📍 老馮茶居 (荃灣千色匯II) (荃灣)荃灣荃灣街市街67-95號荃灣千色匯II 地下G30-G33號舖#老馮茶居 #荃灣飲茶 #香港飲茶 #香港點心

今（11-1-2025 Sat）朝同老公去完銀行就食早餐，天冷就要食熱嘢，咁食粥啦，行經呢喥，不如飲茶，攞飛後等咗10分鐘左右就有位，睇完menu掃QR code落單，要咗：5. $28.00嘅香滑牛肉腸呢個睇見腸粉幾薄，餡料厚，食落，唔係好熱，而係暖暖地，腸粉係滑但過腍，OK啦。3.5分4. $33.00嘅四寶滑雞扎有咩四寶？揭開睇，有魚肚，冬菇，豬大腸同豬肚，食落，所有嘢口感都正常冇問題。4分1. $20.00嘅片香馬拉糕好耐冇食，呢個香香甜甜又鬆軟，ok嘅。4.5分3. $26.00嘅老馮鯪魚球size都唔細，呢個好滑溜。4分2. $35.00嘅鵪鶉蛋燒賣鵪鶉蛋真係好鵪鶉，味道都口感都正常。3分茶我哋就要咗香片，呢喥嘅唔澀，原來上次飲嘅時候係澀（食評係2024年5月10日刊登嘅呢篇：https://www.openrice.com/zh/hongkong/review/yeah-%E6%94%BE%E8%82%86%E6%97%A9%E9%A4%90-e5457076），今次好咗。環境：啱啱坐嗰張枱唔迫夾，OK。價錢：茶錢每位$6.00。2.5分

有時候收工都會想食點心，所以朋友介紹咗我去荃灣呢間新開嘅「老馮茶居」，佢哋點心全部都係即叫即蒸，保證新鮮熱辣，同埋環境打扮成6、70年代嘅老香港風，打卡超掂蜜汁叉燒腸 $26推薦指數💥：🌝🌝🌝🌝🌚腸粉唔會太厚，唔會一啖食落全部都係粉，而且餡料好足，啖啖都有叉燒老馮鮮蝦餃 $36推薦指數💥：🌝🌝🌝🌝🌝去飲茶又點可以唔食蝦餃，呢度嘅蝦餃食落皮薄餡靚，蝦肉爽口彈牙，而且加埋辣椒油一齊食就更加惹味金牌魚翅餃 $35推薦指數💥：🌝🌝🌝🌝🌝平時係出面好少見到會有，呢度見到有即刻叫嚟試吓，食落超足料，入面餡料爽脆，調味做得剛剛好古法牛肉球 $26推薦指數💥：🌝🌝🌝🌝🌚牛肉球大大粒，咬落去口感彈牙，而且食得出牛肉滿滿，唔似出面咁粉魷香肉餅飯 $37推薦指數💥：🌝🌝🌝🌝🌝肉餅大大塊，差唔多蓋過成個飯，基本上每一啖肉餅都有食到魷魚，而肉餅都唔會死實實，配搭上醬油一齊食就更加香✨整體來講，環境真係有果種6、70年代老香港嘅風格，而且全部點心都係即叫即整，食落唔會有長期蒸著導致皮變淋嘅問題

呢間都算係服務差既典範，每個員工都會大大力丟野落台，好多點心都係無供應但落單後先同你講，而且唔會俾點心卡你再點過，要多次要求才會俾你。上菜時間耐，加上入座後先會同你講限時一小時，未夠鐘就會出聲同你講時間已經到，需要離座。食物質素無其他貼文形容咁好食，例如蘿蔔糕只食到一舊粉既味道無蘿蔔味，而且店內衛生好差，呢方面可以做到舊式茶樓既質素。基本上由入座到離開，全程都感覺到所有員工都想你快D走唔好阻住張枱做生意。下次搵餐廳真係要睇下D差評點寫先反映到現實。

老馮茶居懷舊香港風味、性價比高嘅點心體驗荃灣點心專門店呢日同屋企人去咗荃灣嘅一間點心專門店，呢度主打傳統香港風味，裝修充滿懷舊情懷，木製傢俬、老香港風格嘅牆紙，加埋啲懷舊裝飾，好有飲茶嘅老香港Feel！環境方面亦都坐得好闊落，唔會逼逼夾夾，特別啱一家大細或者一班朋友聚埋一齊嘆茶。最重要係，呢度嘅點心份量大，而且性價比超高，食得好滿足又唔會荷包大出血。以下係我哋試過嘅幾款推介：老馮鮮蝦餃 ($36.00)鮮蝦餃係飲茶嘅必點，呢度嘅蝦餃皮夠薄，內餡有大大粒嘅鮮蝦，口感爽口彈牙，蝦肉鮮甜得嚟冇腥味，絕對係高質之選。蟹子燒賣皇 ($35.00)燒賣皇上面鋪上咗一層蟹子，色香味俱全，豬肉同蝦肉餡料比例啱啱好，肉汁豐富，食落去非常香口。蟹子增添咗少少脆口嘅層次感，值得一試！正宗潮州粉果 ($23.00)潮州粉果係我哋嘅最愛之一，粉果皮煙韌唔會太厚，內餡好足料，有花生、冬菇同豬肉，仲帶少少清甜嘅味道，總體嚟講好有潮州風味。豉汁蒸鳳爪 ($26.00)鳳爪煮到入口即化，豉汁味濃郁但又唔會太鹹，啲膠質豐富，仲有少少微辣，非常惹味，配埋白飯一定一流！金牌炸芋角 ($18.00)炸芋角外皮炸到金黃色，酥脆得

裝修風格好有港式風味🇭🇰新派茶室！水準有驚喜！———————————————💜💜💜老馮流沙芋泥包：必點！必點！必點！好少見嘅一款包點！芋泥控要有心理準備！～～～🌟🌟🌟老馮金沙米皇腸：外軟內軟！好惹味！～～～👍🏻👍🏻👍🏻鵪鶉蛋燒賣皇：燒賣上面配有鵪鶉蛋！才是絕配！～～～✨✨✨金牌魚翅餃：足料多汁！新推出！～～～🦐🦐🦐老馮鮮蝦餃：晶瑩剔透！爽口彈牙！～～🦄🦄🦄金牌炸芋角：香脆可口！餡料豐富！———————————————

#鼠尾草食飲玩 #sagefoodiehk熱辣辣🔥 × 點心💖 × 人氣😋嚟到呢間位於荃灣嘅點心舖，無論人口夜晚都係咁多人😍！舖頭行懷舊風格，有十足嘅香港風情，而且點心都好高質🔥。臘腸滑雞飯真係夠晒邪惡，臘腸嘅油香滲咗落飯裏面，配埋用咗雞髀肉部位嘅滑雞好正😋。蟹籽燒賣王皮薄餡靚，比起平時食到嘅點心嘅用料更加正🫶🏻。鮮蝦腐皮卷新鮮炸起，口感超級正。脆卜卜嘅腐皮，包住足料彈牙嘅蝦肉🙂‍↕️。咖喱蒸魷魚嘅份量幾多，咖喱醬汁夠晒香濃，好夾爽口嘅魷魚🔥。老馮鹹水角大大粒，裏面嘅配料係自己調味，肉香味同醬香味好夾✨。沙嗲金錢肚口感夠軟腍，而且好入味、好香口💖。💰茶芥(每位$6)💰臘腸滑雞飯($39)💰蟹籽燒賣王($35)💰鮮蝦腐皮卷($28)💰咖喱蒸魷魚($33)💰老馮鹹水角($20)💰沙嗲金錢肚($33)

踏入老馮茶居，仿舊屋邨的裝潢立即勾起舊香港回憶，晾衫竹，雜貨店等佈置精美鵪鶉蛋燒賣皇 $33很久不見的點心，肉餡鮮甜有大大隻蝦，鵪鶉蛋雖細但蛋香濃郁古法牛肉球 $26牛肉餡料紮實多汁，非常足料沙嗲豬大腸 $33大腸爽而不韌帶濃郁香味，沙嗲醬香濃掛汁蠔皇鮮竹卷$26皮薄餡多，鮮竹香與蠔油香完美融合XO醬蘿仔糕 $30外層炸至金黃色，裡面蘿蔔糕很香，外脆內軟，整體帶XO醬的微辣鹹香香滑牛肉腸 $26腸粉皮軟糯，牛肉餡足料鮮嫩鳳爪排骨飯 $37排骨和鳳爪都軟嫩且入味，配上油潤飯粒非常香口以現今茶樓價位來說相當親民，但記得先取位，因為食飯時間要排隊

飲茶唔係一定要去茶樓~老馮茶居就係其中一個好選擇!裝修好有70-80年代情懷，入到去係有種穿梭時空咁~碗杯茶壺，連洗野個紅膠兜都一樣咁有Feel!點心種類都多，而且仲有啲創意野，例如見到有個新出品 - 麻辣豬手豬皮腸粉，腸粉份量多仲好滑嘟嘟!豬皮豬手好入味，唔會太辣但又好惹味🥰🥰 鮮蝦腐皮卷，超級脆卜卜，仲有大大隻蝦係入面~流沙芋泥包，搣開真係好流心~唔會好甜但好香芋頭味😚古法牛肉球，唔會好鬆泡泡，係懷舊味道!😛咖哩蒸魷魚，個咖哩汁超濃超正!! 必叫之選😍臘腸滑雞飯，臘腸味好香~雞件有雞味又嫩滑，配上蒸飯豉油十分出色😋最重要係性價比好高!叫左咁多點心都係人頭$100內~

今次拉咗鬼佬去體驗下舊式香港嘅飲茶文化🫖（可惜都唔係推車仔🥹）呢間點心舖好多人幫襯，由我哋去到，到食完走，都一直有人等位。餐廳入面啲枱唔係好大，未必容納到一枱多過8人🤔有別於一般茶樓，呢間餐廳除咗有中茶飲，仲有其他飲品，例如凍/熱咖啡/奶茶，汽水，等等☕️呢度啲點心唔係計大中小點，而係明碼實價，價錢一目了然😌我哋4個人叫咗8樣點心，一個甜品（薑汁燉鮮奶），埋單都係$250左右，無加一服務費，茶錢只係$6一位，啲茶仲要係用茶葉沖（而家好多茶樓都係用茶包🥲），比起其他茶樓抵食👍🏻點心方面，所有食物都係即叫即整，所以擺到上枱都仲係熱辣辣，好正😋我哋超欣賞佢個蘿蔔糕，真係食到一絲絲蘿蔔😍而鬼佬就好鐘意個老馮金沙米皇腸，外軟內脆（腸粉入邊係炸蝦）😗值得一提嘅係鵪鶉蛋燒賣，而家真係買少見少，必食！留意番，佢哋啲包點係一籠2舊，如果多人食，記得叫多2籠🤗

好友知道我喜歡有特色的舖頭，就趁週末帶我去這間充滿老香港味道的地道酒樓打卡。全店以昔日香港店舖作為背景，搭配那個時代的用品，氣氛真的👍🏻👍🏻✨ 金牌炸芋角✨$18 (爆推🌟🌟🌟🌟🌟)食完這個，我兩眼發光🤩🤩一啖下去，皮薄香脆，完全爆餡。芋頭蓉非常軟糯，包裹着粒粒芋頭粒，口感超好❤️。✨老馮流沙芋泥包✨$20 (爆推🌟🌟🌟🌟🌟)非常出色，一撕開，芋頭香味撲鼻而來。淺紫色的流心芋泥傾瀉而出，絲絲微甜，十分好吃。✨ 沙嗲金錢肚✨ $33金錢肚惹味彈牙，下面嘅豆卜吸滿沙嗲汁，超級入味，好食。✨ 蠔皇鮮竹卷✨$26非常大條，餡料豐富，滿滿豬肉餡料，紅蘿蔔及西芹等。即叫即蒸，熱辣辣好好食。✨ 四寶滑雞扎✨$33而是很喜歡這道點心，內有滑雞，大件的冬菇、魚肚及芋頭。份量不少，非常飽肚。✨ 蜜汁叉燒腸✨$26腸粉皮非常滑嫩，薄身，包裹着份量頗多叉燒，搭配微甜的豉油，不錯。✨蝦醬蒸腩仔飯✨ $43 (爆推🌟🌟🌟🌟🌟)難怪是招牌，見到每台客人也有點上。蝦醬味香濃，但不會過膩。蝦醬的鹹香配上腩仔及白飯，的確係天作之合，迅速光盤。食物即點即做，水準甚高。在如此特色的環境下飲番杯茶，的確係人生一大享受。想睇更多