花甲年華

营业中

休息中

见到东荟城food court都算几多人叫呢个花甲粉，决定试一试。鲜甜花甲粉（$63），可以自选汤底同埋面底，再加配料。我要咗胡椒汤底、粉丝，加咗莴笋（$7）。因为我有问到辣度，店员好有耐性咁同我解释咗几款嘅分别。等咗大概5分钟就已经出餐。花甲粉装喺砂锅，用锡纸包住保温。锅入面有大概10只花甲，啲肉稍为细粒，但几鲜味，可惜最后有两只冇开口。胡椒汤底始终有少少辣，但系同花甲、莴笋都好夹。莴笋有7-8片，比较爽口，系值得加嘅配料😼最后埋单$70，之后都仲会有兴趣再食呢间，不过可能试吓蕃茄汤底之类。