花斑茶社 (登打士街)

营业中

休息中

今日夜晚我去咗旺角嘅呢間花班茶社到買黑糖珍珠鮮奶 由一開始落單 一位戴帽嘅男店員嘅對答已經係冇乜禮貌 去到後來野飲出咗又唔嗌飛 比人感覺求求其其 唔係認真做野 而杯野飲 黑糖味亦唔夠重 $32 一杯 但感覺等同於飲緊純鮮奶 如果係咁嘅味道嘅話 仲不如去惠康七仔買支奶都好過係呢度用 30幾蚊去買一杯冇乜黑糖味嘅奶 希望店主或者老闆可以在管理一下 咁樣嘅味道同埋服務態度實在唔會令人再想幫襯👎🏻

登打士街又有多間茶飲店～係好多分店嘅花斑茶社🫢 叫咗杯芝士奶蓋四季春，走冰微糖，芝士奶蓋味道鹹香，但係飲落中間有啲粒粒，應該係打得唔夠好，四季春茶都幾香，都唔錯

今日經過旺角發現開咗一間新嘅台式飲品店叫做「花斑茶社」，超鍾意飲台式飲品嘅我當然要買來試吓啦。店員非常熱情，推介人氣主打台式飲品俾我呢啲有選擇困難症嘅人。 黑糖珍珠岩鹽厚鮮奶 $34焦糖味超夠，好有岩鹽味，奶味夠晒香濃。飲完後非常飽肚。凍白桃烏龍$28另外加$4 寒天 同 加$8 芝士奶蓋外觀睇落金黃色，上面有一層好厚嘅芝士奶蓋非常傑身。 味道酸酸甜甜，白桃烏龍茶味夠清香，飲落口後茶味回甘。 寒天非常Q陣彈，煙煙韌韌、爽口彈牙，好有咬爆珠嘅感覺，超有咬感。 飲到一半，發現無晒茶，餘下非常傑生嘅芝士奶蓋放寒天粒粒。 超鍾意飲茶嘅我，都覺得呢間台式飲品店嘅茶沖得好有茶味、好香。 下次再落旺角，都會試埋其他茶品。