花盛 (已結業)

又到左中環外賣唔知食咩好既時候! 已經開始食厭左昭隆街同和安里，又想食重口味d既，就諗起之前係利源東定西街有間食海南雞/咖哩雞飯既餐廳，去到條龍尾已經排到出門口，估唔到咁多人。同事叫既自家製豬軟骨菜飯，加3蚊有凍飲！呢個咖哩雞飯簡直係抵食！因為：1. 叫熱飲唔使加錢2. 66蚊有兩舊雞，仲要係雞腿同唔鞋既雞胸肉3. 雖然對比大快活既咖哩雞飯係貴20蚊同少兩舊雞，但食得出呢兩舊雞唔係就咁扔落咖哩度，而係先烤過先扔落咖哩度，仲要幾舊薯仔都係先烤過！望加食層雞皮加薯仔皮就知道喇！絕對係誠意之作！4. 咖哩非一般磚頭咖哩，少許辣，對於唔係好食得辣既我就岩岩好！

本身中環翻工，之前都有一星期幫襯一次，之前係一個肥肥地個哥哥同短頭髮嘅女仔睇舖收錢。但近排似乎轉左手，人手有4至5個，但d員工好似做唔掂，踢曬腳，而且有一個男員工態度好惡劣，上述嘅經驗令我好難受同不被尊重。

好嬲，食海南雞飯冇醬！出單慢，份量少！Lunch 得一粒鐘，排隊買嘢又耐，等飯又耐，仲要難食咗Sauce is the highlight of the hainan chicken set and they forgot to pack for me in my order. They asked me to go back and get it but I don’t have time.

見佢海南雞飯已經一盒盒整定哂，諗住趕時間，快買唔洗等，點知都係機械人式甘做完上一單才包下一張單！完全配合不到香港人靈活處理的工作態度。都算，買嘢食要等係好應該，無問題，我照等。我叫個海南雞飯加凍奶茶，佢比個熱奶茶，我即刻發現，換返，但個姐姐仔反應已經令我好反感，好似我錯甘。行左10分鐘回到公司，以為有飯食，點知。。。。原來連個飯都錯，一個68蚊既海南雞飯，變咗45蚊既雜菌烏東。我已經無時間同精力再去換，照食。但只有一句說話：無下次！

我從未試過堂食這餐館的食物，通常都是經外賣仔送來的～第一次送來係用長方形盒：一邊放飯一邊放雞，覺得好好食～所以之後也叫了幾次這間外賣～但是最近（2019年4月8日）再点午餐，送來的飯盒變成圓形的一大盒，打開上層見到底層飯的分量非常少，上層嘅餸多咗一些辣木耳，然後海南雞嘅份量好似少咗，為咗慳啲雞就加辣木耳又唔夾味，更加令啲雞變成好似口水雞，總之就唔係我哋原本想食嘅海南雞，已經唔再係我哋鍾意食嘅海南雞，然後加$14送嘅例湯亦都太大碗。與飯嘅份量比好唔合理，希望餐廳可以做返之前嘅水準才賣這個價錢啦！

之前買開海南雞飯可以另加辣汁，今天個收銀哥哥初時說不可以加辣汁，之後又改口話可用杯仔裝比我，點知我取餐時還是沒有辣汁，我問返佢比，佢即刻扮聽吾到雖然辣汁不是什麼非常重要的東西，但今次的外賣經歷實在不愉快! 應承左人又吾做，之後又扮聽吾到了事

今日喺中環諗住食lunch，喺利源東街見到呢間食店幾靚，所以入左去買午餐食。餐廳供應嘅野食有10款，今次就揀左蕃茄濃湯豬軟骨手打讚歧烏冬，加埋同事比我嗰張冬米薏米水優惠券。湯同料分開兩個盆上，唔洗浸到冧哂，幾貼心。個蕃茄濃湯好入味，但係豬軟骨偏咸，烏冬份量好少，食兩啖就冇哂。而杯冬瓜薏米水都幾難飲，淡得嚟有陣膠味，免費就算，要比錢就唔好買。全個餐62蚊，如果烏冬份量多啲就好。同埋午餐時間人多，連排隊點餐加等野食用左20分鐘，如果下次食可能用app叫外賣比較方便。

今日行錯路竟然比我地搵到間好食餐廳呢間餐廳位置都幾隱蔽，係橫街黎，唔係好多野食舖，所以唔係特登黎都未必會經過。呢度淨係做外賣生意，舖頭唔大，舖入面得兩個對住牆嘅位，而且坐低食都係比用外賣嘅用具(可能因為消防問題或其他原因)。如果唔想用咁多膠可以自備食物盒，齊來為環保出一分力今日行過見到間舖頭幾新淨，見到佢有菜飯食就吸引左小編過去睇餐牌。食物選擇唔算少，亦都幾吸引。見係推介就試下佢嘅海南雞飯。舖頭冇其他客人，但野食都出得快過想像😂個老火湯係送嘅，好大碗😂 入面有幾舊紅蘿蔔，少少洋蔥同雞。值得一讚嘅係飲唔覺頸渴，應該冇乜落味精啲雞係去左骨(雖然小編唔係特別鍾意去左骨嘅雞)，而且比得好多，又大舊，食到飽哂😂飯量相比起啲雞就一般。小編鍾意佢唔油，同時又食到菜飯嘅滋味，不過冇左啲火腿粒就更合小編口味。小編淨係有肚試一款食物。唔知呢間平日多唔多生意，如果其他野食都有呢個海南雞飯咁嘅水準值得更多人食

最近发现新大陆，原来利源東街两旁有几家主打外卖的餐厅。上个礼拜试了饺子和越南包，今天试试花盛。其实之前在網上外賣平台 见过，但没有的起心肝試。今天一试觉得不错。我今天叫了个去骨海南鸡饭，65蚊送例汤。一般在中环的海南鸡饭都是得几舊鸡，又多骨，所以期望不高。但发觉他鸡除了去骨还好有份量。鸡腿加8蚊，但我没有加，肉质都很嫩。而且鸡皮不是很厚很谷肥的那種，比起大型快餐店好多了。菜单做得ok,有点粘粘的像糯米饭。汤还ok,有少油但可以接受。海南鸡虽然算不上正中，但会再来的。

呢排個人極眼訓😪拿拿聲買外賣🥡食完就補眠🤣·呢間新開既店鋪主力做外賣生意，門口好靚好港女🌸💐🌺加左分😂點左🐽豬軟骨菜飯（$65）再加左個菜⋯番到公司一打開😨原來份量咁大🤣豬軟骨好多！！仲送埋小食-雲耳！·豬軟骨味道偏咸，如果淡味番少少就更好！但整體都唔錯😋😋😋可以encore!!

I am currently trying the restaurants on Li Yuen East Street and Deli Blossom has the prettiest decor amongst them all with a rosy floral shop front made of artificial flowers.Unfortunately, I had already had food, so I tried their teas.Got the oolong and jasmine.Compared to other ready to go teas, the bottle is shorter but wider in diameter.Personally I liked the Jasmine, as the flavour was strong and thirst quenching.The oolong was ok but not strong enough for me.

經過利源東街看到新食肆便想一試。店鋪名稱為花盛，以為食物跟花有關，但其實什麼關係都沒有。 主打雞跟咖哩。因天氣炎熱，所以叫了一個蔥油手撕雞菜飯，跟餐有一小份辣的雲耳。菜飯味道不錯，不會過鹹，有點點油膩，可以更乾爽。飯的份量對我來說也剛好，但對於男生來說一定不夠。手撕雞冷冷的，很清新，在這樣的天氣吃很不錯。手撕雞跟菜的比例很好，但用$60的價錢來說，分量比想像中少。整體來說分量不及其他$60飯盒，吃完後連我這個女生都覺得還不夠。

令人驚喜的海南雞飯。中午路過此新店，本打算堂食，可惜只有3個座位，只好外賣番公司。穩穩陣陣買個海南雞飯，盛惠$65, 有湯又有菜飯。去骨海南雞，肉質香滑無雪味，伴有薑汁同甜豉油，一啲都唔求其。菜飯見唔到有雞油，粒粒菜加金華火腿茸，好香好正，的確係驚喜，不過份量就少左啲，女仔食還可以，男士就一定唔夠飽。例湯係青紅蘿蔔排骨湯，又係誠意之作，無雞骨有排骨，夠火喉又唔油，飲完無口渴。$65蚊買個有質素有盛意嘅飯盒，喺中環黎講係值嘅

上星期行經利源東街被這間小店的門面吸引了！於是入去看看是賣什麼！原來是專賣海南雞飯的但由於上星期已經食了飯才發覺所以沒有機會試！今天一到午飯時就去想去試試！小店除了有海南雞飯還有其他菜飯，烏冬可以選擇！海南雞飯套餐番茄薯仔湯$65，是中環的價錢！份量剛剛好！最好是他們是可以選擇雞胸肉並不需再特別加錢。而且可以選擇菜飯，蕃茄薯仔湯也美味並不是一般例水😉！只是只有吧枱，所以比較適合外帶！下次會試試咖喱的食品！