茶木‧台式休閒餐廳 (東薈城名店倉)

营业中

休息中

同朋友去茶木食晚飯，水準真係keep到無得頂🤤👍🏻我哋叫咗古早杏鮑三杯雞配珍珠飯，完全估唔到佢上菜嗰陣會有埋個陶瓷蠟燭爐座住，啲餸菜興住保暖又可以保持鮮味！呢道餸有鮮甜嘅杏鮑菇、仲有入味鮮嫩嘅雞肉，配上珍珠飯撈埋一齊食真係完美嘅組合🍖🍚我哋仲嗌咗津菜水餃麵，真係超大碗，水餃同麵嘅份量都係超勁量。水餃嘅皮薄餡足，內餡鮮味可口。再配上彈牙嘅麵條、津菜同濃郁而唔漏嘅醬汁，既健康又好味🥟🍜另外，我哋仲叫咗台式滷味拼盤配珍珠飯。呢道菜以豐富嘅滷味為亮點，包括滷豆腐、雞翼、豬腩肉、牛𦟌、牛肚、同溏心蛋。每一樣滷味都非常入味，一啲都唔鹹，肉質鬆軟程度恰到好處🍗😋最後，我哋仲有叫櫻花蝦魚湯浸娃娃菜。擺盤超靚、娃娃菜入哂魚湯嘅鮮味，亦係非常出色嘅健康之選🥬飲品我哋叫咗熱黑糖珍珠奶茶，珍珠份量超多但甜度非常合適。仲有特飲草莓櫻姬，可以自選cream嘅份量同甜度，tailor made一杯合哂心水嘅沙冰🍧最最最鍾意喺茶木好relax好chill嘅環境，食晚飯會令到人有心靈滿足嘅感覺❤️😌

今日放假去咗東湧東薈城行街,喺東薈城食到一間好好味嘅台灣牛肉麵。茶木台式休閒餐廳,地址喺東湧達東路20號東薈城名店倉地下,餐廳裝修得好整潔,座位空間感好足夠,喺度食嘢感覺好舒適好放鬆。紅燒牛肉麵配黑糖冬瓜茶 76元,牛肉麵湯底非常香濃,配上蘿蔔增添鮮味,牛肉煮到好軟淋好入味,口感好嫩滑。牛肉湯吸收曬牛肉嘅精華配上芫茜香蔥味道一絕。黑糖冬瓜茶入口清甜,黑糖味好清香。紅油抄手五隻配福州魚丸紫菜湯 58元,紅油抄手皮薄多餡,加上少少紅油增添味道層次。紫菜湯魚丸爽口彈牙,清清地好好味鹽酥雞排手工拌麵 54元,跟有機台灣高山茉莉龍珠茶,鹽酥雞炸到脆卜卜,雞皮炸到金黃色入面嘅雞肉仲係嫩滑多汁,手工拌麵麵身有咬口。三杯牛肉香蔥蛋餅,蛋餅口感豐富,咬落去有雞蛋嘅香味仲有香濃嘅牛肉味,最正就係有青瓜中和返油膩感。

東薈城一向都係我經常帶媽咪去揾食既地方，因為除左有街街行之外仲有好多野食，總會有一間滿足到佢🤣上次佢話未食過茶木，既然翻新後我都未試過，咁就一於一齊try try la🤤。今日嗌左好多野食，但埋單都只係唔洗二百蚊一個人，真係估唔到咁抵食，因為有唔少野跟餐都有優惠價，所以一個價錢都食得哂好多唔同既小食🍤。🐒晚市二人餐💰$259✅小食*2櫻花蝦魚湯浸娃娃菜(半份)黑麻油雞翅(2隻）紅油抄手(半份)+$20✅主食*2烏魚子元貝手作麵TeaWood紅燒牛肉麵✅飲品*2四色啵啵芝麻豆乳(凍)+$10鳳梨水果茶(凍)+$19👉🏻四季青萱茶✅甜品草莓吉士可頌窩夫+$18 。🐒櫻花蝦花枝餅(4件)💰$58🐒310溏心蛋(2隻)💰$38總括而言試左咁多唔同野食，款款都好高質，而且係裝修左之後仲更加舒服😌雖然無試佢地既signature吐司🍞但今次個士多啤梨Croffle都好滿足呀🍓

見茶木出咗新Menu，望落好吸引呀，趁今日早收工去食😈1. 自家製墨汁花枝麻醬手工拌麵墨魚膠食落好香口，手工拌麵好彈牙，配埋香濃芝麻醬好夾👍🏼2. 烏魚子元貝手作麵烏魚子食落有微微嘅咸香味，元貝煎得啱啱好，食落鮮甜。台式手作麵但喺用西式方法去煮，好creamy👍🏼3. 粒粒紅西柚茶好足料，有幾片西柚同粒粒西柚果肉，口感豐富。平時飲西柚果汁走甜好驚好酸，好驚喜依杯味道唔酸，好清爽❤️4. 佛手柑水果茶酸酸甜甜，幾好飲，食到好多款水果，有芭樂，菠蘿，士多啤梨🍓5. 四色啵啵黑芝麻芋泥芋圓仙草好有誠意嘅甜品，勁多料，有芋泥球、黑芝麻豆乳沙冰、仙草，珍珠，紅豆同四色小芋圓。芋泥球好綿滑，黑芝麻豆乳沙冰好重黑芝麻味👍🏼6. 抹茶鮮果流心歐軟歐軟包外脆內軟，趁熱食好正👍🏼 又有幾款生果點綴 ，抹茶雪糕超正，回甘👍🏼

呢碗手工拌麵的麵條非常有嚼勁，口感好好😋麵條的質地柔韌，寬度和長度都好適中，另外微辣的調味恰到好處，個人覺得呢碗麵出色過牛肉😌鹽酥雞扒外層酥脆，炸得恰到好處，保持到酥脆口感，又沒有過分油膩 ，雞肉都比較嫩滑👍🏻不過雞扒份量有啲少😅小食-黃金鹽酥雞 (半份)、台式烤香腸、蒜香麻辣豬耳朵(每款小食另加$24）小食的鹽酥雞有點乾，無午餐的鹽酥雞咁好食😅黑糖奶茶(跟餐另加$10)-叫咗少甜🤪甜度啱啱好黑糖薑母茶(跟餐)

花膠濃雞湯拌麵不錯 雞湯有成條花膠喺入面 雞味亦都好濃 感覺好滋養🩷椒麻拌麵口感不錯 軟硬度適中 仲有少少辣味幾好食 另外幾鍾意嗰個素鴨!好脆👍🏻糖心蛋好流心~綜合水果茶好多水果👍🏻相當不錯

帶住小朋友在街外搵餐廳食飯，真是一大難題，呢間應該適合佢哋食就入咗嚟，位置開陽寬敞，不多枱，如果午市嚟需要等1段時間。茶香三文魚湯漬飯👍🏽👍🏽香濃的茶漬，配上煎香的三文魚，配料配有乾蝦米🦐、碎米通、柴魚片，非常匹配！美味！自家製台式烤香腸肉燥飯就是我們香港的臘腸，食落不肥膩，送飯好吃，但齋食就會有點咸。還有隻半熟蛋在點綴。肉燥香口，不咸，調味適中，不肥膩。跟餐配有：紅豆薏米水，健康有益，還有薑絲在內。蜂蜜柚子茶，比較淡味。

茶木TEAWOOD（東涌）🍓草莓香草蜜糖磚塊Strawberry Ice Cream Honey Toast $82行Outlet行到攰 突然之間想食啲甜品 見到幾吸引就入咗去試估唔到出嚟嘅實物仲靚過Menu上面嘅🥹以為下面全部都係麵包會好難食 但勁有驚喜！！！ 因為用蜜糖烤過 所以好香好脆 超容易入口 上面個士多啤梨味雪糕都好大球 溶溶地同麵包一齊食 絕配🫶🏻連隔離枱嘅小朋友都望到流晒口水 值得一試Recommend:🐖🐖🐖🐖🌎地址：東涌達東路20號東薈城名店倉地下G24號鋪#noideatc

今日食評✍🏻茶木@東薈城試食指數⭐⭐⭐⭐店舖衛生⭐⭐侍應態度⭐⭐⭐((每項5⭐️為滿分)) ·東薈城食肆林立基本上開到晚上9-10點我哋食迪士尼『美食』食到悶加上8點截單好難搵食🫨搭一個站去東涌搵食既方便快捷又抵食選擇又夠多不過一個站車費14.5大家可以考慮一下·2040的茶木仲係全場滿座兼等位不過等幾分鐘就有位Bb椅設計ok我哋未用過此款設計向職員查詢不過職員態度不耐煩🙄️·我哋點了1️⃣豬軟骨麵湯底咸咗啲豬軟骨肥瘦匀稱入口即化好味可能我食唔慣台灣麵覺得偏硬2️⃣鹽酥雞肉燥飯鹽酥雞好好味😋肉燥飯好好味🤤呢個餐冇得輸推介俾大家👍3️⃣strawberry 特飲4️⃣mango特飲飲品味道ok不過同menu中嘅相片差好遠🛏️·無論大鋪小店我哋都會盡試盡講Follow我哋bw.foodie

好耐無食過茶木，水準好左wor😚😚😚台式麻辣牛肉片拼牛筋拌面佢拼左麻辣鴨血同素鴨。2樣都好唔錯。牛筋非常淋，d肉大大舊，肥瘦相間。拌面有筋道，鹹香味好夠，唔係太辣，arm曬😚😚滷味拼盤呢個好唔錯 不過可以再滷耐d，會淋d再好食d。金鑽鳳梨水果茶（走甜）個人唔鍾意太甜，佢有得走甜都幾貼心。果茶用上士多啤梨，新鮮菠蘿，藍莓，熱情果，好足料同有誠意。烏魚子元貝手作麵2粒巨型帶子，配上烏魚子同手工麵。幾creamy味道有d似明太子（？），d麵同拌面一樣係彈牙有口感。奶茶茶凍好濃奶茶味，而且係限量！仲買走左盒鳳梨酥，佢包裝都好精美，75蚊有6件，未試味道。總括黎講，而家嘅茶木都幾有質素，d裝修都明顯高級過以前，值得一去。

平時我自己都比較鍾意食Teawood，今次同朋友去東涌行街順便帶朋友去食，一入到去店員很有禮貌熱情地招呼我同朋友坐低同埋比餐牌我地TeaWood最出名嘅就係甜品，甜品出名大大份，所以今次同樣都叫咗甜品。但是茶木的主食相對來說會比較細分，如果平時比較大食的朋友就可能未必啱食。草莓香草蜜糖磚塊歐軟$78:分量大大份，完全夠我同朋友兩個食，草莓同雪糕配合磚塊十分之夾，十分推薦愛吃甜品的人食！路邊攤小食$68:小食拼盤有齊鹽酥雞、花枝丸同埋台灣香腸，$68來說有齊咁多野食，而且份量又大大分，10分推薦🔥🔥鹽酥雞扒肉燥飯$82:鹽酥雞扒份量大大份，但肉燥飯嘅份量比較細如果大食的朋友未必夠，而且肉燥的味道麻麻，不建議茶香三文魚湯漬飯$98:一上枱感覺好高級，湯漬好香，三文魚與湯漬的味道10分配合，而且三文魚大大條，好抵食！推薦指數：8/10🔥🔥

以前茶木嘅質素真係一般，唔知幾時開始裝修咗之後啲質素改善咗好多一下，仲要好好食添。三文魚茶漬飯、帶子手作面、肉燥飯，每一份都好好食，而且質素都好高，可能係店大關係坐得好舒服，員工服務態度都唔錯，大集團嘅質素來講十分好。

難得閒日放假,入東涌outlet行街. 行到攰了揾地方食下午茶順便抖抖經過茶木即刻諗起出色的甜品, 今日就食佢啦. 環境座位夠寬敞各類下午茶餐最終冇叫到下午茶餐, 體力勞動完要食返飽啲 草莓櫻姬 $46 下面系冰沙,上面配上 cream , 應該冇女仔會拒絕 . 味道唔錯不太甜鐵觀音奶茶 $38 配上胚芽 夠香口鹽酥雞扒肉燥配米粉 $82 由飯轉米粉, 有兩款主打餸加幾款配料 夠心思台式滷味拼盤 $86 有豆腐、雞翼、三款應該系牛肉茶香三文魚湯漬飯$98, 三文魚煎得岩岩好, 油度適中,配上湯 容易入口其實已經食到好飽, 但冇理由唔食甜品架. 提早落單, 製作時間約30分鐘, 可以叫服務員後上以為會食唔曬, 點知最後都KO 晒😂 難怪系推薦食物. 最鍾意佢嘅牛油,夾埋一齊食特別出色會追住嚟食 充完電要繼續去博殺啦 ,順便要燃燒下啲脂肪

難得一日假期，同朋友去完迪士尼但又唔想係迪士尼食飯，所以就出黎近近地既東涌食野啦，然之後我地黎左茶木啦😊😊😊😊紅燒牛肉麵（轉左做米粉）（$88）“加$30可以升級做套餐，會有飲品同甜品”牛肉炆得好冧，紅蘿蔔白蘿蔔都好入味勁冧，牛肉亦唔會有根位，咬唔開既情況。個人十分愛食新竹米粉，米粉索曬啲湯汁十分好食丫，米粉控既朋友一定要食丫😍😍😍😍鹽酥排骨肉燥飯轉左米粉（$82）排骨炸得好酥脆，粉漿唔會好厚，岩岩好，亦都保持到肉汁，好juicy🤤🤤仲有半粒鹵水溏心蛋，入味得黎仲要係溏心，正丫👏👏👏黑醋味淋豬軟骨（$82）濃濃黑醋香，炆得極入味，豬軟骨入口即化，滿滿既骨膠原丫，豬軟骨份量一d都唔少，重要既係件件都係滿滿既骨膠原，唔會有柴既情況，感動有誠意👍👍👍晚餐均可收加$30升級做套餐，會有精選甜品/沙律/精選雪糕同埋飲品精選甜品係將牛角包整成既窩夫的，充分發揮左牛角包既牛油香，酥香既牛角包加埋朱古力醬，滿滿既幸福感👏👏👏👏👏💓💓跟餐亦可以加$22叫“小食”，簡左紅油抄手（半份）同金黃鹽酥雞（半份）。紅油抄手滿滿既麻辣香，皮亦唔會好厚身，大小岩岩好，可以一口一粒，正正丫。而鹽酥雞，炸得香脆得黎又唔會

今日同朋友去咗東涌東薈城嘅茶木，話咁樣呢間餐廳好靚㗎！木質風格嘅裝修好特別，令人感覺好舒服😍絕對會令你流連忘返🙈🌟🌟茶香三文魚湯漬飯味道鮮美，三文魚燒得好香脆，仲好嫩滑！加埋啲木魚碎、炸米通同埋櫻花蝦送啖飯，味道真係絕配！😋茶木嘅甜品都好好味㖭！我地叫咗芒果吉士可頌窩夫同白朱古力抹茶可頌窩夫，啲牛角包窩夫鬆脆好食，芒果吉士甜而不膩，白朱古力抹茶濃郁香口🌟🌟🥹🥹🔥茉莉龍珠茶茶葉外形像珠子一樣，清香撲鼻，茶湯呈淡黃色。茶湯入口清新甘醇，帶有淡淡的茉莉花香，微苦微甜，回味悠長。💕巨峰烏龍茶茶葉的形狀像小球一樣，色澤深綠，茶湯呈橙黃色。茶湯入口醇厚順滑，帶有濃郁的花果香氣，微甜微苦，回味生津。💕御露紅茶茶葉的色澤呈紅褐色，香氣濃郁。茶湯呈深紅色，口感醇厚，帶有淡淡的蜜香味道，微苦微甜，回味悠長