致麗同心 (已結業)

座門口都有烏蠅，唔緊要！椰菜花飯有肉碎，我同朋友第一次來唔知,職員態度勁差仲話要早啲講！大佬第一次來點知？唔肯換唔緊要仲要語氣差，鮮茄滑蛋咁樣真係唔多開胃！咖啡完全唔得！真心想投訴！結果50蚊只食左一個番茄。。。當黑吧

望落係一間唔起眼既茶仔，但我係慕名而來！原因係餐牌上的有營推介，標榜無澱粉。無糖份。椰菜花。代替飯！無錯，相中呢個係切碎椰菜花代飯！加埋蛋絲，口感味道都唔錯，我覺得好食過炒飯！配埋涼瓜火腩 同例湯都只係$45，真係抵食。而且餸都幾多，涼瓜爽口帶甘，火腩半肥瘦，加埋菇落去炒，仲要無汁，高質。朋友普通叫個碟頭飯快餐仲抵食，豉汁涼瓜肉片飯 只係$30！呢個價錢仲要堂食，真係唔多地方做到，而且食物味道同份量都唔錯，性價比可說是非常高！.我諗之後趕時間或者去電影中心睇戲前都會去呢度食個快餐，真心可以做飯堂。

因為睇到生酮group，有人介紹呢度有椰菜花飯代替飯，仲話好抵食。甘岩我同友人係油麻地，所以叫左佢陪我去試。一入到餐廳，已經唔對路，我戴住口罩都聞到有陣叔叔地的味。跟住樓面姐姐好積極甘叫我地掃安心或填表。坐低點完野食，就聽到樓面姐姐係度討論剛離開的食客，仲話「遲下如果政府話要打左針先可以堂食，我理得你係邊個個fd，無打針都唔會比你入黎。」此時，電視播住廣告，仲要唱住國歌，好應景。到食物送到來，味道。。。不用說，普通，未至於難食。不過，坐位可以望到入廚房，兩個煮緊野食既男人都無戴口罩的。見到甘，好傷心，不是很配合政府的嗎？玻璃心碎了。。。總括：不會推薦給生酮朋友，頹飯。如要轉好油要另加$10

今次嚟到油麻地致麗同心，試下佢啲椰菜花代飯。 佢標榜冇澱粉、冇糖分，還可以改用初榨冷壓橄欖油(加$10)。同埋原來佢哋成份menu都可以轉椰菜花代飯。今次嗌咗 泰式海南雞 配椰菜花代飯 ($53)，改用埋初榨冷壓橄欖油(加$10)， 配凍飲(加$2)。個椰菜花飯都堅似飯， 冇主觀感覺、咩都唔諗、合埋眼，食幾啖，都幾可亂真。佢入面有蝦、有蛋，我覺得係堅當炒飯咁黎呢炒， 係有驚喜嘅。 雞我今次食有啲硬， 聽番其他減肥朋友講咁佢地食嗰陣時唔係， 我諗淨係今次掛。地點就方便油麻地，但附近嘅環境同埋店內環境就麻麻和比較細和窄，咁睇你個目的想要啲咩啦。適合 低碳水化合物飲食超低碳水化合物飲食生酮飲食(再可以細分好多種嘅我唔寫咁多喇)總結: 都會再去試其他款式嘅

social media 見到有椰菜花代飯，朋友是椰菜迷，建議試試。從Google map找到廣東道的「致麗」，雖然裝修簡單，但整體乾淨。朋友隨即點了海南雞椰菜花代飯，我一向冇飯癮，點了一客時菜魚柳。因為距離早餐時間6個鐘，肚已經咕咕作響。聽到廚房的爆炒聲澎拜，心急得很。不過知道慢工出細貨，仍耐心等待。見到牆上面貼著是日午餐有木瓜湯，便先叫了一碗。湯水送來，雖然多了一點油，但有住家feel,隨即唊了一口，美味非常。跟著2份餐送上來，眼前一亮。先講魚柳，即炸美味，菜心嫩滑，鑊氣足夠再講海南雞椰菜花代飯，雞肉嫩滑，椰菜花切得細緻，非常美味。姐姐也親切有禮，令人舒服。希望繼續支持！

星期三晚上本來計劃光顧的「油麻地」「咸美頓街」食店，但是目標食店沒有提供「白飯」，恰巧跟我平日晚餐「無飯不歡」的性格有點違背，所以需要先在附近尋找食店享用「牛腩飯」食品。結果我在「咸美頓街」附近，「廣東道」近「油麻地」一帶路段位置，找到「致麗同心」這間港式茶餐廳。「致麗同心」裡面的侍應很多都是年齡不輕的「姨姨」，她們很有禮貌很有招呼。至於「致麗同心」裡面雖然有電視機，幸好只是在播放賽馬節目，而不是新聞報導，所以食店的實際樓面環境，沒有對我的用餐興致構成影響。至於「致麗同心」的晚餐價錢偏向比較便宜，我只是選擇了享用「時菜牛腩飯」，配罐裝汽水飲品，實際上的總價錢都只需要港幣三十七元，已經感覺「致麗同心」晚餐價錢很便宜。「時菜牛腩飯」裡面的蔬菜份量感覺十分之多，有新鮮爽口的「菜芯」，又有彈牙的「蘑菇」，擁有「菜芯」「蘑菇」的「時菜」醬汁質地濃厚而稠身，至於醬汁除了甜味之外，實際鹹味感覺沒有過濃，很適合用來配白飯一起享用。至於「時菜牛腩飯」裡面的「牛腩」，還包括有不少連着「牛腩」一起上的「牛筋」筋膜，配合甜鹹味道的稠身醬汁，加上「牛腩」預先被炆煮煮熟，所以「牛腩」實際口感變得很軟腍，很容易用牙