騰龍閣西餅麵包

营业中

休息中

睇名以為係住宅？其實係大角咀一間極不起眼嘅小小小麵包店；加一盆蛋撻，左一櫃麵包，入面餅房，專賣港式包，店鋪有點歷史痕跡，呢度就係龍騰閣！蛋撻好食，個人鍾意餅皮，餅皮陪紮實夠牛油香，蛋漿有厚度，濃濃蛋香味；雞尾包係有ｄ料，仲要係爆料，好多芝麻，好多椰絲同時糖嘅甜度又唔會甜到牙痺；三角咖啡蛋糕鬆軟，忌廉分開了雞蛋糕同咖啡蛋糕，蛋味咖啡味都好到位；吞拿魚包就麻麻地，吞拿魚餡太濕太糊狀，只有咸味，口感就有點核突

剛好來到大角咀，順道行去騰龍閣試試大家都讚好的—招牌曲奇蛋撻。曲奇蛋撻—有內涵，一口咬下去濃濃蛋香，曲奇皮鬆化，但唔知係咪油有點問題，食完喉嚨唔多舒服四方蛋糕—推介，比古早味蛋糕更有蛋香，食一啖後會想繼續食方包—建議即日食，非常鬆軟，但放到第二日皮比較硬

呢間 餅店仔……騰龍閣 啲野食 幾好味，而且 價錢親民！~四方蛋糕 正！有蛋香 鬆軟 。師傅 好手藝。味道等同現在台灣蛋糕嘅味道！！但價錢差得遠……賣$6.5 /件兩件$11元。我最近 喜愛 食的！值得一試！！老婆 同囡囡 亦都喜歡！！個師傅 啲蛋撻 同樣 做得出色。香、脆 、蛋漿 夾埋一齊……真系 响個口度 到 唔寫得吞落吐｡舖頭仔……有自己 拿手野經過 開嗰頭做野一定 諗起 幫襯佢……而且 我個人 比較喜歡 幫襯小店總 好過 大集團 餅店每間分店 麵包都一樣或者 已經套上膠袋~冷冰冰 又冇特色小店加油！

依度嘅餅皮蛋撻本來係我最愛，但最近好似質素有少少下降，不過都算抵食。佢地有位講野唔正嘅阿姐好串咀，問佢少少野佢會係咁串返你，其實都係買個包食啫，唔駛咁大仇口，好似揾交鬧咁。

今朝早經過騰龍閣見到佢地整緊呢個菠蘿餐肉雞蛋包！7.5元超好食！可惜佢地唔係日日都整！撞岩先買到😋一淡咬落去D 蛋螿爆開，流入新鮮香煎的餐肉到。餐肉用上上等貨，份外香濃豬肉味。波羅包，包皮外脆內軟。剛出爐新鮮好味。

前日下午3:30同老婆途經松樹街，聞到有牛油香味……哦，小餅店有蛋撻出爐！ 点知阿姐話:唔好意思啊，要等多5分鐘蛋撻至出爐，呢盤仲熱架，趕時間架話要呢啲吖！ 好！就買$6有2個蛋撻(仲熱)+$4個雞尾包(暖暖地)！ 蛋撻:曲奇皮鬆脆，聞同食……都同樣有牛油 香味，蛋漿有蛋香重帶有奶味添，唔會用條脷一頂就散開 雞尾包:正！有椰香而不太甜，直情係~童年時候嘅味道。。。。真係所謂“高手在小店“ 甚麼豪華裝修，精美包裝……我就乜都唔信，自己食過啱食就最。。。。真！

今日黎到大角咀區!經過哩間舊式餅店...聞到好香, 真係好香既曲奇味!原來係蛋撻出爐...金黃色既曲奇皮 非常非常鬆脆！正所謂 蛋有蛋味 好味呀！我係連相都冇影就食左 之後再買多個補飛仲要$3蚊隻蛋撻 今時今日都比較難搵！抵食餅店外面既環境比較舊!但舊式野永遠係最好味既!-

騰龍閣久違了舊式的曲奇蛋撻可在這裡找到。曲奇面是焗到深啡色，焗到將近燶的曲奇是最香，最脆，最有口感。加上又黃又濃郁的蛋漿倒滿在曲奇池餅裏，令我急不及待將口盡量打開，向四方拉大，盡方法以一口氣佔有件蛋撻。在此情此景，最美中不足是它的體溫只是暖暖而已，下次我們再有機緣續呢段情緣，真的要一嘗它的熱騰騰嘅出爐蛋撻。每件只需$3。

上次到訪了車品品, 今次年尾收爐, 公司收早. 當然要再嚟掃下平貨. 平日通常夜晚嚟, 但原來日間嚟時, 會有另一收穫, 就係邊睇野睇聞到香噴噴的旦撻....一邊行逛, 一邊香味撲鼻而來, 很分心呀! 肚子也打雷了. 好吧, 先放下手中的寶貝, 去滿足下口福之慾先! 行到商場外面, oh, 無錯, 真係有一麵飽舖, 剛有旦撻出爐, 要了一個, 只係$2. 有冇搞錯?! 今時今日, 仲有兩蚊的旦撻?! 旦香ok, 有少少過甜, 撻皮幾鬆軟, 剛出爐, 不會差得到哪裡. 不算很頂級的旦撻, 但等待, 尋找, 搵到的過程, 已大大提升了滿足程度. 有時食物的味道, 都跟過程有著很大的關連吧!

五點幾新鮮出爐超多人買難得見到係我愛既曲奇皮皮脆但少左d牛油香反而蛋漿有蛋香唔太甜都可以態度就麻麻喇唔想做你生意咁