芝士蛋糕專門店 (已搬遷) 新店位置

Yumo Cheese 係我近期幾鍾意嘅一間甜品店～之前已經聽過有好多朋友推介，最近終於有機會試佢地嘅cheesecake啦～佢地每日嘅款式都唔同，可以去門市之前去佢地ig story到望下佢地當日有咩口味選擇～ 我地當日預早咗十分鐘去等佢地開門，門口已經有大概10個人排緊隊～第一次係ig見到岩燒蜂蜜麻糬戚風蛋糕嘅已經覺得好邪惡好想試下，戚風蛋糕入口濕潤而且空氣感好重，入面嘅麻糬亦都十分煙韌～戚風蛋糕上面嘅岩燒蜂蜜令到成個蛋糕更加芳香美味～朋友係一個cheesecake lover，所以我地揀咗北海道雙層芝士～蛋糕入口濕潤而且芝士味濃郁，三層嘅layer（雪凍芝士、烤芝士同海綿蛋糕）一齊放入口就好似溶咗係口入面，甜度亦都恰到好處又唔會太膩，幾分鐘就好快食完個蛋糕啦～巴斯克芝士蛋糕係佢地嘅招牌甜品，我地今次就揀咗東方美人茶口味～ 蛋糕有好香嘅芝士同茶味，味道唔錯～ 麻糬係入面軟糯煙韌，令到成個cheesecake口感好有層次～ 如果卡路里唔係一個問題嘅話我應該會每款蛋糕都試

見到佢地嘅cheese cake 好抵，$35就有一件，就決定試下味道如何^ ^食落去有驚喜！我同朋友都一致好評❤️💕上面有乳酪cream、中間係濃濃的芝士蛋糕🍰（兩者加埋好match，唔會有好膩嘅感覺）下面嘅餅底啱啱好😋（唔會好鬆散）希望下次可以試到巴斯克蛋糕同卷蛋🧁店名：芝士蛋糕專門店（yumo_cheese)❣️地址：屯門屯門鄉事會路112-140號雅都商場Go Go Mall1樓，好似就快會轉位置（詳情睇佢地Ig

最愛抹茶芋泥麻糬巴斯克，因為一次過有齊我最愛嘅食材，口感豐富，有香濃抹茶，芋泥有啲顆粒，如果再綿密點會更喜愛，可能抹茶味較濃，相對芋泥不甜又不夠香，有點被比下去，最愛果粒少許煙韌軟糯不黏牙有奶香嘅麻糬，佢個cake食落好有層次，食完仲有陣陣抹茶香。另一款伯爵茶巴斯克也很喜歡，茶味香濃陣陣紅茶香，但沒有茶碎，不會食到茶嘅苦澀，不過Tiramisu好似食唔到咖啡和酒香，芝士香濃軟滑，面層可可粉少許苦味平衡番，食完都唔覺膩，一次食2件都無問題。

🎀強推⚠️超好味屯門隱世芝士蛋糕 🎀🕯️店名* #芝士蛋糕專門店🕯️🔮地址*屯門屯門鄉事會路112-140號雅都商場Go Go Mall1樓S72號舖🔮🗾分店地區🗾 沒有分店💰價錢$98兩件➖➖➖➖➖➖➖➖➖➖➖➖➖🍽️食物質素🍽️呢一間好耐之前見到有人推介 都有買過翻黎屋企食覺得質素十分驚艷！中意食芝士蛋糕既真係唔可以錯過😍🤗甘岩今日見到系無人排隊 而且剩翻好多款式選擇 正啊 對上果次中午一開鋪就去買 排左接近一個鐘😣👀評分💖💖💖💖💖🪄原味巴斯克$45呢個必食！！質地十分輕盈幼滑 中間仲會有流心 勁有滿足感 食落去系真系幸福滿瀉😍而且價錢唔算貴 芝士味香濃 又唔甜😋尺寸岩岩好 唔會食完太濟👀評分💖💖💖💖🪄 焙茶黑芝麻麻薯巴斯克$53味道都幾唔錯 不過相對原味就差左少少 茶味較濃 而且唔會太苦 黑芝麻做到軟心效果 但略嫌外面培茶比較實 入面既麻薯十分凍L軟糯 配上芝士蛋糕令口感有特色 都係十分值得選擇(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌

呢間啲卷蛋同埋巴斯克蛋糕都好食🤫屯門同埋荃灣嘅朋友留意😳-估唔到喺food court入邊原來有間蛋糕店幾好食🤣不過見佢只係做到四月中之後就會搬去荃灣了🫣巴斯克蛋糕中間有啲軟心🍰焙茶黑芝麻嘅味道都好濃郁，再加埋麻薯唔同口感幾正🙆🏻‍♀️芋泥同樣真材實料仲食到啲芋頭粒粒🫢卷蛋個蛋糕體都濕潤💜overall試左呢四款都幾出色！如果去屯赤野餐嘅話，係屯門西鐵站轉車之前可以行一行過嚟買過去🤭【芋泥巴斯克】$48【焙茶黑芝麻麻糬巴斯克】$58【芋泥卷】$30【烏龍茶黑芝麻卷】$35

Gogo mall 經常有驚喜。 開張時有龍記蛋卷進駐，初期極容易買到，現已搬遷並一罐難求。 現時竟有一家芝士蛋糕專門店，店名 YUMO，營業時間短，曾見有人排隊等開車。食過這裡幾款芝士蛋糕，以下根據自己口味評分，5星滿分 😃開心果巴斯克，開心果味濃郁，香滑滿口開心果香 ⭐️⭐️⭐️⭐️⭐️伯爵茶烤芝士，質地有點硬 ⭐️⭐️⭐️原味巴斯克，濃厚芝士，食後不覺肥膩 ⭐️⭐️⭐️⭐️⭐️今次選芋泥巴斯克，蛋糕底有層芋泥⭐️⭐️⭐️⭐️

特登由港島去go go mall food court 食野其中一個原因就係為左佢!!!食完覺得完全值得!!芝士蛋糕固然出名，原味以外都有較少見嘅味道，例如：海鹽焦糖泰式奶茶、開心果；另外仲有蛋卷同埋生酮蛋糕，想買原個蛋糕都有！—— 原味巴斯克 $45見唔見到中間係流心㗎🤩蛋糕極致輕盈幼滑，即使後尾蛋糕邊位部份都保持軟身；芝士牛奶味極濃厚🧀焗得好靚，面皮冇破損，散發出陣陣焦香。如果唔係驚佢溶一定買多舊翻屋企🥹

之前經過幾次都買唔到，因為好早已經沽清，今日終於可以試到佢哋嘅蛋糕，見到個menu 好吸引，多都款想試，選擇困難症，最後買咗Tiramisu，宇治抹茶雙層芝士，玄米茶栗子麻薯巴斯克，三款都超好味。

係呢個咁up dup 嘅小商場入邊，竟然有一間淨係買蛋糕嘅鋪仔。仲要幾寸下，每日開得幾個鐘。見咁多人話好味，特登去試吓。今日有原味嘅巴斯克芝士蛋糕同埋伯爵茶芝士蛋糕。決定試吓呢兩隻味道。原味巴斯克蛋糕$45。伯爵茶芝士蛋糕$35。兩件加埋$100有找。真係好在喺呢啲人流唔係咁多個地方開。去到尖沙咀食嘅話，好多時都要$100一件蛋糕。巴斯克蛋糕非常之軟滑。芝士香濃，但又唔膩。仲唔會過份之甜。感覺我就算食兩三件都冇問題。伯爵茶芝士蛋糕有淡淡的茶香。仲帶有少少茶嘅苦澀。可能唔鍾意食苦味嘅人會唔鍾意。伯爵茶芝士蛋糕比巴斯克實少少。$80兩件蛋糕，仲要係好食嘅蛋糕，我覺得好抵。如果唔係怕肥嘅話，真係想一次過食晒佢所有嘅口味。

味道真係唔錯，我初頭以為上邊都係一啲普通嘅food court，唔會食到啲咩好嘢，竟然發現新大陸，呢間店嘅芝士蛋糕非常好食，一啖咬落去非常有層次，外層好香濃嘅芝士味，中層係一啲比較軟身未溶晒嘅芝士蛋糕，口感一流

我本人好鍾意食芝士蛋糕，好多地方都試過，估唔到屯門一個好細嘅商場，有一間咁出色咁高質素嘅芝士蛋糕店，佢個芝士蛋糕做得好就係，唔會太甜，通常材料唔夠，先會增加個甜味，同埋佢歌芝士蛋糕中間嗰個軟心做得好好，一口咬落去外層同埋蛋糕嘅中心，係有兩個層次嘅感覺，非常推薦👍

🍰岩燒蜂蜜芝士麻糬蛋糕  $88 蛋糕口感偏軟，好難得🧀芝士蛋糕會完全不膩🤩我自己也可以吃完整個！！😋麻糬口感比較彈牙，增加口感👍蜂蜜的份量剛剛好，所以不會很甜，適合不愛吃甜的朋友😚店家建議翻熱再吃，味道會更香，麻糬會更軟而且拉絲效果更突出 ☺️下次一定要試試翻熱食！！ 總結：多謝同事推薦一間正正屯門小店@yumo_cheese 🥰下次要買芝士蛋糕就知道要去哪買了 ❤️

上幾個月諗住去買，但未開門。今日咁啱在gogomall 食完午餐，就過去望一望，已經有十個人左右排緊隊，不算多人就排隊買了4件芝士蛋糕。伯爵茶、抹茶、原味、芝麻一件都幾大件，食落幾多，因為真材實料。各有特色，甜度適中偏淡少少，我最喜歡，不會蓋過芝士味，能食到芝士本身味道。芝麻味好濃郁，伯爵茶味可以再多啲。今日無出芋泥口味，好想試，下次再來。

之前有朋友生日試過佢紅茶白桃既巴斯克蛋糕覺得唔錯😝，所以今次屋企人生日都訂返一個🤤。訂全個蛋糕要提早預訂，揀左去雅都商場GOGO MALL到自取都幾方便，西鐵站行去都唔使10min。去到staff好好心機幫我包好蛋糕😚，跟左一包保冷劑，不過提提大家保溫袋要自備😬。🔅小山園若竹抹茶x芋泥x麻糬 巴斯克蛋糕 (6寸$420)蛋糕口感好厚實幼滑，芝士味濃而不膩😋。抹茶同芋泥味唔算好出，但有少少芋頭粒令口感更豐富👍🏻。麻糬份量好足，但唔算太煙韌，係偏Q彈既口感。不過同巴斯克蛋糕好match 😍，balance整個蛋糕既味道，食落甜度剛剛好，唔會好膩。💬呢間仲有傳統芝士蛋糕、生乳卷、Keto版巴斯克蛋糕，有機會會再試😍。同埋佢送既蛋糕刀真係好堅😎，唔係頹頹膠刀黎。

其實我不嬲都唔鍾意食甜品唯獨是係鍾意食芝士蛋糕可能因為食落去唔會太甜😂有次行過GOGOMALL 可能因為太耐冇入嚟呢個商場所以先發現開咗一間新嘅手工芝士蛋糕專門店見到佢哋有好多唔同味道嘅芝士蛋糕即刻心郁郁買咗兩件返去同男朋友一齊食點知上車之後我已經忍唔住拆開咗黎食😂其實我係買咗一件抹茶味同埋一件原味不過因為狗狗太激動所以冇影得好好😂但佢呢間芝士蛋糕口感真係好唔錯而且重點係真係唔甜！！！唔會食完好辛苦想飲野因為本身屯門大多數嘅蛋糕店都係連鎖式或者係傳統麵包舖比較多，上網訂咗比較麻煩😆(懶)而家多咗一間hand made嘅芝士蛋糕就可以耐唔耐買返件食下🤎