腸粉皇后

营业中

休息中

太安樓好多野食，去一次邊到食得晒！今次去腸粉皇后先，勁驚喜😽😽🌈炸燒賣 $15/8粒出乎意料地好食！表面灑上椒鹽，外脆內軟，好惹味～呢個價錢經濟又實惠，有咁多粒性價比超高！✨炸墨魚餅 $15/4塊回感飽滿多汁，炸漿唔厚😍配上椒鹽好香口，食完一舊又想食多舊😛✨泰式豬頸肉撈面 $40送自選涼茶油膩感岩岩好，唔好覺得滯。豬頸肉好煙韌有咬口，沾上泰式醬，好夠味，食落好過癮。揀咗羅漢果茶，好清甜😇✨鹽焗手撕雞腸粉 $40送自選涼茶 手撕雞份量勁多，好足料，諗緊有冇半隻雞😂😂腸粉好滑，秘制混醬超夾。飲啖五花茶，大大枝超抵飲，又爽又解渴。🌸養顏三寶 $30雪蓮子被稱為植物燕窩，唔係咁簡單！潤肺止咳，仲富含膠質，飲完皮膚漲卜卜！。同桃膠一齊煮糖水，perfect 甜品😚

小店有好多唔同港式地道小食選擇，腸粉 撈麵 咖喱拼盤 滷水拼盤 飲品 同 甜品。撈面唔辣 ❤ 印尼撈麵 可以自選8款食材，我地叫左魚蛋 雞蛋 鵪鶉蛋 蘿蔔 牛舌 水魷 牛肉 雞翼，晚飯做主食黎講，好滿足，好豐富!咖哩三寶 大 ❤ 可以自選5款食材，我地叫左燒賣 蘿蔔 魚蛋 牛百葉 水魷。店主特製既咖喱汁，辣得黎咸香十足，好惹味，如果有豌飯，送飯一流!!好邪惡~ 滷味拼盤大 ❤ 可以自選6款食材，我地叫左蘿蔔 牛舌 豬手 雞翼 火雞腎 雞腳，款款食材都好好好入味，仲有小小香辣味。腍嫩牛舌 爽口火雞腎 清甜多汁無渣既蘿蔔，款款都炆得好入味、夠哂軟腍、滷水味真係越食越開胃。手撕雞撈腸粉 ❤ 大大份絕對抵食，自家工場製做既腸粉，入口柔嫩有彈性，口感夠哂滑dodo，滿滿甜醬 麻醬 豉油 同 芝麻，再加埋啖啖肉既芝麻醬手撕雞，雞肉肉質嫩，鹹香十足，撈埋一齊好好味!

位於西灣河太安樓地下的港式街頭小食店，太安樓大部分的小店都是以外賣形式經營，營業至深夜，很受街坊食客歡迎。這家港式街頭小食店企理整潔，燈光光猛。主打招牌腸粉、各式小食、咖喱、滷味，還有甜品及涼茶飲品。小食：腸粉+燒賣兩款經典的港式街頭小食，腸粉及燒賣放在一起，燒賣也混上腸粉的醬汁；腸粉滑溜，淋上甜醬、芝麻醬及豉油，灑上芝麻，混醬是整份腸粉的精華所在。主食：粉果、海蜇、豬耳撈麵撈麵已預先煮好，放在外賣盒內較乾身，食用時要自行拌勻一下，配合其他配料，滷水豬耳入味，海蜇爽口，粉果餡料飽滿。飲品：夏枯草菊花茶吃完濃味又熱氣的食物，選擇一些健康、清熱的涼茶。一樽裝的涼茶，加了糖不會太苦澀，較易入口。

附近做野，諗住tea食d小食就記得太安好多小食店，行經有間新開小食就試下。。。腸粉+燒賣腸粉(0分) ：唔滑，普通工場貨，皮厚無質感。醬汁(0分) ：水一樣咁稀，唔係間間做到！麻。甜。豉 (0=0=0) 即係無味。燒賣+辣油(0分) ： 辣油唔辣唔香=無。燒賣無辣油已經係垃圾，蒸過隆加蒸籠水加持下原來係咁難食。服務(0分) : 個人感受，有興趣可挑戰。。。。。。。。。。。。環境(? 分) : 企街感受，正常表現絕對唔抵食，比龍津更垃圾

嗰日嗌腸粉+燒賣（17蚊），但收錢嗰陣收20蚊，咁咪問下「唔係17蚊咩」，點知個店員黑哂面咁拍咗塊加價牌幾下。因為嗰塊牌喺嗰啲2/3拼套餐上面，我唔知原來係餐牌所有嘢食都要加錢。唔係話介意嗰3蚊，而係咁樣問一句使唔使黑哂面。後尾發現原來個金毛店員對全世界態度都係咁。咁啲嘢食幾好食都冇用，更何況只係正常質素。食個小食都要受氣😅 明白冇人中意返工，唔需要笑到四萬咁口，但最起碼就唔係黑哂面咁對客啦 好趕客

在太安街吃了一圈觉得得来点实在的，路过看到人站着围住食，就想来试试。既然名字叫肠粉皇后，当然要吃招牌的肠粉啦。因为这边的小店基本cash only，所以我是先向店员确认可以八达通才点的，叫的是招牌混酱肠粉，12元有4条，挺便宜的。我不要辣，红色的盘子垫上薄纸，一段段的粉嫩润滑肠粉上淋上甜酱、甜酱油、芝麻酱，红、黑、土、白相得益彰，也非常好吃，一口一个很快就吃完了😂店员特地拿出一个小机子给我刷八达通，第一次见其实太安街也有很多其他店有肠粉啦，吃吃是可以的。基本不怎么排队，都在隔壁排姊妹美食呢

是日經過太安樓，發現新開左間腸粉皇后，當然要試一試Mix the rice roll $12混醬腸粉Shao Mai $12燒賣腸粉爽滑，加上豉油、甜醬、辣醬等醬料，味道絕配，燒賣彈牙，加上價錢便宜，整體不過不失，可以一試。

今日去西灣河做練習，嚟到西灣河就一定要去太安樓搵食啦! 一於買啲外賣回家慢慢嘆。嘩! 咁多人圍住食，一定有好嘢! 小店真係唔簡單，有好多選擇，除了主打腸粉外，仲有多款小食、撈麵、咖喱拼盤、滷水拼盤、飲品和甜品。要了一份細滷味拼盤($35)，在十三款食品中揀了牛舌、金錢肚、蘿蔔和雞蛋，四款都好入味，還有少少香辣。牛舌腍嫩；金錢肚爽滑；大大件蘿蔔清甜多汁又無渣；雞蛋鹹香，四款都好味。手撕雞撈腸粉 ($28) 是推介之選! 大大份，真係抵食又好食，腸粉柔嫩有彈性，口感佳，沾滿甜醬、麻醬、豉油和芝麻，是最佳的拍檔，喜歡！手撕雞啖啖肉，肉質嫩，味道鹹香，撈埋一齊食更好食。糖水都有唔少選擇，見養顏三寶優惠價($30)，一定要試試啦! 邊三寶? 就係桃膠、雪蓮子和雪燕，用料十足。三寶都滑嘟嘟，加埋椰汁，味道香甜美味，滋潤養顏，食完一定靚靚。

皇后腸粉😘😘😘街霸之選西灣河太安樓、都係本土著名街頭小食買㸃區、好多愛好者都慕名而來、目的都係想食好嘢！我都唔例外、今曰來吃一吃！招牌混醬腸粉$12/4條、自家工場製作、雪白又滑滑、配埋出色甜醬、芝麻醬、唔少🉐️甜豉油、出色又好味！小食之選！賣相吸睛👀手撕雞撈腸粉$28（份）、店主創新之作、芝麻醬手撕雞、再加埋混醬腸粉、濃香芝麻醬、香滑手撕雞、同腸粉撈起、當午餐都🉐️！滿足又飽肚！咖喱三寶$30（細）、牛柏葉、魷魚、豬皮、又爽又彈牙、街頭小吃、都可以安安全全、在太安樓腸粉皇后吃到😆、店主用❤️調配咖喱汁⋯⋯辣🉐️來帶點香濃咖喱、正、正、正！滷味拼盤$60（大）豬耳、金錢肚、牛舌、雞翼、炆得入晒味、仲好軟腍腍、陣陣滷水香味撲鼻👏🏻養顏三寶$50（新張酬賓、優惠價$30）桃膠、雪蓮子、雪燕、真係滋補養顏甜品、甜度剛好又健康！仲可以加奶吃、又白又滑、哈哈😄薑撞奶$35、入口啖啖薑汁、不太甜、雪白白奶蛋白又香又滑、好味到唔停得口👅雞骨草菊花茶$10、自家研製、健康清熱、連冬天都適合😜綠色健康食品、自家工場自製、保證日日新鮮👍🏻👍🏻😍😍😍腸粉皇后（西灣河）西灣河筲箕灣道50 70 87號太安樓地下A 3

腸粉皇后🐖@fantastic.lady2023呢排政府大力宣傳夜經濟，講到熱鬧梗係去有香港小士林之稱嘅西灣河太安樓😏地道小食點少得呢🍢 煎釀三寶，雞蛋仔，咖喱魚蛋燒賣，牛雜，車仔麵，蛋撻糖水，想食咩就食咩😋 手抓餅，章魚燒同海南雞飯都好出名👍🏽 仲要大部分都係開到凌晨，宵夜同掃街必到🌃咁多小食好似差咁樣喎！新開呢間餐廳明顯就係主打腸粉😂腸粉 任選6款6️⃣芝士腸｜魚蛋｜水魷｜蘿蔔｜火鷄腎｜豬皮先揀主食 - 腸粉撈麵，再係超過20款餸中揀自己嘅心水🗂 三個大小選擇，份量勁闊佬！膠碟加張紙，成件事好地道🧻腸粉即叫即剪✂️ 雪白滑溜，加上豉油甜醬同芝麻，係混醬嘅精髓😎 大大舊白蘿蔔，無筋又清甜🥕 火雞腎滷得好入味，係口感偏鬆軟嗰種🦃️撈麵 任選6款6️⃣豬手｜雞翼｜牛舌｜金錢肚｜牛柏葉｜鵪鶉蛋試完滷水之後即刻encore多份主食，今次就揀咗印尼撈麵🍜 豬手超大隻，連隔離望到都流晒口水😂牛舌同金錢肚都好好食👍🏽 雞蛋同鵪鶉蛋，就梗係揀蛋白質、含鐵量同維生素B2更高，而膽固醇含量更低嘅後者🥚燒賣💛食完魚蛋一定要食埋燒賣，如果食得辣記得加埋辣椒油🌶雙皮奶🥛原本見養顏三寶 桃膠雪蓮子雪燕，優惠價$30咋，點知

太安樓出名多野食，行過都會去入黎買野食。見到呢間新束束既小食店，好多人圍住，等我又試下先。叫左啲滷水食，有豬大腸、豬腳、雞翼、蘿蔔、雞蛋、牛舌🐄同雞腎，全部都好入味。豬大腸做得幾好，平時怕食豬大腸既朋友都讚好味。個豬腳同牛舌都炆得好腍。腸粉香滑，混哂啲醬加少辣，加埋魚蛋燒賣， 啲童年回憶返曬嚟。❤️我更鐘意手撕雞撈腸粉，雞肉份量多，芝麻醬口味，食到唔停口。海底椰雪梨菊花膏，將涼茶做到啫喱既膏狀，口感超正，又清涼又解渴。

又一家新店在太安樓開業，路過幾次都見好多人排隊，今日見到條隊好短，喺我前面只有兩個人，於是梗係要排隊試一試佢嘅手勢啦，點知味道令人失望，唔係話唔好食，不過如果你排隊便輸了，因為真係冇期望冇失望。我叫咗腸粉魚蛋燒賣豬皮同埋雞翼，樣樣嘢味道都係好一般，基本上太安樓是但一間都食得到，佢個腸粉有少少削，好似未蒸得透咁樣；魚蛋就濕咗少少；燒賣就係正常工廠出品啦；豬皮太林太濕吸唔到啲汁嘅味所以淡茂茂；雞翼最過癮，因為一隻勁鹹一隻無味，估計佢哋會越早越好，因為個進步空間都非常之大。