興發熟食

营业中

休息中

👉🏼10粒燒賣 $10燒賣係蒸得岩岩好嘅燒賣重點係辣汁3小辣人士表示岩岩好連埋花生粒粒好有誠意增加咗口感同新鮮感行過路過唔好錯過 $10有10粒燒賣超抵食仲要係商場位有!冷!氣!婆婆一個開檔耐心等候啦味道：🌕🌕🌕🌕🌑CP：🌕🌕🌕🌕🌕--------------------

💪🏻 燒賣 ($10/10粒)呢間小店呃燒賣個人認為係全港性價比最高嘅燒賣😍 燒賣好食之餘，而且都仲係賣緊$10/10粒，超級抵食😍 每次肚餓都會去買碗黎食🤣 燒賣應該都係用金龍燒賣，質素保證😋 燒賣唔會蒸過火，口感軟糯彈牙，魚香味突出，而且加埋店家自家製嘅甜辣菜脯，菜脯亦加入蒜粒，有好濃蒜香味，甜甜辣辣，非常好食🤤 去開觀塘一定要去試下！味道：9/10性價比：10/10 食住瘦指數：💪🏻💪🏻/5

$10/10粒燒賣所謂辣係類似豆瓣醬唔辣，有渣，個醬ok但燒賣唔ok蒸過龍，好淋，無味唔覺得佢係觀塘最強，名過於實我食返駿運唔好？重點重點我食食下發現有粒疑似俾人咬過嘅燒賣我好肯定唔係自己咬過但我相信燒賣個樣俾人咬左啖咁 係唔會出到廠 過唔到QC另一個角度睇都係不完整點睇都似俾人咬過我唔知係咪呀姐要試下熟唔熟 咬左啖 然後放返入去但我自己好不安$10/10粒係好平但食到咁不安 我都係會Blacklist 佢🫠

啲人吹到觀塘最強，一於嚟試吓， $10十粒燒賣的確係好抵，仲要商場鋪見到個婆婆攣住條腰一人開檔就覺得佢好辛苦😢魚肉燒賣來講係唔差，唔會好粉，但最令人驚喜係個辣醬，有少少似茶脯有少少花生，酸酸辣辣係幾夾燒賣

燒賣 $10/10粒******************************記得燒賣關注組曾經盛讚興發嘅燒賣今日去開附近就試下$10有10粒係平嘅但係話係觀塘最強就...🙈燒賣本身正正常常冇乜特別辣醬係有蒜粒嘅個人就唔係好鐘意都係普通辣醬配燒賣好食啲呢啲好睇個人口味不過覺得加左蒜完全搶哂燒賣嘅風頭🥹如無意外應該唔會再食了😂******************************

The best CP value for siu mai in Kwun Tong!!! The taste and texture are the best too!!! Amazing chilli sauce!!! Only costs you $10 for 10 pieces!!! 🥳🥳🥳I will come back to try fish ball and other dumplings laterHope they can open earlier. They only open at 10am!!!😝😝😝

農歷新年果期觀塘好似死城咁，好多想食既餐廳都收左爐，機緣巧合之下去到YM2見到有間小食店門口排左條長隊就打算試下。排排下發現原來大有來頭，燒賣關注組都有推介，漸漸地我就成日都想行去YM2買小食，店舖經常都係oneman band 得一個婆婆收銀兼包野食，所以要比少少耐性排隊我最愛食既配搭係$10/4條腸粉+$10/10粒燒賣+$10/10粒陳皮魚蛋，如果可以食到小辣既非常推薦一定要加辣油，係店家秘製，非常香口，陳皮魚蛋既陳皮味都好出味，推推~

成日都會喺度買腸粉，因為商場內$10有5條真係好抵食，同埋婆婆好nice，所以一想食腸粉就會嚟幫襯。婆婆畀醬好大方，你要咩醬佢都畀你點撈都得。前排上過燒賣關注組所以多人咗，仲見到多咗個店員，但唔想等咁耐就過咗隔離檔，可惜只有基本豉油麻醬甜醬咁，唔啱我口味。不過香港人就係鍾意一窩蜂，所以近期都少返人，亦都唔見咗之前個幫手。P.S. 店主要外賣，有人會喺商場度食，但見過有d吉盒就咁掉咗喺d櫈度，究竟係咪連垃圾自己拎走都唔識，但佢哋又識自己走喎

有人推介過，咁就去試吓，點知完全中伏，所有嘢都不知所謂，牛肚簡直難食，辣椒油完全唔辣，唔洗錢都唔會食，仲買咗$50一大兜，嘥錢，我全家人都話難食，網上嘅好評都唔知點嚟？

睇社交平台時見到討論區有師兄講呢度有新開既燒賣，燒賣同好既我今日都去試一試。搭完車拎到返屋企食，比較買開既同同區出名士多一樣都好食，份量十足加埋應係自家製辣椒醬好野味。見到牛雜好香都忍唔住買左一碗細，味道好食好有以前細個食牛雜既味道。我淨食牛膀同牛肚可唔可以淨要呢2樣，老闆婆婆好好人都肯。細碗都份量十足同完全無用羅白墊高，食過出面其他地方賣唔止呢個價錢。如經過想食燒賣or牛雜，大家都可以黎請支持下良心小店！

第一次幫襯第一次買牛雜係無蘿蔔成碗滿滿ge 牛雜例牌唔要肺同膀淨要肚同腸都無另外加錢仲問我要唔要沙瓜我從來未食過呀姐竟然比舊我試咗先啱食佢先擺落去今時今日邊到搵呢d小店🥲味道正常但人情味好濃我後面果個都無買牛什都係無食過沙瓜呀姐又比舊佢試咗先我有幫手講兩句

第一次寫食評第二次幫襯，見到姨姨炒緊自家制辣醬，好有心機炒。今次幫襯細牛雜，好夠味，係姨姨自己一手一腳整，值得支持心機小店。同姨姨傾左陣，有時啲客等唔切就走，希望大家有耐性啲，耐心等候一下，支持手工小店。14蚊一碗細牛雜，好抵食，夠哂入味，仲要配姨姨自制辣醬勁好食😋大家都多支持下啦好值得好評，而家好難搵到好食既街頭小食，牛雜呢啲咁花心機處理既，難得呀！！仲有魚蛋燒賣都好好食😋下次有機會要試埋粢飯，又係手工做，真心難得呀！

原先想試一試旁邊的豆漿店，但剛好豆漿店沒有開門，看着這兩間的小食價錢一樣，便試一試這店的魚蛋燒賣。餐牌上的魚蛋及燒賣用手改成了$10有10粒，問一問店舖的職員可否合併，姐姐也很好人，給我每樣五粒。👍🏻<<燒賣魚蛋$10/10粒 >>一打開蓋覺得有驚喜，因為要了有辣味，燒賣上面鋪滿了蒜蓉辣椒醬，未見過有小食店會以此方式加添辣味。燒賣點上蒜蓉辣椒醬後，每一口都充滿了蒜蓉香味，對於愛吃蒜蓉的人應該要試試。👍🏻👍🏻魚蛋十分實心的魚丸，有點像鯪魚肉餅那款魚肉，不是一般街邊的魚蛋，口味因人而異。

以前裕民坊都有好多好嘢食！可以掃街！當然唔少得裕民坊麥當勞啦！重建裕民坊之後，依家起咗個商場，仲有全港第一個有冷氣巴士站！喺等車期間，我Miss左架16M！下一架車要等成20分鐘！咁去買串魚蛋食下先！價錢$10/10粒，都算合理啦！味道就比上不足 比下有餘！咖喱味就唔係太明顯啦！辣味都幾勁！食起嚟都好似激！如果太怕辣嘅話，可以選擇唔辣，或者要少少甜醬！魚蛋都算OK啦！有dd彈牙嘅！可以合格！嗰日天氣都有啲凍！食完都可以暖下個胃！店員服務態度都OK呀！行過可以試一試吖

等老婆收工冇野做去咗裕民坊, 呢度開咗好多兒時嘅街頭小食, 人大左關係其實我好少去街邊買嘢食, 主要係衛生問題, 而呢度啱啱新開亦都好衛生就買咗個牛雜嚟食(有分細同大, 我揀左大), 佢嘅份量好多, 汁味濃郁, 而且啲肉朔晒味😋, 不過叫左大分對我黎講我就多咗啲啦😅**老闆好好人, 因為我本身唔中意食牛蒡, 想要多啲牛肚佢就真係換左好多比我, 試問係街邊食點可以要求做呢樣野, 所以人情味加分👍🏾**建議必須要加佢嘅自制辣醬, 好嘢味！！