聚興樓

营业中

休息中

啖啖肉手撕雞撈麵(麻辣小辣)$41，燻蹄(原味)$46，雞翼尖(小辣)$40啖啖肉手撕雞撈麵ge麵可以轉飯，個麵似出面買ge撈麵，但個味唔會太重，麵質適中,唔會太硬或太淋身好爽口，份量岩岩好。外賣速遞來啲野食仲微暖。啖啖肉手撕雞全是肉唔會有骨或太靭難以咬口，仲可以揀辣度，例如：麻辣(小/中/大辣)或秘製(原味)。燻蹄(原味)可能因為無叫辣所以覺得比較淡味，呢個冷盤又唔係好凍，而雞翼尖(小辣)似瑞士雞翼加辣汁，份量適中。

平時都幾多人排隊，所以通常都會打電話嗌定先再去攞外賣，手撕雞可以配撈麵或者飯，唔夠食加大，食得唔多都仲可以揀少量版，20幾蚊好抵食，平時都會係加辣再加芝麻，不過個人喜好鍾意食飯多啲因為再落埋豉油夠味，手撕雞送飯係一流。另外燒賣都好抵食， $5就有六粒，有時行過都會買$10燒賣嚟食下，比Seven嘅燒賣更加煙韌好食。

平日12點幾嚟買，都有小小人喺度等拎外賣，我又試下係咪真係好好食先。手撕雞飯(小辣*) - $23*姐姐會問你要唔要辣同芝麻，我梗係兩樣都要啦飯嘅份量十足! 唯恐手撕雞太少，不過個辣汁係幾好食嘅💪🏻食到最後一啖喉嚨痛了😂hahaa食唔到辣嘅朋友千祈唔好叫呀

朋友成日都同我講叫我要試下呢間聚興樓～因爲佢啲飯盒超抵食😍行過藍田諗唔到食咩就試下佢了～👉🏿✨手撕雞撈麵 Hkd 23 💸📌估唔到手撕雞份量都幾足～本身有麻辣但見啲汁好似好勁咁所以放棄左叫原味😂啲雞會有小小鞋，不過都幾多肉，唔會俾晒骨你😜但就咁食係有啲重口味，偏咸呢，但同埋撈麵一齊食就岩岩好☺️頹飯黎講呢個都唔錯啦～又平又足料呢！

第二次嚟聚興樓買手撕雞，兩次都幾多人等，上次試左秘製手油雞，略嫌麻油太多，食到一半有啲膩，所以今次嚟試下麻辣手撕雞，可以揀大中小辣，唔係好食得辣嘅我就揀左小啦，但我覺得食起嚟比秘製嘅惹味，送飯一流呀！！下次會再嚟試其實野食啦！

放工咬串燒賣，真係人生一大樂事。今日小弟就走咗去藍田嘅聚興樓買咗＄10燒賣，呢度嘅燒賣雖然同平時食開嗰啲燒賣冇乜分別，但係勝在呢度有佢哋自己特製嘅麻辣辣椒油，加咗落去之後，啲燒賣當堂升左幾個Level.正

員工服務態度極差,制作手法非常有問題!明明撈麵餐每一張單或是每一個客人應該是一包一包分開煮,但不知道員工到底是為了貪圖方便或是節省時間,他竟然將不同客人的撈麵一拼煮在一起,再用自己肉眼和經驗把兩個撈麵分開放在餐盒上,最後明顯地兩盒撈麵的分量根本不是一樣!!!!!!我也向他反映,但他沒有理會我繼續招呼其他客人!!!已經不是第一次!!好,可能因為太多客人,算了!但第三次來買,我說明要大辣,但他只落了那個匙的三分一的辣油,我便有禮地向他說:可不可以再多少少辣油,但他的態度非常惡劣:下重唔夠多呀?我已經比左好多你,你返去食完唔夠下次叫我加喇!!!下次?!!!就算幾平幾好食都好,員工咁既態度同做野方法!應該唔會有下次!!!!

2016年9月25日 (星期日) 5:00pm 食店只提供外賣服務，沒有堂食。雖然地方面積不算大，但環境光亮整潔。 本人第一次惠顧。 台式秘製手撕雞 - 雞肉嫩滑不靱，肉多雞皮少，感覺健康 ( 我不吃雞皮的 )。同時，雞肉撕得亦見幼細，配合麻油、花椒、八角、陳皮粉、甘草粉和芝麻粒後，味道濃郁，有點偏鹹，適宜拌白飯一起吃。

今日買左盒手撕雞飯做晚飯，望見覺得唔錯。但食時發現手撕雞只有1件雞頸、1隻雞腳、3件不大於1元的雞肉碎、三分一隻翼，找到多是雞皮和骨，雖然只是22元，但同無餸食白飯沒有多大分別。我以後也不會再食這間

新店開張，手撕雞幾特別，都有好多小食選擇，麻辣都幾好味，不錯！唔係好多店舖有手撕雞賣，見佢地用人手撕雞，都好有feel，有排試佢地D嘢食，值得再一試再試，價錢方面亦十分合理