老街 (西洋菜南街)

营业中

休息中

剛才收工路過行咗入嚟老街食碗麵，純粹想飽肚暖胃。落完單無耐就嚟咗碗唔熱嘅麵，我同侍應小姐講碗麵唔熱，佢就拎入去廚房窗口仔叫人再加熱。正因為我好肚餓所以我就望住個窗仔，居然俾我見到個侍應伸隻手指入碗麵度探熱.... 天呀！有無搞錯呀？要正常人點食呀？到底佢有無衛生常識咖？響咁嘅疫情，咁嘅經濟環境，已經好少人安心出街食飯了，作為食肆係咪應該更加需要員工注重衛生呢？？我寧願肚餓都即刻俾錢埋單，碗麵我一啖都無食過，睇到已經想反胃，希望顧主可以睇到呢篇文章，如果要知真相請睇返你哋個CCTV，另請教導員工學識衛生及做人要將心比己，。

不得了真係不得了！個滷肉飯真係太好食啦，米飯有趙口，一粒一粒咁好香，滷肉嘅份量雖然唔多，但係一件件絕對唔係燥肉，滷肉汁沾滿大半碗飯，簡直就係一流。細碗嘅份量對女仔來講應該都好足夠，仲可以嗌多啲唔同嘅嘢食添。拌麵一樣都好好食，個醬汁濃而唔油膩，雞扒煎到個皮脆卜卜，仲有四大件食到好飽呀！小菜叫咗麻辣牛肚，台灣香腸，亦都係相當之唔錯嘅。最驚喜係連珍珠奶茶都好好飲啊，叫咗芋香奶茶，唔會太甜，珍珠係我鍾意軟林林嗰種。呢間餐廳同台灣餐廳絕對有得揮，我一定會再嚟食過😻👍🏼

其實之前都吃過這一間的牛肉麵，不過感覺沒什麼特別，但想不到鹵肉飯給我驚喜！餐廳環境不大，裝飾顯然有用心！台灣古早味鹵肉飯😋😋😋😋光顧過不同的台灣店，這間的口味是最接近台灣。台灣的鹵肉飯是肉碎，但這一間是可以看到一塊塊的鹵肉，醃製得很入味，再配上醃蘿蔔乾、鹵蛋、炸薯塊，已經吃得很豐富了！另外，白飯較軟熟，感覺是台灣米，而且可以鹵汁浸濕左飯粒，可以每吃一口，都有淡淡鹵味，但不會感到油膩，還免費送你一杯台灣奶茶，正！

食台灣菜，就係因為佢食物上枱快！這間老街，見人客不多，第一次去試。又唔錯喎！性價比高！椒麻牛肚絲唔會多油又唔會太辣！鹽酥雞都好食，乾身得黎都juicy 滷肉飯味道適中至於魚酥皮蛋豆腐就一般啦如果加多少少秘製醬汁，應該可以受歡迎！最後當然要飲返杯笆樂汁這餐台式晚餐。簡單，豐富，味美👏🏻

今晚行行下太子入左呢間小店，老老豆豆，甘既價錢，真心平靚正既，食至台灣風味既。突然又好想去轉台灣啦。呢度個炸木魚豆腐好滑，鹽酥雞都正，但個飯就一般，冇咩特別別，不過總體份量就小左d,兩個女仔食都岩岩好既

諗唔到食咩，見幾多人，就入去試吓！鋪頭唔算大，7點幾都坐到full曬，要搭枱！滿漢大塊牛肉麵：冇想像中咁足料，牛肉真係幾多，但少鞋，唔係咁好味，花枝丸ok，幼麵，湯底唔算濃，成碗嘢最有驚喜係蘿白，冇渣，索曬d汁，好味！食得辣加少少辣椒，成碗麵添色唔少！紅燒牛肉麵：反而普通牛肉麵入面d牛肉薄身d，食落有味d又冇咁鞋！鹽酥雞拼小香腸：台灣腸不嬲好中意食，基本上係食親台灣嘢都叫，不過不失咁！但雞完全係below average, 咬落好粉，雞亦冇味！總括黎講，咁嘅價錢，可以再好d！台灣嘢，香港好多選擇，應該短期唔會再幫襯！

收工太晚沒煮飯，於是就到了常常路過的老街解決晚餐。全店以台灣美食作招徠。店內的裝修及氛圍都充滿幾十年前懷舊寳島風。(雖然價錢一點也不懷舊，而是充滿現代氣息！）很多年沒去過台灣，也更久沒吃過火車便當，於是就點了一個牛肉牛筋便當，以為會是一盒上，但原來只是一碟上，失望。至於味道也只是不過不失，肉質略微太亁身不夠汁，如果不是在台灣菜的店吃，都未必吃得出是台式，除非那只滷水蛋是一個提示 。加$3 優惠價要了一杯珍珠奶茶，珍珠夠多，奶味濃，都OK

豬軟骨整到好諗，幾入味，但就略微咸左小小。.另外，配菜都多款式，有酸菜，炸薯仔，肉燥汁。但飯既份量就非常之小，男仔可能唔夠飽tim😣🥡上網見到呢間食台灣麵好似出名啲，如果有機會，下次可以試不

早左放工出到太子始創中心呢邊買嘢買完野後唔知食咩好到處關左一下就發現左呢一間台灣野餐廳入邊係以懷舊特色主題環境都算唔錯當時已經係九點幾唔想食太多於是乎就叫咗兩個飯同兩杯野飲店員先上咗兩杯野飲一杯係蜂蜜檸檬水新鮮檸檬配搭上天然蜂蜜酸酸甜甜都幾好飲5星另一杯桂花冰梅汁就有啲失望啦其實就係普通嘅酸梅湯係一啲桂花味都冇嘅3星再嚟上咗兩個飯鐵路雞扒便當雞扒唔會太老不過可惜唔入味而且滷肉飯啲滷肉實在太少個雞排又唔夠味滷肉又少就好難食晒成個飯3星另一個一口小香腸便當啲香腸幾好味都係同樣問題滷肉少左啲但味道係唔錯嘅4星總括嚟講$150食兩個碟頭飯係有少少貴性價比唔算好高而且店員服務亦不算好但在太子區來講如果你唔知想食乜預算又唔係特別高想食飽的話其實都可以嚟試一試

又是獨行俠，又出動揾野食，今次來到太子門外充滿台灣風味的食店，於是走進去試試。先就裝修，很有台灣風味，去得食台灣野緊係食牛肉麵，但牛腩及牛肉的餐牌圖d圖都非常吸引，最後揀左牛肉麵，價錢$60,中等價錢，5分鐘左右麵到，先講麵身是我喜歡的硬身有咬口，份量亦適中，牛展亦做得出色，淋身而有咬口加上爽滑的牛展，配上有咬口的麵條，可惜湯底不夠濃，佢係夠味但是感覺唔夠台灣的湯底濃味，如果湯底加強再鑽研， 應該會更加出色。

叫左個紅燒牛肉面（有牛筋）同豆腐皮蛋。碗麵嘅牛肉肉質一般，牛筋可以，每様兩嚿仔。豆腐皮蛋，豆腐冇咩味都算，個皮蛋真係...完全冇味，些少皮蛋味都冇，食左兩啖，真係已經唔想食。加杯凍奶茶，$120 有找。咁嘅價錢，我寧願去始x留下。

想食個飽飽既下午茶 就諗起台灣牛肉麵 見到呢間舖名 就好快禁入咗去台灣牛腩筋麵 湯汁係牛肉滷水湯帶有鹹香 麵我就覺得煮得唔錯 麵條啱啱熟 一啲都唔淋 有口感 好QQ 配埋個湯一流 牛腩係三成肥七成肉 有咬口又帶淋身 好香牛肉味 比例都唔錯 雖然唔係入口即溶 但係 都好淋身 重牛味 一啲都唔會攝牙 又唔鞋口 一啲都唔會令人失望 個牛筋係一咬即溶既感覺 成口骨膠原開埋餐飲洛神花茶 酸酸甜甜 好開胃 又去吓油味 成個餐都好好食

太子這一間開了一年左右的“老街”剛剛開店時日日lunch門口都一大聚人排隊👫👬👭起初我以為過一段日子人會少一點但並沒有……😩😩😩這一天可能因為下大雨竟然沒有人在排隊嘩~~點可以唔試~~~🤡餐廳牆壁有好多懷舊poster做裝飾又播著一些我小時候會聽的台灣歌~~(哈哈哈哈哈，我不是很老啦~~🤫播個d歌好似“心願便利貼”果d啦~~😌😌😌)整個感覺就當自己去了台灣吃lunch一樣好啦~~哈哈哈哈哈~~🎈🎈🎈蕃茄鹽酥雞麵 ($57)蕃茄麵蕃茄湯底夠濃郁，不是太稀的那種🍅味道不會太酸~是好味的蕃茄湯~~麵條夠彈牙，有嚼勁~~🍲鹽酥雞鹽酥雞炸得剛剛好~~🐥皮很酥脆~~裡面的雞肉還是很juicy很嫩~~值得一讚的是個炸漿調味很好，咸咸香香~~好味~~下次會單叫一份做小食~~正~~💕凍胚芽奶茶 (跟餐 +$12)12蚊有咁大杯好抵飲~~~😆我地而家開始注重養生會少甜了少甜之下，味道都可以啊~~配埋胚芽，有d咬口，又健康d咁~~😌😌😌三寶肉燥湯麵 (+$3轉新竹米粉)台灣香腸是炸香過的，香口又有肉汁~🐷貢丸是有好香的香菇味~~🍄墨丸就有墨魚粒粒，夠彈牙~~🦑餸好味就好味~但份量都幾少，得三粒丸、一條腸~😔

一路以來都想試下老街，以前旺角有分店，夜晚成日見好多人排隊，今日經過太子見冇乜人，就入去食個午餐。入面店舖唔算大，座位有啲迫，兩人食飯就要同人搭枱。1. 滷肉飯(細碗)一上枱賣相已經一般，有肉燥鋪滿半碗飯，但口感亦好一般，滷肉係半肥瘦，但份量好少，得幾舊滷肉...唔建議叫依個，叫翻牛肉麵穩陣啲。2. 椒麻牛肚絲份量雖然唔多，但夠辣夠惹味，幾有咬口，值得一試。3. 紅燒牛腩牛筋麵我朋友叫咗一碗麵，湯底幾好，一飲會想繼續飲，牛就中等，無非常驚艷，整體合格，但太子旺角嘅牛肉麵選擇多。

今日lunch 同事話想食台灣菜，行下行下就見到哩間台灣菜，就入去試下。我自己叫左個蕃茄牛筋牛腩麵，一上到黎個樣好靚仔，蕃茄湯都好濃新鮮蕃茄味牛筋好入味，牛腩就有點硬，麵質就好好食，好有口感。套餐只需加$5-$8就有一杯台式飲品，其實真係幾抵。不過一樣野需要改善就係我明白有人等位既時候，店員會希望你地快啲讓張枱出黎，但如果客人已開聲話 我地飲埋杯野就會走， 店員就唔需要企係客人後面催促，其實我地整個用餐時間都唔夠1小時。所以希望公司可以改善一下