肥後屋

营业中

休息中

上次食左個豚肉生姜燒，覺得好好食。今次食左泡菜牛肉，一樣咁好食！鋪頭唔知係咪新開，唔多人。$85 免加一，學生減$30，一個餐有沙律，有湯，CP值高。Lunch set 有4個選擇，兩次嚟都見到有一個係素食，同事話好味。唔知幾耐轉一次menu呢。題外話，Lunch menu 係手寫，字好靚👍🏻落單時，staff 會問你需唔需要少飯，我算係細食，都唔需要少飯，咁好食一定食得晒！有男同事唔夠食，仲可以加飯tim!

之前上網見到呢間小店推介，朋友生日黎試下全間鋪大約得六張枱，係一間日式小店，主要食串燒，有一小小似日式居酒屋海鮮係要前一日訂，我哋訂咗鮑魚，聖子，象拔蚌我想講全部都好新鮮好鮮甜！特別係個象拔蚌，好甜！好正！另外叫咗一個串燒既set，有金菇肥牛卷，雞肉串，冬菇，豬肉蘆筍卷，多春魚。我最鍾意就係豬肉蘆筍卷，佢用嘅蘆筍都好新鮮，冇渣所以我地encore 再叫～之後我哋仲帶咗安格斯牛，牛舌，煙肉蘆筍卷，茶漬飯，飯團，soba ... (冇影到相)樣樣都好食! 我覺得飯團係必叫!佢燒得好香最後我哋叫咗個燒棉花糖同埋香蕉朱古力🍫原來燒棉花糖係成件蛋糕咁大舊！！！大家要小心叫😂😂😂不過真心係必叫，好味又可以打卡香蕉朱古力就冇棉花糖咁甜，比較大眾化喜愛啲～

昨天一人前，去左肥後屋食午餐。揀左野菌牛肉煮，$85。有湯、前菜、沙律、主菜配飯。好日式feel, 好味道店員nice, 座位舒服，店內環境cozy, 非常喜歡。會再次幫襯!!

三個女仔聚會，諗住搵間有良心嘅鋪頭，銅鑼灣區就揀咗呢間。鋪位係銅鑼灣同天后中間，有少少難搵。平日夜晚，唔算大多人，但都坐咗8成日式串燒，大部份都好食，有驚喜，不過趕時間快食未必啱，因為出餐都需時，如果可以慢慢食住傾計飲酒就氣氛一流，又唔會啲嘢食凍晒。材料都新鮮，價錢合理。因為都一個月前食，比較有印象係冷盤山藥好味，唔係好多地方有。另外牛肉、黑豚肉露筍等都好味，其實無一樣嘢覺得唔好食！朋友已經講定要再去！

今日去左食lunch, 叫左2個set lunch 一個豚肉，一個雞肉，2個都好好味！沙律唔錯小食個芝麻豆腐勁正！連我平時唔係點食嘢既女，都KO左成個午餐！如果個set有埋甜品就perfect喇

是日最後一間良心店呢間事先WHATSAPP訂位前一日會問定部分海鮮要預留咁我就留左鮑魚, 扇貝, 貴妃蚌 一入去已經好多人坐爆晒全場全場人高談闊論所以現場好熱鬧下想清靜食飯呢度唔係選擇但我好喜歡呢度既熱鬧 外子見隔離枱飲緊枝梅酒佢就話要一枝咁我地就擔心飲唔晒所以問左飲唔晒可否攞走當然就俾我地攞走我地亦都只係飲得半樽都冇之後攞番屋企下次飲食到一半先見到佢地酒吧入面有３大樽自釀梅酒好吸引，但未可以開始飲下次有機會想試試 除左留了鮑魚, 扇貝, 貴妃蚌另外加左一份串燒ＳＥＴ，２串雞皮，燒茄子再後加香蕉朱古力 鮑魚燒到剛剛好，爽口唔痴牙味道亦剛剛好 扇貝我地牛油同醬油燒各一隻牛油味好少少因為牛油冇醬油咁濃味更食到扇貝既鮮味 貴妃蚌也是滿滿鮮味也是剛剛好唔會咬唔爛 串燒ＳＥＴ有菇，多春魚，豚肉秋葵，雞肉，金菇牛肉全部都好好食菇仲好ＪＵＩＣＹ，不會燒乾多春魚好多春，脹卜卜的秋葵同豚肉好夾雞肉個醬好好味金菇牛肉都好好味 燒雞皮實不相瞞經常食雞都會去走塊皮但燒雞皮真係好好味同多數去左肥膏所以安心去食一食間中食下應該冇問題吧 燒茄子茄子本身冇味個汁就剛剛好但如果夾埋太多柴魚片就會濃味左少少 其實已經飽架