苡喬餐廳

营业中

休息中

見到餐牌有粥入黎結果原來夏天無粥 叫左b12一黎見到心心太陽蛋 好靚啊 個人勁攰都心情靚哂餃子是鮮製的 yummy 仲要係堅日本烏冬呢個價錢 呢個質素同味道 我覺得好抵食😋❤️明白現在飲食業的艱難 有心的餐廳值得推薦令我第一次想寫食評 謝謝你 EQ餐廳👍😀

返夜更必去嘅餐廳。呢頭一到19點幾就開始無咩野食。好彩仲有呢間開得夜少少。唔知係唔係去得多。個老細都開始認得我。佢地嘅餐單唔係日日都一樣。重點係價錢好經濟。份量又夠大。坐得又舒服。

荔枝角青山道526號地舖坐港鐵荔枝角站B1出口，步行約六分鐘 步行經過這間掂舖苡喬名字吸引我入去坐，有足夠空間，店員與客人很熟，送客人都會講多謝😊 芝士焗豬扒飯熱辣辣香噴噴送到面前😍 出爐芝士起波波浸滿焗豬扒飯還有配搭新鮮蕃茄😋 芝士蕃茄在豬扒面上，芝士香味，蕃茄酸甜，豬扒肉嫩咬落口煙韌和口感重。 鐘意食一粒粒飯唔 唔黐住飯，熟到啱啱好，唔軟唔硬，好適中👍食完一個豐富的焗飯，就來一杯滑溜奶茶就滿足😍

蔥油雞飯啲雞好滑嫩兼且去埋骨，絕對比其他海南雞專門店優勝，D蔥油內又多薑蓉。另外蕃茄龍蝦湯海鮮湯飯，超級足料，起碼有六七種海鮮，蝦同帶子都非常新鮮彈牙，真係抵到爛。連杯奶茶都好有茶味有香濃。仲有鴨腿湯飯啲鴨肉非常有咬口，正。平時我都唔鍾意食焗飯因為覺得好漏，聽老闆話好味就膽粗粗試下，佢個白汁焗海鮮飯真係令我完全改觀哂以前對焗飯嘅睇法，連D汁都食埋。通通都係$60內出得門口。我住蘇屋邨都經常特登行8分鐘過去幫襯。

蛋包飯啲蛋煮到老一老又厚又鞋睇見個色水都唔開胃啦蛋包飯入面個飯係白飯唔係炒底已經扣 -500分失敗啲豬扒切開，你睇下下面幅相，柴皮到咁樣呀咬落去乾真真硬掘掘，差啲銀損我啲牙肉呀失敗之中嘅失敗焗豬扒飯個面似乎覺得幾靚但係一揭開篤落去個炒飯底得兩mm高㗎咋雖然係下午茶啫使唔使咁呀 ，都要45蚊㗎喎，會唔會離譜咗少少食咗呢個飯可能會餓死茄汁湯，唔係一個好飲嘅羅宋湯，個味好單調得個酸字想簡簡單單正正常常食個tea都咁q難

地區性餐廳早前 經過食魚柳早餐有水準 看食評原來西式扒餐是主力 經過再來試牛扒餐 我叫咗三文魚牛柳餐配意粉 配搭很好 三文魚質素高 牛柳肉質鮮嫩香濃太太點了西冷牛扒餐 嫩滑肉味濃 價錢實惠 有驚喜

又是星期二，睇早場時間今次看掃毒3：人在天涯習慣入場前先吃個早餐，今次試試戲院附近的苡喬餐廳，時不時坐巴士經過，第1次光顧。店面不大，全部坐滿也只有36個座位 (6張4人枱和2張6人枱)，早餐時段差不多坐滿。點了B6早餐，包括以下的：#煎蛋拼豬柳漢堡辛辣麵：早餐吃碗辛辣麵，醒神！煎太陽蛋生熟剛剛好；有2塊豬柳漢堡扒，早餐來說算豐富的；加了紹菜，和辛辣湯好夾，加分！辛辣麵軟硬適中，好吃！#熱奶茶：紅茶比較濃，多加淡奶還是有點澀，紅茶調淡點，味道就差不多。

第一眼看見這間餐廳的名字，覺得就好像一個女孩子的名字一樣，蠻特別的，後來再看看這餐廳的英文名，才發覺「苡喬」是這餐廳英文名 E.Q Restaurant的譯音，想不到又譯得不錯，蠻有詩意的。我吃的是早餐，餐牌選擇不少，足有超過十款之多，而且部分配搭都幾有特色。揀了「煎蛋拼豬柳漢堡辣辣麵」配「熱杏仁霜」（$36）做早餐，其實這早餐的豬柳漢堡是可以換成豬扒、雞扒或雞翼的，不另加錢，不過這天我想吃漢堡扒多些，就沒有換成豬扒或雞扒了。熱辣辣，開胃刺激的辛辣麵轉眼送上，加上兩塊煎得焦香的豬柳漢堡、嫩而不老的煎蛋和少許的黃芽白，是一個及格以上的港式早餐。吃辛辣麵竟然不用另外加錢，也是個令這早餐加分的原因。不用下糖，仍然有點甜味的「熱杏仁霜」，雖說看來較為適合兒童飲用，不過偶然喝上一杯，代替咖啡奶茶，或是檸茶檸水，還是挺好的。這間名字特別的西餐廳，早餐給我的印象不錯，有機會的話，也可試試它的午餐或晚餐呢！

下午一時多，都未夠兩點，老闆娘見到我哋四個在門外，就主動熱情叫我哋試吓，又話可以叫下午茶。看似小店，就光顧一下。餐牌食物種類都不少。我叫了三重牛（牛柳、T骨、牛舌）飯，可選意粉或薯菜。八十多元，不算平。牛柳厚厚的，不能以西餐廳相比，但的確與茶餐廳類比較，這裡的牛柳，味道和肉質都中上。T骨很長，有三小骨之長，質素一般。有兩片牛舌，我反而覺得這好味，不會鞋，也不會硬，食到牛味，咬感軟淋，適中。阿仔叫了炸雞脾薯條，雞脾都大隻，皮脆。四十幾蚊。我哋還叫了黑椒豬手，七十多元。落單已知豬手不是德國式香脆果隻，但質地軟淋。一個老闆娘頂成個樓面傳菜及收銀，佢都勁，而且對客殷勤有禮。

去開荔枝角，見到馬路邊有呢間小小的餐廳，望落好似唔錯同朋友每人嗌咗一個午餐，先有「燒豬脾拼帶子飯」（無記錯係$55），豬脾切好薄片上，個汁都幾好，一般茶記風味，炸帶子係即食果種，都係預備中既味道，綜合嚟講唔錯另一個係「日式焗咖喱雞皇飯」（好似都係$55），焗飯份量好大，一定夠飽，芝士味都好香濃，雞皇係雞扒切塊，唔韌，撈汁都好好食，不過啲汁就稍為多咗啲隨餐跟兩個湯，一白一紅，唔太特別，略為淺咗少少。最後兩杯餐飲（$3），奶茶值得一讚，風味都幾平衡，唔會太甜～整體嚟講，今時今日五十零蚊，呢個質素已好滿意喇！

食物中規中矩，但以加錢來說，是附近不錯的選擇，CP值算高，係可以再食嘅lunch。荔枝角附近都有啲餐廳係試一次就夠，但呢間都食過兩次，加上唔駛排隊，非常推薦附近返工嘅大家試下。

每逢星期二都會到荔枝角附近上堂 順便搵食，今次由於趕時間，見到呢間街坊西餐廳價位好相宜，就入去試吓一入門口就有位疑似老闆娘招呼我哋，因為有太多選擇，我哋睇左一輪先決定食咩，最後揀咗紅酒燴牛肋條意粉（原本係飯可以轉意粉）同埋日式鰻魚配魚柳意粉（老闆娘推介魚柳可以揀煎或者吉列，最後揀咗推介嘅吉列炸魚柳）紅酒燴牛肋條意粉 （$48）好入味同埋好夠林軟，意粉分量夠，熱辣辣同埋可以要求多汁以呢個價錢簡直係超值日式鰻魚拼吉列魚柳意粉 ($62)吉列炸魚柳果然係推介裏面咁魚好滑一啲都唔鞋，鰻魚就正常發揮冇咩特別，不過適合貪心嘅人可以兩樣都試吓嗰餐係包左紅白餐湯同埋餐飲，中間有個小插曲，呢度應該有好多熟客幫襯，因為有客人一入嚟就已經講要加多啲意粉老板娘二話不說就即刻叫廚房準備，而家香港咁嘅情況搵食艱難，有呢類小店應該要表揚一下

話時話草根妹妹同同事喺第二次到訪餐廳啦，相比起上一次，感覺上質素好似下降左🤦🏻‍♀️，市道唔好，更加應該保持返食物水準！.餐廳坐位唔多，坐位與坐位之間比較擠迫，基本上滿座。.📍招牌蛋包飯吉豬配燒汁（$50）.蛋完全覆蓋喺飯上🍳🍚，煎得唔會過熟，中間仍然保持有蛋汁🥚，不過調味不足😳。吉列豬扒偏薄🐽，炸得卜卜脆唔油膩👍🏻，可惜唔Juicy，而味道還算可以👌🏻。飯量已經唔算多，不過燒汁更加少得可憐🥺，根本唔夠餸飯🤦🏻‍♀️。午餐包餐湯，但味道平平無奇。.📍凍檸茶（+$3）.整體來講，相當普通😳，不過不失啦👉🏻👈🏻。.Menu

食品本來不錯，這點一定要改，因為看著這里老闆整外賣時一邊在唱歌，他的口罩仲半垂在鼻嘴之間，不要說疫情期間，以前看到都想反胃，仲有見到佢有時傳菜都唱歌，好彩傳比我的是個女人

今日朋友來找我吃午餐，就去了之前覺得不錯而且又不用等位的苡喬餐廳，價錢五十多元還可以，不過都是比較迫，今日湯是紅湯和南瓜湯，我地一人一款，南瓜湯好飲但羅宋比較淡，飯都好快來到，招牌蛋包飯，扒就要了雞扒，蛋包飯比較細份，蛋幾滑但飯就普通，是白飯。我的是黑椒汁牛扒拼雞翼飯，牛扒似早餐牛扒都不錯，雞翼有點細隻，飯叫了小飯的份量剛好，醬汁不夠熱但味道不錯。最後送生果橙和飲品要了凍檸檬茶和熱奶茶，比較甜身少少。