老川皇

营业中

休息中

今日嚟咗油麻地呢頭攞嘢，行經歐美廣場見到呢間主打川菜嘅餐廳—老川皇，於是決定又去食番餐辣嘢😝水煮魚片 ($132/斤)- 水煮魚片一上檯就好震撼，表面嘅熱油仲jaja聲，新鮮熱辣，麻辣嘅香氣已經撲鼻而來😍- 魚片份量都唔錯，魚片雪白薄身，同埋最緊要係夠晒嫩，滑到會sir入喉嚨，有骨但都handle到☺️重慶風味燒烤鮮鮑魚 ($30)鮮味滿滿，嚼勁十足，口感好正；雞中翼 ($16)更加係高水準，外焦內脆，鹹香惹味；牛肉 ($16)都軟身，同埋有孜然粉嘅加持下，更加係風味十足👍🏻食得川菜緊係離唔開碳酸飲料，凍檸七 ($19)同凍檸樂 ($19)啖啖爽口解膩，超級透心涼😚餐廳都幾闊落，檯都好夠大，上菜速度一流，食得幾舒服🥰

事關琴日有啲野做經一經過旺角見到呢間又係睇左好耐又冇試過嘅物體出現眼前👀就即管去試佢一試我叫左一個水煮魚一個淨酸辣粉因為佢唔似霸王川莊個魚底已經係薯粉咁個粉嚟左先啦，係酸辣粉嚟嘅🍜小失望嘅係我叫左中辣佢個粉都係唔多辣，兼且唔多麻，同埋個薯粉好似煮過籠，我一夾佢就散好在都算滑，入口都順口嘅跟住個魚嚟啦🐟最最最抵讚嘅係佢個魚，就算我叫最平嗰個魚片，片出嚟都係好滑好鮮味嘅，總算老懷安慰個湯都係飲得嘅，鮮嘅ok好味嘅○●□■BUT■□●○我又係叫左中辣佢又係唔多辣都算🥶我係咁食到花椒粒但係佢唔夠麻兼且佢超多芽菜扮大份啲魚多骨唔怪得佢但係我上次食霸王川莊個Standard 已經set到太高一間老字號咁樣我有啲失望sad🥲

涼拌土豆絲酸酸辣辣嘅涼拌土豆絲，用嚟送飯超級正😋土豆絲切得好幼身，食落超爽口！辣度適中，平時冇食開辣嘅我都食到～水煮牛肉可以自己揀辣度嘅水煮牛，我哋叫咗小辣！😋超級夠麻夠辣而且好香～❤️❤️❤️新鮮牛肉份量都好足夠，入面都有好多配菜～唔少得我最鍾意嘅芽菜，超級入味！香芋珍珠奶茶超級濃郁嘅香芋味，唔會太甜啱啱好！珍珠都好夠Q彈，珍珠奶茶控必點阿😍紅糖糍粑個人來講超級鍾意食啲煙煙韌韌嘅嘢，糍粑真係必叫😍好有咬口，加上紅糖一齊食超好味！

心血來潮想食辣野 嚟咗呢度食dinner 叫咗幾款嘢食 夠辣夠惹味 啱曬我口味生力清啤 二十幾蚊一支 都幾抵飲口水雞 份量都算係咁 個口水汁下飯一流 辣子鮮魷 鮮魷新鮮炸起 炸漿又唔會過厚 加埋辣椒辣子拌炒 好適合當一個送酒嘅小食四川涼麵 個四川汁幾惹味 如果啲涼麵可以再凍啲就更加perfect椰菜回鍋肉 亦係送飯之選 回鍋肉走過油所以比較香口 椰菜亦炒得夠香燒茄子 表面鋪咗好多蒜蓉夾埋一齊燒 好惹味埋單三百幾 食到咁多款唔同嘅嘢食 喺旺角都算係一個好選擇

話說昨日自己一個人去歐美廣場的一間餐廳吃晚餐，叫做老川皇。門口擺放着很多椅子，應該是方便人客在等候的時候可以坐一坐休息一下 。不過昨日六點去，可能尚未到晚餐繁忙時段吧，所以不用等就直接走進了餐廳。一走進餐廳就見到有水吧部，有好多水果，哈哈。然後坐低打開餐牌 ，見到飲料那一個部份果然有好多即榨的鮮果系列。所以叫一杯即榨木瓜珍珠，再加其他餸菜和炒飯，超級豐富地食了一餐。埋單連加一服務，大概248元 。先講涼瓜煎蛋， $56。份量超級大碟，碟子非常大，涼瓜食下去不會苦。雞蛋配涼瓜，煎得好香口。平時不食涼瓜的人應該都會食，因為真的不苦。而且我記憶涼瓜有清熱氣下火功效，都幾適合現在的天氣夏日炎炎下火，哈哈，所以一整碟吃得光光的。水晶肘子，$58。賣相好吸引。肘子其實即是豬手，不過平時食豬手可能中間有一層肥膏，所以食下去感覺有點肥膩。但這個水晶肘子 ，不但沒有肥膩感，而且還有清快的感覺，可能因為這個是涼菜吧。肘子沒有肥膏，頭尾兩個部份應該是豬皮部份，但食下去，同樣沒有肥膩感。水晶通透，像清湯煉制再雪凍而成 。四川担担麵，$28。肉眼看下去好像好辣，但可能因為我叫了微辣，所以食下去只有一點點辣感，但

又一個被好評呃咗去食嘅餐廳入座前侍應要求10點準時交枱（8點50入座），但9點30先嚟碟菜。落單嗌咗麻婆豆腐、鐵板粉絲、炒娃娃菜，酸菜魚，40分鐘都未上，催咗幾次先嚟，但係逐碟逐碟上😅😅😅隔離枱同樣情況。最多人推薦嘅酸菜魚難食到三個人淨係試食完一舊就就成碗冇郁，魚唔入味，湯底成碗綠茶咁，肉多骨多皮。如果望完張相仲食得落肚真係唔簡單。菜overall咸又多味精，麻婆豆腐得個辣，唔香，好多油。娃娃菜重味精，炒粉絲香料配料多過碟粉絲。一間正評數量高企、正負評比例懸殊，但非常難食，服務中下。不可一嘅餐廳

餐廳在二樓，要上樓梯先到，老人家來要留意。齊人先可以入座，有卡位圓枱，當晚都幾滿場好熱鬧。.口水雞 | $58例牌口水雞好冰凍，點了小辣所以只是微微辣，雞肉肥厚口感豐富。爽口小木耳 | $40份量多。木耳夠清爽，如果食得太辣時，可以吃上一口清新一下，減輕辣感。金銀饅頭 | $30半打饅頭可以揀炸或蒸各一半，如果全炸要加錢。一客六舊小饅頭，饅頭比較煙韌，煉奶夠多，將小饅頭翻滾幾次也可。酸辣粉 | $28、肥牛及蟹籽丸 | 各$6酸辣粉幾大碗，酸味比較重，每一條薯粉彷彿都被酸醋包裹着，適合愛吃酸味的我。粟米 | $12、茄子 | $28茄子加了大量蒜蓉粒及孜然粉，吃起來兩種味道各很出色，茄子🍆仍然留有水份，幾抵食。

今晚朋友話食川菜，所以就去旺角食飯；店內環境大，坐得舒服；兩個人點咗三餸，一飲品已經夠飽😋落單時，店員會詢問你川菜嘅辣係程度🌶🌶🌶 泡淑鮮魷 $80炒得夠鑊氣🦑鮮魷爽口彈牙，連配菜都入味，辣得過癮 辣子蝦 $142就咁睇已經好正，香脆蝦殼包住彈牙蝦肉🦐被紅椒及花椒包圍住，香口惹味 口水雞 $58口水雞係冷吃🐔雞肉都嫩滑入味，仲要無骨，少辣都夠哂惹味，仲帶點麻，配埋香脆花生一齊食，更有層次感 (如果配埋白飯一定仲正) 柑桔青檸蜜 $19味道酸酸甜甜，柑桔加埋青檸🍋夠哂解渴 (食辣嘢飲就最啱) 老川皇旺角登打士街32號歐美廣場1樓

次次去都一定叫佢嘅串燒 加薯片 加埋蜜糖醬 一流 夠曬好味 仲有燒茄子 真系好好味 加埋蒜蓉好香 醬汁都好好味 推介大家去食 佢地仲有個辣子雞 炒到好香好爽 川菜黎講食呢間 都幾唔錯 佢個酸菜魚都想試下

人氣推薦四川小菜今日同朋友喺旺角行街，突然想食辣小炒，之前有朋友推介過旺角有個餐廳嘅四川菜食，我哋就決定去試吓佢哋嘅小炒，餐廳嘅裝修都已經好中式，對佢哋嘅四川菜都好期待！我哋叫咗個干鍋肥腸、涼拌萵筍絲、川北涼粉同埋一啲嘢飲，因為個干鍋真係幾辣下😳😳干鍋肥腸干鍋夾配料其實有好多選擇，但係我哋覺得肥腸會比較入味而且夠晒邪惡😚麻辣鮮蝦嘅味道已經令到我胃口大開，雖然真係好辣，但係都會忍唔住口係咁食🤪涼拌萵筍絲佢哋嘅萵筍絲都好開胃，萵筍絲原本就炒得非常爽口，再加上係涼拌有少少解辣的作用！川北涼粉這個涼粉也是我非常喜愛的，涼粉每條都好粗身，咬落去非常彈牙，話明係四川菜嘅涼粉點少得一大堆辣椒🌶️將啲辣椒撈埋嗰涼粉食，好爽！鍾意食辣嘅人就要試吓啦😍如果有朋友都好鍾意食辣好想試吓啲地道嘅四川菜，行過旺角都可以去依一間老字號試吓㗎！

今日行開旺角好想食辣嘢，突然記起老川皇，幾年前食過覺得不錯，所以決定再次光顧。今晚同之前去嘅時候比較，都係咁多人，不過好快就有位，唔洗等。點左水煮魚同埋干煸四季豆+一碗白飯，當然唔少得食辣嘢必點嘅coke啦😂個水煮魚比較多骨，唔記得問佢係咩魚，好彩啲骨唔算太細條，如果唔係都幾麻煩，但味道係可以嘅，叫左少辣覺得有啲唔夠辣，個底都有大量芽菜，兩個人食份量適中呢個四季豆好夠味，我地兩個食到停唔到係咁夾，好好送飯，每次都會點嘅菜式

一條街可以有兩間店舖，可知佢受歡迎程度去到邊。今次我同朋友決定去佢地既旗艦店食，之前去過佢地既總店和佐敦分店，印象深刻。旗艦店 地方真係大好多，光猛濶落，又有卡位，坐得舒服。牆上有叫人鐘，按鐘可以落order 不過，唔知係米前面張枱既客人調左枱，佢地啲餸不停送過黎，搞到我花多眼亂，選擇困難，樣樣都想食添。好在朋友制止我，最後揀左最愛既黎食。酸菜魚，辣度可以選大，中，小，甚至可以走辣。唔食辣就不會來吃了，來這兒吃飯，相信大家都是為吃辣而來。$132/斤既價錢，魚係用大頭魚，多骨，不過啲骨好長，好易弄走。魚肉也很滑，很大片。除了魚片，酸菜，還有少量蘿蔔片。這個蘿蔔片超入味，很酸很好吃。鐵板茄子佢地酸菜魚做得出色，係必然既，但估唔到，呢個茄子一樣令人驚喜。上枱時發出滋滋聲, 要等一陣先吃，怕燙嘴。茄子大大件，面層鑲了層豬肉，煎得很香脆，增口感。個汁很惹味，有少量辣椒點聚，不算太辣。沒有叫飯，就兩個人兩個菜，已經好飽好滿足。

試左酸菜魚，乾鍋肥腸，辣子雞，水煮牛肉，每一樣菜都好辣，好正宗既四川麻辣味道，肥腸有個爐一直煎住食，食到最尾就會變脆，口感又唔同左！而且份量都夠食，一定要配白飯，辣辣地送飯一流！

🌶 一定要嗌碗白飯嘅好味川菜聽朋友講話旺角有一間雖然有啲噏耷 但勝在辣得夠好味嘅川菜館！雖然入到已經感受到有一陣好強烈嘅大陸味不論裝修到餐牌嘅設計都好似去咗深圳咁樣但見假期繁忙時間竟然有位 就一於俾個機會佢老川皇嘅餸菜種類其實都算幾多，我哋兩個人嗌左金銀饅頭，做餐前小食川式回鍋肉，鮮花椒桂花魚，同埋串燒。佢哋嘅金銀饅頭同出邊嘅有啲唔同，佢哋既比較細粒可愛，可以一啖就食晒，亦都可以揀淨係金或者淨係銀（可以都係炸，可以全部都係蒸，亦都可以兩溝），味道就不過不失啦，不過作為餐前小食都唔錯。去到主菜嘅部份就有回鍋肉同埋花椒桂花魚，回鍋肉真係極度推薦！非常之有鑊氣，要回鍋肉嘅份量都非常足，唔會全部都係菜得少少肉，而且每一舊都有少少燶片非常好食，而且香辣並重我哋都忍唔住嗌咗個飯。至於花椒桂花魚就有啲失色吃，雖然個魚其實幾滑同埋幾新鮮，但係可惜個調味有啲怪怪地，唔似一般喺出邊食到嘅花椒桂花魚，個湯比較酸，有少少好似檸檬味，但就真係冇乜花椒嘅感覺，我諗應該水煮會比較好食，所以就唔係幾建議大家食花椒桂花魚至於串燒方面首先等候時間就比較耐，我哋差唔多食晒啲主菜，再吹左一次次單先上枱。雖然價錢唔算貴，但感

🚨建議所有想試呢間野嘅人入嚟睇一睇先🚨-今晚想食川菜，於是開咗OpenRice嚟睇，發覺呢間川菜館正評一面倒，睇睇個餐牌，價錢又公道，就過咗嚟試。去到發現兩間分店都有大把人排隊，更加有信心同期待。-一坐低，望到個格局幾似大陸啲餐廳，餐牌又係大陸式設計，好似好正宗咁。見大家都推薦酸菜魚，就嗌咗個中辣嘅嚟試，我地揀咗$192嘅鱸魚，另加中辣嘅麻辣蕨菜，打算好味嘅再加餸。嗌完等咗廿分鐘乜都無嚟，隔離枱遲過我地都到晒，就叫服務員過嚟催催佢，點知佢check完單返嚟一句唔好意思都無，仲好囂張咁問我地要乜，再同我地落🤷🏻‍♀️🤷🏻‍♀️🤷🏻‍♀️-再等多廿分鐘，三催四請之下，終於有嘢嚟，本身諗住佢嘢食好味嘅服務差少少都算數，點知一望個酸菜魚😀中辣？個湯淡到無色咁濟，舀一啖放入口，咸到即刻吐出嚟，中咸定中辣呀？零湯底可言，勁重胡椒粉味同某即食麵牌子嘅調味粉味，咸到根本無辦法放到入口，食一啖成條脷都係味精，喪飲王老吉都唔掂，更加唔好講話配飯食！啲魚肉又係得個咸字，完全唔掂，唔知佢整到咁咸係咪想掩飾啲咩！加上佢個酸菜魚太老實，真係得酸菜同魚🤷🏻‍♀️出面啲川菜館都話跟配料，佢呢到？跟味精同鈉啦😀-麻辣蕨菜一如作