影片
日日经过呢间至尊云吞面鸡煲都见人龙，今晚趁落雨有位、人潮未到，终于有位。以$178两个钟任饮任食黎讲，菜单内容相当丰富。虽然啤酒同特色小食需另外收费，但基本锅底、鸡肉及火锅料都可以无限追加。饮品区更出乎意料地丰富，除常见汽水外，竟有清润的罗汉果杞子菊花茶和浓醇豆浆。至尊惹味鸡煲上台时酱汁仍滋滋响，鸡件裹满秘制酱料，入口先是豆瓣的咸香，继而花椒的麻劲窜上舌尖，肉质嫩滑不柴，尤其带骨部位吸饱汤汁，啃起来格外惹味。食完鸡再加汤食火锅，追加的配料中，手打肥牛牛味香浓，云吞皮薄馅鲜，咬开爆出韭菜及猪肉混合既甜汁；炸响铃吸汤能力一流，浸煮后仍带微脆。除左手工肥牛之外，仲有鲜牛可以拣，火锅配料选择非常多。最后一定要食埋老板推介既炸馒头，炸到外脆内软，点炼奶食一流。
继续阅读
呢日系元朗行完街, 系教育路揾野食, 就比我见到呢间餐厅 晚市鸡煲放题, 可能时间尚早, 一入去即刻可以坐低, 但好快, 就已经坐无虚席, 仲越夜越多人😆我地就点左至尊惹味鸡煲, 店员随即好快拎住香喷喷既鸡煲黎, 份量都好多, 肉质好鲜嫩滑身, 我同朋友食到停唔到口😂店员仲话如果唔够食, 可以加鸡😲😲😲我冇听错呀🫨我地真系再encore一份鸡, 食完鸡煲, 就随即转打边炉, 有好多配料, 肥牛, 鱼皮饺, 丸类, 蔬菜类等等。。。仲叫埋炸馒头, 系呢间店既特色, 必食!!! 炸到外脆内软, 最中意食一啖, 点一下炼奶❤️$178任食2小时真系好抵🤩晚市鸡煲放题(唔包括收费小食及啤酒)⚠️⚠️
继续阅读
今日试咗元朗至尊云吞鸡煲，原来佢哋中午都有做饭市，以前食过佢哋嘅打边炉，今次就专登再试吓其他款式。朋友叫咗佢哋嘅至尊鸡饭，鸡肉嫩滑多汁，配上特制酱汁，惹味十足，饭粒吸饱肉汁精华，每一口都充满幸福感。另外仲有佢哋嘅常餐，猪扒外脆内嫩，肉质鲜美，肠仔香气四溢，煎蛋金黄流心，配上蕃茄肉酱米线，酸甜开胃，米线弹牙爽口，多重滋味在口中爆发。小食试埋佢哋嘅招牌普宁豆腐，外皮轻微煎过，内部嫩滑如水，蘸上独门鱼露，鲜甜咸香，口感丰富，令人回味无穷，整餐体验十分满意。
继续阅读
近日都系系元天屯揾食行过见到呢间鸡煲几抵食🐥至尊惹咪鸡煲BB辣 $178/位份量都几多下，鸡件嫰滑入味，洋葱都好正食到差唔多就可以加汤打边炉叫左一牛一猪，丸类，饺子咁种类都几多，呢个价钱绝对亲民罐装饮品自取，见到有罐热情果仲系鱿鱼游戏包装，都几好饮，另外可以叫咖啡，奶茶，柠茶柠水肩胛肥牛片豚肉片 两款都几薄，渌一渌就食得，都几滑墨鱼丸蟹籽包心丸丸类都几弹牙，每款4粒爽口水饺鱼皮饺饺类比较细只正好可以试多几款鱿鱼 ~ 呢个系mvp份量超多🤣爽口弹牙蒿荀白萝卜蜂窝豆腐呢三款索晒d汤好正炸生筋脆响铃卷 打边炉必食，2人份量唔怕浪费
继续阅读
去咗元朗体育馆打乒乓波，朋友提议食鸡煲，心谂热辣辣食乜鬼鸡煲啊！不过算啦，咁远去到元朗食就食啦，好耐冇去过元朗食嘢！四个人叫左个至尊惹味鸡煲火锅放题，原来食鸡煲仲可以之后打边炉咁加𩠌，同店员讲「唔该加鸡啊」就得架啦！鸡煲好快手就上枱，热辣辣滚住好吸引。鸡肉炒到皮脆肉嫩，入味，真材实料，唔系净系俾啲鸡骨你啖啖肉！真系食到停唔到口！ 食咗第一转鸡唔够喉，又等食第二转鸡。➡️食完鸡转火锅放题我地食左好多野，有鲩鱼腩、鲜虾云吞、韭菜饺、莲藕片、狮子狗、肥牛、猪润、墨丸、鱼皮饺、响铃、炸馒头等，啲食材又新鲜又丰富！➡️饮品方面汽水任饮，仲有饮罗汉果杞子菊花茶同柠檬茶任饮，不过我唔饮汽水的，就叫咗菊花茶清热，饮咗三杯，好饮！👍🏻皇上好满意，我就饱到夜晚和第二日朝早，夜晚才能再食。留港消费好过，总之真心抵食👍🏻
继续阅读