聰嫂私房甜品 (已結業)

附近收工同事經過樓下，大家都好肚餓，見到呢間新開既聰嫂，又有榴槤甜品，於是二話不說入去食。我就嗌咗榴槤黑糯米甜品，一放低已經聞到一陣榴槤香味，份量都幾足夠，榴槤同黑糯米比例一半一半，榴槤偏甜，不過比啲榴槤冰同配埋黑糯米食，成個甜度會中和返，又飽肚。然後我試咗朋友嘅芒果雙皮奶，芒果有兩大篇，唔會酸，味道都係偏甜，不過雙皮奶仲都會中和翻芒果，質地好滑，一食就有滑落喉嚨嘅感覺，份量都好足夠，食落好飽肚。

唔講真係唔覺，原來旺角花園街又開多咗一間聰嫂甜品，雖然同豉油街嘅分店相隔好近，但都引來長長嘅人龍。原來係因為做緊推廣優惠，新開張買榴槤水晶珠或者龍眼冰都會買一送一！不過只限堂食，唔怪得知咁多人啦。榴槤水晶珠不嬲都係我嘅最愛，最頂有一球份量都幾多嘅榴槤肉，味道甘香甜美，啖啖都好細滑，配合埋下面幼滑嘅椰香冰，好好味~