花園酒家

营业中

休息中

任飲任食火鍋抵食，調味料很多選擇又任拿，很自由很貼心。飲品有汽水，酸梅湯，庶汁，啤酒任取，雪糕一位包一細杯。火鍋配料不多選擇，首選一定叫象拔蚌片，好彈牙，肥牛都ok，不太鞋囗，算不上靚牛，墨魚滑一定要叫，很彈很滑好味道，比墨魚丸更正。響鈴都好脆，不要浸太久，好味。另外還有少許點心，有鑐米飯，都很美味，飯不乾很軟又很香，忍不住食了一碗。呢一餐食得好飽很满足，不用二百元超抵。

很久沒有去花園酒家食火煱，今次因為團購關係所以又重臨一試。進餐前已訂座所以很快便已坐定定等開餐。進餐位置兩面都有電視，雙重娛樂，人不多 (下午七時)，不嘈吵。不是團購九時前是全包168，九時後是138。調味品非常多，超過廿款，悉隨尊便，各式其適，自家調製。湯底也比別處多選擇，我們選了咸菜豬肚湯，但味道寡一點。飲品選擇罐裝汽水四款及啤酒(全是冰凍，另有膠桶可放冰塊保溫)，自家飲品有兩款，算是不錯。點的收煱料很快便到，外觀新鮮，每人送帶子及蝦各一隻。再落單，上枱速度慢了一點因客人多咗，差不多爆滿。田雞已售罄，好彩第一輪已點。出前一丁是餐廳辦，味道不錯。肥牛沒有別家的肥肉多過瘦肉，肥瘦適中，有肉味。拿單取雪糕，是雀巢牌，有朱古力及雲尼拿味道。結賬時已為要等，侍應生拿單一看已通知我們不用付任何費用，吃完食物便可離去。

與葵涌之友一行四人唱畢通宵K，慣性都是要吃埋個早餐才各自歸家，今次我們選擇了去飲早茶。六時左右離開佐敦，沿路見到一、兩家酒樓都未開門，最終行下行下來到酒麻地花園酒家。門口有一個牌，指示飲早茶的人上二樓，於是我們乖乖的乘電梯到二樓。達二樓，發現酒樓的門也未開，我們還以為自己到錯了地方，但原來早茶是六時三十分才開始的，於是我們耐心的在門外等候，期間還見到剛回來酒樓的師傅入去準備。六時三十分了，酒樓的門打開了，我們和其他茶客都入內自行的找位子坐下。喝早茶的慣例，就是所有的東西都自己準備，於是其中一位朋友自己去沖茶，而我則負責畫點心紙。這花園酒家都算是油麻地區的地標，每次沿彌敦道由佐敦走向旺角方向時都會望到那個大大的BILLBOARD，上面寫著時火鍋任飯任食，其實我常常都想來這裡一試他們的火鍋，但總是覺得不太就腳。這次來到這兒喝個超級早茶，可以說是「十年唔逢一潤」。雖然我們門都未開時晨早的來到，但一入到去，可以看到員工之前一晚已準備妥當。茶杯、餐具等都當算乾淨，只是枱與枱之間空間很少，坐得有點兒擠迫。早茶有一個好處，就是通常會有早市的優惠。我們也沒有「執輸」，於是按早市特價點心紙才選擇食物。首

第一次去呢間酒樓打邊爐, 9:30去到唔洗等位, 問清楚價錢係埋單全包$128? 包任飲啤酒? 全部都話係咁就即管試下啦上到一樓 咁多人既?? 成層都坐滿晒, 估唔到喎。坐低即刻叫左個沙嗲湯底, 入單點左幾樣野食就出去攞野飲啦。 青口同埋蝦係送既, 可惜朋友話d蝦腥  肥牛真係必食, 前後食左三盤  象拔蚌, 普普通通脆肉鯇, 夠厚, 正本來仲有雪糕食做甜品, 可惜我出去攞既時候已經無晒

新電話落地一星期的第一個星期六, 有機會到酒樓食飯, 乘機試下部電話的效果先, 太座大人一早訂咗位, 我們一到場已經有好多人在等位可能係因為是週末8點多的關係, 樓下知客隨手叫我們上三樓, 但當我們上到去時發覺”點解全場打邊爐嘅?!再問一下待應這層是否可以叫小菜? 待應答道: 食小菜唔係呢層叫我們落番去問知客, 唯有行多轉落樓問多次啦, 果然原來食小菜要上四樓, 食小菜那層客人不多, 好彩不須要在下面3樓用餐因為環境真的好嘈吵,基本上無法傾偈,講番小菜: 先來燒鴨半隻, 皮下脂肪豐厚, 明顯隻鴨缺乏運動, 肉味欠奉, 燒腩仔, 雖然間肥間瘦, 但賣相唔吸引, 好彩層皮重脆嘅 白飯魚煎蛋, 非常普通的一個煎蛋餅, 無蛋香之餘白飯魚亦唔多,蔥青亦唔夠上湯浸勝瓜, 卒之有個似樣些少嘅餸啦, 因為個上湯OK的話個勝瓜好少出事架喎, 煎蓮藕餅, 味道一般, 魚肉/豬肉比例正確, 煎色亦可以生炒骨, 骨頭不太多, 配料(青紅椒/ 菠蘿)全部有齊, 個汁份量亦掛到全部骨上,翠塘豆腐, 蛋白蒸得夠滑,只是海鮮類其實沒什麼鮮味只能靠個汁美極蝦, 由於此菜咸味極度超標不甚”美極”,連一向嗜味甚濃的外父大人

媽媽聽人講呢間野既任食火鍋食物幾新鮮...所以帶左我地一家去食~早幾日打黎睇下駛唔駛BOOK 位,點知個人一聽到就勁串咁話"唔夠8個唔駛BOOK架喇" 雖然都見到其他人話服務態度差,但始終食物最緊要呀嘛~ (但其實真係好差)去到6點幾...係好早所以得一兩枱~ 發現佢個場都幾大下~ 任食兩個半鐘$158 一個人~每人送蟶子一隻~坐低就有個疑似部長既人問要咩湯底,揀左好穩陣既豬骨湯底~豉油係用水機自己斟第一次見到~ 家人話衛生D~汽水就係另一邊自己拎...有可樂忌廉啤酒jolly sandy 都有都叫左好多食物呀咩都叫一餐~ 走單情況唔算嚴重~ 野食多數撈埋一碟上~反而係肥牛有少少驚喜...一碟有4-5 塊到~ 都幾好食呀埋單果然係$158 一個人...而且兩個半鐘都好夠食...食到勁飽 =_=當然都有少少叫左既野食食唔晒~ (只係好少)走個時媽媽番轉頭去廁所...番番黎竟然同我地講左D 好恐怖好唔衛生既事!!!!!!!!!!!!!!這個絕對不能夠接受呀 我覺得好恐怖呀特別係你諗起d 野食撈埋一碟上既時候以後要black list 呀絕對

兩個人想食火鍋我會選擇全包可以樣樣叫啲多啲選擇免浪費任食任飲連湯底全包$148./人入座起計兩個半鐘時間算充足幫襯了好幾次水準沒什麼升跌純以飽吃一頓計總算達到要求火鍋醬料配料應有的都有供應一般中式火鍋食材都大同小異開放式厨房已有肥牛盤供自取我較喜歡走到櫃臺自己攞肥牛該店的鮮魚標也有不少捧場客除火鍋外還有幾款小食、點心較喜歡糯米飯、馬拉糕、曼頭汽水種類唔少、啤酒飲嘉士伯結帳前還可以去水吧攞雪糕食服務方面平常心無期望唔失望自助形式反而令我加添了自在

本人在openrice table map預訂了枱, 並收到確實的e-mail! 本人和朋友準時到達, 可是大堂職員說沒有我們的預訂資料(我見有些客人也是成功預訂而有資料的), 我隨即出示成功預訂的圖片, 但她說已爆滿, 沒有枱, 耍我們跟其他walk-in客人一樣取籌輪候等了30分鐘, 又再去查詢, 她隨即說有枱!! 點知原來是一樓樓梯口的加開枱看到入面有張枱執拾中, 因為那樓梯口邊的位置實在是人來人往地方窄! 我們便跟一位女職員說轉枱, 但那女員工板著面回答:"你要轉枱, 就落去拎籌重新等位": 之後便走開了她的回覆實在令人氣慣, 我們唯有站在枱旁不開位, 向另一位男職員表示有位才轉走......最後再等了5分鐘, 便安排了另一張枱了!!!說回食物, 對於任食沒有什麼要求, 不過不失!! 炸魚皮好味, 象拔蚌及鵝腸爽口不錯! 叫了鴛鴦鍋, 但麻辣只得少少麻辣, 不夠味! 另一清湯底.......真的是清底而已而且還有任飲, 又有雪糕(應該是一人一杯), 這價錢絕對是優惠的!!!我明白繁忙的工作易令人煩噪, 但也希望能保持基本的服務質素!!!

是晚book 了枱8位, 8點鐘!!!一到達酒樓, 便有位坐低,點知坐門口,對住樓梯,但冷氣足夠,無問題!!入單時問我們幾多位,我地話8位,但有兩個唔肯定,於是侍應好好人地叫我們入6個, 免得收多錢!!!(最終個兩個朋友真是缺席)可能是全港最好的任食火鍋,甘誇張,不過未食,不能否定!!電視有波睇, 對男人是一大樂事!!!!$148全包 任食任飲, 有波睇, 仲想點, 不過佢用甘既宣傳手法幾好, "全包"這名幾好聽,但計落, 咪又是一條數,醬油有咩可能$20..湯底可揀豬骨及醉雞, 這兩樣都是比較貴的, 可惜我見唔到, 叫了鴛鴦湯...食物種類多, 竟然有象拔蚌片..!!仲抵死是有點心,春卷, 糯米飯這些東西!!首先自行出去水吧位, 任拎飲品,有汽水, 嘉士伯, 一渣酸梅湯,雞骨草, 菊花茶...幾自助..仲要樣樣凍冰冰菊花茶不要揀, 無味, 好似冰水, 可以試酸梅湯, 酸度適中, 幾解渴!!自行出去調味,真的很自助!! 一個很有規模的調味區!!!!特別的是有芥辣,煉奶,蠔油,還有不同種類的醬油, 當我找豉油的時候,見其他客人按水機, 嘩..嘩..原來水機裝著豉油, 新創意又乾淨,抵讚!

從來都無諗過要寫食評去讚或批評食店, 但今次的經歷實在太不愉快而不吐不快, 今晚和幾個朋友到此酒家火鍋, 每人$150, 不限時; 去得任飲任食火鍋, 對食物既質素不會要求太高, 反而欣賞他們沒有限時埋單, 令我們飯後可以繼續聊天, 但可惜職員態度全晚都已是一般水平, 當要收舖時還出言侮辱要我們離開, 雖然體諒他們辛勞工作一天, 但也不至要這樣令人難受地離開......... 如果此酒家的員工睇到這篇食評, 希望你們嘗試會自我評估及檢討。

今早與媽媽往油麻地，到10點幾想飲茶吃點心，便去了一向頗喜愛但已幾年無去的花園酒家。以往到花園酒家，都見客似雲來，今次來到卻截然不同，一樓唔開燈，豎牌叫茶客往二樓，在二樓的客人也不多，估計少於3份1的枱是有客坐的；後來，我們也明白原因了。我們先點了4個點心，想著等到11點的時候可叫一盅老火鴨湯飯吃(餐牌寫11-12點供應)：1. 雞絲粉卷 - 粉卷皮太厚，一d都唔滑，內裡的肉淡而無味2. 金錢肚 - 味道尚好，算是4款點心中較好的，但真是太多油(隻碟有一半滿，全都是油)，我們每人吃了兩塊就再吃不下3. 鵪鶉蛋燒賣 - 難得還有酒樓做這款點心，本是滿心期待，但可惜燒賣也是淡而無味4. 菜乾豬骨粥 - 這個粥是這一餐最難吃的，粥太稠無味，好明顯是粥底跟菜乾&豬骨是分開煲的，只是在上枱前才混在一起在碗裡，我們勉強才吃了半碗經過這4個點心的洗禮，我們已經怕怕，並放棄那盅鴨湯飯唔叫了。最後，連兩位茶錢，共$80，於油麻地來講也不算很便宜。

收左工一大班人真係要RELAX下。新鮮海 蝦: SZ 中等, 但勝在新鮮, 還有少少郁,食得好安心墨魚滑: 滑,墨魚鮮味不太重, 但係好彈牙包心芝士丸: 一咬落去好多芝士流出來, 絶對係真嘢 !牛肉丸: 有少少牛筋,爽口彈牙, 牛肉味唔太濃魚蛋: 大粒, 好有魚鮮味, 食唔停!魚腐: 細細件, 一口剛剛好, 味道唔錯。炸腐皮: 好脆, 放入水後又是另一種口味, 重豆腐味。鯇魚片: 大大件, 爽口, 唔太多滑, 夠晒鮮甜象拔蚌: 大大件, 好鮮魷魚\; 又係大大件, 煮過口感都唔錯, 唔韌!肥牛肉: 大大件, 薄薄哋, 品筫當然不是頂好, 但係無乜血水流出來, 仲係凍凍哋, 吸引五花茶、夏枯草: 唔太甜, 不太濃, 打邊爐配上真係絶配。

一向好鍾意打邊爐!花園酒家都是Sell任飲任食!湯底: 沙爹湯底好好食有:鵝腸, 尤魚, 金菇, 墨魚滑!但有待進步係牛肉<--一早切好晒, D牛肉有D梅梅地! 鍾意黎花園既原因係佢既烏冬係都一烏冬...正! 但係佢地都一早開左個烏冬先俾我地, 驚我地烏冬...唯一係佢係一早開定左, 有幾條烏冬會乾身左...仲布鍾意食一丁既都可以黎食!!

發覺近呢兩年旺角區的火鍋店越來越少 , 上一次去食完 , 想再去 encore 時就結業了 , 往往找不到一處抵食又好食的地方今晚又遇上同樣問題 , 想去的火鍋店關門大吉 , 只好搜查一下附近有咩選擇 , 我們志在烚下烚下 , 一邊吹下水 , 所以不打算找些太貴的食肆 , 呢間百零蚊全包 , 任飲任食兩個半鐘差不多啦 ~湯底都有 5 , 6 款可揀 , 我地要左一邊 [ 麻辣 ] , 另一邊 [ 芫茜皮蛋 ] , 又要夠辣 , 又要怕熱氣 , 人生就係咁茅盾架喇 ~醬汁有十多款 , 自己出去調味 , 汽水啤酒係出便任攞 , 而且有冰無限供應 , 喜愛劈酒之人啱晒 ~其實食物質素和款式並不很突出 , 但都算乾淨衛生 , 不用等太久 , 好快上桌 , 反正任食 , 我建議你可不同的食物都點少少試下 , 然後覺得好食的再 encore , 比較有些意外驚喜的是墨魚滑 , 夠彈口 , 唔錯 , 喜歡食肥牛的朋友亦會大快朶頤 , 因其不算肥膏多過肉 , 而且有肉味 , 隨時一個人都食幾盤 在試完每一樣食物後 , 再加埋一些食物 encore , 我地都捧住肚子離去 , 下次一定會再來幫襯的

12點幾活動結束，阿sir話請我地食飯，比我地自己傾下食咩先，本黎話食buffet，可惜太遠且無位(只有下午茶)所以都係跟左阿sir去「花園酒家」飲茶- -我地一入到去就有位....(快到佢= ="每人都點左有幾樣(雖然阿sir話每人點一樣先...) 我見到差唔多都係大，中同特點，之後阿sir再叫左個凌魚球同灼菜...(佢中意食?)仲叫左2大碟炒麵(乾伊麵似炸過較另一碟好食，但都唔得店...)同一大碟蛋白炒飯(某同學提議，且食得最多，可能佢中意食，我一啖都唔食= =")仲有大一碟燒味拼盤....一般般吧~~唔特別食食食...我食食食...蝦餃燒賣小籠包， 腸粉鯪魚球南瓜煎餅，紅豆糕加雙皮奶...............味道唔特出蝦餃:皮唔錯，唔濕，但食完口渴..燒賣:餡都算多，但多不能吞= =小籠包:係用錫紙兜裝住上，皮好厚, 仲要係凍既- -腸粉:普通鯪魚球:魚味冇咩，凍既- -南瓜煎餅:好油...紅豆糕:得甜字，有紅豆，都幾大糕但冇味雙皮奶:尚可..奶味都算有，但唔太濃冇咩野好食....食飽飽今日阿sir請飲茶，埋單聽講食左佢$1109，何包真係大出血~~最後阿sir話呢次請我