芝味鳥

营业中

休息中

今次黎呢間餐廳食嘢，我同朋友分別叫咗兩個午市套餐，不得不提呢到既午市套餐真係好抵食，$50包一個飯+小食，我叫左個炸雞同菠菜雜菌焗薯蓉，雞皮夠薄脆，咸味適中，係食落去嗰陣雞皮同雞肉有啲分離，但雞肉好嫩滑，size唔錯。菠菜雜菌焗薯蓉就麻麻地，太水，一篤落去都係cream黎，芝士不太多⋯食到尾啖啖都好多cream而個雞飯就比較好，不過不失啦，雞飯既雞食落去係有用黑椒奄左既，好嫩滑，以食lunch黎講夠飽！ 最後仲有個薯角，咬落脆身，唔錯

之前天朗氣清一行四人郊遊，經過見到這間pizza店，便決定入內食個午餐充充電休息下😋餐廳不大，但坐位闊落光潔明亮，店員禮貌招待， 我們點了午市特價套餐，分別是葡汁烤雞焗飯，葡汁味香濃雞肉嫩滑😋香辣海鮮焗飯，有蝦仁，魷魚，蜆肉及蟹柳😋馳名咖哩豬扒飯，豬扒香滑😋菠菜雜菌焗薯蓉，薯蓉唔會太膩😋套餐包皇牌炸雞兩件及是日精選薄餅兩件，炸雞及菠蘿火腿薄餅香脆可口😋跟忌廉湯兩碗，凍咖啡及凍檸茶😋我們享受完一餐豐富的午餐再繼續郊遊😋

September 2022今次同成班同事一齊叫咗佢外賣方便叫咗三人餐再加一個六人餐，9個人食泥講 呢個份量絕對可以十一個人食，分別叫左三個大批 ，我地比較鍾意食佢個日芝戀人 ，味道很不錯，另外覺得佢哋嘅炸雞一定係必食嘅。如果有啲咩party同家庭聚會 佢地係不錯選擇

Pizza界黎講佢既pizza都真係幾hea😂係好似啲麵包舖既pizza, 食落係厚底到爆，料既份量都唔多，不過好在即叫即整，夠熱辣辣都補救到少少其實意粉飯都係普通到冇得再普通😂大家自己斟酌啦

一心歡喜叫外賣食個開年飯,一見pizza十分驚嚇,簡直見到都不知所措,原地呆左十分鐘,所謂暴龍獸pizza 果然嚇我一跳,打晒風炒埋一邊分開上,芝味鳥回覆出餐一定係完整就推左你出門外,外賣員又事不關己,熊貓亦表示冇能為力,我頓時醒覺原來只是特色pizza , 暴龍獸你值得擁有 !!

母親節當日 下午4點幾就打電話去order外賣食物 同佢地講左想晚上8:15送到 佢地話要前後半小時誤差 我覺得半小時ok 最遲都8:45姐然後當晚 等到9:00都未有食物蹤影 全家都好肚餓 我就打電話去問下 打了16次 打到9:20先有人聽 個店員話 母親節多人訂 又落雨 所以遲了 佢check了一下 話司機10分鐘前已出發(8:15既order 9:10先出發🤪)好快就到 咁我就等多陣啦 等呀等 到9:40 我胃痛 已食唔落野了 我屋企人就火到打左去cut單 個店員仲要態度極差 最後cut埋我地線老實講 母親節唔係個一晚先發現架係嗎？一早知道就應早作準備 接不哂d單就唔好接 完全唔係借口落雨確係麻煩既 不過我唔認為可以差幾遠 小心駕駛揸慢d 比盡都係慢過平時15分鐘？另外遲左咁多都可以打電話交代下？最陰公係 到了差不多10點 個送餐員仲送左餐來 佢唔知取消左！懷疑店家無通知送貨員 佢白行一趟好失望 如果個店員態度好d 肯認真跟進 都可能有下次 宜家真係無下次

外賣叫左炸雞，蒜蓉包同蒜蓉肉絲意粉，個速遞勁快送到，啲野食都重係好熱，唔錯👍🏻👍🏻但三樣野淨係得炸雞炸得好食，佢又大件又入味，個皮又炸得脆。而蒜蓉包就整得好難食，無咩蒜蓉醬，比起pizzahut啲蒜蓉包差太遠，但勝在夠平叫之前係充滿幻想，但一食就中曬伏。蒜蓉肉絲意粉冇乜蒜頭味淨係黑椒多到辣，但勝在配料多，意粉同包唔會再叫第二次。個ok係比個炸雞同速遞，因為好準時到，如果無叫炸雞我諗我一定唔會返卓

之前吃過一兩次挺不錯，但今天的外賣水準十分低。菠菜龍利柳飯極咸，是吃完要喝很多水的咸，又把餐刀放在pizza下面。不錯的是外賣準時，肉意粉好吃！餐具十份齊全充足！

第一次進來，就發現自己其實已不年輕，因為其他都是學生哥/學生妹。沒有留意到，原來牆上掛有特別餐牌，寫上一個焗飯，配合炸雞或比薩。只看到主餐牌上面，有大型的碟頭飯，或是比薩配薯條洋蔥圈。落單時，員工也沒有提醒我們有這些比較廉宜的套餐。我的比薩，味道也不錯，當然，等候了10至15分鐘，即製的比薩，當然會比較脆口，底部亦都烤取了，味道相當不錯，而且用料不少，汁醬也較多。但是落單就發現餐廳不夠靈活，因為我詢問，能否將洋蔥圈轉為薯條，但他只說「兩種都包括在內了」，即是強迫不喜歡吃洋蔥圈的人也需要吃😑。通常，這些店子的薯條，也偏向翻查過，不是即炸的，因此外皮吃起上來比較硬身，雖然內裏的薯仔肉也不少，但是味道就普通吧。對上一次校準時間午膳時候前來，看見店內九成都是中學生，感覺自己比較老邁，頗真尷尬😳。而有天稍微延遲了午膳時間，路過又碰巧落雨，就進來看看有沒有大批學生人潮。第二次再來，當然就懂得叫個人優惠套餐。套餐包括一個焗飯/焗意粉，以及炸雞/Pizza或脆薯角或沙律，另外可以要餐湯或是汽水。點了一個葡汁焗雞皇飯以及一件王牌炸雞。先端來的是炸雞，炸粉也不太薄，可能始終因為本身已經煮好，然之後再在上面

最近要係東涌工作，都試左附近既餐廳。呢間快餐店係連鎖式既 原來都幾多分店。 我都係第一次食。 佢同一般快餐店唔同， 佢所有野都係即煮，當日叫左午市套餐，一隻雞，一個焗飯，跟汽水。佢唔似一般快餐店煮定，所以比較脆同熱。 十分惹味， 特別要推介佢個香辣海鮮焗飯。

山長水遠去到東涌搵朋友，咁岩自己又好想食啲西式野，我朋友就介紹佢屋企附近嘅一間平民Pizza餐廳。佢喺北大嶼山醫院附近，隔離就係逸東邨，所以唔算好近東涌地鐵站。兩個人就嗌咗兩個Pizza啦，好似會送啲炸物。我個friend就叫左一個pizzAbird 至尊，我就叫左一個海洋派對。大家大概等左10幾分鐘就有得食啦，海洋派對嘅料都係平常嗰啲啦，都食到唔少蝦同魷魚嘅，而至尊啲料好足，要提一提嘅係兩塊Pizza嘅芝士都係可以拉絲架炸物方面相對上就還好，自己比較偏好佢個洋蔥圈。不過呢個價錢其實已經算唔錯㗎啦，所以都唔係要求好多。最緊要係佢個Pizza做得真係唔錯，值得support ！

一年一度生日夜晚先食好嘢! 但係晨早流流太凍唔想落街 唯有搵啲可以外賣的! 今日星期一至四 有特價餐~ 絕對係必食之選千島熱情~ 是一個大批批送到嚟都仲係熱辣辣~但料少咗啲 如果加多少少粟米或者菠蘿會好啲突然想食炸雞所以每件加七蚊用汽水換咗做炸雞~ 雖然熱辣辣但係 有小小雪味咖哩飯飯太濕~ 而且汁太少成個飯 麻麻地

雖然而家已經比以前加咗唔少~但如果遇見團購的話仍然會選擇! 今次買嘅是團購四人餐! 有一個大批~兩個小食~四罐嘢飲總括嚟講只可以用抵形容! 可惜團購的話要外賣自取否則加50蚊 作為慳家節儉的老婆仔當然點咗個壯男落街攞外賣

自從知道佢地有堂食之後。就常常落去食。服務又好。😆最正係如果多人食套餐有簿餅食😈不過佢地改左個午市套。冇左個一件簿餅。有D 失望！E 十只係加$8有沙律或炸雞一件！😢我想如果可以比多一個選擇加多少少錢有多一樣野簡就係一件簿餅就好啦😍不過有時去到比人包左個場都幾😲😢

這是我在東涌的第一餐，車子駛到北大嶼山醫院附近，突然一排閃閃的燈光在一列村屋上，這裡有大排檔，泰菜和芝味鳥。剛好經過時見一唐狗在大排檔向放在地上蓋了蓋的發泡箱屙尿，液體好像剛好沖向蓋合位，不知裡面會是生肉，菜還是啤酒，但我絕不會去該店吃飯。泰菜有燒烤，很多人。我們選擇了原本的目標，芝味鳥堂食。經過一系列電單車，我們進了室內。共有4張枱。叫了一個芝味A餐。環遊世界普通批。材料有豬，牛，菠蘿，青椒等，分怖平均。我喜歡不正宗的麵包底厚批pizza, 所以對此批底也滿意，底部能更乾身爲佳。小食點了炸雞。炸粉夠脆，肉汁豐富不鞋口，只是雞肉帶灰色，感覺不新鮮。另點了炸蝦。友人很高興終於吃蝦不用剝殼了。蝦肉較淋身，蝦身不算大，炸粉夠脆，配汽水一流！羅宋湯足料，但材料不夠出味。吃到一半，我們又包場。友人繼續牙擦擦，包場啊~店子另有不是快餐的晚餐以供選擇。