花膠雞米線工房

营业中

休息中

今日黎到上環食晚餐，諗住清清地食碗麵，揀左呢間花膠雞湯米線店試下😝店舖環境唔算大，只有幾張枱，我見枱枱都叫花膠雞湯米線，所以我都叫左佢地既皇牌🤓花膠雞湯米線黎到比我想像中大好多，個碗好大，入面米線同雞嘅份量都非常多，而且花膠都有幾塊！湯底有淡淡既雞味，唔係好濃郁嗰種😝所以唔洗擔心過咸，同埋個油都唔油！雞件肉質滑嫩，都有雞味🐔佢有配一個豉油同薑蓉！湯入面都配有幾條既小棠菜同芽菜，份量都唔小，算有誠意

蘇杭副線開左間花膠雞米線我真係成日幫襯因為超愛佢個胡椒豬肚湯底啊！真係好暖胃同胡椒味都幾濃佢地啲雞都比唔少同算滑我每次都係叫花膠雞米線轉胡椒豬肚湯底$68黎講真係無得輸啊🫶🏻

真抵食，hkd65 大份足料+ 雞真係滑過水門雞仲可以轉菜底如果生酮緊，真係好leng 好便既選擇。hkd65 咋，再平啲 可以叫豬肚/ 手撕雞hkd48 only係蘇杭冰室對面。真心推介，希望佢越做越旺。

星期四同同事食lunch，行過見到呢間食花膠雞米線好似幾吸引又唔太多人，所以就試吓呢間一碗都大概4塊花膠，用嘅係比較爽口嘅魚肚，雞嘅份量都好多，而且雞胸肉都好滑，仲有醬油同姜蔥配埋，唔洗擔心太淡味，米線夠彈牙，小女子揀咗花膠雞湯底，呢個湯就比較清，唔會太油，仲有芽菜做配菜幾爽甜呢個湯底就好濃胡椒味，所以對小女子嚟講就比較辣，但係有好多舊豬肚，每舊都好軟嫩，唔會韌，同事都食唔曬，以呢個價錢真係幾抵食飲品跟餐都會有優惠價，可樂跟餐都係$8，單叫要$10架呢間米線嘅價錢都唔算貴，但係幾足料，對於附近打工仔嚟講，如果想食性價比高就嘅午餐，呢間都係一個幾好嘅選擇

好少响午飯時間去上環但又唔係 business lunch，無唸住响最繁忙時間開飯嘅情況下，看到好多食肆都人山人海，但我又只有30分鐘食晏，咁就揀間食得簡單啲嘅。行過蘇杭街，站門的男店員落力地叫：「花膠雞湯米線」「仲有手撕雞米線」，聽落頗吸引噃，便入去試吓。點了一碗手絲雞米線轉菜底、煎墨魚餅。熱騰騰的花膠雞湯底好味，飲了大半碗之後都不用狂灌水。墨魚餅上枱時亦非常熱辣辣，頗彈牙。下次路過可以試花膠米線了。

今日放lunch，見到天氣轉涼，又落雨濕濕，就諗住飲碗熱湯暖暖胃，叫咗花膠雞湯米線同埋麻辣花膠雞米線，感覺唔算多味精，都可以話係真材實料，味道冇話好濃，正常發揮，會唔會再返轉頭可能就未必試過一次就算

好耐無寫食評，但今次真係忍唔住寫，因為真心覺得依間新開嘅餐廳，應該比更加多人知道佢真係幾好食😋我同同事中午12點半果陣一行四人去到，啱啱好唔洗等位，有一張枱坐。入到去見到個個都好大碗，同埋已經聞到好香雞湯味，所以我哋所有人都揀咗花膠雞湯底。佢哋三個都叫咗招牌花膠雞米線，仲加多咗個餸，碗碗都好大碗，雞好滑，花膠都唔細。我比較細食，所以係自選米線到揀咗兩個餸同花雞雞湯做湯底，估唔到湯入面都有好入味嘅花膠碎。而且，腩肉同豬肚都好有誠意，好入味，單係腩肉都有六大舊，肥瘦適中。我同同事最後都食到好飽，我仲加兩蚊打包咗我未食完嘅，夠我食多餐。如果有胃口，可以加多個小食墨魚餅食下，都幾香口，好味😋最後，個個都食到超飽返公司，之後可以再嚟試下佢嘅胡椒豬肚湯，都幾吸引咁。至於服務同環境，我覺得係正常茶餐廳嘅服務水準，門口店員都奶熱情招客，環境新淨，整體而言，係上環返工午餐嘅好選擇。

處理訂單極差，我於13:06在店內下單一份外賣自取午餐。我了解午餐時間繁忙，需要等待比較長的時間，但比我更晚下單的客人已經領取了他們的外賣。過了半小時，我的外賣仍然未準備好。期間我已多次向店員詢問我的訂單，只得到正在處理中「整緊，做緊」的回應。後來發現由始至終根本遺失了我的訂單，才立即重印訂單並立即處理。這意味著之前沒有一位店員跟進這件事！整體而言，食物一般, 花膠湯偏咸，我不會推薦這間餐廳！

餐廳訂單極度混亂，訂單編號重覆，在門外等候外賣時觀察到，有2名等外賣的客人手持的外賣單據編號是相同的… 另外，1名職員出外賣給客人後發現出錯，另一名職員追出店外想追回客人，最後還是追趕不及而折返…員工處理訂單方式混亂，只處理餐廳自身的外賣單，沒有處理外賣平台的訂單。本人於12:20在外賣平台下單，外賣平台顯示12:35可取，由12:35開始等侯取餐，中間多次向職員查問，因發現12:45現場下單的客人已經可以取餐，然而職員只叫我們再等等。13:00再一次向職員查詢時，職員向我們稱，原來由頭到尾沒有職員處理外賣平台的訂單，並稱會儘快處理我們的單。但發現還是排在較後的訂單，獲得優先處理，再次詢問職員，職員只說當日好多訂單很忙碌。最後13:15才可以取餐，比原先外賣平台所顯示的時間遲了足足40分鐘。明白繁忙時間餐廳係比較忙碌，但餐廳職員處理訂單混亂，沒有先後次序，前後向4位職員查詢過訂單，沒有一位職員跟進。最後卻說原來沒有入單，而且態度敷衍，實在令人氣憤！食物方面，實在是因為已經一肚氣，已經不能中立地評論⋯⋯