花甲年華

营业中

休息中

見到東薈城food court都算幾多人叫呢個花甲粉，決定試一試。鮮甜花甲粉（$63），可以自選湯底同埋麵底，再加配料。我要咗胡椒湯底、粉絲，加咗萵筍（$7）。因為我有問到辣度，店員好有耐性咁同我解釋咗幾款嘅分別。等咗大概5分鐘就已經出餐。花甲粉裝喺砂鍋，用錫紙包住保溫。鍋入面有大概10隻花甲，啲肉稍為細粒，但幾鮮味，可惜最後有兩隻冇開口。胡椒湯底始終有少少辣，但係同花甲、萵筍都好夾。萵筍有7-8片，比較爽口，係值得加嘅配料😼最後埋單$70，之後都仲會有興趣再食呢間，不過可能試吓蕃茄湯底之類。

一個砂煲咁樣，跟住有啲錫紙包住個粉叫咗花甲無骨魚片粉絲小辣佢嘅辣度唔算好辣花甲都算幾多無骨魚就真係冇骨幾滑粉絲就吸晒啲湯幾好食辣辣地又有啲金菇菜，我自己再加咗鴨血味道都唔錯，份量都多同埋加咗娃娃菜，大娃娃菜就比較少

Very bland meal…. We ordered tomato soup clam noodles, spicy tomato soup clam and baby oysters vermicelli and a baked eggplant. It was on a Sunday afternoon 2:30pm, took us around 15min after ordering to get our meal. The clams was pretty bland from both noodles and the oyster was extremely small and doesn’t tasted fresh at all, totally doesn’t worth to add almost 20$ extra for. Both soup are also quite watery and lack of taste, the unacceptable thing is that we order one with no coriander and s

同朋友行完鳳凰山，過來東薈城揾野食。系7樓food court 都好多選擇。最後選擇食花甲粉。叫左肥牛花甲粉，湯底同粉底可選。要左蕃茄湯底同米線。蕃茄味都幾出，酸酸地幾開胃，花甲吾太大隻，不過勝在肉質都幾好，幾鮮味，隻數都OK。肥牛都OK，肥瘦適中，食落吾會柴。仲加左茄子同紅糧糍粑。茄子都幾大條，味道都不錯。糍粑系流心既，紅糖包系入面。口感軟糯香甜，紅糖漿系入面流出來，幾得意。算系香港食過為數不多好食既糍粑距地仲有雞煲，睇上去都幾好味，下次再來試下

經過幾次試驗之後，因為這次去迪士尼，12時左右去到，然之後等到三、四點，其實遊客人數不停增加，如果在迪士尼現場吃東西，可能要排隊搵位都要40分鐘。🥶結果我們直接搭地鐵回到東涌，然之後去這個美食廣場🤓這次這個時間，就不用在迪士尼裏邊捱$200一個焗飯，$150碗叻沙麵這個價錢。其實都冇乜特別，因為家中其實有時候都會用沙煲煮娃娃菜，因此沙煲娃娃菜其實有什麼特別呢？另外這個米線，也只是沙煲裏面整張錫紙包着然之後是水煮魚米線，😀其實可能傳熱比較快，保溫亦都比較強，但味道都沒有什麼特別。水煮魚辣味不算太強，麻的味道還好，不算吃到你滿頭大汗那種，魚片份量亦都不多，可能五至八片；米線份量亦都偏少，可能是一碗譚仔的一半左右。其餘就只有少許的花甲，細細隻，浸在湯汁之中還算清香。不過以這樣一個細小份量不太多的米線來說，再加一個菜，都要90多元，亦不包飲料，確實不便宜，要不是它在東涌這個美食廣場的話，應該很難會專程來試。

今日超寒冷行完鳳凰山，落番東涌東薈城食嘢，去到7樓food court至揾到比較平d嘅食物，見到花甲粉同酸菜魚好想食，叫吃酸菜魚花甲粉絲$79,酸菜魚份量算多，味道ok,花甲都有8隻，唔太大隻但味道正常，整體中規中距，但寒冷天氣食番碗酸菜魚驅寒算唔錯

咁啱要用埋啲消費券 所以決定喺東涌血拼完之後食餐好嘅雖然東涌東薈城好多嘢食，不過鑒於食完要睇戲所以決定喺美食廣場，求其搵一間本身自己偏愛貝殼類海鮮 見到呢間台式花甲粉，當然唔會放過佢叫咗一份經典嘅水煮魚花甲粉 以為水煮魚都係嗰啲味唔會令人失望 雖然食嘅時候好夠熱 花甲嘅份量都比較多 不過湯底冇味 只有辣油嘅味道 而且粉絲完全唔入味 口感都非常軟爛 10分失望土豆絲亦都不過不失 沒有特色不過我同朋友叫做一份蒜蓉生蠔 大約$100 六隻分量唔算細 而且蒜蓉味十足 口感都比較creamy 挽回返少少分數地理 8/10裝修 6/10味道 5/10服務 6/10

Food court 少有特色四川菜-花甲鍋粉眼見好多人食， 一鍋鍋，裝住錫紙包住既湯粉 試左： 水煮魚花甲鍋粉 （轉粉絲較吸汁入味， 一打開錫紙香辣味好出， 花甲基本唔錯， 冇沙合口既亦唔多，加花甲令海鮮味更出） 蒜蓉焗娃娃菜 （似蒜蓉醬煮娃娃菜， 入味）酸菜魚花甲鍋粉（轉粉絲， 酸辣味略清淡， 魚滑份量適中） 基本配料有芫荽、金針菇、娃娃菜、 主角花甲。值得一試！

今日黎到東涌東薈城7樓既大食代，見人流都幾多下，咁就要快d睇下買咩食。突然見到有間新店食花甲粉，咁就試一試佢先啦！見呢間店都新，人流不多咁就先去點餐先，我點左個鮮甜花甲粉，轉河粉同蕃茄湯。大約5分鐘左右就有得食都算是快的，打開個錫紙包裝，賣相都相當吸引，紅紅既蕃茄湯，加上花甲都靚既，好先試一試個湯先，紅紅既蕃茄湯竟然是冇味，冇蕃茄味而且就像水一樣，再試個河粉，我覺得河粉相當之厚同硬，是否煮不透？最後試埋個花甲，個花甲都正正常常，唯獨得十二隻花甲有四隻打唔開，可惜。下次...算吧！