聯兄燒臘粥麵飯店

营业中

休息中

之前一直是街坊幫襯嘅好食店舖，但轉咗手後，越做越差，以為做街坊生意會質素繼續保持落去，點知幾次外賣啲燒味咬唔爛，同店鋪反應，即發爛渣，態度惡劣，以後都唔會再幫襯

收工順便買燒味斬料返屋企加送老細話今晚叉燒同雞靚 就試試佢人少少就要咗雞下庄 雞髀幾滑幾好食 食油雞貪佢啲皮正d 正所謂食雞唔食皮不如唔好食不得不提佢哋啲叉燒 應該係成個土瓜灣少有會返兜嘅舖頭同上次食一樣咁好食😋好彩今日早少少到 試過有次賣晒食唔到半肥瘦叉燒啱啱好 肥美送飯一流如果可以俾多少少燶叉就好 脆卜卜好食可以叫師傅加蜜汁斬料返屋企就係為咗唔使自己煮嚟煮去碗都可以慳返隻唔使洗洗好彩出邊泊街方便 唔使俾人抄張320

今日晏晝經過 見到門口掛住燒鵝同燒鴨三個人忍唔住嗌咗半隻燒鵝同例牌叉燒試吓* 半隻燒鵝 * 上到嚟有啲驚喜有擺盆加分 配瀨粉食真係幾正* 叉燒例牌 * 半肥瘦 幾淋身 唔錯叉燒係要有d肥先好食 唔係平時食開嗰啲乾淨淨見到都無胃口嗰隻真心唔錯 好過下下走去深井或者連鎖店食香港小店買少見少 今日平日堂食都幾多人食下 見到Menu下午茶個價錢睇落去就真係好抵食如果下次嚟開呢頭應該會試埋佢啲乳豬同埋炸乳鴿買返屋企加料都好 唔使煩諗食咩

啲叉燒完全係臭曬 斬又斬唔開 加野飲又唔比飲管 講佐要辣椒油又無比 間野越黎越垃圾 唔會再買真係以為係妹妹仔所以係咁呃秤 真係以後以後以後以後以後都唔會再買 希望住附近嘅街坊小心啲 呢間質素真係好差以前識落都唔係咁 特別係買外賣嘅街坊小心啲

一班人疫情唔出街食生日飯，買啲燒味煮兩味就攪掂。一生人未試過一次過買咁多燒味，燒鵝一隻，其他每樣一啲。叉燒、切雞、油雞、燒肉、乳鴿、燻蹄、炸雲吞同炸鯪魚球都買埋。可惜冇比到蜆介。但整體食物質素都好滿意！

依間老子號燒臘店係土瓜環做左好耐，至從大裝修完好似轉左手咁，之前幫襯個兩次都覺質素差左。今日幫襯第三次，買左半斤乂燒外賣 拎上手覺好輕，返到屋磅一磅得4/1斤乂燒，都真係幾搵笨。

好耐冇去土瓜灣，帶埋爸媽去搵一d中式食物吃，無意中發現依間店—聯兄燒臘粥麵飯店，見餐牌都幾吸引，於是就入去試下啦。我地分別叫了油雞鴨飯、燒鵝飯、叉燒瀨同埋雲吞麵。雖然價錢不是最便宜，但食物質素確係物超所值。我地另外仲叫咗例湯，真係好幸運叫了！真係非常之好飲！首先，例湯方面，是一碗乾菜豬肺湯，真是一丁點味精也沒有落，真材實料，仲要大大嚿豬肺喺每一碗湯入邊！$8一碗，仲要係大大碗！真係想像不到！而燒鵝飯同油雞鴨飯，雖然飯不是很多（對於男生來說）但是用貴米（金鳳米）來製作，質素亦很好吃！而且當我爸爸唔夠飯時，更可免費添飯，完全沒有收費呢！而油雞、燒鵝同埋鴨都係非常好味！十分有質素，肉質唔會太乾，嫩滑！至於叉燒奶就一般，不過十分足料。而雲吞麵方面，餡料十足，是自家製包的，完全沒有鹼水味！

換咗老細之後keep住有幫襯，兩個禮拜冇幫襯就出事，買咗兩盒單拼飯外賣加例湯，燒味得一排(以前有兩排)，份量好少，只夠餸2/3盒飯，淨番1/3要齋食白飯，老細，你加過價，而家又cut份量，真係唔夠食。至於例湯，以前係偏濃味，而家又稀又淡，好似一份湯開兩碗水。過幾日再幫襯，如果再係咁，街坊都冇計，唯有放棄

今日要坐老細車，跟佢車去攪展覽會.上次老細請我食飯，去咗九展 chill inn, 講到間餐廳點好點正，但事實卻完全唔掂，所以，對老細推介D餐廳有介心！今次去聯兄，一來泊車方便，兩來佢又話哩間餐廳正！老細咁講，唉..... 心諗哩次又中伏！點咗個叉油雞，老細話哩到D例湯好正，又幫我點咗一碗！先講講老細"又"推介嘅例湯先，菜乾豬肺味道過咸，但足料，由於預其老細嘅推介必然出色過人，所以例湯唔掂過咸變得正常！叉燒尚算諗，但油雞我最憎食雞翼就俾雞翼，大大扣分！重有！餐廳冷氣不足！食完老細問我，碗例湯係咪好推介呢！我個心已經爆粗！

是日下午3點零黎食自問4,5歲開始已對叉燒上癮食左近30年都唔厭今次可謂大開眼界哎左一碟肥叉飯$36係土瓜灣算合理價錢但當我大大啖想享受舊叉燒時突然間真係差d爆出口dls叉燒有骨既?!?!或者係小弟見識淺陋 未試過張相檯面個幾舊都係骨同埋以肥叉黎計 我相信牙力差d都咬唔入完。

土瓜灣一間舊式燒味店，下午茶只係需要$23🤤我就叫左一個叉燒河😍嘩........鋪滿哂成個碗呀........👍😎而且呢個價錢，絕對超值，絕對抵食😛

⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀📍聯兄燒臘粥麵飯店。土瓜灣⠀⠀⠀⠀⠀⠀⠀⠀⠀機緣巧合地去了土瓜灣尋味😜🐣⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀環境: 比起舊式燒味店，佢有充足嘅冷氣，又有卡位，衛生乾淨⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀點咗叉鴨飯跟菜同叉鴨米👅⠀⠀⠀⠀飯多，餸都唔會故寒，50蚊雙拼加碟菜，呢個份量仲可以係邊到搵到。 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀ ⠀ ⠀⠀⠀⠀⠀⠀⠀⠀⠀⠀1. 叉燒啖啖肉，肉厚味濃👍🏻👍🏻2. 燒鴨肉厚，唔會食落好油，岩岩好😍⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀去到呢d港式餐廳，最喜歡當中嘅人情味，地道嘅感覺。一入黎老板娘已經送上熱茶，用小碟裝墊住筷子免得整污糟。直率唔花巧 快手幫客人落單，送餐，裝湯一腳踢。⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀比起大型連鎖店，更愛小店的另類情懷，難怪去到咁夜熟客都絡繹不絕❤️⠀⠀⠀⠀⠀⠀ ⠀⠀⠀⠀ ⠀⠀⠀⠀⠀⠀⠀⠀PS: 食完唔夠附近已經係海記，食埋個糖水先走。完滿！

已經幫襯呢間燒臘飯店多次，大多數外賣，整體而言非常滿意，性價比十足十！今晚試下堂食！例湯：Typical 燒臘店例湯，超級滾熱辣，偏咸。可以。叉燒切雞飯：份量十足，叉燒根據要求提供瘦叉燒，有肉味，唔錯！切鷄嫩滑，冇雪味！正評！根幾條唐生菜，唔錯！總結：滿意！會再來！P.S. 有食評寫老板娘服務態度惡劣。經我觀察多次，老板娘係好cool，唔鍾意笑，但其實唔可以話佢態度惡劣。不過你要佢笑著鞠躬講thank you又唔須要吧！

收工，一個人食飯，好攰，費時行咁遠，買外賣，一 碗雞鴨瀨，返到家，一開，好多油係面D瀨粉涷架，湯微暖，雞還可以，D鴨好硬，結果我係食左D雞（店舖呀姐，黑口黑面，問佢有乜油菜，態度差，咁我連菜都冇買la,成班顧住吹水

午餐一向在公司搭食，但連續三日都係食蒸魚+黃芽白，厭極了，即走落街，在最就近的燒臘店買外賣，貪佢夠快，我想叫雞鵝飯，阿姐話無鵝只有鴨，咁就叫雞鴨飯盒；拎到上公司食，完全唔掂，鴨肉又老又靭，雞肉少，雞皮雞骨多，菜心硬到不得了，飯又唔夠熱，最攞命就係d薑蓉，夾少少用嚟撈白飯，竟然鹹到苦，有早知無乞兒，食翻公司的伙食好過，又或者行遠d去第二間買!