花萼樓

营业中

休息中

星期六食早餐，全部叫晒優惠點心，張點心紙嘅點心會定期轉款，最後埋單啱啱好150。最好食係牛肉球，燒賣同蘿蔔糕，但翡翠鮮蝦腸粉啲鮮蝦唔似鮮蝦，非常一般，粉果啲沙葛都好多，唔太推薦呢兩樣點心，啲茶具都要仔細清洗

估你唔到正宗客家菜同屋企人做節食晚飯，其實都係求其揀一間，估唔到都唔錯喔，不過CS就麻麻地，事由佢無乜網上菜單既資料，唯有打去問啦，聽電話個位姐姐話叫我自己黎睇菜單啦唔得閒Whatsapp 俾我 ?__? 難道我一定住荃灣既?…🤣 後尾睇左原來佢係大富翁飲食集團，即係阿翁同埋半島漁港！不過好彩D野食都唔差，係幾正宗的客家菜，我地叫左個$1488 八人套餐：🌟 客家大扇雞同招牌鹽水鵝 | 呢兩個都係招牌菜，大扇雞好有雞味既不過比較鞋，我會建議揀鹽水鵝🌟 客家梅菜扣肉 | 送飯好正 😎🌟 三及弟枸杞湯 | 好好飲，枸杞好滑 ~🌟 蒸鯇魚 | 係成斤重的，蒸到岩岩好，少少泥味都無！ 🌟 陳醋蘿蔔 | 鹹左少少整體食物素質都OK！白粥白飯係任添的，食完飯仲會送紅豆沙，煲得好綿既～如果CS 改善下就好 🤣 或者係social media 上載下菜單都好啦…🏠店名：花萼樓Hua'e Tower Cuisine🚘地址：荃灣眾安街68號荃灣千色匯I 5樓5B號舖

之前食過一次花萼樓既「大扇雞」係好食既，所以今日提前慶祝母親節，過到黎，服務態度不算太好，我地叫野飲同飯，每次都一係等好內一係就漏單，唔知係咪算夜，我地9點左右，叫左隻「大扇雞」同「清蒸海藍瓜子斑」，雞就返叮，肉質乾，叮到無水份，同我地之前食既，差好遠。。。我地同服務員講，話叮得太老，個服務員同我地講，話平時都係咁，魚又蒸得太老，肉質太老。。。忽然間醒起，今日星期三廚房佬跑馬，怪唔之得D野食咁難食，真係無下次，唔會再黎食

今早覆完診到左荃灣千色薈飲早茶，見到呢間早晨孖寶點心套餐$36.8，揀左時菜牛肉球同三皇飽（叉燒包，雞包，麻蓉包），另加一盅鳳爪排骨飯$14.8,點心質素尚算中距中矩，不過環境都幾擠迫，加上樓有裝修工程聲好嘈吵，職員服務態度麻，下次飲早茶都係去其他茶樓好過

客家菜最出名的應該是釀豆腐、梅菜扣肉吧！想到都想吃。但這個下午不太餓，要把菜全吃下不容易，於是只點了釀豆腐和蔥油麵。釀豆腐雖以鍋呈上，鍋中仍留有熱能沸闖的放果，但豆腐沒有想像的嫩滑，味道可以。蔥油麵的麵條粗，感覺不到油滑的效果，蔥油香味仍有加強空間。腸粉新鮮制作，香味濃郁，很不錯。至於芋頭卷，則是難得的傳統味道，鏝頭包著芋頭和燒肉，令人嗅到肉香芋香，雖然這卷十分飽肚，香氣四溢的感覺令人忘卻油膩，輕鬆吃下去。

這一天到荃灣，未試過在這間酒樓食午餐，剛好到下午茶時間，便與家人入座，試吓！我們點了「叉燒酥」，「煎蝦米腸」，「花生糖絲甜簿𦉘」，「叉燒瀨粉」，「百花釀魚肚」，「煎魚肉釀尖椒」。可能我自己下太食到辣，個煎釀尖椒真係好好好辣啊！魚肉偏軟身，味道一般，不過不失。蝦🦐米腸粉，並沒有煎得香脆，都是軟軟的，都很一般。「叉燒酥」算是酥，很有牛油味！叉燒都算不錯，味道ok. 至於「百花釀魚肚」，蝦膠ok, 魚肚算厚實，還好！叉燒瀨粉的粉，真係偏粗，不是平時食開一般較幼身個種，我自己都係比較喜歡幼身的一種。湯底不算濃郁，叉燒正常，都ok! 最後的甜簿𦉘，我覺得內裡的花生及椰絲不算好多，但皮我覺得偏厚，但水份太多，皮有點不夠挺身，我自己麻麻。這一餐，一般。算正常啦。

原本諗住食隔離嗰間, 但太多等, 應該有排都未到我, 呢間雖然都好多人, 但反而唔使等咁耐, 前提係要肯搭枱, 反正未食過, 就試下啦.見到點心紙就明點解咁多人幫襯啦, 價錢好平啊, 我地無諗咁多一野嗌佐六樣嘢食.小籠包正常發揮一掂就穿.馬拉糕唔熱要再蒸過, 味道偏甜.鮮竹卷普普通通, 勝在有啲湯飲下.客家蒸艾粿甜到頂唔順, 食唔慣.燒賣不過不失.鹽水鵝唔太啱食. 下次試新餐廳要謹慎啲, 嗌一兩款試下質素點先決定繼唔繼續嗌. 不過價錢真係唔錯.

有家人食過這間喺荃灣千色匯嘅花萼酒樓，話平時平靚正，但在前天星期六父親節就中伏被劏，每碟小菜份量不足，要叫七碟小菜，五個人要近1400才能吃得飽，最離譜就係那碟「胡椒大鱔球」比較普通的「豉汁蒸大鱔」嘅份量少一半，只得六小塊鱔片！那碟「惹味蔥燒牛肉」也好不了多少，牛肉只得六七小塊但成半斤大葱堆滿碟面；那一碟「大扇雞」韌到差一點咬不開…所有菜式之中，只有那一碟「招牌鹽水鵝」可以算係ok！總之都係喺中式節日應該去食西餐，西式節日就去食中餐，性價比就會最高，又唔使激氣！

第二次到此食飯，第一次與兩位友人一個食，都是無意中發現這間食肆！今次又再食下，今次叫了一個梅菜扣肉，和一碟頭釀豆腐。梅菜甜甜的，都幾好味！不過，我個人不敢食太多醃製食品，所以真的間中食一次半次都還ok! 至少扣肉都有少少肥，但都算不錯，肥瘦比例未算一半，但都已經好好！而且，肉質都入味及燉得夠「林」身，配白飯便一流啦！不錯！職員最後都送了每人一碗紅豆🫘沙！我覺好漿好味😋讚！職員態度都好好👍🏻！至於個豆腐，很可惜，第一口咬下去，有啲酸味。可以天氣關係吧！我第一時間通知職員，他們都好好幫我換另一款菜，最後我們改了食「鵝翼」，都好好食😋！不過，我自己便稍微覺得有點咸！不過，佢講明是「鹽水」。所以，我都接受。整體都算不錯。但價錢算偏少少貴。性價比不是太高。我諗，人多叫套餐便會比較抵啦！

趁星期日同屋企人去荃灣飲茶，千色匯有很多間茶樓，見呢間比較小人就揀咗呢間，所以都抱着冇咁好食嘅心態，估唔到都幾好食。叫咗啲比較大路嘅點心，整體都係中上，不過係環境差啲同埋服務爭少少。

聽說是新裝修的新菜館，所以特地來試吓！大路中式格局，坐得幾舒服！酒樓來說，算乾淨，侍應都有禮貌，有主動推介新菜式！我同老公點了兩款客家食品： 客家酸菜炒鱔球 ～鱔球有6-7件，鱔球尚算新鮮，其餘都是炒酸菜，味道還可以！客家黃豆炆釀豆腐～這個反而有驚喜，黃豆好香，豆腐嫩滑，有少量冬菇絲配菜，味道很搭配，送飯一流！凍凍地我哋仲叫咗臘腸蒸飯，米飯好香有咬口，食落暖笠笠！餐廳亦送咗甜品～紅豆糖水，不太甜，我喜歡！總體來說，也不錯，有機會下次都會試吓其他菜式！

朋友說在荃灣千色匯一期有間酒樓新開，就約我去飲茶。正值中午時分所以人客較多，由於新開酒樓所以装飾都很新淨，但礙於酒樓面積不大的關係，擺枱也很密所以地方就顯得比較狹窄，而且座椅很硬令人坐得不舒服。今日隨便點了一些平常最常吃的點心， 雞包仔、鴨腳扎、鳳爪排骨飯、上湯鮮竹卷、叉燒腸粉。雞包仔的粉皮很柔軟而且餡料很有味。 鴨腳扎的鴨腳個頭比一般其他的食肆稍大，芋頭亦很腍，如果那塊肉餅大些就更好。 鳳爪排骨飯的配料亦醃得很入味，飯底也會蒸得過久而變硬還可以。 上湯鮮竹卷湯汁味道很鮮美亦很足料。 叉燒腸粉上枱時還熱辣辣， 裏面的叉燒粒餡料亦很新鮮。總括今次的飲茶，食品的味道、質素都很好、價錢亦很經濟，唯獨是環境就太擠迫。

 因為係新店所以都想試下，會唔會多一間高質餐廳，見鋪面裝修都算OK，就一於試下新野。環境設計係見慣既中式風格，好大路，冇乜特別。衛生環境覺得都算乾淨唔會好污糟（點講都係新開冇幾耐唔會污糟去邊）。我地都嗌左幾樣經典菜式，試下味道如何。梅菜扣肉幾好味，雖然塊肉肥瘦適中最岩口感，但我個人都係鍾意全瘦肉更好，而且份量都算多。鹽焗雞份量唔多，肉質結實，味道一般般比較鹹。其他幾個菜都同平時食開既差唔多，唔會話有咩好突出。可能比較適合家庭聚會，但同friend一起食就比較尷尬。

3個人都要搭枱都算，連枱布都唔換，上一手啲牙籤仲起張枱布度。啲服務員態度極差👎👎叫咗一個瑤柱蛋白炒飯，淡而無味，啲瑤柱得幾條，抄得又濕。個手帕青瓜海蜇啲青瓜就咸得苦嘅，同服務員講之後仲話”係咁咸架喎”，我心唸咩服務態度😡😡😡😡😡😡😡野食又黎得勁慢😤😤😤😤去食到咁上下，佢地再搭多個一人嘅食客過黎我地張枱，成張4人枱就6個人坐🥵🥵🥵我真係以後唔會再黎👎👎👎👎👎👎👎真係唔建議大家黎呢度食

專程來試所謂新店，點知等左1小時都冇檯！叫家傭先來取位，只需等一個檯號，點知家傭等左45分鐘，話過程有檯又比熟人先，咁唔駛攞飛啦！到我親身到，親身目睹，執檯後比左另一個人，真無奈，飲茶變投訴，真無謂，以後唔黎試啦！