花園酒家

营业中

休息中

今晚歐聯決賽四處都冇波睇,同朋友知道花園400蚊打邊爐加睇波,預早去落訂十二點左右去到先去打邊爐點野食野食都算正常既魚算鮮味肥牛同牛柳都幾好食正常打邊爐既野都有得叫

今日同朋友去左花園酒家打邊爐勝在打邊爐可以自己想食咩就食咩影左部份食品啦不過最特別係有流沙奶皇包,正常野囉唔算好熱美國肥牛質素一般啦唔可以話好好食,同偏肥魚類都OK都幾好食其他食品都算唔太差

同朋友一齊去，六點鐘開始食左兩個半鐘， 有美國肥牛、海鮮、蔬菜， 質素普通，不過咁嘅價錢都接受到， 最好食係流心奶黃包（雖然唔流心）同春捲， 打邊爐仲有得任食點心真係好開心，最後食到好飽仲有一人一支雪糕，有機會再去

今天一行人帶老人家和bb 來飲茶，過程中不斷受到各侍應們單單打打，指責我們bb 車放錯地方，我們放任何地方也被侍應駡放錯，侍應極度不耐煩，臨走時我漏了隻bb 碗在桌上，差點忘了帶走，點知個男侍應串串共話：洗吾洗幫你洗埋隻碗呀，我吾想理佢，拿拿淋拎走隻碗費事同佢嘈，點知佢又串我話，一陣有老鼠呀....整餐早茶遇上至少三個侍應也是態度極度惡劣，對長者和家庭客極不友善，過程真系好吾開心，吾怪得假日都早上冇咩人幫襯...

今日已經係第二次嚟馳名嘅花園酒家打邊爐同上次一樣，枱號都係456，好親切。成餐邊爐，最好食嘅 一定係 流沙奶油包 即叫即蒸、奶味香濃、包皮鬆軟、令人想一試再試食過返尋味，我地每人食咗一籠添。部長仲心咁問我地：「係咪要多一籠就夠喇？」我諗佢好擔心我哋唔夠飽，嘻嘻！同行朋友就鍾意食鍊奶饅頭，可能第度無得食啦，佢地又係一次過食咗3、4籠。今餐邊爐真係好豐富，最後連加一每位$218 非常抵食，我地一定要再嚟食過！

今日15 個朋人一齊出黎團拜每人只需232, 任食打邊爐比左2張大枱我哋玩任食啤酒又任飲，有藍妹嘉士伯老實飲啤酒都回曬本，時常和朋友在旺角附近唔知食咩都會食花園酒家因為真係係抵食仲要夠就腳

今晚慶祝朋友生日。朋友為方便幾位無車朋友搵了油麻地近地鐵站既酒樓。花園酒樓價錢唔算好平。但價錢接受到。因為材料太多都好新鮮。例：脆鯇真係脆囉。最討厭係寫脆鯇而唔脆。特別介紹係魚鰾同龍躉十分新鮮和出色。咸菜豬肚湯底..不是一般得幾舊就罷。幾有心思。田雞同九菜餃子🥟亦美味新鮮。

任食既餐廳成日好似代表食物質素較差、種類較少、服務較次等，但其實有唔食任食邊爐已經改善晒依啲缺點推介花園酒家，附近交通方便易達，典型酒家既陳設，寬敞而坐得舒服，食物種類繁多，任食都會有墨魚滑、蝦滑、龍躉、花膠、魚肚等等，超多選擇叫個咸菜豬肚湯，加埋粟米同蘿蔔做湯底醬料吧超齊全，我好鍾意包括生熟蒜+葱+剁椒麻辣醬腐乳記住加豉油前加少少麻油，會好味好多先食啲牛肉，隨住價錢提升左牛既質素都提升左，肥牛夠油脂，幾有牛味，滑牛非常滑好正，可以試下淨係點麻辣醬或者腐乳玉子豆腐係其中一個最愛，但可惜佢既蛋味好少，好淡，亦吸唔到湯味每枱每人送是日海鮮，今日係蠔同蝦，兩樣都好鮮，好甜但無得encore當然要試下脆骨腩，肉質超爽，超脆，但魚味反而唔算鮮最愛既滑雞片仍然好味，滑，夾麻辣醬好正但今日切得太碎，唔夠大大磈咁爽午餐肉當然必食，正路美味想食下芝味野試左芝士小籠包，個皮真係唔太好味菜同金菇就無咩好講啦，勞蘇食打邊爐之推介食物 —— 牛栢葉x水魷魚，淥依兩個食物有同一個重點，就係快，千其唔好俾佢縮，當自己淥緊肥牛咁望實佢，咁就會食到好似今晚依個咁鮮咁爽既口感好正好爽既，必須要試最後食埋條雪條，都好圓滿原

以前出街睇波如果友人唔飲酒，又唔想成日去酒吧食晚餐，其實真係唔知可以去邊度，原來係我孤陋寡聞。朋友同我講原來有個邊睇波，邊打邊爐嘅花園酒家。今晚曼車7點半早場，2個人本身限時食2個鐘，我地2個人7點左右去到，都比我地入去，仲可以睇埋場波先走。基本上成個場都係睇波，九成係男士，成件事有點麻甩，但感覺又唔會太怪，每一枱都可以清楚睇到電視機，可想而知有幾多部電視。第一次黎嘅我比較唔熟手，好多野都唔知掟，好多用具，食物，配料個個都知係點運作，而我就唔知頭唔知路咁周圍探索。開波之後啲人唔多四圍走，個個都係睇波，唔係點食野。不過氣氛係一流，218蚊全包又真係幾抵。

油麻地..花園酒家👍🏻坐得舒服冇吹枱（本身係2.5小時）食物：賣相新鮮來得準份量夠野飲任飲：涼茶。汽水。啤酒😍😍😍世界杯其間去服務都不錯👍🏻👍🏻👍🏻推介：田雞。肥牛🤗🤗🤗🤗🤗🤗🤗🤗

上星期有朋自遠方來，美國的老友回來，為佢接風！我選擇油麻地的花園酒家，離佢住的地方比進，方便佢搵到！我選擇去花園酒家主要想食佢地自助火鍋，湯底料自己選擇！所有食材自由選擇！我覺得美國的朋友唔食辣鍋，我選擇鴛鴦鍋！一半麻辣鍋，一半清湯！我得叫了幾份海鮮有蝦、象拔蚌、貝殼類等。肥牛、鮮牛肉、花膠、炸魚皮外加一些蔬菜！還有飲品，啤酒🍻！我覺得清湯淡淡的，應該適合朋友的口味！點知佢地全部食麻辣鍋！仲講辣鍋好味過清湯鍋底！

得知花園有得睇歐聯決賽，可以預訂，25/5/2918星期五下午2點幾打去預訂4人，接線女士話已經無得預訂，只有少量枱可以於當晚12點去walk in 攞位。我擔心好多人排隊拎位，所以大約於26/5/2018當晚11時去花園，地下大堂既女士話無哂位，一直都只接受預約，並無walk in 枱，我向她說我曾打來詢問，佢仍堅持話唔會有walk in的安排！其實我理解當日會好多人睇波，安排預約訂位，先訂先得，對客人會係更方便，可惜呢間公司任搬龍門，一時一樣，到我專程早到去walk in才話無位，令人白行一場......

火都黎，打去問話知唔知係未用有線睇波，個亞姐話唔知（咁唔知好正常）叫佢幫幫忙問下同事知唔知啦，佢話有咩分別，未解釋佢知如果機頂盒果D怕“疾”，咁如有線睇會好D嘛，佢話總知就係直播...用咩睇就唔知（勁差態度）5月24日 大約21:00打去問貴 公司睇到就 叫D同事檢討下啦😡😡😡

早2日朋友帶我上去第一次食，除咗服務ok之外，無樣嘢掂。。食物質素差到爆!!唔新鮮兼且佢哋啲肥牛一早切好哂放响吧枱，起初我無留意，淨係覺得伙記拎到嚟啲牛肉已經溶哂雪，而且開始變黑，後來先發現原來已經一早切好哂暴露於空氣中。。最恐怖係我見隔離枱客走咗，食剩咗啲金菇同生魚片，個伙記枱唔係將佢哋倒埋落個煲到倒走佢，而係見佢小心翼翼拎返去廚房。。相信我唔講大家都明。。其實食物質素好唔好新唔新鮮好個人感覺。。但係將客人食剩嘅食物循環再食。。呢樣我諗無人可以接受得到囉。。我從來無寫過食評，今次真係要企出嚟講俾大家知。。

每次都係約朋友上來打火鍋兼睇波。今次上來他們說1:30無得轉台睇波。我非常不高興，下次不會再來！😤 你不轉波球場為何不說明，這樣太令我們食客失望。從此bad list這間火鍋店！