英王麵包店

营业中

休息中

同家姐間唔中經過A-1 Bakery都會停低買個青森蘋果批獎勵下自己 (雖然唔知做咗啲乜要獎勵😂)。今次有啲唔同，俾蘋果批隔離個芝士蛋糕吸引住，所以決定試下佢個焦糖芝士蛋糕。焦糖芝士蛋糕🍮一嚟已經俾佢個價錢吸引！平時一件切餅都要$2x，呢個芝士蛋糕一整個都只係$5x。蛋糕芝士味十分濃厚，好順滑。佢唔似New York Cheesecake咁硬身，腍得嚟好重奶香味。面層有焦糖，令蛋糕多咗淡淡嘅甜味，味道層次豐富咗，降低飽滯感。 港式奶茶☕️A-1嘅樽裝港式奶茶真係好飲！奶味同茶味都好夠，唔似市面其他樽裝奶茶咁會勁甜，佢個奶茶嘅甜係可接受嘅，唔會蓋過奶茶嘅味道。仲會好似會掛杯嘅奶茶咁「掛樽」😂因為係新鮮製造，所以賞味期限好短，要飲就襯新鮮😋

A1的麵包吃過不少，反而，她的甜點就比較少吃了。剛巧路經過A1，就看看有哪些甜點合心水，正正看上了兩款甜撻，定價亦相宜，買回家跟家人分享。兩款甜撻的賣相都相對簡約，但觀感就好有一種真材實料的感覺。先試試「比利時朱古力撻」（$18），撻殼就不太脆口，但還算有牛油香，可是餡心的朱古力醬就蠻有驚喜，因為質感軟滑，朱古力味超濃郁，還帶點甘苦餘韻，再細心看，其實面層還有一層薄薄的朱古力漿的怪不得如此香濃。另一款色澤鮮黃的是「特濃芝士撻」（$18），看起來還以為是蛋撻喔。雖然，面層說是薄薄一層芒果漿，但吃來不太濃；然而，餡心的芝士醬就十分出色，香滑、濃郁，口感似美式芝士蛋糕般，芝士味十分突出。果然是真材實料的味道，如果撻殼能做到更脆口，就可以給它們滿分了。

今日經過A-1諗住買Godiva特濃朱古力蛋糕食，點知原來已經無左😭但就見到佢新出左一款沖繩黑糖忌廉卷蛋（$18)，拎上手都有啲重量，而且我晏就一兩點去買，已經得返三件梗係要買黎試一試啦，個樣又靚靚仔仔🥰蛋糕🍰好濕潤，質感超綿密不過真係完全無黑糖味，那怕是1%也沒有🤷🏻‍♀️點解仲可以標榜沖繩黑糖🤦🏾‍♀️不過佢啲忌廉都好滑好濃密既，當佢普通一件蛋糕係唔錯🤣但黑糖愛好者一定會覺得好失望中晒伏