老馮茶居 (荃灣千色匯II)

今晚同媽咪在荃灣行完街購物🛍️ 到了晚餐時間（以下是我與媽咪既對話）👧🏻：今晚想食咩做晚餐👩🏻：突然好想飲茶👧🏻：下 夜晚飲茶…咁比我諗諗荃灣邊到有得飲茶食點心先就去老馮茶居黎個一盅兩件之夜🫖(⁎⁍̴̛ᴗ⁍̴̛⁎)用上懷舊擺設，裝修仿照六、七十年代屋邨環境，加入左士多辦館、醬油雜貨特色等元素，連餐具都用上歷史悠久既雞公碗，甚有舊香港味道🇭🇰點心種類豐富，餐廳主打懷舊點心，好似鵪鶉蛋燒賣、八珍糯米雞、古法千層糕除咗中式茗茶，仲有港式檸檬茶，奶茶等選擇🔺茶芥 $6/位有幾種茶可以挑選我地揀左香片，茶香味濃，淡淡清香 🔺五柳炸雲吞 $30炸到熱辣辣新鮮上枱，炸得好脆 雲吞包住好大隻蝦🦐香脆可口.ᐟ.ᐟ🔺蟹籽燒賣王 $35超大粒，滿滿蟹籽作點綴每粒都是足料飽滿既蝦肉同豬肉 難怪叫做燒賣王 🔺老馮鮮蝦餃 $36一籠四粒鮮蝦餃水晶皮好薄，皮薄餡靚每粒包住兩三隻蝦肉，大粒爽口彈牙🔺薑蔥牛柏葉 $33牛柏葉份量唔少 加入薑蔥牛柏葉爽脆入味 🔺螺頭燉瘦肉湯 $42燉湯好足料，有螺頭、椰子片、瘦肉 湯頭清甜滋潤，適合現在入秋飲🍂有媽媽煲湯暖暖既味道👩🏻🔺金牌炸芋角 $18一碟兩件炸芋角外皮炸到像蜂巢窩般，外酥內軟

🍽️食物方面：⚜️老馮金沙米皇腸💲38口感特別 脆脆地米紙+蝦腸 🐷沙嗲豬大腸💲33大嚿入味啱啱好 豆卜索晒汁🦐老馮鮮蝦餃💲36 飽滿大粒 蝦彈牙🦆鮑汁柚皮鴨腳扎💲33柚皮腍無渣唔苦 仲夾咗嚿嫩肉🏅金牌炸芋角💲18好快上得 小小鹹幾特別🐤蟲草花燉雞湯💲42唔油 足料 飲完好舒服🫚薑汁桂圓紅棗糕💲23煙韌大嚿 少少薑味唔會太甜🫖鐵觀音每人💲6 多茶葉 好濃味📷打卡方面：多懷舊嘢 公雞碗碟 街市燈🔈環境方面：Staff好忙好快手都nice兩個人要搭枱都唔逼💬其他資訊：📍老馮茶居荃灣荃灣街市街67-95號荃灣千色匯II 地下G30-G33號舖💰人均💲120

【荃灣•老馮茶居】@ππππππππππππππππππππππππππππππ荃灣飲茶我揀老馮八珍糯米雞黑椒牛仔骨鮑汁柚皮鴨腳札金牌炸芋角老馮金沙米皇腸香滑牛肉腸八珍糯米雞糯米雞讓人感受到濃郁的傳統風味，雞肉鮮嫩，米粒吸收了豐富的雞汁和香料，口感滑順。八種配料的搭配，不僅帶來層次感，還增添了香氣黑椒牛仔骨黑椒牛仔骨的肉質鮮嫩，經過精心醃製，黑椒的香氣撲鼻而來。肉質的纖維感適中，咬下去時，肉汁四溢，搭配微微的辛辣鮑汁柚皮鴨腳札鴨腳札的鮑汁非常醇厚，柚皮的清香與鴨腳的濃郁相得益彰，形成令人驚喜的味覺對比。鴨腳肉質軟滑，入味十足金牌炸芋角金牌炸芋角外酥內軟，芋頭的香甜與外層的金黃酥脆形成完美的對比。每一口都充滿了滿足感老馮金沙米皇腸金沙米皇腸的口感相當特別，外層的米粉韌性十足，內裡的餡料則是香濃的肉類，帶有淡淡的海味。醬汁的調配恰到好處香滑牛肉腸香滑牛肉腸的肉質非常鮮嫩，油脂分布均勻，咬下去時，肉汁與香料的風味交織，讓人感受到肉類的鮮美。這道菜在口感上相當豐富餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 200✨✨✨✨✨✨✨✨✨✨✨✨✨#荃灣美

揀好點心後，職員好快落單，20:02落完單叫我睇吓有冇錯，我發現多咗個糯米雞，叫職員幫我睇睇，原來自己take錯咗，問佢可唔可以取消，佢話師傅已經蒸緊隻糯米雞，冇得取消，但由落單嗰一刻到我們發現剔錯咗全程唔夠30秒，ok算數，我再點多個雞扎（落單時間20:05），但前後大約5分鐘（20:07）隻糯米雞就放咗喺枱面，我問職員點解可以咁快蒸完出嚟？ 我已經嬲到唔記得個職員答我乜嘢，anyway 你唔肯取消都唔緊要，唔好答我已經蒸緊隻糯米雞，但幾分鐘後隻糯米雞已經擺咗喺枱面，我覺得成件事好肉酸。大約兩年前開始嚟老馮飲茶，佢哋有d點心係好食，但糯米雞同芋角，我真心講句……係唔掂。同埋經過今次嘅經驗，應該以後唔再嚟

好耐冇飲茶，突然好想食點心，所以今日收工搵咗間懷舊嘅茶室食晚飯。晚上八點幾鐘，店內人唔算多，座位都坐得好舒服。我哋兩個人叫咗好幾籠點心，上菜速度都好快 ，食物味道正常發揮，服務都唔錯。

人氣酒樓，係網上面睇到老馮茶居既介紹，知道長期排隊，趁今日放假專登過嚟打卡，果然好抵食又好味！我大概下午2:00到，門口仲排緊10幾人不過都唔係等咗好耐，大概15分鐘就有位啦我最鐘意食佢地個蝦醬腩仔飯，好惹味仲有佢哋個芋泥包，鍾意食芋頭嘅朋友一定要試，另外薑汁桂圓紅棗膏都好出色！口感煙靭，又唔會太甜，最重要三個人食埋單都唔使$200！果然性價比高佢哋嘅裝修都好特別，係模仿以前舊公屋嘅裝修坐喺入面飲茶，就好似回到小時候

啲嘢難食咗好多！！！疫情期間成日嚟食點心，啲嘢係好味嘅，但係而家點解一落千丈？貴咗唔係問題，但係所有點心都差到比一般酒樓更差！平時嘅高質點心去咗邊？keep唔到水準就會越嚟越少客，跟住又會執多一間！

食到一肚氣，個個待應的面口好似欠佢十萬九千七咁，剛剛坐低張圓枱，未order食物，見有卡位走，已經好聲好氣同待應吾好意思講想轉枱，個待應收完枱，竟然好悔氣同我講：「等我抹完枱，之前張枱啲餐具自己執過嚟！」其實我連茶都未斟，杯都未洗，我已經都算數，仲要全程對住我地西口西面無水洗面咁！食到尾聲，未夠9:15分有個呀姐已經收走出面既櫈，仲好大力掉底，好大聲講收工，其實我地入單時間係20:34分，點心仲要蒸，過程真係吾係坐低左好耐，係剛剛食完，茶都未飲多杯，態度洗吾洗咁呢？咁嘅服務態度，點心有幾好食都無用，講過以後吾會再黎幫襯！夜茶吾係得你一間！廣告仲賣：「做多一步，好客之道！」我話：「行慢一步，小到反肚」就真！

今日放假突然想吃點心，又唔想去酒樓，去到不用等位，可能時間尚早，店內都九成滿，點左四個點心，沙爹猪腸幾好味，鯪魚球，雞扎，燒買，味道尚可，又唔算特別好。侍應服務態度都OK

住葵青區既我成日都會黎荃灣呢間老馮茶居飲茶，因為佢啲點心既水準一直都保持得好好，雖然要排隊但係都尚算值得，每次排既時間唔同，建議搵代表去排，其他可以行下千色😂咖哩魷魚🦑爽口好食燒賣好足料鳳爪夠惹味蝦餃皮就厚左小小

平日去食午餐，諗住唔會好多人啦，點知都要排半個鐘，入座計90分鐘，仲只可以落單一次，唔可以加單，所以一路排隊，一路諗埋食埋先得。茶居裝飾得好特別，好有以前香港唔同鋪頭嘅裝飾同特色，好有香港味。一般茶樓點心都有，可以滿足一盅兩件嘅酒樓癮。牛栢葉平時酒樓會有蘿蔔墊底，但呢度無，真係全碟牛栢葉，份量足。咖喱魷魚流沙芋泥包靚靚紫色嘅表面，夠軟熟，芋泥唔會太甜，但未算好流沙，還好。牛腩腸粉牛腩好稔，牛腩汁好香又惹味，腸粉又滑，2者配合都好好。雖然我以為牛腩腸粉應該係裏面包牛腩，而唔係表面，但都可以接受。如果唔使排隊，可以再試。

呢間點心店我encore左幾次，去過大埔同荃灣分店同食過外賣，每次食都覺得好高質😍 有幾款特別推介: 🌟金牌炸芋角 ($18/2粒)- 外層炸得好酥脆，入面嘅芋頭溶好有鹹香😋🌟鵪鶉蛋燒賣皇 ($30) - 唔係好多地方有得食呢款燒賣，鵪鶉蛋細細粒但係蛋黃香同燒賣好夾☺️🌟XO醬蘿蔔糕 ($28) - 蘿蔔糕切左正方體咁然後炸香左每一面，比起普通煎蘿蔔糕更加焦香，XO醬好夠味正啊🥰🌟鮮蝦餃 - ($33) 每一粒都超飽滿，而且蝦好鮮甜爽脆😚🌟懷舊砵仔蒸飯 ($36-52)- 飯粒粒分明有少少飯焦，有唔同料揀☺️呢間點心好高質，每樣都係細細份一次過可以試多幾款🥰📍老馮茶居荃灣千色匯II 地下G30-G33號舖大埔安慈路1號海寶花園地下14號舖元朗大棠路66號地舖🍽️8.2/10

4-5-2024(Sat)朝同老公去荃灣食早餐，唔知食邊間好，老馮？多唔多人呢？好似冇乜人等位，於是行嚟， 見到真係唔多人等位，於是我哋排隊，等咗大約八分鐘就有位。喺等位嘅時候已經揀定要咩嘢點心，所以一坐低就即刻可以畀張紙佢哋入單，等咗10分鐘左右，嘢食就到嚟:1. $33.00嘅沙爹金錢肚金錢肚口感啱啱好，唔會太腍有咬口，而沙爹味都啱啱好，以為墊底嘅係豆卜，但又唔係空氣感而有咬口，老公話似係麵筯。5分2. $33.00嘅沙爹豬大腸豬大腸夠腍，但我食到有嗰種腥味。2.5分3. $26.00嘅豉汁蒸鳳爪同樣夠腍，味道正常。3分4. $36.00嘅黑椒牛仔骨 好夠腍，味道亦唔錯。5分5. $26.00嘅古法牛肉球鬆軟，正常冇問題。4分6. $33.00嘅鮑汁柚皮鴨腳扎唔記得以前有冇食過柚皮，寫到呢喥，記得好似好耐之前，同爸爸，依家嘅嘅老公，即當時嘅男友，喺新蒲崗嘅得龍大飯店食過，於是check返，果然係食過，食評係2010年5月23日刊登嘅呢篇:https://www.openrice.com/zh/hongkong/review/%E7%B5%82%E5%84%9F%E6%89%80%

我們平日下午2點半入座，其實周圍都有下午茶，我哋唔介意，抱住支持下嘅心態去幫襯。誰不知遇上態度惡劣、貌似老闆娘不可一世嘅女店員。我們5人只被分配坐4人檯，加凳坐都唔緊要，最嬲係遇上女店員態度惡劣。真係無下次。話說我哋加單，女店員說只可以坐1小時（入座無講，餐牌無講），所以唔俾我哋加單（真係匪夷所思）。我哋加單係因為有朋友遲到，所以需要再落單，及大家都想叫多啲嘢食支持下小店。點知惡女店員要遲到朋友另外坐一檯，話唔可以再加單，哈哈。我哋唔介意6人坐4人檯，都唔可以落單，一定要分開坐！哈哈，痴痴哋，想唔做生意咪直接出聲囉。結果，我哋一齊起身走人，去另一間餐廳消費囉。咁嘅服務態度，不知所謂！

昨天到荃灣老馮輪候飲荼，服務員叫飛4號，我持6號，我回應4號飛剛剛已經入去，那個短髮帶眼鏡的服務員兇兇的回答：你講嘢呀！你玩嘢呀！我之前沒有叫過4號，她之後望望登記牌，靜靜到在門口帶了5號飛的入座，之後她也不敢多望我一眼。天啊！這茶居是一次過，也不會推介給朋友，服務態度極極極之差。