茶木‧台式休閒餐廳 (東薈城名店倉)

营业中

休息中

突然好想食台菜於是黎到東薈城G樓既茶木懷舊一番以前中學時代，小妹放學後間中會到茶木食tea，黎到見到唔同款式可頌同經典茶葉，昔日回憶馬上湧現餐廳已應用手機QR code menu 落單，方便又快捷我同朋友就揀左$258二人晚餐，包含左台風小食、主食、跟餐飲品各2款，另外+$15可以追加甜品一款🔹️小食 金黃鹽穌雞 ＆ 紅油抄手（各半份）小食黎講不得讚鹽穌雞保持到水準，香脆內嫩；紅油抄手食落唔會好辣，少少麻主食一 台式麻辣半筋半肉手工拌麵茶木必食一定係手工拌麵，麵質Q彈索味，半筋半肉用既里肌邊肉，肉質比較細緻易咬，老人細路都食到🌷主食二 烏魚子元貝手作麵小妹至愛既主食，材料相當豐富，除左主角兩粒大元貝，仲有紅腰豆、毛豆仁、香菇、車厘茄等健康食材，配埋茶木秘製醬汁撈埋食，多重口感，味道好，推薦比各位靚女飲品 熱黑糖薑茶：薑味唔太辣四色啵啵花生豆乳：上層有4色芋圓，好QQ,以花生豆奶做基底，花生味香濃，飲得又食得甜品雜莓吉士可頌窩夫：雜莓有raspberry +藍莓，吉士醬好香，夾上熱烘烘可頌窩夫，香甜鬆軟四色啵啵花生芋泥芋圓仙草 （二人份量)：估唔到2人size都幾大份自家制芋泥球相當軟糯,

外賣晚餐蚵仔肉碎泡飯, 加送一張print out 單..... 咁仲食唔食好？呢度曾經有好親切嘅員工, 不錯嘅食物質素, 近年每下愈況, 而家連基本嘅食物衛生都守唔住, 又一間食肆唔會再幫襯。

喜愛台灣美食，雖然多分店但間中都想食茶木。坐得又比較舒服。Teawood 紅燒牛肉麵。湯底好濃不辣。牛𦟌好腍兼入味,蘿蔔同樣腍入味。白蘿蔔更甜。台灣麵條正常彈牙唔糊口。台式鹵水拼盤。流心蛋正。鹵水豆腐，牛肚，雞翼，豬腩肉，牛𦟌都好入味。有種甘香仲慢慢渗出嚟。份量十足。一流小食。配地瓜米粉好食。 金黃鹽酥雞，有加入九層塔一起炸，帶有特殊的香氣。好鬆脆。炸粉夠脆,醃味夠,雞肉好食。櫻花蝦魚湯浸娃娃菜，菜好甜，因為魚湯甜。帶有櫻花蝦香。跟餐點了黑糖薑母茶。好濃薑味。暖暖胃。每點一份餐可加$9加配黑糖小芋圓奶茶。有台茶的香氣。芋圓唔硬，煙韌有咬口。又抵飲。

東涌的茶木已經存在好多年，有時經開時間啱，一定會去食番個下午茶😄今日叫左個$38的茶餐，有紫菜餃子湯米、流心蛋、凍芋味芋泥芋圓奶茶加$8、加左半粉鹽酥雞$24。湯米有兩粒餃子，味道清香👍流心蛋係室溫，可以接受。凍飲好足料，有濃濃的芋味，芋圓又軟又有煙韌口感👏🏾鹽酥雞份量足，外皮好脆，只欠少少鹽酥味，但內𥚃的雞肉有點乾，真可惜！埋單連加一$77好抵食

幾年前食過鹽酥雞扒肉燥飯，雞扒紙咁薄，發誓以後唔再食。幾年後心軟又再去試，點知塊鹽酥雞扒竟然可以維持到一樣咁薄，雞皮同炸漿仲厚過雞肉。 大家如果鍾意食鹽酥雞皮真係要去試吓真係唔明80幾蚊個飯，用塊正常嘅急凍雞扒嚟炸真係咁難咩？個肉燥味道係正常嘅，但係份量出奇地少，只有一隻醬油碟嘅份量塊雞扒有幾離譜大家睇相就知💁🏻‍♀️ 食食吓真係唔忿氣要影低比大家睇舊舊都係咁！個男侍應態度又惡劣，客人問下問題都唔得咁真係永遠都唔會再幫襯！

一落機返到嚟香港去咗東薈城「茶木」醫肚仔 ✨烏魚子元貝手作麵選用臺灣直送烏魚子 配以鮮甜元貝 手作麵彈牙有嚼勁加配黑麻油雞翅 滷得入味🐽茶香三文魚湯漬飯選用台灣有機高山茶葉及上湯熬製成茶湯🥣自行斟入茶 先喝一口 茶香噗鼻😮‍💨再加入不同配料 味道更潻層次❤️✨溏心蛋金黃色蛋汁 黏滑口感 簡單好味😋✨圓滾滾芋泥球新鮮芋頭加以鹹蛋黃及肉鬆製作 炸得外脆內軟 芋泥口感綿密細膩 食落好滋味🥰✨鳳梨水果茶茉莉綠茶底 茶味香濃而不澀 加入鳳梨與多款水果 健康好味❣️

今日去咗呢間茶木，叫咗兩個餐。其中一個餐叫盬酥雞肉燥飯加柚子蜜茶少冰，同埋一碗餃子麵。個餐到咗，雞扒真係好薄，嚴格來講係一塊正常雞扒一開2。柚子蜜茶少冰變咗少甜，我睇返張單，我冇落錯單。啲柚子蜜好少好少，得好少柚子蜜味，杯嘢只可以叫做柚子茶水。埋單時向收銀反映（佢同時亦都係做茶水嗰個），佢完全冇乜反應，個口up咗幾個字就算。食物同埋呢個職員嘅態度都係令我唔會反轉頭嘅原因。雖然依家經濟唔係特別好，但呢間嘢嘅經營手法要咁樣賺到盡而完全唔理食客，我好希望呢間舖快啲執笠。

晏就經過東涌 咁就見人少少就去左茶木大概等咗5分鐘左右就有位三文魚茶漬飯❤️❤️❤️三文魚茶漬飯伴隨一碟木魚，蝦米乾同埋一粒粒嘅米通係俾你撈埋喺啲飯度之後再加茶一齊食味道整齊清淡 健康之選👍🏻木魚味比較出 鍾意食木魚嘅人就啱晒🫶🏻三文魚方面，煎得幾香，一啲都唔油膩好啱追求健康嘅朋友木柵鐵觀音奶茶加芋圓🧋❤️❤️❤️❤️❤️❤️杯珍珠奶茶超有驚喜鐵觀音茶底好香 一飲落口就充滿濃濃嘅茶香味而且芋圓好煙靭，好好咬口，一粒都唔想放過😋大家下次不妨試吓加芋圓🍡

同小朋友嚟呢邊玩，玩到攰就搵嘢食，最後揀咗呢度。貪佢有下午茶同埋唔係好多人唔使等位。因為我太太太想飲芒果嘢，就加錢叫咗呢杯芒果奶蓋冰，飲品仲跟埋塊新鮮芒果肉，不過咬咗啖我就無食，酸酸地😂但杯嘢真係好好飲，好芒果又透心涼，好快俾我飲晒。台式肉鬆起司香蔥蛋餅因為好多下午茶餐都無晒，所以除咗叫個飯，小食就叫咗佢，無咩特別，就係台式蛋餅囉😂不過不失。自家製台式烤香腸肉燥飯因為我太餓，一定要食飯😂愈無益嘅食物確實係愈好食，香腸好香口，送飯真係一流。反而肉燥好少同冇乜肉，好似得個芡咁，呢個就麻麻哋。整體其實唔錯，會再去。

嚟到東涌突然想食台灣嘢🤓之前都試過幾間不過最好味👍🏼都係茶木我覺得台式味較其他店舖正宗😍每次去親茶木都一定食紅燒牛肉麵牛肉每一次都好腍同埋好鍾意佢哋嘅麵質地食落去煙煙韌韌🫶🏻🫶🏻今次飲咗個鐵觀音奶茶加仙草又幾好味wo⋯😍👏🏻👏🏻👏🏻👏🏻

今日一於嚟到茶木，心思思想試下佢哋啲新嘢。開餐就點咗茶香三文魚湯漬飯，三文魚係滑到不得了，湯漬飯又有一種暖笠笠感覺，真係好過癮🍲。墨魚鮮蝦茶香黎麥飯嘅點睛之筆係個茶香，鮮味從頭嗌到尾。煙肉香姑忌廉意粉呢盤，肉香與忌廉嘅結合，啖啖都靚味到彈！想轉個口味，就叫咗士多啤梨雪糕吐司，層層疊起嚟，啲士多啤梨同雪糕真係多到流晒出嚟，甜而不膩🍓。行完東涌，食咗呢餐，真係大滿足。茶木嘅菜式選擇多，而且裝修企理，食嘢環境舒服，仲有啲飲品配搭得宜，下次唔試下啲其他嘢都對不住自己！朋友，下次東涌玩完，記得過嚟溫飽一頓啊！😋👍

係東涌行左陣見肚餓就去搵野食，茶木好耐未食過，所以入左去食兩個人叫左啲小食，飯麵同甜品櫻花蝦花枝餅味道一般，蝦滑味唔太突出，但口感唔錯，都幾大件台式滷味拼盤有牛肚，牛𦟌，豬腩肉，滷豆腐，雞翼牛肚口感唔錯，唔韌，有少少羶味，不過可接受牛𦟌入味易入口，都幾厚身大塊紅燒牛肉麵一向係招牌菜嘅牛肉麵都保持到水準，牛腩入味軟身，大大件麵條口感唔錯，唔會太淋香煎沙朗肉燥飯沙朗有少少韌，但味道足夠，送飯一流肉燥叫左另上，食果時先加落飯到唔會太鹹木柵鐵觀音奶茶（走甜）+仙草凍 愛玉鐵觀音奶茶叫左去甜，飲得到茶底好香濃，口感幼滑。仙草同愛玉份量都好多，整體清新順口奶茶雪糕拼草莓窩夫似係牛角包嘅窩夫，好酥脆，食果時仲暖奶茶味雪糕唔算好濃，唔會搶左窩夫嘅味唔膩

真係好耐無食茶木 好掛住佢個紅燒牛肉麵可以算係香港食過最有水準嘅牛肉麵個湯都好好飲 麵條Q彈而且帶有韌性個紅燒牛肉有點不一 有些很嫩 有些偏硬 但還是很入味ok嘅😋·草莓香草磚塊蜜糖吐司 這個好像沒有以前好食 感覺欠了些什麼蜜糖吐司甜甜的味道 上面個無花果想點？士多啤梨可以多D嘅話 成件事會開心D

兩公婆同埋BB嚟outlet shopping，行到攰決定叉叉電。見到地方夠大放埋BB車都可以坐得好舒服就決定入去食個early dinner🤣第一樣唔使諗一定會食既就係牛肉麵！！不過就諗咗一陣間湯定路。最後揀咗撈麵，因為比較少見有得食撈麵。✅台式麻辣半筋半肉撈手工拌麵牛肉軟淋淋，入口即溶，牛筋係爽口既骨膠源，大大舊好滿足，手工拌麵係粗麵！彈牙又掛汁！麻辣比較偏麻～。小食係鴨血同素鴨卷，鴨血係實實有口感唔係一夾就散！份量一個人食都好飽！✅茶香三文魚湯漬飯見介紹係台灣有機高山茶葉加高湯製成嘅茶湯配料有三款，有蝦乾仔，木魚同埋炸米！我自己就好鍾意陪查咪因為佢不薄味道唔係好濃唔會搶過咗茶湯味！另外兩款小食落咗落去成個湯都有少少唔同咗味係另一種食法！至於三文魚啖啖肉！！有陣時好怕啲熟三文魚煮得太耐好碎好嚡！哩個恰到好處♥️另外完全冇骨食得好方便！不過我見Menu上面有講叫小心有魚骨可能真係有一啲會有～✅台式滷味拼盤小食有雞翼，豆腐，豬腩片，牛展，牛肚，糖心蛋！全部都滷到好入味特別係豆腐索晒所有汁超精華！兩個人份量啱啱好每樣試到啲！✅四色啵啵黑芝麻芋泥芋圓仙草凍一個仙草凍有勁多配料！滿足晒所有願望

午餐紅燒牛肉新竹米粉$90牛肉味道濃郁，冧滑有口感，湯底牛肉味重，湯頭清甜，配上台灣的新竹米粉吸收湯底精華，蘿蔔清甜，多汁，簡直絕配！加$24有兩隻雞翼，雞翼也不錯，入口肉質嫩滑，醬汁入味，熱辣辣很好味。 加$24 黃金鹽酥雞（半份）表面加了鹹蛋黃去炸，入口有很濃的蛋黃香，表層卜卜脆入口鬆化，內裏嫩滑，越食越香口，正！香煎沙朗肉燥飯，這個肉燥飯是選用牛肉的，並不是豬肉，入口香濃的醬汁和牛肉碎，加上白飯一齊食，地道的台灣風味。加$24 蒜香麻辣豬耳朵，入口軟熟豬耳朵卜卜脆，麻辣香口，有口感，辣得來很好味。加$24 櫻花蝦魚湯浸娃娃菜，這個娃娃菜湯底清甜，他選用鮮魚清湯，加上櫻花蝦的鹹香味道，突出了娃娃菜的鮮甜，好味道。冰淇淋拼芒果吉士可頌窩夫，我很喜歡吃即叫即做窩夫熱辣辣，配上吉士醬絕配，加上忌廉碎曲奇雪糕，非常邪惡，😋