自家製

营业中

休息中

有時唔想食飯麵做晚餐嘅話，第一時間都會呢間舖頭。成個街市嘅食肆嚟講都算多人幫襯，又可以Whatsapp落單，好方便。🐻大大碗腸粉基本上係自選幾個餸再同腸粉一齊去蒸。腸粉口感好滑幾煙韌，唔同一般嘅豬腸粉嘅口感。腸粉會送兩包醬油，有時一包慢慢撈都夠食，仲可以加啲麻辣醬落去撈，辣度適中唔會太搶，幾過癮。🐻蒸米粉食咗一排佢哋嘅腸粉先知原來都有蒸米粉揀，口感好得意幾彈牙，同一般嘅米粉好唔同。雞絲又唔會太老太韌，每一啖都有啲菜同粟米，口感好豐富。佢哋盒米粉都會配咗包豉油，不過我就鍾意腸粉跟嗰款醬油多啲喇。總評分：🍯🍯🍯🍯（4/5）

街市入面一間家庭式經營小店腸粉配料有勁多選擇✨之前食開 雞絲蔥花腸✨ ，貪佢夠健康，而且配搭佢個辣醬（應該都係自己整嘅）非常惹味，食完條脷麻痹得好過癮😛🔥點知有一次試左佢個 齋腸✨，一試愛上😍因為原來冇配料更加突顯到佢地自家製腸粉嘅滑而佢個麻醬都好香，每次都忍唔住叫多醬🙈當然老闆娘都有求必應☺️住附近嘅我 多數都會自攜外賣盒落去買，環保啲🥳真心好希望呢間舖可以一直做落去，因為咁我先可以長食長有☺️☺️

香港唔係好多地方有石磨腸粉以前好鍾意去油塘街市度買腸粉食但自從畢業之後就已經冇去嗰邊好耐自己好鍾意食腸粉但又唔係成日可以去酒樓食今次就經過青衣街市見到間好評如潮嘅石磨腸粉就忍唔住試吓做午餐$20唔使就有一大盒腸粉性價比極高👍🏻👍🏻👍🏻我自己就揀咗肉碎蛋腸粉其實揀完之後都幾後悔因為通常肉碎蛋腸粉啲肉碎都好少最後就好似食齋腸咁但點知佢嘅肉碎超級足料😻😻比想像中多勁多🤤🤤除此之外值得激讚嘅係佢嘅豉油佢唔係普通豉油應該叫佢做醬汁佢既醬汁裏面明顯有冬菇碎同埋重點係唔會好鹹！通常豉油到埋落腸粉之後都會變得好鹹但佢嘅味道啱啱好唔會好鹹到晒成包落晒之後個味道啱啱好👍🏻但講明先我係即叫即食如果拎咗返屋企再食先嚟到會唔會有啲唔同🤭

自家製腸粉，呢間腸粉好有特色，會唔同你平時喺酒樓食嗰啲😂 我自己個食法亦好奇怪，通常都叫叉燒蛋腸粉都淨係會落豉油，但呢到會落埋麻醬甜醬，聽落去叉燒腸又咸又甜好奇怪，但食落去個感覺一啲都唔怪，我仲覺得幾好食！😂 同埋份量真係好足，當一個午餐/晚餐完全冇問題！不過溫馨提示，一係打落去叫定/WhatsApp 佢，除非係嗰啲下午茶時間，咪千祈唔好喺嗰度等，我試過等半個鐘😂 始終佢即叫即做，又普通腸粉漿變固體係需要啲時間

放假唔知食咩好，落去樓下街市美食城行一圈。最後揀咗呢間舖頭，買咗個肉碎雞蛋腸粉大大份超級抵食，比料好足。另外有自家製豉油，味道唔會太鹹而且有少少甜。良心小店兩公婆用心經營，極力推介。

一個人既晚餐，唔想食太肥膩，所以揀左泥青衣食街呢邊食手拉腸粉。$20真係十分抵食，嗜辣既朋友可以叫阿姐加辣，仲可以叫網上外賣平台！之前試過粟米肉碎腸同煙鴨胸腸加蛋，今次試火腿蛋，每次都好有水準！

其實佢最出名嘅係腸粉，但我最愛係撈面。唔跟潮流只跟隨自己最愛好抵食又好食，廿蚊有兩餸簡。三粒燒賣兩粒芝士腸，抵吃到爆炸。有啲撈面好好多水，佢哋整到好乾，唔會濕淋淋，好味！

成日都聽啲同事話喱檔腸粉好好食，今次終於到我試嚕😎喱度又有得堂食又有得外賣，都幾方便食客🤔去食果日仲見到有啲人自攜食物盒，店主都好歡迎😆👍🏻叉燒鮮蛋腸粉望落去份量唔算好大，不過一個人食哂真係會好飽🤣啲腸粉個樣望落去啲皮皺皺地🤔食落去個口感同平時係茶樓食嘅腸粉有少少唔同😆不過口感喱啲野見仁見智，我覺得都唔錯😎而且啲叉燒同蛋嘅份量都好足，差唔多啖啖都食到😙.啱啱整好會好熱，記得擺一陣先好食🤣

私心推介！每次喺青衣練波，都會心念念青衣長發夜市嘅腸粉！呢間自家製腸粉，真係自家製而且即叫即整！不得不提係佢個個秘製辣醬，的確係畫龍點睛！佢隻辣醬有啲似四川個隻辣！如果食得辣嘅朋友，真係要試下呀！如果平時單叫腸粉就大約$20，但今次實在太肚餓。所以加左娃娃菜喺底加娃娃菜都係加兩蚊，真係好抵食！對於窮foodie 黎講，簡直係恩物呀！除左腸粉之外，其實都仲有啲小食。例如:茶葉蛋，燒賣魚蛋，豆卜等茶葉蛋黎講，可能因為夜晚都買嘅緣故！浸左一日，茶葉味好濃，好入味！🤤🤤可能今次真係太餓，所以叫多左份$20嘅小食其實都抵食！$20入面有魚蛋，貢丸同豆卜不過個人覺得呢隻辣就比較似麻辣，相比起腸粉個隻辣，小食嘅辣比較淡。整體黎講，個人比較鐘意腸粉同茶葉蛋多啲而且仲可以whatsapp 落單，省翻啲等嘅時間最後順帶一提，老闆娘好nice 好好人，每次去食都笑容滿面

男朋友踢波要醫肚好想食腸粉勁多選擇 最緊要有蛋試左個蛋肉碎 好大盒 即叫即整 又滑記得叫姐姐比個麻辣醬 加落腸粉食 個辣係麻 好過癮 好想買樽返去再試埋櫻花蝦腸 又幾香喎好想試埋粟米蛋肉碎 但太多食唔哂唔係酒樓果d咁厚皮

皺皮腸粉我想食好耐！！終於試到嚕～·🥢叉燒鮮蛋腸粉（$23）媽媽話佢即叫即做⋯ 用櫃桶式鋼盤將米漿同配料一齊蒸！雖然買到番屋企已經凍哂⋯但味道都唔錯🤤😁叉燒粒好多⋯唔係得面頭幾粒！但建議包醬料落1/3，我地落1/3已經好咸，落哂成包應該會腎虧🥶

今日經過長發街市，拉布腸粉加肉碎同蛋，幾特別要試一試先！拉布腸粉加肉碎同蛋，佢同一般拉布腸粉既店唔同，係用汁去撈黎食！腸粉質感彈牙！好味道！店有好多唔同既款！買腸粉加8元有一碗皮蛋廋肉粥！都足料啊！

琴日去青衣打波，知道長發村有個街市好多嘢食，所以就去咗探索一下。見到有一間買腸粉嘅，以前食過呢一種腸粉覺得好好食，🤔之後就冇再見過。點知喺呢度見到，但係由於我唔係好肚餓，所以就叫左佢嘅豆腐串黎食，一食之下覺得超級好食呀！😱因為佢個湯底好香辣味，然後啲豆腐吸晒啲香辣味😱😳簡直係神級呀!!!!🤗哈哈哈哈哈...又唔可以講到咁誇張😂其實主要原因係因為佢個價錢好實惠😆只係$10一串又有湯又有餸~ 所以其實真係抵食架，你哋經過長發邨都去試吓啦。

回媽媽屋企食完晚餐 食完生果 睇埋c9 劇回家時 一直都心掛掛d腸粉因為有次返媽媽度 但又未夠鐘開飯就係在yummy yummy叫左菜脯蛋肉碎腸粉 果刻餓到聞到個味都立即清醒晒 估唔到過左晚餐時間同樣都係好多人order 雖然店唔係好大 但都會有4-5個位置俾人堂食我覺得好貼心今次我就encore上次ge 菜脯蛋肉碎腸粉$20同幫老公買左 牛肉碎菜脯腸粉$20 total $40而工作人員都好窩心remind都等10 mins左右 因為前面都仲有 2 個order加上立即order立即製造 waaaaa 終於到我手la忍唔住立即影返幾張相因為搭完車回家一定唔係咁樣首先個腸粉 粉皮 薄而不穿都有米香而且加埋蛋漿一起做皮 色香味都有至於菜脯蛋肉碎 呢個配搭係好味ge但d肉碎有d粗到似肉粒 有d就真係碎ge菜脯好爽口 俾我焗左咁耐都係咁正至於牛肉碎菜脯腸粉老公就簡單話 幾好 d牛唔會好老而且啖啖肉 不過叫牛肉菜脯腸粉會貼題d至於個size 一個人吃夜宵 啱啱好*小tips, 可以電話落定單 再自取咁就可以省唔少時間

每次一黎到長發，就一定想行入街市食呢間野既豆腐串！😛😛😛由於我好中意食辣既關係，佢會落啲唔個咩料去調個湯底出黎👍🏻👍🏻👍🏻我想講$10一串既豆腐串，你仲可以有個野味既湯底，都算係咁喇掛～👀成件事絕對認真，絕不媽夫～💪🏻😈.同埋有樣野值得一讚既，就係每次黎到都見到老闆娘好好禮貌，好好笑容，同好有耐性～😎每次就算好多人，佢都總係笑容滿面既～哈哈，令到客人就算真係等得耐，都唔捨得摧佢呀.......哈哈哈🤣🤣🤣