茶匠 (匯景商場)

营业中

休息中

呢間野開咗好耐，之前次次經過都好多人排隊，所以一直未試。今日下午經過，見冇乜人，終於可以試下👍🏻睇食評，好多人話收銀店員態度差，可能我當天冇乜人，感覺店員態度都正常。叫左杯芝士奶蓋烏龍茶走甜👍🏻👍🏻👍🏻等咗大概2-3分鐘，個人唔鍾意太甜，走甜到啱啱好，芝士奶蓋好邪惡，有少少漏，不過好厚滑😋😋大滿足但$30偏貴

榴槤雪沙幾乎沒有沙冰，飲品做好左好耐係裡面枱再加上Recieption 去丟垃圾杯野攤得仲耐有得睇冇得飲有返實際都係會漏。榴槤味，不過味道唔濃。 甜味似有加糖水，都幾甜，唔記得左叫走甜或半甜，試唔到榴槤本身。 每飲一啖都覺得喉嚨有啲(確) 膠杯蓋設計冚唔實，好幾次都漏到成手都係。自己冚實都係會漏。Orange espresso tonic都係一樣蓋漏問題，成手都係。走冰就會冇左1/5 杯飲品，但咖啡並不濃，不香。 片橙幾好，次次都不錯。服務就見仁見智，時好時壞可能年少。 都有飲過幾樣野，整體一般般，無特別有茶味，冇特色。 真係打破唔到普遍黃店都一般甚至差嘅水準。

試下呢一間made in homemade 嘅土炮港式手搖 百香果🍍soda。。。茶匠Chashou 雖然主打黑糖鮮奶等台式飲品,但今次俾佢鮮百香果🍍soda, 深深吸引著🥰今次竟然唔記得叫少甜， 但甜度都ok 唔會太甜 而且有好多果肉， 百香果好正,透💛涼清新，初夏氣息蔓延💕和初夏最配的，　　當然還是清爽系飲品🍹，　　soda解渴， 百香果同🍍 清新💛　　簡直是小確幸，每天心心念念的那一口！　　　　一起來清清爽爽過初夏吧~💛

藍田新開左間台式飲品店，聽講都好受歡迎，於是今日去匯景，都打算去試下。一行過去都幾多人排隊，睇Menu都算多選擇，就順便買埋朋友想飲嘅野飲。因為都叫左幾杯，大概等左15分鐘先拎到，以下部份我有試，部份係朋友評價：黑糖珍珠炭焙烏龍奶茶（全糖少冰、半糖少冰，$30）：茶味香濃，朋友話即使係全糖都唔算超級甜；海鹽柚子梳打（少冰，$26）：唔鍾意甜嘅好選擇，未減糖都唔太甜，鹹鹹地加上微酸嘅柚子味，梳打非常清新，好適合夏天飲；檸檬冬瓜茶（半糖，熱，$22）：朋友話幾好飲；鮮奶草莓（無糖去冰，$30）：螞蟻人之選，而唔鍾意甜嘅我以為叫無糖就無事，點知掛杯邊嘅士多啤梨醬真係超甜，自己就唔係好頂得順啦。

早幾日放假見無咁多人 終於可以買杯野飲嘆下，試吓新野，之前來來去去都係飲黑糖，今日叫左杯匠人之果茶同特濃朱古力鮮奶，滿心期待 果茶味好特別，另有生果片，朱古力鮮奶好好飲又濃味不過服務態度真係一般般，當我話果茶想走甜嘅時候，店舖一位短頭髮(大約到膊頭位置)既女同事就好唔耐煩再加上肢體語言回答我嘅問題，問多兩句都好唔情願 😓及後想+$1要多個膠袋更黑口黑面之前唔明點解有咁多差評話態度差 ，而家終於明白了😅

呢間開喺匯景商場 就喺地鐵站A出口隔離，開左幾個月 新開張就有超多人排隊買 排到隔離鋪頭，可能係製作時間最少都要10分鐘，就要叫完都要等多陣先有。不過款式多又幾大杯下，唔會話好貴下。茶匠飲品本身都幾甜，買嘅時候要記得少啲糖—平時鍾意食甜嘢就少糖好啲，半糖就啱啱好for 普通唔想好甜嘅人飲。試過最啱心水嘅係烏龍珍珠奶茶，唔太甜幾有茶味，仲有香芋珍珠奶茶(加芋圓)，兩款飲開微糖(本身芋圓已幾甜下)，珍珠同芋圓都好q好好食。

因為到藍田附近吃壽司 之後又心思思想飲野過返嚟匯景商場 附近有好多小食店 喺商場嘅正中央搵到一間飲品店都有唔少人嚟光顧 店員好有效率 好快就完成落單喺等嘅時候店員仲同我小朋友玩 引到我小朋友笑哈哈叫咗一杯寒天冬瓜茶 寒天QQ嘅 爽呀下次經過都會再嚟飲

收工經過買杯嘢飲 本人職業同是飲食 明明得3張單 但企左5分鐘冇人理🙂都算行埋嚟一句：要咩 我：黑糖熔岩鮮奶 加珠收銀：再加一份？我：係 想要少甜少冰收銀：冇得少甜我：可唔可以走珍珠以外既糖收銀：唔得 我心諗 好啦唔得咪唔得😓由一開始到買完一句唔好意思都冇咁既態度令我唔想再幫襯第二次另外態度雖差 但嘢飲幾不錯極推✨黑糖珍珠岩鹽鮮奶✨

藍田匯景有好多間台式飲品舖🧋，最近呢幾個月都開多咗幾間新嘅小食店啊或者台式飲品店。最近地鐵站嘅，最多人排隊嘅就係茶匠，開張個排係超超超多人。如果大家有留意開🧐，都知道佢係荃灣都有一間分店。佢有唔同種類嘅台式飲品啦， 有珍珠丶紅豆丶胚芽丶芋泥等，基本上你講得嘅組合都會有嘅～胚芽烏龍奶茶 $22依家唔係好多間台式飲品都會提供胚芽呢一個選擇，所以我見到佢有胚芽，就揀咗啦。😛佢嘅奶茶除咗一般嘅紅茶底外，亦都可以配上烏龍茶、鐵觀音等。烏龍奶茶都唔差，有烏龍茶味，不過我都係建議返叫少甜。店舖好慷慨，胚芽好多，飲到最尾都仲有。

雖然是良心小店要多多支持，可惜受到收銀女職員態度惡劣對待當晚點了黑糖珍珠奶茶少冰半甜職員告知半甜珍珠份量會減少便回應如果咁，咁正常就可以了可是女收銀員面黑黑，不耐煩由於等候時間較長過去詢問一下這位黑面女收銀員離遠望了單號對於詢問一句都冇應 直接另轉身對客都真係幾無禮貌到取餐時呢位工作態度有問題的女職員將我飲品大力放到我面前再另轉身做其他野索取一個膠袋時更加發脾氣將我飲品入到咁樣圖如下一杯飲品未到手已被佢破壞良心小店當然會繼續支持不過會睇人如果再係呢位女收銀員番工時恕我唔會幫襯杯野未拎到手已經搞到咁好過份

由於阿媽住呢邊所以，呢間嘅黑糖珍珠岩鹽鮮奶$30，甜度和珍珠口感都適中，幾好喎！但收銀嗰個姐姐真係經常黑口黑面，好似爭佢錢一樣，希望真係改善下，飲甜嘢個人可以開心啲，但見到佢就真係唔開心

今日放假見到唔算太多人排隊，所以立即試下。自己鍾意飲奶茶 ，就試下黑糖珍珠炭焙烏龍奶茶。原來會係個面到加cream 。所以少甜對我來説 係剛剛好，正。 因為我冇攪勻，飲到個底就偏甜。 如果好甜嘅話可能要飲半糖。的珍珠又有咬口，煙煙韌韌。 岩我口味。

今日去藍田攞速遞，見到呢間茶飲店好似好吸引，menu選擇都OK，而且飲品可以自由配搭，夠晒個人化，同埋平時都好似好多人排隊買嚟飲，於是買咗杯試吓😆茉香珍珠奶綠 (L) ($22)- 叫咗微糖(20%)，對於唔太好甜嘅我就啱啱好，- 茶底好香濃，茶味都幾突出，啱晒鍾意茶味濃嘅人- 珍珠好正好Q彈，咬落煙煙韌韌，軟硬適中$22嚟講一杯嘢飲幾高質，配料同味道都好到位，非常唔錯😋下次再經藍田匯景商場，一定會再encore😆

住藍田附近 見到茶匠開左好開心 事關附近好少好飲嘅黃店 試過芋香奶茶 白桃烏龍 都係廿零十幾蚊 大大杯 好抵飲 但係啱啱開嘅時候有啲多人 要等好耐 建議大家可以等平日唔係收工嘅時候去買好啲

我要重申一次，呢杯鮮奶芋頭真係超級好飲！作為一個煙韌控同芋泥控，茶匠呢杯野完全滿足到我🙈🙈🙈我試咗無糖都好夠味，因為本身芋泥都甜甜地，又可以趁機唔使飲咁甜呃下自己唔係食緊甜野😂😂其實成杯野都好足料！成半杯都係芋泥同埋芋圓。雖然佢話自己叫鮮奶芋頭，但係其實一舊芋頭都冇，全部都係芋泥。芋圓係我自己加嘅，要加$4雖然飲落都好飽肚，但藍田冇咩甜品店，我覺得呢杯野直頭可以叫黎當甜品食！！p.s. 唔建議食飽之後即刻飲因為太飽