芙蓉果汁專門店 (已結業)

地理位置極佳，在人來人往鬧市中的一間鮮搾果汁店吸引了我，趁機會喝飲料的時候也能補充身體營養。我點了杯鮮搾牛油果汁，小的$19，大的$27。感覺大的會比較便宜，杯的大小有明顯差別，點了個大的。店員拿了一個剩下不到五分一，已經發黑的牛油果用身體擋著我視線，迅速把剩下的肉拿下來。我心想：店員真好，把壞的果肉拿掉。事實並非如此，她放進攪拌機，倒入糖水，牛油果汁並完成。味道當然令人難堪，加大了只是喝更多的糖水，勉強喝了一半就丟掉，非常失望。現時店鋪租金高昂，小店想盡辦法減低成本，可是用錯方法會弄巧反絀，希望日後能提供物有所值營養果汁，生意才蒸蒸日上

呢間果汁店嘅五寶汁，有青椒、苦瓜、西芹、青蘋果及西瓜。我家老爺經常買來喝，喜歡它夠苦、夠草青味、超解渴🤣🤣尖沙咀鋪租貴，這店的果汁亦越買越貴了！一杯細五寶汁（大約250ml)，現在賣20大洋。

尖沙咀嘅鋪租有幾貴相信唔使多講，地鋪嘅，角位嘅，更不在話下，依間「芙蓉果汁專門店」晌尖沙咀都多年，真喺唔知佢要賣幾多杯果汁先夠頂得住啲租金，當然，會唔會喺老細自己鋪我又唔知。如果喺前者（租鋪），咁就要支持吓小店啦，相反，如果喺後者（自己鋪），難得佢繼續賣果汁而唔喺將個鋪租出去喎，所以，都要支持吓 。雖然講唔上咩鋤強扶弱，但都希望依啲小店可以繼續落去。佢依度主打賣鮮榨果汁，而且，果汁種類非常多，又可以兩溝，$16-$22一杯，比起飲汽水、罐裝飲品，當然貴好多啦，但勝在新鮮健康嘛 ！除咗鮮榨果汁，另外仲兼賣兩款即斟「糖水」：芒果西米露同椰汁西米露。如果晌糖水鋪食碗芒果西米露，都要十幾廿蚊喎，依家$9就有一杯，不過，作為嘢飲，大家明白唔會有咩芒果果肉啦。 芒果西米露 $9、蘋果甘筍汁 $16 小弟一向喺慳家，就不期然揀杯抵飲嘅芒果西米露，晌炎炎夏日中，入口涼快，又唔會太冰感，個汁底都算幾夠芒果味，內裡又有粒粒咬口西米，飲完一杯的話可以消消暑 ；而老婆為人講健康，所以要咗一杯蘋果甘筍汁，甘甘甜甜，清新好味 。今次個食評，講果汁方面落墨唔多，只喺見小店嘅努力，都想寫番篇留個記錄而已

以前放工途經都好喜歡係呢度買果汁飲, 最近試咗佢嗰水果沙律盒, 原來都好好味, 好多新鮮水果, 加少量薯仔和雞蛋沙律, 最鍾意就係佢無用罐頭水果, 所以味道清新而材料絕不欺場, 索價$12, 足夠我當一個lunch了