老虎堂黑糖專売 (已結業)

澳門的朋友來香港, 竟然還要堅持想喝聽說澳門也有的老虎堂, 真有那麼上癮嗎? 不過也聽說澳門的老虎堂比香港老虎堂更貴。那就一起來盡情喝吧。少喝奶茶的我被朋友安排了個最基本最招牌的黑糖波霸奶茶, 甜度冰度什麼的都不用選, 因為都是已經固定的, 貌似店家對自己的產品很自信啊。到手的時候發覺底下的珍珠是熱的,上面的奶茶是微涼的, 搖勻之後, 溫度比較接近常溫帶一點點微暖, 而外表果然有點虎紋的感覺。入口奶味比茶味重得多, 而且有種creamy的口感, 甜度亦適中。最欣賞它的是它的Size, 不大不小剛剛好, 不似坊間常見的要分大小, 買小杯覺得大杯更划算, 買大杯又喝不完。結論是可以回頭。

行行下街突然見老虎堂就好口渴要飲番杯虎虎生風。等既時間唔算耐，一拎上手搞一搞即飲，無得輸。濃濃既黑糖味，細滑既牛奶，暖暖既大細珍珠。三樣加起上黎既威力好大，太好味啦。

一向唔係幾好台式既奶茶，平時飲半杯就已經唔想飲經朋友既介紹之下，第一次嘗試黑糖味道既珍珠鮮奶第一次飲就已經覺得好上癮，因為啲甜度同埋珍珠既韌度都做得非常好，食落唔會太韌個隻。加左黑糖之後甜得黎亦好好味

黑糖奶霸依家開到成行成市，呢間亦都係台灣過江龍人龍必然不少，有日同男朋友行街見有時間我就話不如試吓係唔係真係咁好飲，拎到手之後我冇搞勻先飲一啖，吸到啲黑糖珍珠真係好鬼香黑糖既香奶味都不錯👍🏻

屋企住紅磡，平時喺中環收工，都要搭地鐵去尖沙咀轉小巴， 日日行過北京道去小巴站。有時老婆會叫我買杯鹿角巷或者東喜茶，加兩串龍津，返去畀佢當晚餐，如果嗰晚唔太肚餓的話。今日又係買龍津，但係見到樂道入面有間“黑”店多咗一堆人係門前，望多兩望，見到係老虎堂個招牌， 估唔到開完銅鑼灣同旺角，開到嚟尖沙咀。(嘩！真係開得好低調喎！) 行過呢度十幾日，都唔知佢開咗係入面。 打畀老婆，佢話想試下杯熱嘅招牌，佢係網上面見有幾多人話熱嘅都唔錯，佢都想試下！所以我買咗兩杯熱嘅招牌同d三寶返去。喺小巴上面忍唔住飲咗自己個杯先，熱嘅都確實唔錯，而且我覺得個黑糖味更加融入到杯奶度，好似第一次涷嘅咁甜，唔錯唔錯！老婆返到屋企飲咗杯暖嘅，都覺得好ok！話以後可以多一個選擇，而且佢話喺珍珠奶茶入面老虎堂算係做得最好，傳承到喺台灣嘅味道。

一直係openrice cd room,今日終於開左個account試用下同出第一篇食評 。原來bookmark 功能幾方便,以後搵餐廳更容易，係抵讚既！日日係office 番工咁苦悶，放工當然想飲杯好野獎勵下自己。飲酒可以消仇，飲甜野就可以令人開心！聽同事講尖沙咀開左間老虎堂，今日放工黎試下！間鋪係正isquare 隔離，招牌無對面鹿角巷咁顯眼，無openrice 都未必知道間鋪係邊。可能因為咁，加上樂道無咩人行，所以去到唔洗點排隊！（我無咩耐性，唔會排半個鐘去買杯野飲。）唔洗睇menu,第一次梗係試下黑糖鮮奶啦（老虎堂既黑糖鮮奶叫做黑糖波霸厚鮮奶）。落單時無得揀甜度同冰量，咁又可以縮短顧客揀野既時間，收錢效率又高d，真識做生意！對我黎講就無影響，因為飲親珍珠奶茶都唔會郁甜度冰量，咁先試到原汁原味！成杯野有三大亮點：1.最出色係珍珠，咬落去有口感，夠煙un ,係會有種似食零食、越食越想食既感覺！2.奶味香濃，飲得出唔係奶粉沖出黎！3. 杯野有黑糖岩晒好甜既我，黑糖比起普通白糖香口得多。如果杯野有加大會更好，咁就fit晒同女朋友share飲，希望店家可以考慮一下。正評！

喝過那麼多黑糖還是覺得老虎堂的最好喝 服務生態度也很好 也會推薦說什麼好喝 以前在台灣就喝過對老虎堂的評語一直都很好 一聽到香港也有馬上就來朝聖一下 跟台灣的味道也沒有差很多 一樣很好喝

平時唔鍾意飲黑糖奶既我放假去左尖沙咀行街，經過isquare發覺開左間老虎堂，於是我同朋友嘗試買左兩杯波霸鮮奶飲左一啖……………哇真係好好飲啊！又唔會好甜，太適合我啦同埋個虎紋都好靚啊我竟然成杯飲哂啊啊啊啊啊啊發自内心覺得，目前嘗試左咁多間，老虎堂係第一之選～～～～～～～～～～～服務質素都好好啊，比錢之前都會問需唔需要膠袋好細心既服務啊～～～～～～～～～～～等候既時間都好快啊係大冬天既時候提供埋熱飲☕️真係䁔到入心！！！！下次我會再黎嘗試其他飲品

夜晚行街同女友一齊，經過重慶， 見到對面鹿角條龍短咗好多，無咩拖喼友，諗住帶女朋友去整番杯。行到過去見到對面竟然新開左老虎堂!!! 媽!!! 係銅地個間呀!!! 女友9秒9話要過去買，咁我都無時間係銅地排過，見人唔多就去law!由於第一次買，都唔知咩係頭牌，店員好有耐性去解釋，又推薦我哋天氣涷可以試下熱嘅招牌。 最後女友話要一熱一涷law! 最後等左5分鍾姐！可能因夜晚hahaha!兩杯味道都唔錯！可能仲好過之前飲過的。杯野影相係幾好睇，所以d細路同遊客都會打個靚卡，女友都影左張！：) Happy sharing～

今日行過尖沙咀Isqaure，surprise開左間新的老虎堂，好subtle，得個大招牌係上面，買的人都唔似銅鑼灣咁誇張，即刻同朋友買番幾杯黎飲，對上一次已經係兩個月前。。。今次天氣涷左，轉飲熱招牌，估唔到咁好飲，應該係我飲過台式飲品中最好的熱飲，Warm得黎依然夠Rich，最like係佢個隻黑糖的古早甘香味仲keep到，珍珠波霸好入味！！！它已變成我冬天的首選希望下次黎都未使排長龍啦 hahaha

好尖沙咀新開的老虎堂，香港網紅店黑糖波霸鮮奶 朋友推薦有過來香港玩嘗試本店 大眾點評可以讓各位來打卡😘 今日特別經過，所以就黎嘗試一下，我自己都黎幫親一杯🤪🤪🤪 店員服務有禮貌同友善，會推薦招牌 波霸厚鮮奶，仲有一杯叫虎虎生風，波霸(大珍珠)+珍珠(小珍珠) 鮮奶 加一成奶霜🤩🤩，經過國際廣場，所以就黎幫親，波霸厚鮮奶啲波霸好咬口，親落够鮮奶，絕貝，正正正。。。。。。I like it仲有一杯叫虎虎生風，呢杯有大少珠，口感creamy,

听闻尖沙咀开左老虎堂，虽然都试过其他分店，今日经过就黎试试，鹿角等得太耐了，唔想去等，我黎黎仲以为好似铜锣湾甘要排队好耐，不过店员的好有礼貌话15-20分钟就可以有，店员推荐招牌波霸厚鲜奶，不过我见虎虎生风厚鲜奶几特别，有波霸（大珍珠)+珍珠(同西米露一样大细) 好Q 鲜奶加多一层奶霜 10分钟就拿到杯野，店员要求要摇均匀15下先好食，第一淡落去好重黑糖同鲜奶的浓味，有一阵香味，波霸珍珠Q淡口感 ，之后见到游客话黎个香港网红店🙂 无试过的人可以过尖沙咀试试，真心无错

第一次試飲，今次揀左虎虎生風厚鮮奶，貪佢有混合珍珠，可以一次過試晒兩種！等左唔算好耐，第一眼見到個虎紋已經覺得好吸引，原本只係打算影下相打下卡，點知飲落幾驚喜！黑糖味好香，好濃，慢慢會飲到新鮮鮮奶既香味，而唔係奶粉，雖然無得少甜，但好彩整體甜度都唔算太甜。重點混合珍珠，即波霸大珍珠和細珍珠mix埋，口感特別豐富，好Q彈，依點我特別加分，下次一定會再買黎飲！！唯一唔太好既就係店入面D歌大聲左少少，落單時聽唔太清楚收銀講咩。

今日買咗杯波霸厚鮮奶，杯野飲係上面凍下面熱，飲之前店員都好親切叫我搖咗先好飲，會冇咁甜。黑糖好香口、珍珠都好有咬口、比較重奶味，可惜冇得少冰😩但都有店員解釋原因都比較好。成杯野加埋一齊飲真係好飲到噴汁，分店裹面這一間不錯的👍🏻之後我朋友買咗紅茶拿鐵加珍珠，珍珠係比較細粒啲，適合一啲想口塞爆珍珠既朋友仔🤪，因為老虎堂冇奶茶，店員推薦咗拿鐵話係茶加奶，咁試咗一啖係好飲過平時啲奶茶，仲可以調整溫度同甜度，都唔錯。另外店員們都好可愛，勁熱情咁介紹每一杯飲品，佢地製作過程都有帶口罩同手套，非常衛生，製作時間都好快手，只可惜飲品類型較少和位置比較不明顯，下次再飲過🥰🥰。

第一次去潮聖系去銅鑼灣個間既老虎堂，但可惜既就係太多人排隊要等好耐。依加周街都系黑糖鮮奶，試過好多間既都不及老虎堂好飲。尤其是上面有層奶霜，飲落好重奶味！仲有qq既珍珠，幾好咬。雖然冇得改甜度同冰度，但鐘意甜既我就覺得杯嘢啱啱好飲過虎虎生風，都唔錯，有細珠同大珠mix埋幾有口感。經常系尖沙咀出沒既我 自從知道尖沙咀終於開左間就即刻去打個卡去到d員工好快手，等左一陣就有得飲啦！外觀真係好靚，影相真係唔錯。