胖老爹美式炸雞 (香港工業中心)

营业中

休息中

呢間半路爹本身喺台灣已經超級出名～我去台灣嗰陣都食過一次！估唔到香港終於有分店🥰今次經過叫咗一份無骨雞扒試吓，食落去水準同台灣嘅有得揮！份炸雞叫完之後先即刻炸～所以都需要啲時間🥺但係食落真係好好食！皮好脆之餘仲要熱辣辣！而且佢係我鍾意嘅皮薄炸雞～可以食到厚厚多汁嘅雞肉，啱啱拎上手嗰陣係真係熱到食唔到🥺咬落去啖啖肉～呢間有好多人會叫外賣，我諗以後直接叫外賣送到返屋企都仲會係熱辣辣嘅🫶🏻🥰

即買即炸，等15分鐘，兩件雞$42連嘢飲，價錢OK，幾脆幾新鮮，等15分鐘值得嘅，有包華鹽自己想加唔加都得，進食工具又有手套。所以整體嘅感覺都好，唔差，$42做到依樣嘢抵玩，唔知點解佢會咁少好評，期望佢仍然存在，我得閒可以去食

胖老爹由台灣開過黎美式炸雞店夜晚7點， 見到佢有大量外賣訂單，全部都係即點即炸，大概需要等15分鐘由荔枝角拎到返屋企大概要半個鐘時間，食落外皮都仲係好酥脆，有肉汁流出， 下次經過會再幫襯

-呢間來自台灣嘅炸雞🍗專門店之前喺澳門食過一直念念不忘😆 終於依家開埋嚟香港🇭🇰喇😍😍炸雞🍗即叫即整熱辣辣係會辣口嗰隻😂🔥外皮炸得好香脆而且炸粉唔會過厚☺️ 有啲椒鹽粉調味岩岩好🥰 最最最surprise 嘅係佢入面嘅肉超juicy 嫩滑，係一咬落去成啖肉汁咁😋😋 甜不辣都好好味份量又多😍 係我覺得世一嘅炸雞~ 📍胖老爹美式炸雞 荔枝角青山道489-491號香港工業中心A座地下A4B號舖銅鑼灣糖街8號樂聲大廈地下G05號舖🍽️ 8.5/10

諗住新店可以試吓。點知落單後35分鐘先有得拎，喺鋪面見到有其他顧客同外賣哥哥都等到好唔耐煩。 但係店面有張紙寫住製作時間只係要15-20分鐘。 啲單好亂，有啲炸雞冧把遲過我都早過我拎，問咗鋪面個兩個阿姐3次個進度，每次都冷眼旁觀，應都唔應下你。咁嘅服務態度簡直係趕客，一定唔會再幫襯 😡😡炸雞店賣嘅炸雞價位唔係平，兩人餐共4件雞+1包薯條+兩包野飲收過百。啲雞同某大連鎖炸雞店差唔多，個人覺得跟餐比個包辣椒粉唔加會比較好。但係總括嚟講都係唔值，無下次。

見到開左新炸雞店係手打檸茶隔離， 店名又有點⋯即刻上網search ，原來係台灣好出名既炸雞，咁就安心食，炸雞即叫即炸，等左15分鐘，好彩公司係附近，買完炸雞返公司仲係熱辣辣，急不及待開餐，炸雞脆皮勁脆又唔會厚，有少少胡椒味，好香口，一人餐係雞鎚加雞上脾，雞肉好滑又juicy ,有小時候第一次食炸雞既驚艷，因為細個食乜都覺得好好食🤭可惜得一個人，好想一班人試晒成間鋪既炸物，希望佢可以保持水準，開心荔枝角有多一間好店😊

之前cwb開第一間分店已經聽人講好好食，但吾順路一直未去試，點知早排經過荔枝角先知原來開左第二間分店，因為佢即叫即炸都等左15分鐘，我見佢有網上外賣平台落單，下次就可以係app叫左先。佢炸皮比較厚身，好香口脆到薯片咁，雞肉好嫩又多肉汁，特別推薦雞翼一定要試，佢有另附包辣粉，我覺得吾辣而且人參個種苦澀味，建議大家落少少試吓先。以後想食炸雞應該都淨係會食佢，價錢俾kfc貴少少，但味道完全冇得比👍🏻 ps第一次寫食評，因為佢真係太好食，希望可以開到區區都有分店🤤

今日去茘枝角新開嘅胖老爹、買左一個全家桶、入面有三件上腿、三件下腿、三件雞全翼！肉質鮮嫩風味和口感非常一流👍最重要有我最鍾意食嘅洋蒽圈、實在太好味嗱！聽講無骨雞腿扒好多客人點餐、下次再來一定要試吓呢個🤨⋯⋯想知好唔好食一定要留意我的食評😂