臺坊

营业中

休息中

臺坊 (大埔)大埔太和路12號太和廣場1樓121號舖紅燒牛肉牛筋麵 $66🥘好足料！一上枱多料到有d驚喜😹 本身諗住快快手食個tea~點知啲餸菜覆蓋晒成個碗~連平時出街食份量會相對較少嘅牛筋都有四條～ 一上枱都驚會食唔晒~同嘥晒食嘢嘅quota🙈牛腩炆得夠淋～腩肉夾雜着少少肥膏～入口唔會乾柴烈火咁😹（唔怕核突可以睇吓我咬完一啖嘅橫切面xd可以見到一絲絲腩肉)～而且牛腩炆得夠晒入味～算係偏甜嘅調味～牛筋亦都唔差～幻想自己食緊魚肚咁～補充下骨膠原（皮膚靚靚心情靚靚lol) 😝牛筋煙煙韌韌有咬口～但又有少少入口即溶～好似誇張咗啲添😹 白蘿蔔同紅蘿蔔，索晒啲醬汁同埋牛腩嘅油脂～蘿蔔炆到淋身～唔係食落「嗦嗦」聲嗰種～啱晒我～麵質滑身～食落有彈性有口感～唔小心一路食麵一路飲咗好多湯～😆 湯底味道偏甜～會令人想越食越多～越食越惹味上癮😆Tea Set包埋飲品🧃小編另加$5轉特飲～蜂蜜蘆薈綠茶🍵 因為趕時間諗住快食，所以叫咗外賣杯(+$1) ，蜜糖份量應該落得相對多～ 不過飲品對小編來講只係其次～其實叫佢都係為左沉底既蘆薈粒粒😍 轉眼間比我食晒～講真$70埋單又覺得真係幾抵食～見到都幾多人嗌手撕雞拌麵

4點幾想食個tea、飲珍珠奶茶，呢間臺坊係附近連鎖店以外嘅好選擇😬order完個餐，香芋珍珠奶茶好快就到，啜一啜，嘩！好好飲丫🤭豐富嘅芋頭奶香，濃郁嘅奶茶底，加上好好咬口嘅珍珠，成就呢杯出色嘅香芋珍奶👍🏻另外點咗珍寶牛角包(煙三文魚)，睇個樣就幾靚仔，而且個包真係大個，大到成份要切開先咬到。入面有芝士炒蛋、番茄、煙三文魚、同埋生菜，呢個組合超級健康有益，自然無添加嘅味道，真係好食、好鍾意❤️粗薯條係即炸，新鮮之餘份量多，好飽肚🤣。順帶一提，呢度無加一，堂食真係幾抵😎

又到一星期做一次檢測的日子做完檢測當然要食好西今次就在大戈和商場覓食來到太和廣場一樓即街市入口那層見到有間台式餐廳新開張就進去試試看原來尖沙咀也有分店入到去五點多本身以為只有下午餐原來還有午餐午餐和晚餐的餐牌一樣但價錢較便宜所以趕在六點前品嘗便宜「晚餐」見價錢便宜了所以追加了一份小食🔴手撕雞胡麻醬冷麵$55份量超大份除了手撕雞之外還配上青瓜絲和蟹柳絲十分驚喜！！而且胡麻醬很多就算吃到底醬汁還是足夠冷麵夠「冷」不過稍為硬了一點可能雪得夠凍的關係不過不會影響味道值得讚的是雞絲還有雞凍！QQ的十分彈口像果凍般雞肉亦很嫩滑👍🏻👍🏻👍🏻🟠青瓜拼雲耳+$25這個伴醬十分特別有濃濃的蒜蓉味加微微辣醬汁偏甜十分「台灣風味」味道亦有點像兒時的「撈麵」味吃下去不會太咸而且開胃雖然少了酸味但我更愛這個蒜蓉味重的伴醬🟡檸檬紅茶$0茶底有點伯爵茶的味道比一般紅茶更香更醇伯爵茶配檸檬茶會使飲品又入味總結：員工態度十分友善，上菜速度快唯一要注意的是，餐廳冷氣較強，需自備外套📍 臺坊 (大埔)大埔太和路12號太和廣場1樓121號舖

下午茶牛角包餐$42珍寶牛角包 配薯條芝士，三文魚，煎蛋，蕃茄，生菜真係好豐富！三文魚都新鮮牛角包都很脆波浪薯條新鮮炸！拎返屋企依然好脆朱古力雪香跟餐+$12唔會好甜，有朱古力味，有d 好似麥皮咁嘅野

今日喺太和買完野，發覺有間新嘅台灣餐廳，原來係我之前喺尖沙咀食過個間，記得都唔錯，佢呢間門面比尖沙咀嗰間大好多，入邊都好多人！我叫咗佢最出名嘅鹽酥雞伴麵，佢啲鹽酥雞粒都幾好食，因為入邊嘅肉都幾多，炸粉少，口感幾好！不過佢嘅肉燥真係幾油，自己健康啲就片走啲油啦！佢個面都好爽，條條分明唔會話黐埋一舊！佢個椒鹽豆腐比我想像中整得好食好多，因為佢入邊嘅豆腐真係好嫩滑，喺個口入邊真係會朗下朗下咁樣，而佢出面嘅豆腐皮都整得好趣，而且再加上椒鹽，好惹味～最後跟餐嗌咗杯百香果綠茶，我叫咗少甜甜到啱啱好，佢入邊嘅百香果味好濃，雖然冇真嘅百香果核，但係配埋綠茶幾清幽，又有酸酸甜甜嘅感覺！仲有下午茶都幾抵食

肉燥蓋飯 肉燥蓋飯小朋友爭住食，我諗應該幾好味😂鹽酥雞拌麵 鹽酥雞就麻麻淡咗少少，拌麵嘅汁都比較淡鹽酥雞蒜汁冷麵 蒜汁冷麵比較出色，配上蟹柳絲青瓜絲，覺得好味啊，鹽酥雞就麻麻淡咗少少。紅燒牛肉麵牛肉有三大舊夠淋，但唔算好入味，湯底就唔算好濃，麵條比較幼(唔知咩麵)，整體一般。甜不辣呢個麻麻地，好似冇乜味😂炸蝦肉春卷春卷炸得夠脆，蝦肉都幾彈牙，都唔錯。芝士肉鬆蛋餅 蛋皮比較厚，咬落去好有口感，芝士肉鬆都好夾，整體都幾好食。

諗住天氣熱熱地就試下個涼麵，呢個係鹽酥雞蒜香涼麵，一黎到睇落都覺得幾大份，而且鹽酥雞嘅份量都唔算太小，咬落脆口，相信係新鮮炸，至於涼麵就好似台灣7 11買嘅涼麵咁，側邊嘅青瓜絲同蟹柳絲，但無蛋絲，雖然係咁，但都幾有台灣嘅風味，而個蒜香味唔算太重，食到底仲覺得有小小咸。之後見到佢身邊有個應該係麻辣嘅醬油，又試下佢，麻味ok，辣就無嘜。仲有個餐飲 茉香奶綠我覺得好飲，唔太甜，茉香味都幾重。總括黎講，如果以一個屋邨商場黎講真係絕對收貨。

外賣芝士蛋餅加煙肉配熱咖啡卑左芝士蛋餅加肉鬆配熱檸茶又要等20分鐘因為上星期已經問過提前幾多打電話過來，話唔多人十分鐘OK服務質素都麻麻，打電話個陣時個姐姐落完單cut線去到又話我話左卑你知，15分鐘唔夠，餐廳人又唔算特別多就算急，裡面的陷錯了，杯咖啡都不應該錯，我的精神飲品，哎可能因為朝早問題，係手抓餅的味道，因此食物有點膩

尖沙咀果間細細間 成日好多人開左分店係太和 都係好多人 星期日 lunch time等左20分鐘有位-<紅燒牛肉麵> $60牛肉麵好大碗 有3-4件牛肋條又大件又厚身 牛肋條好入味 牛肉肥瘦均勻 夠淋身配菜有大大件紅蘿蔔 白蘿蔔 吸收曬濃郁牛肉湯而麵質就幾煙韌 有口感 牛肉湯係就係好香濃 不過有D太鹹-<鹽酥雞肉燥飯> $58份量比想像中少 男人唔會夠食個肉燥汁我覺得 一般 個汁反而唔夠味鹽酥雞好dry 感覺似番炸 整體食落好鹹肉質口感唔合格-<紅燒牛肉肉燥拌麵> $59大大碗牛肋條分開上 都係有紅蘿蔔 白蘿蔔 都係好香濃但分開上之後 個牛肉湯仲鹹過湯麵底麵嘅質地較湯麵硬DD 有咬口肉燥唔會好油 份量夠撈 不過都係個汁唔夠味 唔入味-<炸蝦肉春卷> $30炸得唔脆 個皮有D皺皮同淋但蝦肉好足料 啖啖肉-食物方面 整體偏鹹 食到好口乾而肉燥反而又無咩味所以建議食 紅燒牛肉湯麵系列~-<珍珠奶茶/奶綠> 跟餐免費 甜度適中 d 珍珠夠彈牙煙韌 都幾好咬奶味重 茶味唔算好濃  不過都幾好飲<黑糖仙草凍&#