花園餐廳 (綠楊坊)

营业中

休息中

對於老牌花園餐廳嘅情意結，要追溯上世紀學生時代，經常同書友仔去旺角花園餐廳鋸扒，最鍾意聽倒汁落去鐵扳時，發出個陣吱吱聲個時經典鐵扒餐先廾幾蚊，大件夾抵食後尾分店越開越多，有段時間質素下降同無咁抵食。老友住荃灣，話綠揚坊，早前新開花園餐廳，扒餐唔錯，多年無光顧花園餐廳，一於應老友之約，同時懷緬下昔日嘅情懷🍽食晏時間超多人，要等位。set Lunch餐湯有忌廉同羅宋兩款兩個都揀羅宋湯雜菜幾多，有牛肉，頗足料，味道我哋嫌偏甜少酸味，但可以接受👌餐包係舊式茶餐廳個種，搽上牛油食，包軟熟但係凍嘅，扣分主菜我哋又同時揀咗鐵扳牛扒餐，嫌西冷肉質硬，無肉眼咁冧無骨肉眼牛扒大大塊，薯菜墊底我揀5成熟，老友唔想食太生，要咗七成熟，可以淋黑椒或蒜蓉汁，淋上燒汁，好似加添色彩，即時潤澤我嫌汁油腻唔太健康無要，切開重有少少粉嫩，肉質都ok。最後，飲埋杯餐茶☕，食飽飽，老友埋單走人整體嚟講，老牌牛扒屋，侍應殷勤有禮，服務幾好，食物質素可以，無加一服務費，埋單百多元，以呢個價錢，食到咁大塊既牛排，都算抵食

花園餐廳 (綠楊坊)荃灣蕙荃路22-26號綠楊坊2樓S35號舖對於花園餐廳真係有d情意結，由細細個開始屋企人已經會帶我呢到鋸扒，知道最近係荃灣綠楊坊開左新店，作為忠實fans一定要黎支持下啦覺得呢間分店門面好靚，而且好大間鋪好多位，坐得好舒服，唔會感覺好迫夾 除咗鐵板餐之外仲有好多款set dinner可以選擇主菜黎之前當然要飲返個靚湯同食個餐包啦，羅宋湯入面好多雜菜非常足料，忌廉湯都煲得好creamy, 配埋個熱辣辣嘅牛油餐包，正呀呢到既鐵板真係冇得頂，T骨牛扒超級大塊好抵食， 鑊仔牛柳既肉質非常鮮嫩，自己本身唔鐘意食太熟既牛，我地揀左5成熟就岩岩好啦晚餐A都唔錯，豬扒好淋身，雞肉串就好惹味，如果唔想食鐵板，Set dinner都係唔錯既選擇 原價$58蚊但跟餐價只需要$42蚊嘅薯蓉焗田螺都真心推介呀，即叫即焗熱辣辣真係好吸引 最後嘆埋杯餐茶，咁就好完滿啦

疫情嚴峻……今天選了人流較少的下午茶時段，攜老爸外出，到花園餐廳老扒房鋸個鐵板西冷扒，之後勸他短期內少外出了。十多年沒有光顧花園，見荃灣綠楊坊新開不久就來懷緬一下咋咋声的鐵板餐餐廳寬趟，枱與枱間有足夠空間，疫情下是最好不過了為老爸點了他愛吃的鐵板黑椒西冷牛扒$121，老人家當然不能吃太生的牛肉，所以要了七成熟😅…扒來到上完汁切開還有少少粉嫩，不像很多冰室七成變well done 👍黑椒汁又夠辣阿囡要了鐵板黑椒汁貴族豬扒＄108，味道中規中矩，但這價錢難道要跟黑毛豬相比嗎😆……她好奇為何薯條放扒底🤔會變軟還好吃嗎？最後她說竟然還可以還多叫了蒜蓉帶子＄108，帶子正常口感，但味道略淡，雖然放了芝士增加味道……但不失為健康之選三份餐食都包暖暖餐包及湯和飲品，足夠飽肚，這價錢不加服務費，用食物質素相對來說算便宜，最後結脹時還要有9折唄👏

突然覺得好耐無食牛排，見綠楊呢排開左花園餐廳，就走黎諗住鋸個平平地既牛排。餐廳都幾闊落，好多位，店員服務態度感覺比其他分店好啲，午市都好繁忙，而且環境係極嘈，一行3人，我地傾計都要好大聲。餐湯我要左羅宋湯，有肉味，味道酸甜，可以接受，餐包仲帶微暖，塗上牛油夾住食，係唔錯我地叫左鐵板西冷同埋肉眼，可以淋黑椒汁或者蒜蓉汁，兩款汁味道都夠。西冷會入口柴啲，無油脂香，稍有牛味。而肉眼就淋好多，易咬好多，唔算多筋。薯菜墊底都會索到淋曬，都好正常，個人唔太鍾意食太淋既薯條，所以一條都無食到，淨係食牛排。不過講真呢個價錢，食到咁大塊既牛排，其實真係性價比好ok，無得太過要求啲乜。奶茶黎講，唔太好飲，主要茶底唔太得老字號既排房，其實都算係咁了，基於性價比黎講，都值得好評

天氣熱如火爐，愛人等收工，地鐵站上蓋商場搵食，怕麻煩唔想諗，於是在花園餐廳消費一吓⋯⋯愛人對這些舊式餐廳有份情意結，每每都會點扒餐⋯⋯先來個忌廉湯與餐包，忌廉湯淡淡的，肚餓配上餐飽頗飽肚。炭燒紐西蘭羊仔扒配薯菜$108~落單的時候，店員很細心地介紹用鐵板上和碟上的分別，愛人了解後，最後選擇了碟上，今次唔玩用餐巾隔住聽見 “咋” 一聲那份感覺。法式焗蝸牛$42~跟餐加推$42的法式焗蝸牛，都幾扺吃，那些肥仔薯蓉吃點點，總好過自己做一大盆吃過飽。每當拎起這個夾的時候，笨手笨腳，每每都會聯想起電影Petty women 茱莉亞羅拔絲的經典吃蝸牛情節⋯⋯焗葡國雞飯$66~雞未算入味，但配上那兩片煙肉，煙肉比雞好味，而葡汁煮得勝過雞和煙肉。但很喜歡熱騰騰的端上枱，而且店員不時提醒食客，小心熱，不厭其煩地說了多次。跟飯大大碟，有時真係好過自己煮整體來說:食物質素中規中矩，店員主動有禮，值得一讚。

獨自午餐，坐在自閉卡位，但幾好，自成一角。叫了牛扒配飯，五十幾蚊，不抱太大的期望。羅宋湯沒有什麼特別，反而個餐飽暖暖而且軟軟。一送來主菜，感覺良好，份量很足啊！但因通電談公事，待了廿分鐘，食物都放涼了。食第一口牛，很有牛的肉味，不會過分醃料，肉質軟，但不是鬆肉粉所致。我感覺這牛不能與茶記冰室並論。切開，牛扒中間還略紅，不會過熟。最後還有杯啡味濃的凍啡。午市好似冇加一。環境舒適，食物質素好，價錢合理，真的是再光顧的原動力。

絕對飽的午餐差不多一點去到，以為無位，原來入面好大，亦跟政府要求做足，台同台之間好寬，好舒服。都系同以前無乜改變的老店作風，夥計大大聲，一叫餐就叫你要埋餐茶。可以讚是上菜埋單都有效率，但野食包括意粉同包都系熱，仲有無收加一。茄蒜豬扒拼牛利意粉（56） 3分- 餐一上臺睇到真系好大塊豬趴啊！瘦中帶肥，食落都幾鬆，另外牛利都幾厚有兩大件，份量絕對好抵，但牛利煮得太長時間搞到太淋同無乜味；義大利粉硬度剛剛好，有咬口，但汁真係太小啦！西冷牛趴意粉（$56）4分-牛趴表面有小小帶香的黑焦，好香，更難得是一個特餐可以做到5成熟，牛肉味以午餐來睇係幾好。餐湯叫左羅宋湯，幾濃同帶肉味。

好耐冇去綠楊新邨，今日去見到呢間好似幾好，入面啲座位寬敞，喺疫情期間幾適合去食，雖然覺得佢有少少似多國菜但係原來係扒房，價錢唔會好貴，上菜速度快，算系ok。晚餐有湯，佢個紅湯望啲材料應該係羅宋湯，味道OK不過我覺得有啲甜，羅宋湯應該要有少少酸味，之後佢個帶子老虎蝦天使麵有點失望，個天使麵另上的，天使麵係配白汁，不過白汁同天使麵嘅比例差距有點大，有少量白汁喺面上，下面好乾，難以入口。另外老虎蝦同帶子有可能因為係急凍所以冇乜鮮味，不過整體可以接受。此外焗田螺味道唔錯值得一試嗰度嘅豬手都唔錯，唔會硬同埋肉質好嫩。雖然嗰度主要食扒，但係我認為既然有出售其他款式嘅餐，應該都要盡量做好少少。不過如果只係去食扒，我認為不妨一試，整體食物質素唔會太差。

老牌扒房進駐荃灣, 新開幾個月，舖面好大，等位唔使好耐。疫情下，都算多人食。今次試午市套餐，有湯有包有野飲。羅宋湯夠濃同好多料，主菜叫左豬扒肉腸片配飯同牛扒薯條。主菜中規中矩，牛扒唔夠腍，整體唔算好驚喜。朋友話晚餐好食d，下次再試下。

等左好多個月，綠楊花園餐廳終於開左！今日 lunch 去試食，各樣 ok 啦 ！侍應 ok ！味道 ok ！份量 ok ！價錢 ok ！但 D 細節位有待改善:見到侍應生多次「用手」攞餐包放入籃再比客人！但個「包夾」就係傍邊，做乜唔用呢？！食鐵板用既黑椒汁、洋蔥汁成大兜就咁放係櫃面度，冇用「蓋」 蓋好！現在咁既環境，清潔衛生比一切重要！！

舊式扒房開分店一於試下會唔會有唔同疫症關係閒日晚上人港不多先黎個餐湯味道淡左少少 水溝得太多了焗田螺 薯蓉焗得幾好 個邊幾好食 田螺都好肥美神戶口柳碟上 舊扒本身靚 所以幾好食西冷 有輕輕力‘拿’過 所以唔靭 都食到有一絲絲嘅肉 薯條放底燶左少少 不過鐵板上嘅都會係咁樣雖然好大塊 望落好抵食 但其實佢係最唔好食 ‘拿’到完全唔似肉 食落口果陣‘拿’過嘅味覆蓋左黑椒汁陣味 肉質係霉嘅 唔係好知食緊咩成餐飯都坐得幾舒服 位置幾闊落究竟舊式扒房係食老字號呢個名氣還是食淋汁落鐵板果下果陣煙？但一定唔會係為左食好食嘅扒而黎