肯德基家鄉雞 (KFC)

营业中

休息中

剛剛11點附近餐廳仲做緊早餐想食得飽肚少少就真係得返KFCKFC會員優惠60蚊平6蚊揀個貴少少嘅期間限定酸忌廉洋蔥脆雞餐58蚊酸酸咸咸好開胃香口食得晒成個餐+2.5升級濃朱古力葡撻朱古力醬主要撻底整體襯埋又幾好食喎計晒優惠55.5又汽水又飯又雞仲有甜品好飽肚好滿足

今日晚餐叫咗6件雞等勁耐 好多人啲雞又咸又淋諗住耐無食買嚟食下真係好伏7點買等咗20分鐘左右先可以拎到無諗過平日咁多人食 好多人企係度等不過冇下次 真係唔好食仲要等咁耐 唔值

送咗小朋友返學之後間唔中自己都會去KFC食早餐，早餐價錢都算正常，味道不過不失！但係我覺得早餐飲品選擇好少，奶茶真心唔好飲嘅🥹🥹 我每次飲只會飲幾啖 ，每次都希望佢會有改善！ 蜜糖綠茶，我鍾意多蜜糖🍯但唔知點解每次飲完都會胃痛🤷‍♀️🥲其實叫咗你個雞扒餐，我覺得塊雞扒都算好食嘅，腸仔都好食！但係薯餅真係真心有啲硬🥹蛋又好似冇乜蛋味😅 為着我覺得點解我仲食佢係因為送完返學之後超級方便，而且買餐都非常快😅

KFC 有買一送一優惠🤟🏻就梗係繼續唔可以錯過碌下手機，睇下有咩餐可以揀📲個餐內有好多option 可以揀落咗單就等一陣先落去攞因為上次經驗買一送一都會有好多人幫襯✨超勁辣黃醬雞卷🐔🌮卷皮厚薄適中揸上手唔會整濕隻手卷內有生菜紅洋蔥🧅🥬有兩條雞條🍖🍖仲有真心辣口嘅辣黃醬食落又甜又辣咁，口感幾得意✨白汁雞皇飯，加大 （+$4）🍚個飯底真係有大咗🍚🍚白汁份量雖然都有多但雞肉份量都係少👎🏻比上次食嘅時候有點落差✨咖啡，齋啡☕️咖啡奶味好濃中和咗咖啡嘅苦但杯齋啡就有點遜色少咗一啖咁，得返一半👎🏻買一送一優惠係多咗食客幫襯店員亦密密手做，冇咩好投訴👍🏻百忙中有以上差池都可以接受但可以做得再好啲會繼續幫襯

晚餐時間諗唔到食咩好碌下手機app 見到kfc 又做緊優惠$80 二人餐，仲有加大份嘅磨菇飯同埋雞皇飯就又試一次啦先用手機app 落單點咗要香辣炸雞，兩個葡撻飲品要兩杯走甜凍奶茶加$5 要個粗薯條下單後就落餐廳攞現場都有唔少食客等緊外賣可能都因為做緊優惠，多咗人幫襯好快就到自己張單有得攞返到屋企一望兩杯奶茶滿滿的快滿瀉而走甜就真係有走到炸雞同埋葡撻都冇漏炸雞仲熱，好脆口，食落好juicy磨菇飯同埋雞皇飯就正常發揮粗薯條冇咩鹽，唔太鹹，食完唔口渴店員態度好好，冇因為太多客人等緊就黑面如果繼續有優惠，都會繼續幫襯

今朝見到KFC早餐有粥所以特登想試下，叫左個粟米粥+油炸鬼+蜜糖綠茶套餐，另外再散叫左薯餅同蕃茄通粉，所有野都少少地所以可以食多啲唔同款既野食🫢出奇地佢個粥我覺得幾好食😱我初初以為佢無無味既白粥底，點知唔係佢係有鹹味而且粥底綿滑，配埋香甜粟米我個人幾中意😋另外油炸鬼都幾好味，熱辣辣好香就算買到番屋企食都仲好香脆可口👍🏻唔會好硬，真心推薦大家可以一試😌如果份量可以多啲就更好～

剛剛路過KFC得悉有個M1 - M3 餐有買一送一優惠平時都少去食難得有優惠，就入去試一次啦入到去，見到有好多人排緊隊相信都係被優惠吸引而收銀亦講明，等餐最少要等三十分鐘而我又有時間，就落單後行陣街隔一下再返來前後等咗約20 分鐘就有得攞餐見到店員執餐都冇怠慢個個都好快手好努力希望可以儘快清左啲單佢呢個point 抵讚我點咗個M2 炸雞餐加大白汁雞皇飯兩杯凍奶茶加$5 要多佃粗薯條外賣自取返到屋企拆開睇，所有食物都執齊完全冇遺漏炸雞同埋飯都仲熱奶茶亦唔會冇咗兩啖咁呢個組合埋單都係$77，兩個人食都食唔哂算係咁啦

到下午茶時間，有啲肚餓路過KFC 就入去睇吓有咩食用手機點餐薄單點咗個桶飯鴛鴦雞桶飯，磨菇汁加$5 要杯凍奶茶外賣返屋企打開蓋，成盒飯好大盒雞鎚有肉多汁唔係只係得皮包骨雞塊大塊，炸粉唔厚雞肉下仲有好多粟米粒同埋磨菇汁撈飯一流店員態度幾好會繼續幫襯

唔講唔知我一直以為都有薯格供應，直至見到廣告話薯格回歸我先知原來薯格已經停止左供應😨趁佢今次回歸特登買黎試下🤗♦️薯格：我覺得好似以前好食啲，佢偏硬身買番黎已經開始硬同埋好難咬開，有少少失望😢♦️紅咖喱雞翼：覺得陣味同雞翼唔係好夾，有少少重椰汁味，我覺得巴辣香雞翼好食好多🤔

午飯時間路過kfc見到有桶飯就即管試一試下手機落單都幾方便可以唔使排隊等買走返屋企食餐飲要齋啡，要加$3飯嘅份量都多，一個男人都夠飽塊雞扒仲熱辣辣，脆口，好嫩滑成個餐 $30 + $3 = $33性價比高，會再幫襯

雖然將軍澳係美食沙漠，但係好彩有KFC。今日用咗400分換一個葡撻食，再用900分換埋薯塊，同埋500分換一杯汽水，咁就一餐。呢間鋪出餐幾快，有啲偏所以唔多人食。葡撻嘅味道好香，而且蛋味好重，個心仲係流流地嘅，冇乜邊幾間可以做到呢個質地。拎出嚟嘅時候仲係熱辣辣。

🥢 KFC新出嘅阿華田脆脆葡撻一直未有機會試，今日突然興起想即刻食，就去左買了😎 價錢不嬲平價，仲係KFC特有嘅創意蛋撻，而且佢哋最出名嘅反而係葡撻，所以好期待。 ⏳ 我今次嚟係朝早，所以所有葡撻都係新鮮滾熱辣出爐，買咗三個自私食，食完即刻想再買多個食🤣 ✨ 今次叫咗佢哋新出阿華田脆脆葡撻，首先葡撻嘅外皮比起原味葡撻硬身，比起原味有另一番風味，中間嘅阿華田脆脆佈滿成個蛋漿，蛋嘅香熟軟滑加埋佢哋嘅脆脆阿華田碎，令到成個葡撻層次口感豐富，又甜又香

見到佢出咗一款新嘅香草雞，平日都係食開炸雞嘅，但係見到有新嘅諗住試吓啦。咁我叫咗一個新嘅香草燒雞餐，店員都好用心幫我落單，仲好快執好個餐比我添。我返到埋位，見到成盒雞，嗰兩舊雞，一個雞上髀一個雞鎚，我見到係完全係深啡色嘅，見到個雞鎚直頭係細隻到，連隻膠叉都同佢差唔多大，食落口直頭係乾，我以為自己食緊肉乾，諗住雞上髀嗰個會好少少，點知乾到要用汽水送先至食得落去，我未食過完全係乾同冇乜味嘅雞，成個餐其他嘢都係好正常，但係你得KFC梗係食雞㗎啦，點解最重點嘅雞可以乾到變咗肉乾咁。

2份X8的套餐3件雞（雞胸/雞脾）配氣水（百士可樂）1份要全部吾辣雞吾辣雞雞皮一點都吾脆仲軟綿綿甘雞肉肉質好dry另一份係全辣雞有對比下辣雞的皮脆好多肉質也有不同如果吾係有屋企人吾食的辣真係吾會叫原味

返工午餐成日都食KFC，因為方便又好味。今次買左個O4 爆脆雞滿足套餐，有2件爆脆雞 + 格格脆薯塊 + 經典葡撻 + 汽水 + 1款點雞用既法式他他醬，原來宜家仲有COLLAR 禮品喎🤯🤯🤯 KFC新推出既爆脆雞真係近期最愛，雞件係喺分店度即場人手上粉，熱辣辣炸出黎，外皮金黃香脆好crispy，咬落去爆哂汁，雞肉超級嫩滑。仲可以將爆脆雞沾上法式他他醬，味道甜甜地，清爽又微酸話說除左爆脆雞套餐之外，買其他可以選雞件口味既套餐都可免費選配「爆脆雞」嫁不過宜家食O4 爆脆雞滿足套餐仲會送COLLAR成員既個人應援手幅，有兩面既，一面係團體照😍，另一面就係成員個人照😍每個Collar成員既應援手幅送嘅日子都唔同，留意住KFC 嘅社交平台就可以睇到有COLLAR 禮品既最新update喇，聽職員講遲下仲有手機架送喎🤯 大家要快d去食宜個套餐拎喇！。。KFC