影片
电话号码
24916266
营业时间
今日营业
07:00 - 19:00
星期一
07:00 - 19:00
星期二
全日休息
星期三至日
07:00 - 19:00
以上资料只供参考，请与餐厅确认详情
由荃灣行山，落到深井，想食麵就去呢間食，三點鐘左右去到，每枱都有客人，店舖唔大，員工好忙，自己就食車仔麵，揀左油麵四餸豬腸，扎肉，牛筋同牛腩，食物味道同質素正常，共$48,另加凍檸茶$10,算抵食
继续阅读
深井選擇不多，成日都想有雞蛋仔魚蛋，不過無只有車仔麵，呢間比較好食既係腸粉，個厚度適當好，又唔太厚又唔太薄再加甜辣醬麻醬係好好味，車仔麵我就叫左魚肉牛肚，魚肉係好好味，自家製，一定要再食。今次仲叫左炸雲吞，皮薄同脆既，我個人就覺得幾好味。黎送車仔麵不錯，加$10仲有杯凍飲。兩個人食七十幾蚊埋單。12-2呢段時間比較多人，始於lunch time , 不過都快有位，但多人時，點餐比較內，始終佢地唔多人手。
继续阅读
可能舖頭嘅能力應付唔到假日客量，今日去到都多人多單。我等咗半個鐘，見其他遲過我地一段時間坐低的客人，食煎蛋都已經有得食，我食滷水牛肚呢啲已經準備好的餸都遲遲未有，於是我問一問呀姐有無漏單，點知呀姐好敷衍咁話多單丫嘛，你食炸嘢咩等耐啲囉🙄不過呀姐你都無問我食乜就知我係食炸嘢呢？你唔係有炸牛肚嘛😲嚟到呢，個上海麵係痴埋一舊嘅，我諗係淥得太短時間啦。所以奉勸一句，趕時間呀、介意啲嘢唔好食嘅朋友就唔好試了🤦🏻♀️
继续阅读
手腳冰冷決定吃點什麼暖暖身，可是深井選擇並不多（其實可以去一粥麵，不過上次已經領教過碗好似糊仔的粥）這小店每日都有粥餐，粥配腸粉、粥配糉、粥配蘿蔔糕!!最近兩次我是吃菜乾排骨粥，味道偏淡，味精肯定唔多今次我和爸爸都點粥餐，佢點了咸肉糉，我則點了蘿蔔糕我應該拍個橫切面的，這樣大家就可以看到這用料充足，和糉的靈魂－肥豬肉，咸肉糉好好吃，其實不用豉油都okay蘿蔔糕味道也淡淡的，蘿蔔是好足料的，咬下去都是蘿蔔絲，不過蝦米、臘腸就少了點p.s.其實這裡以車仔麵做主打，上次去食過招牌麵（$30），覺得好似沒有以前咁出色，湯沒有以前的濃，用料沒有以前的好，豬皮和雞翼都有啲毛，不過，炸雲吞依然好吃!!
继续阅读
在深井住了多年, 無意中與乾洗店的老闆娘傾開才知道深井有間有粥賣的鋪頭,而且衛生企理.我於是在某個星期六早上去買早餐. 鋪頭不算大,大概有10張4人方型檯. 粥品只有一款,但每天會轉款, 我試過皮蛋瘦肉粥,南瓜粥,瑤柱白果粥,菜乾豬骨粥…;隨了粥品,還有腸粉,炒麵/米粉,煎蘿蔔糕,咸肉粽,三文治,而主打是車仔麵.我本人不太喜歡食車仔麵,只試過很少款式; 粥的味道比較清淡,接近住家煮的.最近端午節前買了一隻紅豆鹼水粽(因其他款式已沽清), 鹼水味適中, 豆沙夠味但不甜,真的好味道!明年要早一點去買, 試試不同款式.食店主要由一位老太太打理,大部份食客都是街坊,會與老太太打招呼和閒談,現今大部份食店很難見得到. 由於是街坊小店,速度不能與一般快餐店,茶餐廳相比,也許你在這裡應該慢慢地享受你的早餐,這是在平日上班的日子不能做到的.
继续阅读
您可能会有兴趣的...