藝餐 (已結業)

中午食lunch，嗌咗個拌飯加罐米汁，樓面短頭髮肥肥哋嗰阿姐態度差到，出個拌飯我問佢拎拌飯醬，佢聽完擰轉身走咗入去，再出來嘅時候我再提佢我嘅拌飯醬同米汁未有，行咗入去淨係拎咗拌飯醬，又再入去廚房門口，隔咗一陣我再提佢仲差罐米汁未出，佢又諗住擰轉身行入去，最終我再提多次先拎俾我，全程同佢講嘢佢都係冇反應，如果唔想做生意出聲呀嘛，態度差到好似我欠你錢咁，黑口黑面，之前幫襯另外一個女仔態度好好，近哩幾次幫襯都係哩個態度勁差，以後唔會再幫襯

之前食過不錯，但今次過來感覺同之前有少少不同，所以試過就可以，但冇之前咁好食，未必會再來，乾淨程度感覺差咗少少，前菜冇咩味，似現成整的，2人最後食差不多$300/人，價錢可接受，叫咗約十多分鐘食物就來到。烤LA牛肋條包一個白飯$138，牛口感都可以，餣味普通，份量都夠食。猪骨土豆湯包一個白飯$88，豬骨肉不偏少，土豆夠淋身，配湯和飯不錯。辣炒年糕有分大細，我要了細份$45，辣度剛好微辣不錯，年糕都夠淋身入味。

之前放lunch 都偶然會幫襯 價錢比較抵 分量都算足 不過樓面成日換人 加上廚房唔夠人 出餐速度有時比較慢 要催單最近轉左app 點餐 好多冇再出嘅item 仲係個app 到 今日用餐經驗非常差 樓面勁hea 有款item 點咗 不過今日無做 個樓面又唔同我講 要我問先知 出餐又比平時慢好多 平時lunch time 好旺 以前個樓面醒目之餘態度又好好 而家個樓面好唔掂 加咗價食物質素冇改變都算 而家物價指數上升 不過應該短期內唔會再幫襯今日成個場啲食客都好㷫 個樓面同趕客冇分別

今日晏晝出左去食飯，行遠少少去左葵涌廣場，點知比我見到呢間韓國餐廳，佢呢間野係勁偏僻，正常都唔會行到咁入，但行入去見到佢呢間野都唔細，講開環境真係衛生情況有待改善，地下都有幾多垃圾下，等左5分鐘左右我就入得，我叫左個50蚊既韓式便當，佢包埋前菜，飯同主菜，但就冇野飲飲，佢野飲要另外再加錢同都係得罐裝就冇叫到，等左10分鐘左右就黎啦個便當，賣相真係好一般，食落個肉都好味佢啲味調得幾好，但啲前菜真係少咁啲。

啲嘢食到咗 諗住喺個盒拎餐具預備食飯拎匙羹嗰下 無啦啦夾住咗隻食指咁長嘅大曱甴出嚟仲跌左落我隻腳到 我起身起得快佢先跌左落地 叫到成間餐廳都聽到店員仲怪我大驚小怪，話：「曱甴咋，得啦我掃走佢啦」😅淡定到咁睇怕都唔係第一次住附近 由佢開舖食到而家雖然唔算平 但係都算覺得好食先keep住幫襯仲會介紹俾朋友 約埋一齊食飯而家點講都唔會再食😅就憑呢種服務態度已經搞唔掂😅唔望open rice都唔知開左分店 都係建議直接摺埋

海鮮草馬麵 $88汽水仲要額外 +$12如果唔係行得太夜，隔離新都會啲嘢食收晒，都唔會誤打誤撞入左呢間比錢買難受😢😢😢粗麵條，口感一啲都唔彈牙，中間偏淋，浸耐左嘅粗公仔麵咁一上枱顏色好紅以為好辣所以加左野飲，個餐唔包野飲，CP極低，但原來唔係好辣🫠$88比得一隻蝦，仲要唔係好新鮮，霉霉地😀同埋有2隻青口，同1-2隻章魚仔，指甲咁細，撩撩下唔見埋🥹魷魚就比較多少少，感覺都唔係好新鮮⋯ 一啲都唔彈牙⋯同埋比左好好好多菜，啲菜嘅份量同麵差唔多，啲麵都唔係特別多⋯

呢排見冇咩胃口所以想搵d新野食因為葵廣食黎食去都係個d經過見到呢間唔多人就試下佢都好多位好濶落下而且話係韓國人主理感覺好似幾正宗咁叫左個午餐 辣豬肉蓋飯$55好好食wo佢即整所以熱辣辣又唔係好辣但好惹味我成碟食哂之後個2日都連續去呢度食👍🏻我見到都keep住有人黎食但人流唔算多可能佢位置比較入冇咩人留意到但真係值得一試因為呢幾次都係自己去食所以試唔到其他款下次可以叫埋老公一齊食或者買外賣返去做晚餐😁

晚市多人正常，叫左餐等得耐都明白，但食物份量少到咁樣收成差不多100蚊(連加1)真係接受唔到!!牛排骨湯飯，得1舊牛骨，蘿蔔切到薄片，得幾片，葱都冇2條，就收100蚊!!!同店見反眏，話老闆話係咁樣，大家自行決定點揀野食😞

葵涌廣場一直都有間韓國餐廳出名，由韓國人打理，午飯時間通常都要等位。午市有好多選擇，麵、飯、便當都有。✨辣魷魚飯 $55★★★★☆韓式便當$55有哂3個小菜，一個正餸，一個白飯，份量亦唔會特別少，呢個價錢呢個份量，絕對抵食。辣魷魚好惹味，辣醬爆炒過好香，鮮魷魚仲好嫩兼彈牙，唔會好老咬唔開。除左魷魚仲有埋椰菜，餸飯一流。配菜芽菜爽口，菠菜新鮮，泡菜就正常，酸酸地冇話太過驚艷，香腸片一般🌟總括：整體黎講幾好，價錢唔貴，份量亦大份，絕對抵食。

唔聽朋友介紹，都唔知葵廣開左一間韓國餐廳，聽講係韓國人開。我加班OT完，同同事黎食，黎到8pm左右，都坐滿人，等左一陣先有位。海鮮薄餅都幾足料，有魷魚，蝦咁。韓式炸雞本身叫原味，不加醬，不過唔知係咪落單Waiter聽唔明，變左有醬。炸雞係幾脆的。不過我同同事都麻麻地加左甜醬😂另一個辣麵係正常嘅。下次如果多D人黎，可以試下其他嘢，因為款式都多。Overall，不過不失，價錢正常

其實完全唔明白點解會甘多人話好好食。。。人邊好多人讚呢間好食，食評亦非常positive，甘就試下啦Lunchtime 去食，見到都多人等位，心諗：依～甘多人食應該okay喎😍 等到位就左個lunch set同小食：1. 辣豬肉飯2. 炸雞小食兩樣野埋單93HKD先講份炸雞，個炸粉係新鮮炸嘅，個個粉厚到不了，麥樂雞甘大嘅炸雞，個炸粉 竟然甘大份🙄 雞肉得少少，有幾粒嘅係炸粉，一粒肉都無。。。辣豬肉飯：呢個價錢配呢個份量，都算抵食豬肉有4塊，但好油，無乜辣味芽菜都爽口魚片正常泡菜 有酸味 無乜其他味推介菜式：芽菜

吃過呢間的泡菜餅後，其他地方的都比唔上了呢間都係韓國人自家開的餐廳（唔係個個服務員都識聽廣東話的），係葵廣一樓好隱蔽的地方等餐等約15-20分鐘，很熱好新鮮的上菜泡菜餅好香，稍鹹/油，但真的好香，唔似其他地方的只食到面粉，又甜

係香港食過最正宗嘅血腸湯飯 韓國人主理 高性價比韓國餐廳 藝餐推薦： 🍉🍉🍉🍉🍉 (5/5)            味道： 🍉🍉🍉🍉🍉(5/5)價錢： 🍉🍉🍉🍉 (4/5)                 打卡： 🍉🍉🍉 (3/5)位置： 🍉🍉🍉🍉🍉 (5/5)            回訪： 🍉🍉🍉🍉 (4/5)血腸湯飯 $78 🍉🍉🍉🍉喺香港搵咗好耐，好少有韓國餐廳會有血腸湯，就算有都未必好食，仲要勁貴🥲今次都係抱住試伏嘅心態嚟試，點知食落覺得還原到7成喺韓國食嘅味道，已經超開心，每食一啖都好諗番喺韓國食血腸湯嘅回憶😭胡椒味偏重，飲落似牛骨濃湯加胡椒嘅味道，好暖胃，血腸咬落好彈牙，唔粉，仲有少少內臟，完全唔會有腥味，另外我再自己加咗少少辣椒粉，成碗嘅味道再昇華咗，撈飯一流！🥰不過可能因為材料偏貴，血腸嘅份量唔太多，一碗只有3-4嚿，唔係幾夠☹️辣炒年糕 $38 🍉🍉🍉🍉🍉本身見佢寫係小食，價錢又只係$38，以為佢會得一個紙杯咁多，點知一嚟到見到咁大碟真係超開心！年糕每嚿都煙韌又糯綿，魚糕份量亦都好多，好抵食！比較少見嘅係，入面加多少少粉絲，吸哂啲醬汁，超惹味🤤好似燉雞嘅冬粉咁正🤤炸醬

葵涌廣場真係由細行到大, 有一日無意中發現到, 原來有間甘正宗甘隱世既韓國餐廳. 就入左去試, 有選擇困難既我, 選左好耐, 終於點了海鮮拉麵. 好味囉, 真係好食到無咩野好講! 所以, 我第2日就即刻帶左我朋友又去食一次! 今次我叫左個嫩豆腐湯, 睇落紅卜卜, 其實吾係好辣架咋, 仲好好味添, 有碗白飯跟既, 簡單係大滿足食到飽飽. 朋友就點了個牛肉拉麵, 佢地既拉麵係好彈牙既韓國拉麵, 仲用個大大個既拉麵鍋上檯. 加上坐低就上2款前菜, 有好開胃既泡菜同芽菜, 正. 我就覺得好抵食喇. 可惜我地2個屬細食之人,  叫吾到其他野食啦, 唯有下次再去幫襯啦.

環境：隱世葵廣食店！但係都唔算捐窿捐罅搵佢嚟食。三人行嚟呢度捉緊晚市堂食嘅尾巴～無後悔嘅！7點前入座，由自行入座食到排晒隊再食到無人排，飽足離開！食物：牛肉火鍋價錢：$240評價：⭕ 講二人份，如果兩個人嚟食，真係唔使再叫其他嘢，一定夠飽⭕ 足料，個窩底配料好足，各款蔬菜、菇菌、粉絲、年糕乜都有，一啲都唔hea⭕ 啲牛肉本身有醃過，本身已經好好好好食！⭕ 配埋個麵煙煙韌韌，好有咬口，正！❌ 太足料，第一次水滾咗其實要撈一撈，再等佢滾，如果唔係會唔熟食物：芝士鐵板炒年糕價錢：88評價：⭕ 年糕煙韌有咬口，正！⭕ 有拉芝，夠重味，正！⭕ 醬料配搭勁惹味，正！❌ 口味偏辣，難以持續食食物：拌飯（豬肉）價錢：72評價：⭕ 偏正常發揮⁉️ 本來以為支醬係辣醬所以無落，食落好淡口，以為好清淡。點知支醬先係味道來源！臨尾先試落，但係已經為時已晚，當上咗堂，以後識點食拌飯❌ 唔知係唔係漏單，過咗勁耐先到（非味道評價）飲品：可樂、桃味忌廉溝鮮奶❌ 偏貴，分別10蚊同12蚊✳ 有加一✳ 汽水以外嘅飲品，有唔同嘅水果口味飲料（茶、梳打），但係水果配搭無重覆，即係話只要講生果名就知你想飲咩可惜無叫到炸雞，見隔離