聯邦皇宮 (已搬遷) 新店位置

佢有幾間分店..見到呢間聯邦分店搬咗鋪位..流沙包有樣.. 好得意.. 應該會特別吸引到小朋友.. 其他人見到可能會唔捨得食燒賣好味..點心紙一打開.. 嘩.. 係寫咗喺一張好長嘅紙度服務還好..

因為嚟開outlet行街, 又有好多時間, 所以就嚟呢度飲茶...其實屋企附近都有間聯邦, 但係真係越食越差, 所以真係好少去... 今次見呢間係"皇宮"就即管睇下係咪真係好味d同deluxe d! 我地上到去樓上, 見到隔離有幾圍食緊團餐已經心知不妙...做得團餐真係好極有限... 跟住坐低見到d餐具, 勁污穢...有d食物碎留喺個碟邊同碗邊, 個碗入面仲有條已經乾晒嘅粉! 連個筷子座都唔乾淨....真係想叫救命! 跟住叫左幾樣食物啦.. 脆皮金沙腸 - 呢樣喺其他酒樓冇食過所以試下, 味道ok..不過1食就知係翻叮!燒賣 - 大半舊都係麵粉同肥豬肉! 蝦餃 - 呢個okay! 雞絲粉皮 - 兩樣都有色冇味... 雜菜野菌 - 呢個菜真係食到想噴火! 起碼overcook左10倍..我未試過喺1間打開門做生意嘅食肆食到咁老嘅菇同菜, 碟野入面每一款菇都皺晒皮..見到都唔想食! 呢餐咁求其, 樣樣都唔好嘅lunch埋單都要$180蚊...超貴...如果佢d食物好好但係唔乾淨都仲可以接受, 佢d食物又唔好又唔乾淨, 我1定1定唔會再食!

荷葉飯：荷葉還荷葉 飯還飯 加幾粒貌似蒸排骨响面，荷葉5係平時用大張1塊嘅荷葉，係用黎包迷你珍珠雞嘅迷你荷葉，兩3張砌埋响底，而上枱果陣你見到係層次分明，成個飯係砌出黎，佢地冇1齊蒸過，完全冇荷葉香，d飯仲要濕淋淋！粉果：皮厚有1分＝25mm（毫米），所謂餡只不過係馬蹄粒同僅有1粒肉碎粒(每1隻)，冇花生冇菜粒。炸魷魚鬚：厚身炸粉皮仲要翻炸再翻炸，魷魚5新鮮。xo醬羅白糕：結果係雞蛋絲蔥粒炒粉糕，冇xo醬冇羅白糕。蟹子蝦肉燒賣：兩粒竟然係粉黃色嘅蟹子响面，蝦肉同粉團分量1比1。奶黃流沙包：冇流沙，但單講個包ok，奶黃好甜。服務：服務ok。光顧原因：問個waitress 呢間係5係天橋側嘅聯邦搬黎，佢話只係搬左個名，其他冇轉都係以前東薈軒嘅廚師同員工！以前東薈軒d點心，係睇住佢大睇住佢壞，跟住放棄出9龍食，後來天橋側開左聯邦，試過幾5錯就1路食佢地，點知早排佢地話搬去舊東薈軒個位，原來只係搬個名！ai......又要出番9龍食！價＄：以上＄260左右。

今日特登放假, 約朋友飲下午茶, 順便預祝佢生日. 去咗佢屋企附近商場的這間酒樓.未到下午茶時間, 己經有不少人在等位, 証明食物應該有一定的水準, 或者價錢有吸引力. 三色腸粉 - 叉燒腸, 牛肉腸及蝦腸各一條, 人少少可以食三種饀料, 幾好, 腸粉亦尚算滑. 淮山雞扎 - 完整一塊淮山捲著一件雞扎, 雖然雞扎size細咗D, 但冬茹及雞都入味. 紅油炒手 - 共有四粒炒手, 碟底鋪了辣油, 辣油若果可以分開上會更好, 因為不是人人都吃得很辣. 碟邊有調味醬, 落埋D醬, 有畫龍點睛的感覺, 提升了味道. 鳳眼餃 - 因為好奇而叫的點心, 饀料完來只是蝦餃饀, 餃面放上幾條乾瑤柱及幾粒蟹子點綴, 餃的外觀包得幾精緻. 酥炸九肚魚柳 - 較為細碟, 不過都頗香口. 黑芝麻煎堆 - 因為看見隔離枱點了來吃, 賣相幾好, 忍唔住想試吓, 怕點錯, 問侍應這點心名稱, 她真的去求証點心名及回覆我們, 服務態度很好. 煎堆炸得都很香口, 面頭的白芝麻及中間的黑芝麻饀都很香, 但又不過甜.

搞定所有儀式後，去了較就腳的聯邦，星期六12點1點的中午黃金時間，竟然很輕易的有位，後來才發現食客是趁2點下午茶時段才入座。例牌蜜味叉燒-顏色超深，味道超鹹，肉質也超鞋，總知是超難食。咸水角-澄麵皮非常之厚而不脆。流沙飽-每個包也有笑面，賣相吸引，但是好睇唔好食，毫無奶皇香。珍珠雞-糯米很腍很黐，又是好味的一道點心。蝦腸-腸粉皮很厚，但算滑溜。鹽燒軟殼蟹-炸粉又是勁厚兼腍而不脆，一個不香脆的軟殼蟹，真是好食有限。金銀蛋浸莧菜-這個是稍為好一點。雞包仔、鮮竹卷及沙薑雞腳聽聞也水準不好。價錢貴也不重要，最重要是唔好食，下次也不會再幫襯。

到达香港，第一件事情就是到东涌东荟城血拼！血拼之前当然要先喂饱肚子！在前往香港之前，有做些功课。听闻这间酒楼不错，今天就来尝尝！叫了一壶浦饵开开胃，就开始点菜咯！由于自己超喜欢吃，选了3个特点，1个中点和1个大点。（2个人份）千丝酥带子球（特）－不错。外够脆，内够软。简直是完美！王宫虾铰王（特） － 香甜美味。但是，它的皮有点干。我偏爱湿一点的。横行蟹小姐（特）－卖象很好！可爱的“造型”让我有点不舍得吃！味道还不赖！甜在心流沙包（中）－入口既溶的它令我爱不释手！柚皮蒸排骨（大）－蒜米味很重。不爱蒜米的朋友千万别叫这个！蜜味叉烧肠－有点干。在想，为什么他们没有问我们要不要酱油？服务态度其实不是那么的理想。可能他们比较忙（因为店里人多），想叫人添热水都得叫个5分钟。

星期日非常有雅興咁入左東蓍城行街 , 順便一試呢間酒樓啦 , 下午茶時間人流都唔係特別多 , 而且大家都好優閒咁享受點心 , 同平時係市區酒樓飲茶既感覺完全唔同。 甜在心流沙包 ~ 雖然唔夠流沙 , 不過包面有埋可愛笑樣 , 又唔會太甜都幾好食。 千絲酥帶子 ~ 呢個新款點心好正 , 炸得黎唔會油淋淋 , 但係粒帶子未免太細粒囉。 蝦餃 ~ 層皮唔夠通透 , 蝦就好大隻同新鮮。 燒賣 ~ 冇咩特別 , 相比之下蝦餃好食d。 炸雲吞 ~ 熱辣辣新鮮炸起 , Good!!! 蒸排骨 ~ 全部都係肥肉咁滯。

東涌既酒樓真係冇咩選擇...每個weekend 都會同family 黎呢度飲下午茶 !食物都幾好食 ,不過每次結賬至找錢都等勁耐 ...呢樣野真係要大家醒目喇.差唔多食完好叫定埋單喇.

星期日一家大細，一行八人幫襯。套餐幾貴唔係好抵，所以決定散叫。大海班兩食：炒球同清蒸魚腩，滑嘟嘟，有魚味而唔腥，正！生炒骨：唔會太乾太硬，甜酸味算適中。四季豆：自己偏好，加o左少少分，但真係炒得唔錯，夠香口。乳豬拼切雞：豬皮夠脆，雞就冇乜味。冬菇鵝掌：冬菇還可以，鵝掌似一舊冇味道o既軟膠...蝦乾通菜煲：蝦乾似臘腸，通菜好難食，質地同味道都唔掂。杏汁豬肺湯：杏仁味好人工，味道亦太鹹喇！冇果盤、冇糖水、冇住戶優惠、冇信用咭優惠......埋單唔係太貴，不過感覺唔係咁抵。午市食茶尚且OK，晚飯，尤其一家大細，咪攪喇！

Headed for the Citygate mall to check out the outlets over the long weekend. Decided to try this dim sum place as there seemd to be quite a crowd gathered outside. It was extremely affordable at HK$160 for two for five dim sums, esp as this was a public holiday weekend so there were no discounts on the dishes. However, none of the dishes were all that memorable, except for the char siu bao, which was a steal.Good choice if you are in the area and looking for dim sum.

因為有親人住東涌, 加上之前o向機場返工,所以經常o向東涌食野, 試過好多間酒樓, 最好食o既點心非聯邦皇宮莫屬!!!極力推介平日既下午茶(如果唔係呢個時段都幾貴ga~)大中小點都$12,特點$26,超抵超好食!!!!!

難得友人來到大西南,就一起在Citygate飲茶.一間東會軒,一間聯邦皇宮.雖然兩者皆差不多,但聯邦的"朵"比較響,水準或更有保証.近年經濟復蘇,拿住紙仔在門口等入座的景像,小弟也很久未試過.這個早上,不知何故叫到一檯都係,煎炸蒸粥飯樣樣有齊.煎蘿蔔糕出奇地不俗,因為用的蘿蔔糕,充滿蘿蔔絲,非九成粉一成蘿蔔之劣貨.但友人嫌煎得過火.皮蛋瘦上桌時已不熱,似是給小朋友吃,絕對敗筆.鳳爪排骨飯是特價點心之一,份量不多,而飯粒亦蒸得不夠畢挺.其他的蝦餃,燒賣,鳳爪等等,又不差.最意外的,就是連這些大型連鎖酒家,也有鵪春蛋燒賣.柚皮鵝掌其實可做得更好,本身柚皮質感不俗.可是兩者好像合不來,柚皮索不到鵝掌味.大家老死不相往還.大型連鎖酒家,也是差不多矣,埋單不算很貴,算是有點意外.事後味精反應很強,整個早上,點點不順.

一早已經plan定上星期六去東涌shopping兼食埋晚餐, 我地又縮細範圍食中菜龍蝦, 入面得2間酒樓, 我地仲高估自己既行街能力可以行到晚上成7時多, 原本book左去一間叫東薈閣7時半...點知我6時多就叫曬救命對腳好累啦...最終我地6時半就搵食啦...不過我地就去左聯邦酒樓(因我地睇過出面既餐牌, 好似聯邦有d岩我地食既野)其實6時半都唔錯好多人, 唔需要book位都可以啦...我地原本係想散叫一隻龍蝦..點知我地見到有龍蝦套餐..仲岩啦費時叫成隻會食唔曬...正呀個龍蝦套餐都唔錯架, 每人有一隻乳鴒, 半隻龍蝦仔+e麵, 一個海皇湯, 同埋自選一款小菜- 鮮茄什菌浸時菜...每樣野都唔錯啦..只係主角龍蝦e麵就好一般啦唔算特別好味...不過2個人都食得好開心.

5.8.2007 (星期日)今日去東涌飲早茶，諗著喱度價錢會幾貴，好彩有早市特價心，所以唔係好貴。星期日及公眾假期心價錢係：小$14.8中$18.8大$22.8特$26.8頂$30.8茶錢$10 / 每位我兩個人叫5碟心，有：1) 鳳爪排骨飯$8.8 (特價)細細碗，熱辣辣，幾好！2) 香煎蝦米腸$9.8 (特價)煎得夠香口，都有好多蝦米，唔錯！3) 五柳炸雲吞$9.8 (特價)好脆，正！4) 魚湯什菌鮮竹卷$11.8 (特價)喱個嘛嘛，係我個人口味關係，唔關食物質素。5) 翠瓜星斑餃(中)有3件，但要趁熱食，因為裏面有斑肉及蝦，凍有腥。喱度環境幾好，坐位舒適，員工做快手。

公司聯歡晚會,選址在聯邦皇宮,包下一間宴會廳,百幾二百人,不成問題.這些公式化聚會,旨不在食,統統為了抽獎而已.聯邦水準如何大家亦心中有數.菜名照舊好意頭,燒乳豬叫金豬迎新歲,其他的什麼發財好市柱甫,碧綠花支玉帶,鑽石百花蟹鉗,紅燒雙喜生翅,聯邦一品雞,福祿花膠扣鵝掌,清蒸老虎班,例牌來個富貴炒飯,吉祥炒麵,鴻運團圓作結尾.也是平時一貫的水準.燒豬也過得去,近月吃得多,這個難免比下去.皮不脆,已經輸蝕.蟹鉗之外,還有炸"蜜瓜豆奶",味道不知怎去形容的怪.花膠淋過鵝腸,一品雞沒有雞味,肉質還很鞋.其他的嘛,評無可評.這夜一個獎也抽不到,可惜.等下年再抽過?未必,或者到時已經轉飯鑊也未定.