老虎堂黑糖專売 (渣甸街)

营业中

休息中

這個月一直聽到身邊的朋友說很好喝，甚至各大平台都給它連續洗版。🤦🏻‍♀️幸好今日去排隊時人不多，大約等了半小時就可以了，聽聞下班時間去排隊大約要等超過一小時！😑虎虎生風厚鮮奶 （波霸+珍珠） $30因珍珠及波霸每日經由獨家炒製的黑糖小火悶熬，所以飲品到手時杯底都有一定的熱度，而口感非常煙韌！👍🏻由於飲品含奶霜的關係，奶味十分濃郁。奶霜經過打發後更為香滑！🤤🤤但飲品的糖度及冰度固定了，因此覺到飲品過甜！

黑糖波霸系列 波霸厚鮮奶 ($30)喜歡老虎堂用黑糖＆鮮奶撞出黎既紋路相當吸睛😍飲落比我想像中好，吾會淨係得黑糖的死甜～甜度剛好，而且鮮奶入口順滑～波霸有咬口得黎吾黏牙🤤我有機會會再去多次，利申天水圍友得放假得閒🙈Taste: 8/10

經過一直想試及被大眾好評既老虎堂，決定買杯試下。之前排隊要排個幾兩個鐘，小妹真係怕怕。今日只係等左十分鐘左右☺️👍🏼波霸厚鮮奶 $30虎紋賣相非常吸引！😍要上下搖大概15下，搖匀啲黑糖同珍珠再飲。份量較少😢如果大杯少少會好啲。黑糖味好夠👍🏼👍🏼👍🏼唔知係咪我較少飲黑糖飲品，我覺得有啲似龜苓膏既味😝都係啲健康既味道！珍珠較軟，欠嚼頭。我個人比較偏好茶香味，所以老虎堂試過就可以了！

果日同好朋友行街 見7點幾應該冇咩人排隊點知都算多人排隊 果日又落小小雨 凍住咁排都咪話唔爽呀但當你見到杯野出黎係咁令既你就知排都係值得嫁一飲落去第一啖 好重好香黑糖味呀 D珍珠好Q彈好正飲完都仲回味緊呀下次經過都一定要再買呀 正

今日去左銅鑼灣行街，天氣又變得無甘凍。就突然好想飲珍珠奶茶！其實前幾日經過旺角見到已經想飲，不過實在太多人排隊。所以就揀放棄吾排。今日過泥銅鑼灣，可能係平日既關係。無乜人等🤩🥳甘就決定買啦！我地揀左黑糖波霸鮮奶，波霸就係大珍珠。我中意食大珍珠，因為Q彈啲。等左大概10分鐘就有啦，好快。靚靚既虎紋，暖暖既波霸。打完卡，影張相就可以搖下佢之後飲。一飲落去波霸暖暖地，好q彈。而且波霸勁重黑糖味！雖然係黑糖，但吾算好甜咖！鮮奶好香滑，味道好正不過建議叫少冰。因為我飲完一杯，3分一都係冰。同埋我覺得好細杯，30蚊真係有點貴

好開心，終於有機會試老虎堂喇。先前剛剛開業的時候，要在老虎堂買一杯飲料也要等數小時，一直很想買來嚐一嚐也沒有機會！可是今天我終於等到喇，很幸運，一早到銅鑼灣工作完後，老虎堂不是太多人，只有等了十多分鐘就買到喇！這杯黑糖珍珠鮮奶真的很好味道，與平常飲過的珍珠奶茶非常不同，是用新鮮鮮奶沖製，入口香醇濃郁！而且黑糖珍珠是熱熱的，一點也不硬，很QQ，超級喜歡，無法抗拒難怪一直這麼多人排隊等這麼久也要買喇！

之前小編係台灣實習期間，已經差唔多試曬黑糖珍珠鮮奶。當時覺得真係覺得好surpise，因為係香港可以飲到既味道多數係芋香珍珠奶茶，烏龍奶茶，什麼三兄弟奶茶。但黑糖珍珠鮮奶既味道真係好特別，如果你未飲過真係可以試一下。早幾日我係銅鑼灣試過老虎堂既波霸厚鮮奶（姐係黑糖珍珠奶茶), 佢地既黑糖珍珠入味而且Q彈，依個價位既鮮奶都算滑同濃。都推薦你地去飲，但排隊要成粒鐘就真係咪搞.... 前幾日我買只不過等左若10分鐘左右，如果一直想試但驚等好耐既朋友仔，係時候試試佢。我個人覺得鹿角巷The Alley比較好飲，因為相比之下無咁甜，比較順口。

還記得剛開張的時候人龍多到要排2個鐘先有得飲，到今日香港已經有4間舖頭的老虎堂，只需要等10-15分鐘左右已經到手可以飲！今日我終於可以嘗試到佢個黑糖珍珠虎虎生風厚鮮奶$30 一拎到手，店員話要將飲品上下倒轉幾次(10times)令味道融合，然後再飲！飲左第一啖，係我試咗甘多間最好味的!飲落去很滑，奶同黑糖珍珠好夾, 唔會好甜，甜度適中！而且奶真係好滑 一個字：正‼️虎虎生風跟波霸的分別就係佢既珍珠除了有普通小粒，還有波霸係入面，令口感層次非常豐富！試過幾間台灣過江龍黑糖飲品，呢間暫時係我的首選！

一段時間之前就已經成日見到facebook呀instagram呀個個都係咁拎住杯老虎紋既珍珠奶茶打卡，心諗，咪又係一杯珍珠奶茶姐，有幾特別呀？一日一日咁過去，以為個個都係新屎坑三日香，點知仲係不斷有人拎住呢杯野打卡，點呀？有無咁堅呀？係銅鑼灣行行下街見到老虎堂，唔算多人排隊，就去買反杯波霸黑糖厚奶試下哇！！！！！真係好好飲呀好香濃嘅奶味，珍珠好有口感，好香黑糖同咖啡味，唔怪得咁多人都鍾意飲，我而家先至試，實在係太遲喇！

近年興起一股台灣飲品的熱潮，當中黑糖珍珠鮮奶是比較多人喜愛的飲品之一。台灣過江龍的台式飲品店開得成行成市，當中位於銅鑼灣的兩間台式連鎖飲品店更開在一起，這天來到銅鑼灣，明顯看到老虎堂的顧客明顯比較多，而旁邊令一間台式飲品店購買的顧客卻寥寥可數，可能是近日有報導指另一間飲品店的珍珠貨源不是從台灣進口，貨源品質參差有關吧！這天點了波霸黑糖珍珠鮮奶，星期日晚上大約七時半，輪候人數不太多，大概只有十人，等候落單至取飲品大概只花十五分鐘。 黑糖珍奶有有虎紋的顏色，十分奪目。 拍照後急不及待的把飲品搖晃均勻細心品嚐，珍奶甜度適中，黑糖珍珠煙靭有𡁻頭，如果珍珠煮得軟一點會更加好吃。珍奶牛奶味濃郁，與黑糖配上，味道很夾，值得一試。

2間人氣黑糖珍珠鮮奶就開係隔離打對台，之前試過隔離個間，重拾對黑糖珍珠鮮奶既興趣，今次就試下老虎堂係咪真係啲人講到咁神。可能開得算耐同多分店，好多人都試過，唔算太多人等，行開一陣就有得拎。本人中意大粒珍珠多啲，貪佢煙韌有咬口，所以嗌左杯波霸厚鮮奶(含奶霜)，甜度夠，搖勻左exactly係煉奶涼粉個種味，比較人工feel，有少少漏可能落左奶霜既關係？而珍珠較淋身一啲都唔煙韌🤔可以一試既，但就絕對唔係世界級囉🤷🏻‍♀️

波霸厚鮮奶(含奶霜) $30已經是第三次喝了☺️個人認為比旁邊的店好喝甜度亦可接受(旁邊的店太甜了).不足的地方是店員態度街上環境已十分嘈吵點單時戴著口罩的店員 極細聲地不知在說什麼我表示聽不清楚 但他卻面露不耐煩 繼續以微弱的聲音說話原來是說未弄好的單太多了 暫時不能下單...?!那我該怎樣? 繼續站在收銀前等?要等多久?我還未說出口 店員已轉身離開?!?!等了大概5分鐘 他終於再過來幫我下單了這樣的態度 真的十分趕客😡要不是答應了別人買忙買 我一定不會這麼好氣呆等!

度度都賣珍奶。今年夏天老虎堂亦係大熱，長期排長龍，龍尾排到去唔知邊條後巷... 排隊浪費好多時間，本人覺得無謂，所以免了，無論幾咁出名，我都未飲過。可能開始入冬，天氣開始凍，於是好少人排隊，喺呢個時候梗係要飲返杯啦～ 而冬天其實有溫熱版，天氣再凍都可以飲。黑糖珍珠厚霜奶，招牌主打係人都知。我都飲過好多唔同舖嘅珍奶，而老虎🐯堂真係咁多間最好飲。飲得出翹妙之處係黑糖被炒熱而轉化帶微焦，所以味道有焦糖嘅甘香🤤不過都幾細杯，半杯奶，半杯冰，幾啖飲晒~

之前試飲左幸福堂，D friend 又話老虎堂好飲D，今日心思思，又想試下2杯有咩唔同。老虎堂個花紋靚D，但飲落，D奶好似加水溝稀左，得黑糖未，冇乜奶味。珍珠係普通珍珠，好冇誠意，失望😞

聽人講左老虎堂好耐都未試過去飲,之前排幾個鐘就真係怕怕,咁岩今日經過就心思思去試下,去到唔多人,得十幾人等緊都OK, 出飲品都快,但見到人地拎上手個SIZE咁細杯, 雖然有D猶豫但未試過就無咩所謂, 落單想叫佢走冰微甜, 佢話唔得, 唔俾微甜都算, 我都明白咁可以會影響佢整野飲既程序, 走冰少冰都話唔俾, 我安慰自己佢咁可能係有獨家既秘方, 買完到等都係15MIN,算快, 點知一啖入口,除左感覺好甜到漏既黑糖味之外, 毫無特別, 奶味好似三花淡奶咁, 都算, 佢始終唔係話難飲,只係咁都賣$30一杯就真係算貴, 加上我飲左5-6啖就飲完成杯, 發現成杯有一半都係冰, 個下即係覺得好無言, 杯細冰又多,根本俾幾十蚊都唔係買野飲….有點名過其實…