勝記士多小食店

营业中

休息中

行完山食$25一碗麵，可揀牛腩，豬手，我揀了牛腩。原來可揀豆鼓鯪魚。我睇到牛腩已雙眼發光，無睇到原來有豆豉鯪魚。麵是出前一丁麻油味仲有兩條生菜可樂$7，好抵！露天食，有大樹遮蔭，涼快又爽多人，無位，會再開枱人手有限，多人要等耐啲，無所謂的

行山必食小食店!行山出發之前,呢度係補給站 唔少人未食早餐或午餐都會停係度食碗招牌麵坐係街邊食別有風味 山村之中一碗厚切餐肉麵就變成極品美食 仲要加埋係出前一丁麻油味凍奶茶凍檸茶 凍可樂  魚蛋燒賣呢個係行山BB班 食飽先行餐肉煎蛋都係即煎既,超級香脆又厚切 隻蛋仲要係未熟既咬穿蛋黃汁撈麵食一流魚蛋夠彈牙 燒賣煙韌有魚肉味 仲要細心搭多條菜比你食奶茶自家沖製,茶味特別濃香奶味輕檸茶紅茶底夠濃好飲價錢唔貴,有水準即煮又好食平均消費$50評分7/10將軍澳大坳門路1號1 Tai O Mun Rd, Tseung Kwan O

揸車經過見呢間士多，停低醫肚仔，睇吓有乜野食，見到牛腩，豬手，紅腸等美食，忍唔住試吓先，牛腩夠淋入味不沾牙，紅腸煎得好香！豬手有三件，其中一件不夠淋，其它兩件好正，最出色嘅係煎蛋，脆邊香口！配埋豉油汁冇得頂！再加件鮮油多好好味道，再加多少少牛油就完美了

除左郊遊順路黎食之外間唔中都會專誠黎醫肚，食物賣相就冇嘜架喇…純粹享受下港式風味個人最推介就是豆豉鯪魚沙嗲牛肉公仔麵及茶走。豆豉鯪魚份量唔算好多，大約1/3個罐頭…牛肉係肥牛沙嗲味不算濃，但唔試唔覺其實豆豉鯪魚同沙嗲牛是相當match的另外，其實奶茶也不錯茶味夠濃…而茶走就更加滑， 推介！今次仲叫左個芝蛋治烘底share食，剛製作好熱辣辣卡夫芝士半熔狀態食就最好喇。食材很簡單而且沒有花巧賣相，但就充滿港式味道…間唔中黎坐坐飲杯奶茶都好寫意呀

難得星期六唔駛返學. 又去左郊遊. 今次去西貢. 去之前搵資料發現除非自己帶野食, 呢度只有一萬零一間士多. 好過無. 一落巴士就望到間士多, 當然要confirm佢有無開門先, 若果無成日都唔知點算. 行左一朝終於中午回到原點. 幸好一點的時間重有座位, 唔駛等坐落就有人拎餐牌黎. 一般郊遊點的士多都只有餐蛋米,腸蛋米呢類簡單快捷的食品. 估唔到呢度居然重有豬手米. 什至豆豉鯪魚飯都有. 餐牌雖簡單但好吸引.唔駛諗咁難得黎到梗係食下平日好少食的豬手米. $26一碗價錢唔貴. 若果齋要豬手就要四十幾蚊.出去比左錢落單等無耐個豬手米就到, 有三隻豬手仔. 唔好以為得塊皮無咩肉食. 估佢唔到居然都幾多肉. 豬手炆得好爽好林, 唔會死實實. 味道唔算濃但都好入味. 只係份量對我黎講有點少. 感覺黎兩碗我都食晒晒. 呢度的飲品係另叫的. 樽裝茶$11. 尾後係海灘買要成$16.所以大家若諗住行山郊遊前要補給. 呢度絕對係一個方便又好的補給站.

陪友人走一走龍蝦灣郊遊徑散散心，臨上小巴原本只打算到附近醫肚，怎料遇上豬手麵!食豬手最怕不是沒有肉，而是忟得不夠諗，勝記則剛剛好，水亦很入味，朋友則吃了一碗餐蛋麵。賣相都不馬虎，有生菜及選用出前一丁。上菜時間又快，麵既硬度亦剛剛好，兩碗加埋都只係六十找一蚊! 快餐店都未必食到呢個價錢同質素。好多人話，百物之所以騰貴皆因地產商業主不斷加租，成本轉移到顧客上。現在中資地產商以天價搶地，將來受苦還可以再怪誰呢？

開始覺得喜愛郊遊的人有點幸福, 起點終點往往發現令人驚喜的食物這天陰晴不定, 下午起行短遊龍蝦灣, 起點處有勝記士多, 已經有多年沒有幫襯了其實大家也吃過了午飯, 基於為食的理由, 有人不由自主地飄過了勝記買來數串燒賣魚蛋六元一串四粒, 於今時今日是正常的價錢, 而於荒郊野外覺得是有點優惠魚肉燒賣有陣陣的魚肉香味, 並非整團橡膠口感的麵粉魚蛋比旺角街頭的要大粒, 很彈牙, 咖哩味沒有太濃, 尚有陣陣的魚香簡單的小食為我們幾個行山菜烏加添了一份鼓勵