老馮茶居 (荃灣千色匯II)

依日去咗荃灣千色匯，行完係商場地舖 "老馮茶居" 歎番一盅兩件先 ~ 茶居店內以懷舊風格設計，枱櫈、碗筷、裝飾及食品都好特色，完全感受到老香港情懷，別有一番風味！老馮鮮蝦餃      $36蝦餃皮薄，唔會又濕又淋，餡料方面好多蝦肉，而且好大隻，仲好新鮮，爽口彈牙，連埋啲鮮筍 一齊食，口感豐富。XO醬蘿蔔糕       $30蘿蔔糕炸完非常香脆，形狀長長方方，外脆內軟，入面有臘味等食材，本身已經好夠味，連埋XO醬更加惹味。古法牛肉球        $26覺得牛肉球係精選之作，呢度用新鮮牛肉製，味道特別鮮嫩、香滑，味道特出之餘，十分美味。豉汁蒸鳳爪       $26鳳爪都幾大隻，醃得夠入味，外皮軟淋香口，而且較易咬開，水準同一般酒樓分別都幾大。豉汁蒸排骨       $26排骨嘅肉同脂肪分佈好均勻，口感軟身但有少少咬口，肉質鮮嫩，蒸製時間掌控得啱啱好，面層鋪滿蒜蓉，食起嚟更滋味。香滑牛肉腸        $26腸粉皮薄好滑，內裡餡料豐滿，口感好軟，牛肉非常新鮮，加埋豉油，更帶出牛肉腸嘅美味，很好吃。金牌炸芋角       $18炸芋角入口鬆化，炸得香脆，芋泥質地軟綿綿，入面餡料滿滿且熱辣

一開始俾佢個名吸引住因為叫老馮😂但係原來店裏便用六七十年代嘅裝修，感覺好懷舊！而且裝修得好靚！好多時平時啲酒樓都已經閂晒門，得返專門食點心嘅舖頭可以夜晚食點心！我哋點咗薑蔥牛柏葉，咖喱蒸魷魚，蟹籽燒賣王，鮑汁柚皮鴨腳札，古法千層糕同埋凍嘅薑汁燉鮮奶🍴佢哋全部都係即叫即蒸，嚟到嘅時候影一輪相都仲係超級熱👍🏽薑蔥牛柏葉個芡汁啱啱好！牛柏葉爽口彈牙，因為出邊好多時食牛柏葉我都咬唔爛😂然後咖喱魷魚嘅魷魚大大塊！同牛柏葉一樣都係好彈牙！不過如果咖喱汁可以傑身少少就完美啦😗蟹籽燒賣王超級大粒！而且仲有好多隻蝦！個人認為好推～然後見到鮑汁油皮鴨腳札係我未試過同埋未喺酒樓見過嘅～見佢寫住推介就試吓，因為見其他枱都有人食緊！嚟到個樣勁似雞扎～都係用腐皮包住鴨腳炆得好腍！柚皮其實好難整，仲要佢整到一啲渣都冇！出色！之後古法千層糕，我覺得有別於出邊嘅！依度嘅千層糕比較厚實，食落好飽肚最後個薑汁燉鮮奶，職員好好～一開頭問我哋使唔使後上然後見我哋差唔多食完會主動問我哋係咪而家上！鮮奶好滑～如果薑汁重啲嘅話就正啦（可能我比較重口味）整體嚟講性價比好高！其實想試佢啲砵仔飯，都只係30幾蚊～要下次試埋佢！同埋搽位都只

呢間點心店我之前喺元朗食過，覺得裝修佈置好用心好特別🤩今次去荃灣分店回味下😚點心店係以60、70年代老香港為裝潢主題，有屋邨嘅走廊、鐵閘，又有賣柴米油鹽嘅雜貨鋪等等😌點心唔會有太多花巧嘢，係傳統嘅味道👍🏻😋仲要係即叫即蒸▪️古法千層糕千層糕夾雜咗奶黃，偏重蛋黃香味▪️片香馬拉糕傳統用蔗糖做嘅馬拉糕，空氣感幾重，入口幾鬆軟😌▪️沙嗲豬大腸大腸好肥美，好邪惡🤣沙嗲醬好入味👍🏻伴菜有麵筋▪️老馮鮮蝦餃唔算太大粒，但係好足料，皮唔會過厚🤩餡料有蝦、筍、豬肉▪️鵪鶉蛋燒賣皇懷舊點心之選，而家出邊酒樓好少有鵪鶉蛋燒賣🥹鵪鶉蛋加豬肉餡味道幾夾▪️蠔皇鮮竹卷食點心私心之選🤣去飲茶食點心必定會叫鮮竹卷😆呢款蠔油味適中，唔會太濃▪️XO醬蘿蔔糕係炸嘅XO醬蘿蔔糕，有少少熱氣，但好似重XO醬味又唔會太辣，幾啱重口味人士😂

好喜歡去呢間🫖，鍾意佢嘅懷舊做主題， 無論食物既質素同打卡我都覺得一流👍🏼😍好值得， 係一間不停encore嘅好地方❤️，所以一有時就會去食🥰呢日抽到時間就黎整番個一盅兩件先😋🦑咖哩蒸魷魚呢樣都係我必叫 ，老鳳嘅蒸魷魚， 蒸到恰到好處， 保持島魷魚鮮嫩嘅口感🥰🦀蟹子燒賣王喺老馮，我一定會必叫，但 有時去其他酒樓 ，我未必會嗌燒賣，因為唔知點解味道麻麻，🧆金牌炸芋角炸到外酥內軟， 啲芋頭餡好香滑😋🥢老馮金沙米皇腸呢款絕對係精緻嘅點心， 腸粉皮唔會好厚， 佢嘅特色金沙， 係用鹹蛋黃制成， 又邪惡又好味😍🐔八珍糯米雞糯米雞都係一款好受歡迎嘅點心， 呢個八珍糯米雞仲好大隻又足料👍🏼，🥛薑汁燉鮮奶最後嚟一碗 溫暖又滋補嘅薑汁燉奶❤️ 食落去已經有淡淡嘅薑香，好正， 口感又好滑

荃灣千色滙地下有間「老馮茶居」，係外面巴士站近幾步就到，位置方便。荃灣比較少點心專門店可以飲夜茶，依間幾好👍。又有點心、燉湯、蒸飯及甜品，選擇多元化。餐廳內環境以懷舊氣氛為主調，一邊打造成冰室的茶座，另一邊以公屋為裝潢：地下是雜貨店，樓上是住宿。打卡一流，同朋友來依到聚會又多個話題。燉湯：有兩款燉湯選擇，包括：螺頭燉瘦肉湯及蟲草花燉雞湯用燉盅燉嘅湯味道👅特別鮮甜，而且非常足料。蝦醬蒸腩仔飯：用蝦醬蒸飯超級惹味，加上用砵仔蒸，好有風味。腩肉肉質爽脆，一啲都唔韌。點心：鮑汁柚皮鴨腳扎、鮮蝦腐皮卷（餐廳推介）、老馮鮮蝦腸好少酒樓，仍然有柚皮鴨腳扎售賣，比較懷舊。柚皮充滿鮑汁味道，而且軟綿綿。而鮮蝦腐皮卷外皮超級香脆，好似食薯片咁，內裏嘅蝦大隻同彈牙。$6/茶位，食點心蒸飯一定要用茶配搭，非常潤喉。一盅兩件既休閒時光，好享受😎。

由元朗開到去荃灣嘅「老馮」，店內裝潢以舊香港茶樓做主題，無論茶具枱凳周圍佈置都好似時光倒流60年😆見隔離左右食客都影呀影相機食先，可想而知呢度嘅環境同食物幾咁啱打卡😁人山人海，有啲料到😆同朋友兩個人總共嗌咗五個點心加一盅蒸飯，份量足，食到捧住個肚走😂💫老馮金沙米皇腸腸粉入面包住炸米網蝦春卷，蝦肉彈牙，口感層次豐富💫老馮鮮蝦餃略嫌個皮厚咗啲同稍韌，不過一夾無分體，蝦肉都鮮甜💫鳳爪排骨飯比預期中大盅！排骨好多，仲要肉多過骨，抵食，CP值高！💫咖喱蒸魷魚魷魚咬落柔韌，索晒啲港式咖喱汁超惹味💫金牌炸芋角作為芋頭控嘅我對呢件蜂巢芋角非常滿意👍🏻蜂巢色澤金黃，入口即化，芋蓉軟滑💫古法千層糕香港越嚟越少地方可以食到千層糕喇⋯ 口感鬆軟，糕餡滿口咸蛋黃嘅甘香，大推～

呢晚驚覺自己都有幾個月冇去過茶樓，突然好掛住茶樓啲點心，但係夜晚茶樓又唔會有點心食，就搵咗呢間點心店，解一解思點心之苦😂咖喱蒸魷魚幾鍾意佢嘅蒸魷魚醬汁唔會好多，每件大大件🦑 魷魚爽口，咖喱味道帶點辛辣，非常惹味。四寶滑雞扎呢一個滑雞扎用一層腐皮包裹住，入面有滑雞件、冬菇、魚肚同埋豬肚，真係夠晒懷舊😍古法千層糕呢個真係要趁熱食，千層糕非常軟熟，總共有五層😗 因為有椰絲，咬落口千層層次同埋口感豐富。老馮流沙芋泥包紫色嘅外皮好特別，搣開呢個熱辣辣嘅包，入面嘅芋泥餡料真係一湧而出🔥 呢個流沙芋泥餡料唔會太甜，鍾意食流沙包嘅朋友可以試吓。老馮滑蝦腸腸粉好滑，入面包裹住三隻大蝦，蝦仁爽口彈牙，簡單加少少豉油，已經非常美味🦐金牌炸芋角呢一個芋角都係好懷舊嘅點心，除咗似鳥巢嘅外層之外，中間有一層軟綿綿嘅芋泥，在入面就有啲肉碎🐷鮮蝦腐皮卷一份有三件，外層嘅炸腐皮好正，入面都有好多蝦仁，配少少喼汁，真係絕配😆呢度嘅點心都幾真材實料，特別係蝦腸同腐皮卷，啲蝦餡真係放得好滿🍤 餐廳嘅懷舊裝修可以俾大家懷緬一下。

店名：老馮茶居地點：荃灣千色匯II 地下G30-G33號舖1.蜜汁叉燒腸 $26腸粉皮薄餡靚，晶凝通透，口感嫩滑，好好味。2.正宗潮州粉果 $23粉果皮厚度適中，煙煙韌韌，爆餡，餡料香味十足，正。3.鵪鶉蛋燒賣皇 $33鵪鶉蛋燒賣好耐冇食啦，估唔到呢間竟然有，好懷舊，唔錯。4.老馮鮮蝦餃 $36蝦餃皮厚度適中，煙煙韌韌，蝦味十足超好食。5.古法千層糕 $26千層糕唔同一般嘅糯米千層糕。佢係麵包嘅質地做最外層，裏面嘅餡係類似蛋黃奶黃餡，超級好食。6.蝦醬蒸腩仔飯 $43蝦醬腩味，超香好嫩滑彈牙，又唔會太多肥豬肉，配埋個飯勁香勁好食。茶芥2位$12總價$199

老馮茶居鍾意食一盅兩件嘅你🫵🏻就在荃灣😝老馮茶居全店裝修好用心，食具都好乾淨衛生👍擁有香港七八十年代懷舊風情味道😋佢嘅點心同燉湯都係熱辣辣!即叫即蒸上檯，每籠點心都係花盡心思❤️食材新鮮。尤其佢嘅蒸排骨，用料唔肥唔瘦，剛剛好，滑唔油膩，豆豉味啱啱好，唔會蓋過排骨味，蒸得岩岩好😉👍鳳爪亦都唔錯，冇得頂。佢嘅鳳爪肉厚，醬汁正！魷香肉餅砵仔蒸飯🍚亦出色，米飯煮得剛啱好，肉餅有彈牙，帶魷魚香，唔會食粉餅既感覺。👏🏻最後嚟個燉湯，螺肉夠腍，反映燉得恰到好處好夠火喉同時間。價錢合理，兩人$200就飽哂。環境好，食物好，服務好 🫶🏻 不妨拍吓拖食返一盅兩件 👫❤️🍽️老馮茶居 #荃灣美食 #香港美食 #飲茶 #一盅兩件 #懷舊 #hkfoodie

今日星期六 中午12:30已經人山人海 等飲茶😵‍💫 眼見舖位唔大 不過keep住有人嚟排隊 等了半小時多終於有位😚 啲裝修好特別，好有懷舊風情 價錢合理 每款大約 $20幾至 $50 比出面一搬酒樓差不多一樣價錢食物味道可以 唔中伏 食物新鮮最好味是 豆豉蒸鳳爪 多肉😚唔似出面一搬蒸過龍水汪汪 呢度仲有燉湯飲 正呀大至上都好食 下次要再早D黎排隊

之前朋友向筆者介紹過「老馮茶居」，表示他們出品的點心質素不錯。起初以為「老馮茶居」只有元朗店，原來荃灣也開了分店。「老馮茶居」荃灣店位於千色匯II地下。店內裝潢授用懷舊風，令人想起60-70年代的舊香港。蝦餃有4粒，size都幾大粒。透明晶瑩的餃皮下，包裹著鮮蝦仁，口感彈牙帶爽。但就略嫌餃皮未夠薄身。買少見少的懷舊點心，鵪鶉蛋燒賣便是其中之一。燒賣肉餡由豬肉、蝦肉混合而成，入口有彈牙起膠的口感。再加上鵪鶉蛋的蛋香，味道細膩之餘，又充滿鮮香味。屬於他們招牌菜的古法千層糕，據悉做工非常複雜。千層糕黃白相間，中間分別混有冰肉、鹹蛋黃、糖冬瓜、鮮牛油、椰絲等材料。味道甜中帶鹹，尤其以鹹蛋黃的香味最為明顯，質感十分鬆化。幾特別又有創意的一款腸粉！雪白滑溜的腸粉皮內是炸米網蝦春卷，入口先滑後脆。春卷內有原隻蝦肉，鮮香彈牙。輕輕一口就有3種截然不同的口感。鯪魚球炸香至黃金色。外皮帶少許韌勁，魚肉內餡juicy帶起膠彈牙感。配上蜆介醬，鯪魚肉的鮮味更加突出。燉鮮奶質感滑嫩，奶味香濃，又有薑汁獨有的辛辣感微微滲出。美味養顏的一道甜品！

今晚同媽咪在荃灣行完街購物🛍️ 到了晚餐時間（以下是我與媽咪既對話）👧🏻：今晚想食咩做晚餐👩🏻：突然好想飲茶👧🏻：下 夜晚飲茶…咁比我諗諗荃灣邊到有得飲茶食點心先就去老馮茶居黎個一盅兩件之夜🫖(⁎⁍̴̛ᴗ⁍̴̛⁎)用上懷舊擺設，裝修仿照六、七十年代屋邨環境，加入左士多辦館、醬油雜貨特色等元素，連餐具都用上歷史悠久既雞公碗，甚有舊香港味道🇭🇰點心種類豐富，餐廳主打懷舊點心，好似鵪鶉蛋燒賣、八珍糯米雞、古法千層糕除咗中式茗茶，仲有港式檸檬茶，奶茶等選擇🔺茶芥 $6/位有幾種茶可以挑選我地揀左香片，茶香味濃，淡淡清香 🔺五柳炸雲吞 $30炸到熱辣辣新鮮上枱，炸得好脆 雲吞包住好大隻蝦🦐香脆可口.ᐟ.ᐟ🔺蟹籽燒賣王 $35超大粒，滿滿蟹籽作點綴每粒都是足料飽滿既蝦肉同豬肉 難怪叫做燒賣王 🔺老馮鮮蝦餃 $36一籠四粒鮮蝦餃水晶皮好薄，皮薄餡靚每粒包住兩三隻蝦肉，大粒爽口彈牙🔺薑蔥牛柏葉 $33牛柏葉份量唔少 加入薑蔥牛柏葉爽脆入味 🔺螺頭燉瘦肉湯 $42燉湯好足料，有螺頭、椰子片、瘦肉 湯頭清甜滋潤，適合現在入秋飲🍂有媽媽煲湯暖暖既味道👩🏻🔺金牌炸芋角 $18一碟兩件炸芋角外皮炸到像蜂巢窩般，外酥內軟

🍽️食物方面：⚜️老馮金沙米皇腸💲38口感特別 脆脆地米紙+蝦腸 🐷沙嗲豬大腸💲33大嚿入味啱啱好 豆卜索晒汁🦐老馮鮮蝦餃💲36 飽滿大粒 蝦彈牙🦆鮑汁柚皮鴨腳扎💲33柚皮腍無渣唔苦 仲夾咗嚿嫩肉🏅金牌炸芋角💲18好快上得 小小鹹幾特別🐤蟲草花燉雞湯💲42唔油 足料 飲完好舒服🫚薑汁桂圓紅棗糕💲23煙韌大嚿 少少薑味唔會太甜🫖鐵觀音每人💲6 多茶葉 好濃味📷打卡方面：多懷舊嘢 公雞碗碟 街市燈🔈環境方面：Staff好忙好快手都nice兩個人要搭枱都唔逼💬其他資訊：📍老馮茶居荃灣荃灣街市街67-95號荃灣千色匯II 地下G30-G33號舖💰人均💲120

【荃灣•老馮茶居】@ππππππππππππππππππππππππππππππ荃灣飲茶我揀老馮八珍糯米雞黑椒牛仔骨鮑汁柚皮鴨腳札金牌炸芋角老馮金沙米皇腸香滑牛肉腸八珍糯米雞糯米雞讓人感受到濃郁的傳統風味，雞肉鮮嫩，米粒吸收了豐富的雞汁和香料，口感滑順。八種配料的搭配，不僅帶來層次感，還增添了香氣黑椒牛仔骨黑椒牛仔骨的肉質鮮嫩，經過精心醃製，黑椒的香氣撲鼻而來。肉質的纖維感適中，咬下去時，肉汁四溢，搭配微微的辛辣鮑汁柚皮鴨腳札鴨腳札的鮑汁非常醇厚，柚皮的清香與鴨腳的濃郁相得益彰，形成令人驚喜的味覺對比。鴨腳肉質軟滑，入味十足金牌炸芋角金牌炸芋角外酥內軟，芋頭的香甜與外層的金黃酥脆形成完美的對比。每一口都充滿了滿足感老馮金沙米皇腸金沙米皇腸的口感相當特別，外層的米粉韌性十足，內裡的餡料則是香濃的肉類，帶有淡淡的海味。醬汁的調配恰到好處香滑牛肉腸香滑牛肉腸的肉質非常鮮嫩，油脂分布均勻，咬下去時，肉汁與香料的風味交織，讓人感受到肉類的鮮美。這道菜在口感上相當豐富餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 200✨✨✨✨✨✨✨✨✨✨✨✨✨#荃灣美

揀好點心後，職員好快落單，20:02落完單叫我睇吓有冇錯，我發現多咗個糯米雞，叫職員幫我睇睇，原來自己take錯咗，問佢可唔可以取消，佢話師傅已經蒸緊隻糯米雞，冇得取消，但由落單嗰一刻到我們發現剔錯咗全程唔夠30秒，ok算數，我再點多個雞扎（落單時間20:05），但前後大約5分鐘（20:07）隻糯米雞就放咗喺枱面，我問職員點解可以咁快蒸完出嚟？ 我已經嬲到唔記得個職員答我乜嘢，anyway 你唔肯取消都唔緊要，唔好答我已經蒸緊隻糯米雞，但幾分鐘後隻糯米雞已經擺咗喺枱面，我覺得成件事好肉酸。大約兩年前開始嚟老馮飲茶，佢哋有d點心係好食，但糯米雞同芋角，我真心講句……係唔掂。同埋經過今次嘅經驗，應該以後唔再嚟