船仔 (京瑞廣場) (已結業)

今日又要喺石門搵食，可能因為佢係馬鐵沿線嘅關係，所以就算係假日，佢依個工商區都好旺場。今日一個人就又走左去食泰式船麵。因為之前都過一兩次，今日就想試新野，叫左個比較貴的泰式 "求財"麵，即係咖哩麵。一黎到就見到一碗顏色好SHARP嘅湯，就係咖哩湯底，感覺就有Ｄ似喇沙咁厚厚地身，好香，但唔會太咸。上面有配香茅雞翼，有３隻，醃得都幾入味。總睇黎講，如果接受到喇沙嘅人都應該會ＯＫ，如果唔係就揀返船麵會穩陣Ｄ。

Lunchtime想食湯麵通常都會黎船仔食船麵雖然泰國船麵係幾蚊好細麵俾你食好多碗搭高佢但呢到既港式船麵係一大碗，價錢只係$30女仔食份量夠，但我見男士食都會揀加麵或者小食配餸都幾多選擇，有豬頸肉 雞翼 魚丸 札肉 等等麵類就有 金邊粉 檬粉 麵 河粉 等等通常我會叫香茅雞翼 船麵豬骨湯 金邊粉個湯幾濃味，唔會太咸，味道唔錯，配麵一流但個人覺得偏油左啲香茅雞翼幾嫩幾juicy但略嫌唔夠香茅味湯麵本身有 蔥 乾蒜 芽菜 同 辣炸豬皮粒 令碗麵既味道多左層次其中炸蒜 辣豬皮粒 辣椒粉 同魚露 可以任落我同朋友次次都落勁多炸蒜 😋通常我地會再叫一份串燒 $16/2串 比出面便宜，燒肉既味道正常，但個沙嗲好好食好香個人覺得燒豬肉好食過燒雞肉，後者比較柴跟餐+$8可以有特飲會有蘭香子特飲 椰子水 龍眼水等等蘭香子特飲偏甜 覺得百香果味最好人個人鐘意 龍眼水 清清地 可以解下湯既濃味飲完仲有五粒龍眼食，都幾甜幾入味就咁麵+特飲先$38真係幾抵，所以lunchtime成日都迫爆人

🛶第一次食船麵 以為好細碗唔夠飽原來份量好多 佛心小店 CP值高.船麵(單餸)$30 加$7多一餸豬頸肉🐷好滑 有三 四舊豬肉丸🍢雖然細細粒 但重肉味👉🏻船麵豬骨湯+金邊粉 重香料味 加幾滴魚露就完美.船麵(四寶麵)$35魚片x2 扎肉x2 魚蛋x1 豬丸x1每碗都有葱茜 炸蒜 芽菜 炸豬皮😻香辣脆口👉🏻清雞湯+河粉 就偏淡 不太建議.小食拼盤$54蝦餅🍤好彈牙又脆 推薦魚餅🐟重香草味 微辣惹味素春卷🌯正常發揮雞翼🍗普普通通👉🏻跟餐小食比較抵 得1 2款出色.加$8特飲 熱情果味蘭香籽好飲 又比較少見 值得一試.另外有$98任食船麵+串燒大胃王可以一戰 出餐速度都幾快

今日同姐姐去食晏就，見到有泰國船麵食就入左去。餐廳環境整齊乾淨。點餐紙有小食、船麵、湯飯同飲品。船麵有扎肉、魚蛋、豬肉丸、魚片同香茅雞翼㨂。我地叫左四寶丸（扎肉、魚蛋、豬肉丸、魚片）金邊粉，一碗係清雞湯，一碗係船麵豬骨湯。金邊粉比較硬身，豬骨湯好濃（嗅落有可樂味？！😂😂）。碗麵份量較少，四寶丸亦都比較少，每樣只有一粒/塊。但係$35一碗，唔可以要求禁多。我地叫左冬陰公魚餅，香茅味重，但係唔辣。小食可以用優惠價加單。

已經去過好多次，因為一向覺得好好食，但今次係質素最差嘅一次，我同友人都懷疑係咪已經轉手。去到見到一班年輕人坐晒喺鋪入面傾計講笑，我同友人入去坐低先知佢地全班人係店員， 唔知係咪因為佢地好似暑期工咁所以煮出嚟嘅嘢食冇乜heart.一放低碗面我都打個突， 係未食過！份量少 炸蒜都冇乜 個金邊粉仲要唔太熟呢個係豬肉沙嗲，未食就少咗一舊 無論係個豬肉串定係啲醬汁 都係凍嘅 未試過咁失望 同友人都話食完今次真係唔知再會唔會去幫襯

一直都好想食泰國嘅船麵，好似泰國版嘅車仔麵咁，之前喺外面見到成日都有好多人喺呢間入邊食，所以今日就入咗去試吓。我哋叫咗兩個小食同埋兩個麵，小食唔記得咗影相🇹🇭船麵豬骨湯🇹🇭我哋叫咗豬頸肉雞翼，豬骨湯底。個湯底有濃郁嘅香料味，好香，好味，湯底唔油😋豬頸肉好爽唔會好柴皮，又唔會好多肥肉👍🏻正🇹🇭泰北求財麵🇹🇭香濃嘅咖喱湯底，加檬粉，雞翼，泰式牛丸。有啲似laksa 嘅味道，檬粉吸晒晒全部嘅咖喱汁，好有味。加上啲牛丸同平時嘅唔同，好有牛肉嘅香味，唔會得啲粉味。呢隻船麵真係好好味😋

石門而家越黎越多野食今日放假，唔想去咁遠，近近地搭過黎石門食泰式船麵，價錢$30 包一款餸，幾抵食。 可能我比較中意濃味，湯底尚可。枱面有幾款調味料，醋，魚露，炸蒜，辣椒粉雞翼船麵 $30 有3隻雞翼，選左檬粉及豬骨湯底，檬粉既份量好大碗，仲有幾粒炸豬皮，真係得幾粒，我覺得太少了 加$5 有汽水肥牛船麵 $30跟餐加$10 叫左款素春卷 (2條)，即炸好脆熱辣辣👍好食不過呢間既炸蒜似係成粒炸完攪碎咁，D蒜未剝皮囉… 又攪得唔碎，炸得又唔脆，仲好多衣😑

石門開咗好多餐廳，Lunch揀食乜都頭痕~於是去咗呢間泰式麵店。呢間泰式船麵真係好好味！完勝香港泰式連鎖店！個牛肉湯底好濃郁無得輸，聞起黎好香，再加上炸得好香脆嘅炸豬皮同炸蒜，而雞翼同豬頸肉都整得好香口，整體碗麵好高質。加特飲都係$8，於是我就嗌咗熱情果蘭香籽，幾特別同開胃，唔係度度有得飲，平時應該係去啲東南亞雜貨店先買到。同同事share咗個泰式蝦餅同牛肉串，蝦餅幾彈牙唔會好粉，牛肉串個沙嗲汁好出色，有啲椰香味～連一人一碗河粉同飲品，每人都係$59，幾抵～

今日睇完fb介紹就帶埋老公一齊去試下98蚊任食，點知落order時先見到每一碗船面只能點一種配菜，都算啦，點知雞翼船面得一隻雞翼，即係如果要吃齊咁多種配菜要吃6到7碗,而且面又好多，吃完一碗都8成飽啦，其他沙律就係一碗檬粉，同樣雞翼沙律得d雞翼絲系上面，最後所謂概任食就係我以上我提及概船面，檬粉，同雞，牛，豬串燒，我同老公吃左大概20分鐘左右就撐飽啦。

石門開左船仔，船仔係指泰國嘅船麵，之前都睇過唔少報導，終於有日有機會黎試下了。入到黎店員都有介紹一下佢地的食品，最後點了兩個船麵，果然幾好食試埋佢地嘅飲品，龍眼冰同芒果汁，龍眼冰太淡麻麻地，反而芒果汁就唔錯。價錢抵食，味道不錯，值得一食

今日有個朋友話去沙田石門探佢嘅時候，就介紹我去一間食泰國船麵嘅食店試吓，我見泰國嘢食得多，但船麵未食過，噤啱今日就入去叫佢帶我去試吓先去到門口見到幾有泰國風坐低之後見到有張紙，原來有飯和麵選擇，好似車仔麵噤選左配料想食乜飲乜之後交俾待應入單，另外晚市有一個價錢任食我今次就選左泰式牛丸、金邊粉配船麵豬骨湯。首先試啖湯先，好好味，金邊粉就俾河粉幼身，入囗好滑，泰式牛肉比香港細粒，但方面入囗，好香牛肉味，彈牙爽囗加埋炸蒜、蔥、芫茜和芽菜，一齊食好美味，還有配料之中，最正係炸豬皮，真係好香脆鬆化如果大家覺得唔夠味，可自己加辣椒粒、炸蒜、醋和魚露調味今次真係要多謝朋友嘅介紹，泰國船麵真係幾好食

從未踏足過石門，今日小編真係發現新大陸。😆石門站一岀左既果兩個商場原來好多野食，而且吾係連鎖食物，都係實惠的小店居多！今日小編試左依間既dinner。依間店有個主打叫”求財”既麵，可惜賣曬，試吾到。想叫河粉，點知又無曬。。。。有少失望😞。1. 豬骨湯底的魚片金邊粉豬骨底冇咩特別，吾咸吾淡。麵上面有好多炸蒜炸豬皮粒甘，小編就覺得同個麵吾多夾。🤷🏻‍♀️跟餐加+$8。2. 豬雞串燒小編則覺得串燒又抵好好味。👍👍跟麵加$16就有兩串！肉都幾嫩，沙嘜汁偏甜，吾辣。但用紙兜裝就吾太環保喇。

第一次寫食評，係寫得唔好既，只係見點解咁好食得咁少人俾好評，想支持一下！石門真係一個食好西既地方，經同事介紹下就黎試一試喇每一啖都好好食！麵上既炸豬皮好好味🤤 一次過食哂d炸豬皮，唔俾佢有機會浸到d湯叫左個小食鳳爪好味！肉夠厚，重有少少生菜蘿蔔沙律🥗牛丸、扎肉都好正不用加調味已經好夠味！但我食唔哂d麵 ，老公聽我講話好味，由另一餐廳走左過黎同我清埋佢😂完全唔想浪費！支持呀服務覺得係其次，小店經營又不是高級餐廳，加油💪🏻

地方唔大，所以座位有啲迫😫好彩8點去到，4個人，唔使等位😆一個餸$30一碗，有十幾款餸比你簡，每碗仲會有啲炸蒜，炸豬皮，本應仲會有芽菜、蔥等配料，但我地冇要求下，幫我地成枱走晒😂可能佢地實在太忙😂另外，每碗麵加$10-20，就有小食，叫左豬肉串，個人認為佢既醬汁唔夠香，我比較喜歡重花生味的串燒醬，豬肉冇肉汁，食落a bit dry😂

放假無聊入沙田搵食上網見到石門有食船麵專門店平平哋就嚟試吓 點知食過番尋味37蚊兩餸船麵 加10幾蚊仲有小食值得一讚係自家製龍眼冰有原粒龍眼肉不太甜味道啱啱好最重要老闆係創業自強靚女 小店加油呀 會再來的