興記

营业中

休息中

今晚去咗食飯,叫左燒鵝同魚肚跟，點知中左服。我等左半個鐘去問侍應佢話燒鵝快來，等多一陣我再問點知佢又話燒鵝未出爐，佢地服務差落單前又唔同人講等得耐，之後有個白衫阿姐中自作主張幫我取消訂單，叫我轉吃其他。結果我都冇心情食落去走人。成個鐘燒鵝未見過影😿。大家千萬唔好好似我咁中服。講真佢地野又唔係好食，服務唔係好，燒鵝等到我一肚氣，侍應態度個個係度玩太極一陣又話等下，一陣又話有，點知等等下又叫你吃其他，大家吃飯去第二間比較好

三聖村興記這裡是圈中朋友午餐的好地方，一向食物質素及小菜炒功都好，碟頭飯份量足價錢也合理。可惜 堂食限聚令放寬每檯4-8人就令其一班伙計混淆莫非只管做生意就對食客防疫措拖也漠視連社交距離不理。今日與家人（兩人）到這裡堂食午餐，就被強行要求若二人坐四人抬，二人只可以佔坐檯一邊，伙計還大大聲話會有其他入來搭檯。聽到我們也被嚇一嚇，四人不相識也無分隔可共同一檯吃飯嗎？那麼八位互不認識也可坐下共同一檯進餐?  關鍵問題是交叉感染。現有放寬規例安排，進行四人以上聚餐的群組也需要符合要求，才可群組聚集聚餐唷。若真的搭檯，防疫安全比食重要，即起身走人算了。

同屋企人慶祝生日 煮大餐 去得三聖買海鮮 就會去興記買燒鵝 我地都試過好多地方既燒鵝 如果講屯門元朗天水圍黎講 興記真係數一數二 佢每日新鮮燒 6:30pm有得拎 早d都無 我地會早少少係度等 一拎就走 返屋企開餐 同埋要食梗係即燒即食啦！因為擺耐左會皺皮架喇 興記燒鵝脹卜卜 佢既燒鵝汁淋落去仲係熱熱地 重點係佢個梅醬 一！定！要！拎！仲要拎多兩包 因為太好食喇 畫龍點睛 無誇張 因為佢唔止甜 佢梅味好香架 同出面個d唔同 以前無限聚令會係度叫小菜食飯 但而家就好少食圍飯喇

年初六同同事搭單車經過在這裏一齊食了個午餐價錢十分十分貴。大酒樓價錢，冬菇亭格局，茶餐廳的餸菜。中午時間一碟粟米班塊收費145元還要加一。一碟中式牛柳收費110元也要加一。叫了兩支青島啤酒30幾文又要加一，還有茶位。冬菇亭格局大酒樓收費都無咁貴。晚飯，千祈咪搞了！！

今日飲完茶同舊同學去左屯門轉車站釣魚，午餐就因為去三聖補給順便食埋lunch, 近近地就食興記啦。入到去環境算干淨企理，有海鮮加工，不過我地勿都釣吾到，哈哈。坐低叫左個例牌燒鵝，干炒牛河，涼瓜魚碟頭飯同叉燒伊面一齊share。燒鵝先上，燒鵝味道吾錯，皮脆肉嫩，配埋酸梅醬，好味。牛河就一般，剛炒起，熱辣辣，火候就5多夠，炒得濕左D，同埋牛肉吾夠肉味，更5好講鮮味，不過合乎預期。叉燒伊面，喱個小弟就無食，因為我吾食面耐。至於涼瓜魚飯我就食左少少，涼瓜5苦，爽脆鮮甜，魚就普通左d，無勿味。最後燒鵝係值得食嘅，其他就普通啦。

疫情下已經好耐冇一家人出街食飯，就黎父親節，而政府又放寬返個限聚令，所以今晚一家人終於可以一齊出街食飯。在三聖海鮮檔到，揀好晒海鮮後，就拎去舖頭加工。我地被安排返上次幫襯過坐既同一張枱，有緣。今晚菜單：蒜蓉蒸帶子椒鹽瀨尿蝦肉地唔算厚, 而且亦唔多膏, 好彩唔係買左好多隻. 但椒鹽炒真係好惹味.招呼個仔既菠蘿咕嚕肉, 勁大碟, 肉質又好脆口, 唔係得D粉漿咁. 大大舊肉, 味道酸酸甜甜好開胃.金銀蛋白菜, 清清地都要食個菜既! 入面都好足料.主角: 芝士焗龍蝦, 芝士焗真係好好味! 肉質又爽實!龍躉兩煮：蒸同炒, 最愛啖啖肉的魚.豉椒炒檉子, 今次炒得好夠辣, 其實用檉子仔黎炒都幾好, 細細條, 仲更加入味!超級豐富的一餐, 飽到攬住個肚走, 仲要行路返屋企, 幫助消化. 

第一次去三聖食海鮮所以之前已經問了朋友那一間餐廳比較好。幾位朋友都介紹係冬菇亭的興記。入座前先到街頭嘅發記海鮮檔買海鮮，再到餐廳加工。拎海鮮到餐廳的時候店員已經幫忙落單，推介不同的海鮮用不同的方法烹調。買海鮮的時候老闆推薦興記的燒鵝十分好味。所以點了例牌。另外海鮮有蒜蓉粉絲蒸蟶子&扇貝，豉椒炒花甲，白灼九節蝦，清蒸石斑仔。再幫襯指數😋😋😋😋海鮮加工得岩岩好，其他小炒都有鑊氣冷氣又充足，店員都好有禮貌👍🏻下次去三聖都會再去興記

老細請食海鮮，想到了三聖的海鮮街，今次揀了這間出名燒鵝的話明出名緊係要試試隻燒鵝，正呀肉質真係好滑，而且好大隻。得地在海鮮街買了多款海鮮，以薑蔥炒的鮑魚，略多咸而且有點過火，比較難咬。蔥油炒勝子，幾鮮味。鹽焗x仔蟹，唔錯夠乾身。星斑2味（由於我唔食魚，評價唔到），貌相唔錯，同事話。焦鹽豆腐（正宗豆腐），炸得剛好，而且內裡仍然滑，瑤柱扒草菇，唔夠味。椒絲蔥油魷魚，好滑，都係唔夠咸備註：假期前緊記訂位😉 ，服務員態度都唔錯

慶祝屋企人生日，5大2小咁去完海鮮街再嚟興記加工。加工費唔算好貴，1000蚊料，大概6-700蚊左右。叫多半隻鵝食，但鵝都係普通普通，唔試都得。比較好食嘅係椒鹽賴尿蝦，炸得好脆好有味。不過我地係另一邊個細廳，唔知係咪細啲回音大，嘈到傾計都要好大聲，有啲辛苦！

今日同友人去千島湖行山，夜晚唔想返番東區食飯所以去咗三聖村食飯，喺嗰度係去海鮮檔買咗海鮮先，然後再行去其他餐廳加工。今次揀咗一間在屋村樓下的加工餐廳，感覺都不錯。嗰個鹽焗蟹非常好食因為平時在家裏煮不到鹽焗蟹通常都是薑蔥炒蟹，這種煮法保留了少少鹹味令到鮮味更能突顯。龍蝦也很好吃大約$100隻，加工費約為$60。價錢其實都合理。我們同行四個人吃了$800包加工及海鮮價錢。所以下次食海鮮不一定要去流浮山。

幾年前和朋友曾在這裏吃過，記得他的粘米粉很好吃，於是我們今天又來再嘗試。🦑蒜蓉粉絲蒸扇貝蒜蓉很多，粉絲也給得很足，配上扇貝的鮮味，很好吃。🦑豉椒蟶子煎米粉底豉椒炒聖子很野味，帶有微辣，很刺激。再加上他的米粉兩面都煎得很香，加上了豉椒汁簡直是一絕。🦑椒鹽魷魚脆漿很薄，魷魚很嫩，魷魚的肉很彈牙，再加上喼汁，酸酸的，很美味。🦑油鹽水菜心這是一個很健康的菜，他配有蝦米，比起只用油鹽水，有海鮮的味道，挺好吃的。這次海鮮買了二百多元，再加埋加工費及叫了魷魚，油鹽水菜心，也要六百多元，共要800多元，價錢不便宜呢。

是日郊遊樂，終點站～， 當然唔少得去三聖食海鮮餐拉，我地海鮮檔買海鮮， 睇啱邊隻買邊隻， 再攞去餐廳加工，配埋D酒精， 又一享受公乸一樣超多膏， 今晚要超標了第一次用油鹽水既煮法食蝴蝶蚌（其實係咪我錯左呢？） 帶鮮甜既蝴蝶蚌變得冇乜味， 定還是我平時食開清蒸，係我唔識欣賞呢？做咩要超厚切呢？ 食到好似橡筋咁…… 浪費左個食材 南非鮑魚咁大隻， 都煮得咁淋， 又唔韌，不錯 肉質好老， 難以趙開， 原隻黎講其實唔貴， 但咬到牙仔軟， 都係攞返去煲粥吧啦

第一次黎屯門既三聖食海鮮！原來呢到都幾大幾方便，可以直接買新鮮既海產拎去比餐廳煮。今次我同朋友一行15人黎食，可以試到好多唔同既海鮮，石斑、龍蝦、鮑魚咩都有。買完餸就去左朋友介紹既聖記，佢話覺得係三聖最好果間，地方又夠大。不過我自己比較少黎呢啲餐廳，感覺都比較污糟同雜亂，不過食物味道都真係唔錯！好多簡簡單單已經帶到海鮮既鮮味，食得好開心。店員雖然有啲惡，但係服務都算做足，要濕紙巾、酒筒果啲都好快拎到比我地。除左自己買黎既海鮮之外仲叫左隻燒鵝，味道一流，新鮮燒起皮脆肉嫩，不過等左好耐，本身叫佢第一道就上左燒鵝先，結果變左最後一道菜。總括黎講我覺得都係可以再食既餐廳。

這間大排檔已幫襯了好幾次，燒鵝實在做得相當不錯， 那天入屯門拜山，大約三時許去光顧 ，但因為時間關係，午市燒鵝售罄， 所以只叫了 一碟椒鹽鮮魷， 砵酒焗龍躉(小) ，魚炸過了還是有腥味， 證明不新鮮， 另外還叫了一碟蒜蓉炒西蘭花， 當然也有自攜了一些海鮮，兩斤花螺(白灼)，兩斤花甲(油鹽水煮)，五隻奄仔蟹(鹽焗)， 埋單時， 驚見帳單竟然要付一千一百元， 細看之下， 原來他們煮海鮮的油料費 竟然收了超過四百六十元 ，他們說是斷斤計，我們攜了六斤半海鮮， 這間大家都知道只是冬菇亭大排檔，並不是什麼高級食肆， 這個收費實在太離譜了，請大家留意，要中伏。

我最鍾意食海鮮🦞今天來到屯門三聖邨食我最愛的海鮮這裡即刻買即刻煮，一定新鮮。之前就經常去廣東名門，今次試興記，聽說手工費不貴而且手工不錯👍🏻佢的手工費是斷斤計的，外來海鮮一斤$75 左右，不同其他餐廳每種海鮮收費唔同價錢，所以抵食好多。我們2人賣了草蝦、蝴蝶蚌、花甲、美國生蠔、 本地肉蟹兩隻。一共六斤白灼草蝦草蝦雖然唔會好大隻但係味道鮮甜口感彈牙，上菜最快的，點上辣椒豉油，好鮮甜呀油鹽水蝴蝶蚌😋😋😋蝴蝶蚌鮮甜到爆😋😋😋肥美爆汁蝴蝶蚌依家食就最啱啦😋😋😋😋時令剩係得兩個月咋😆豆豉辣椒炒花甲這個都好好味，花甲都好肥美。美中不足就是酥炸生蠔就一般薑蔥炒蟹本地肉蟹，蟹一疏疏，好滿足。雖然坐嘅地方好似大排檔，真係冇介紹錯👍🏻👍🏻👍🏻💓師傅手工都幾好。