肥公車仔麵 (已結業)

舊公司在大角咀，每星期必到肥公吃兩次早餐，最大特色就是抵食！麵檔環境很一般，通常單人去必要搭枱，偶爾地面有點油。我的必點麵底是米線，但同事們會吃店推薦油麵，麵底份量不多，剛夠你吃飽。重點來了，我餸類點了四款，包括雞翼、魚片頭，豬腸及白菜仔盛惠hkd35。鹵水雞翼算入味，三件大大隻；魚片頭彈牙爽口，跟魚蛋檔的一樣口感；豬腸味道好而份量也不少，店內其實有大腸及豬腸，要指定的要講明，白菜軟腍。每日有款兩時菜讓你加點，每款只是6元，會下在麵里，份量不少，價錢比外面十多元一小碟的便宜多了，基本上你吃完麵底必未吃完餸。按照平時三餸，不過三十元，吃得這份量車仔麵，物超所值。

冇食lunch好鬼餓~ 去左肥公車仔麵食，呢間又平又好味👍🏻👍🏻 去到要排隊叫麵叫餸，我就要左粗麵，因為我朋友話嘅推薦，本身我就比較鍾意食米線🤣 至於叫餸，我就叫咗雞翼，雞翼尖，魚皮餃，冬菇，叫咗一支支裝嘅可樂✌🏻✌🏻佢好快，而且好平，咁多餸都係30幾蚊🙈 超級抵食佢嘅湯底係超級正👍🏻 可以當湯飲🤣🤣 雞翼就係滷水雞翼黎， 整得好好，連裏面嘅肉都有食到滷水味，雞翼尖就係佢嘅招牌👍🏻 魚皮餃同冬菇就正正常常，但係因為配搭左佢嘅湯底，所以特別好味✌🏻🤣 值得推介！

今日全日唔係點食嘢，應該係話冇食正餐，所以黃昏好肚餓，收工去咗肥公車仔麵諗住食少少~ 差不多六點幾，去到已經排緊隊，呢間車仔麵好早就會關門，所以應該係最後一轉人龍！車仔麵又平又飽肚，已經幫襯過幾次！最緊要都係幾好味~ 佢嘅面類同餸分開計錢~但係都係好平！ 我最鍾意就係米線同河粉，但係今日就揀咗河粉，即場幫我整返熱~ 我叫咗腸仔，雞翼同埋豆粕，見佢嘅滷水雞翼整得好好味，所以就叫咗，如果唔係都會食豬腸～呢度要自己搵位，好多人都唔介意搭枱，可能坐得比較迫，都唔係好介意，超級好👍🏻佢嘅湯底鹹鹹地，我直情當湯咁飲，雖然就應該有味精架啦～ 河粉一般，幾軟身，但係下次叫都會叫返河粉🤣 最好食係雞翼，佢連入邊都係有滷水味，好入味，腸仔同豆粕就冇乜特別！純粹真係食完好飽肚，值得推介，平時得閒冇事我都坐入去食一碗👍🏻👍🏻

今日同朋友心血來潮去咗食肥公 太耐冇食啦！差啲唔識叫 我地下午去咗食，當係下午茶！外面真係多車到一個點，所以千祈唔好揸車過黎食會搵唔到位🤣呢度係先要排隊叫咗俾錢先既～ 先付款後取麵我叫左米線，好平！加左雞翼，腸仔，同魚皮餃～ 佢好快，等咗差不多1分鐘都唔洗就已經拎得 店裡枱唔多，有時要放埋岀去街好熱鬧！都唔算好熱好焗~ 都算有冷氣味道方面，份量啱啱好一個女仔食到飽，滷水雞翼超好入味，好好食佢入味到令成碗湯都變咗滷水味 魚皮餃嘅咸到啱啱好，唔會好淡，腸仔就一般，冇乜特別！米線煮得好軟身，所以好回味

今日早收行過肥公緊係坐低嘆個車仔面先,旺角大角咀街坊一向都知道肥公出名大件夾抵食,而最出名就係食鹵味,肥公公仔面檔雖然睇落門面唔太靚,但午餐晚餐時間長期都大排長龍,同其他車仔面一樣,廚師一路煮唔同既送,客人就一路跟住行一路叫,點指兵兵叫野食,叫完自己碗車仔面再比錢～就自己揀位坐起動喇😆今次叫左豆卜豬肺雞翼,雞翼$10/3隻,非常抵,依家出面食飯好難搵👍🏻可以另外叫佢加腩汁/咖哩汁,平時食開腩汁既我今日就轉轉口味食咖哩喇,一樣好食,今日諗住小小份量食下先,$26埋單👍🏻😆😆

早幾日師傅休息，一瞓醒覺後當然係要醫下個肚啦，左諗右諗都唔知食乜好，忽然間想起呢一間食店，加上師傅從不都未食過，成日都好想去試，就喺呢師決定去會一會佢。專登乘搭地鐵嚟到太子呢一區，都可算好有心去了。地點唔算難搵，但當日都算幾大雨，斷估唔到去到門口都仍然有條隊，喺冇辦法之下，唯有排隊等下，好彩條阿唔算好長，大約五分鐘到就已經可以入去柯打食物。其實喺排隊時已經諗定一陣要食乜嘢，雖然不過車仔麵來來去去都係嗰幾味，所以二話不說就叫咗米粉，等阿姐煮完米粉之後，就可以叫餸啦。師大一口氣叫咗幾種，有豬皮，豬紅，豬腸，魷魚同牛筋腩。叫完餸諗住可以攞埋位食，點知阿姐好貼心咁問要唔要咖哩汁，有咖哩汁辣辣哋當然好啦，師傅所以即刻同阿姐講要呀要呀要呀。。。。拿拿聲自己搵個位坐低即刻開餐，一如以往師傅第一啖一定係飲下個湯先，湯底味道唔算好濃，不過好好味，加油味精算少，配上少少咖哩汁，香香辣辣都唔錯。既然湯底都有番咁上下當然要試下啲餸喇。先講下豬紅，豬紅切得細細樽，入口煙煙韌韌，而且都炆得幾入味，又唔會碎濕濕，排算唔錯喎。至於豬皮就好普通，入口少少腍，唔夠爽口，所以係一般。再黎就係牛筋腩，師傅覺得呢個牛筋腩真係一

今日同深水埗街坊好友打牙骹👀佢哋問我知啊知邊間"肥公車仔麵"，我話跑步時有經過，平時見都很多人排隊，但未試過。街坊立即跟我說"肥公"才是深水埗車公麵之寶😏😏望一望隻鐘⌚e~~6點幾囉喎，唔知趕唔趕得切去試呢～ 我馬上快步👣👣拿拿淋走去鴉蘭街試過究竟🙄🙄好彩仲未收鋪，而且還有很多食客。好~我叫了米粉底，豬油渣出名必試，另外牛雜好吸引喎叫埋，加埋白菜仔🌱多謝成為$42蚊😆😆“肥公” 雖然沒有什麼秘制醬汁，辣椒油味道都不輸蝕，食物很入味，份量十足，你睇佢哋竟然成個牛心都剪晒畀我，果然係大份夾抵食😉😉加上座位舒適，清潔又衛生，難怪深得街坊大大力支持😚😚

次次喺旺角想食車仔麵，都一定會黎呢度，貪佢選擇多，料又好食。叫左豬紅豬腸蘿蔔河，先講個湯，腩汁好濃，八角味都好重，不過有啲過鹹。河粉稔身，索左湯嘅濃味，食到抵都係會渴。餸就全部都滿意。豬紅 jelly jelly, 滑溜無腥味。豬腸滷得入味又彈牙，蘿蔔好入味，稔身，唔錯呀！

今天一個人在旺角穿街走巷，看看家居設計。無意中又讓我發现到一間又美味又抵食的車仔麵。我是被店外長長的人龍而吸引過去的。我先在店外初步 survey 一番，看看其他食客在吃什麼。然後我再看一看食物價格表，才明白為什麼會吸引人流。店裡的食物價錢非常親民，大多數的餸都是六元起。食物的味道是我在香港七年裏吃過最好吃的車仔麵，真是一大發现。不要以為一個餸六元一定很少，分量不少的 hor。我叫做豬腸、豬皮、豬紅和油面 外加一支可樂，埋單$32。所以你地快 d 埋來睇，埋來食啊！

每一區都有佢出名既車仔麵檔，論價錢公道又好味就非肥公莫屬，係鴉蘭街同新填地街交街你會發現肥公同一般唔憂做既餐廳一樣，肥公都係休星期日，唔想摸門釘就要留意喇!排到玻璃窗位置先揀粉麵同菜，因為實在太足料，呢度剩食餸都夠飽，而且唔洗$50蚊，可以去邊度搵一般車仔麵檔有既餸都會係度搵到，今日遇著亞姐夾餸真係好彩，豬腸叫一份都有平時兩份咁多，冬菇細細粒但厚身爽滑，平時最怕豬皮見到黑色毛，係肥公就唔會有呢個顧慮，雞翼$8有3隻仲要滷得入味，蘿蔔清甜唔會食到一口渣比起一般唔憂做既餐廳佢都算有服務，如果樓下冇位樓面叔叔都會幫你送食物上樓，而且餐具都乾淨唔會有入晒色既筷子，醬料齊全唔會痴立立

我哋香港人口味真係好特別，除咗喜歡食雲吞麵，魚蛋河，牛雜米之外……仲有一種美食我哋都會嚟唔使就想幫襯一下！我講緊嘅就係 ，近排亦都多咗很多 專門食車仔麵嘅小店，地方講究，食物感覺乾淨，當然價錢會貴一點！而呢間肥公車仔麵相當老字號，之前我朋友介紹我食過，我嚟唔使都會心思思想去食番一個豐富嘅車仔麵，因為我個人較貪心，車仔麵選擇較多！講真呢家車仔麵絕對就唔係買包裝，實實際際價錢亦很貼地，所以經常會見到大排長龍……價錢便宜，份量亦相當豐富，一般車仔麵連飲品30十多蚊亦有交易！

我好鍾意食車仔面, 呢間真係我食咁多間, 喺我心目中排第一的, 料多, 味夠, 食完係真係會食上引LUNCH都直頭想搭車去食呀~ 鋪仔細細, 但經常都要排長龍, 不過員工都好快手, 員工多, 但座的地方唔算大, 所以我有時都會外賣,鋪內係比較平民化嗰種, 其實連價錢都係呀

今日中午都仲係涼風浸浸，係旺角做野唔想周圍去搵食，但砵蘭街街頭又真係無咩特別掛念想食，點算好呢？我常常係旺角時一諗唔到食咩就會去食“肥公車仔麵”，勝在質素穩定，價錢唔貴，兼且美味。我今日叫左：春卷，魚皮餃，魚蛋，油麵，加“咖哩汁”，價錢盛惠 $21，係，你無聽錯，真係廿一蚊埋單，今時今日仲有呢 d 佛心價錢，難怪一開門就排晒隊，而且人龍不絕。真係符合晒抵食，好食，穩陣，呢三個元素。不過，下次我一定要記得“加底”，因為個麵唔係好夠食。

老婆想食車仔麵，所以我特登揸車返舊居樓下的肥公車仔麵！咁耐冇食，水準依然保持到，d餸好入味！選擇勁多！今日叫了豬大腸、牛筋、豬紅、冬菇油麵！另外要了一碟細炒麵加魚肉燒賣，一支可樂，只係＄52仍然有條人龍排到出路口，我坐在門口食，方便看車。

這間位於弼街附近的小店，簡陋的裝修卻是一間價錢實惠味道超值的店。除車仔麵也有蒸點心或炒麵，因此從早上到中午，不論堂食還是外賣的人也不少，不過裡頭的姐姐很習慣這種人流人腳很快，就是這種小店不要去要求五星服務，因為林根本不知理。這次是外賣兩菜加米線不用加錢就會有的時菜不會天天麵是生菜。有三隻雞翼跟份量不少的豬腸，雞翼是滷水味，明顯早早弄好非常入味，雞翼是非常安全，豬腸倒是有時侯太肥而不太喜歡但有時又很好吃較為有出入。加腩汁味會很濃郁，喜辣可選加咖哩汁，辣的又很惹味。另外也有其他菜選，如三十元下有這種程度超抵不過因味濃會稍微油膩。