茶木‧台式休閒餐廳 (V Walk)

营业中

休息中

拌麵推介又去茶木食lunch，因為鍾意食佢嘅鴨血同埋拌麵，一直都是開松露塔塔醬雞絲拌麵，今次改為試佢嘅台式麻辣拌根本牛肉拌麵配菜同另一款餐一樣，都會有鴨血及素鴨各一，拌麵亦係同樣，再配上半隻半流心蛋主食既半筋半牛肉，麻辣程度一般，似十小辣等級。可惜牛肉全為肥牛，可能與期望有少少落差，以為係牛肉。另外大概有三舊牛筋，份量都算夠今次餐飲揀左紅豆薏仁水，感覺有驚喜，除了材料足，有大量紅豆外，更飲到一絲絲薑味，夏天飲非常好👍，值得一試

好耐冇食過茶木啦，以前仲記得茶木啱啱嚟香港嘅時候真係好多人成日都排隊走去食嘢！今次咁岩經過又好想食，所以就走咗入去啦！叫咗一個紅燒牛肉湯麵，另外仲有一個鹽酥炸雞！牛肉湯麵真係好香，呢一度嘅湯麵份量好多，而且面嘅質地亦都好有口感！紅燒牛肉就好好食，好林！

lunch推介難得可以平日食到lunch，點都要食餐牌上嘅lunch Menu，價錢相比晚市就會平好多今次揀咗松露塔塔雞絲拌麵，個餐嘅特點係有微辣鴨血，所以其實人人都啱食，另外亦有個腐皮。至於松露塔塔雞絲，其實係指一啲沙律汁撈雞絲，入邊亦有花生和芫荽，感覺上比較似食沙律，非常開胃。主食嘅拌麵好有口感，加上醬汁，麵身亦可以掛到汁，再加上半隻糖心蛋，整體都非常豐富。食set既好處係可以配一杯飲品，熱飲唔使加錢，所以揀咗黑糖薑母茶，食完成個餐全身暖笠笠，一定會再encore

又去咗茶木~其實主要係食佢個特價麵包磚😁今次發現冇咗芒果味！得返士多啤梨同埋朱古力味😥雖然佢做緊特價，麵包磚嘅份量都係同以前差唔多🤣然後我哋另外叫多咗個主食， 紅燒豬軟骨麵，其實就係豬軟骨+平時嘅台灣麵，佢個湯底應該有牛肉做嘅~ 所以如果唔食牛嘅人要注意啦😄然後我哋發現有一欄係加肉燥同埋白飯，白飯同肉燥一共係分別加10蚊同埋12蚊~我就試下各加一份睇下會唔會出到單🥰發現出到喎~飯都幾大碗，都夠曬你食㗎喇😁結果我哋就係180幾蚊可以出返去🤣都總算食飽咗🤭🤭🤭

【Teawood紅燒牛肉麵】$79好食的牛肉麵，牛肉夠腍，湯底夠濃，𣎴錯的午餐。【台式麻辣半筋半牛肉手工拌麵】$68麻辣撈麵好惹味，仲有半隻糖心蛋！！！！😋😋鴨血好食， 唔會太騷， 腐皮好脆！但唔吸味，所以普通。左邊果碗係牛，有肥牛同牛筋！不算超級辣，但勝在夠香😋😋【草莓沙冰】+$15沙冰普通，唔知點解放一陣，會分離左d水出黎，但要攪勻就無事，最有趣係杯沙冰會有枝可飲用的飲管，係士多啤梨味架🤣【瀑布珍珠鮮奶】+$14黑糖鮮奶味可以，但珍珠無味，所以麻麻地 😜😜回頭率：🐒🐒🐒🐒（max 5）抵食指數：🌕🌕🌕🌖🌑

冇錯，又去茶木！但係以往茶木比我嘅印象都係偏貴，因為裝修靚坐得舒服嘢食又OK。琴日我嗌左佢哋個晚市套餐，但係唔要套餐😂😂松露塔塔醬雞絲 $69呢個餐已經有一碗自家製椒麻拌麵（其實唔好辣，只係有輕微輕微嘅麻，我個五歲仔都食到兩條麵，你就真係唔辣），仲有一件鴨血同素鵝。加埋餐就唔抵啦，加$38有一杯嘢飲同一個小甜品。我覺得唔值所以冇嗌。在幫仔仔嗌咗一個兒童飛機餐$68，佢個名叫做興奮沖天飛！呢個餐就好食啦！小朋友冇可能唔鍾意！兩粒魚蛋，幾條番薯薯條，台式腸仔，超級好味！而家多士佢哋做緊優惠！$68有得食佢哋好出名嘅草莓香草蜜糖磚塊，原價$83 㗎！係有啲眼闊肚窄嘅，但係咁平冇可能唔嗌囉！

好食的鹽酥雞麵鹽酥雞大細剛好一啖一口，炸到脆卜卜又不會柴乾咁，非常香口好食。粗麵加上濃湯真係一碗唔夠食，如果可以多啲麵就好喇😝蚵仔煎配上辣醬味道剛好，不知是否煎過的關係，蚵仔腥味不太重🤔。反而個蚵仔麵線就較為遜色，蚵仔食落好腥，麵線分量亦較少，芡汁亦稀咗啲，似細碗版嘅蚵仔湯麵多啲。這個砵砵車是兒童餐，不是下午茶餐。肉醬意粉食得多，肉醬麵又ok喎。仲配埋雞翼、炸蕃薯條、炸花枝丸同埋水果，小朋友一定夠食仲非常飽添呀。

平時好少約朋友去南昌站食飯，始終東涌線唔係個個順路，但今晚同住青衣嘅舊同事食飯所以可以擇v walk✌🏻對比其他分店，南昌分店明顯比較細間，不過環境OK坐得舒服，我哋坐到窗邊位仲可以望到街景！台式拌麵、湯麵、飯類價錢都唔算太貴 ，飲品除咗台式奶茶之外，仲有一啲特式飲品，好似花茶、水果茶、沙冰、咖啡等等⋯ 「310溏心蛋肉燥飯」😋肉燥醬香濃，肥瘦適中，溏心蛋未去到流心效果，但食落口感軟滑，所有野夾埋超好撈飯！胚芽奶茶最底層有黑糖，飲落唔甜，最鐘意每一啖都有粒粒胚芽口感，如果胚芽再多啲就更好😛

未行過南昌站V Walk商場，就係西鐵站一行去出口就到，真係好方便。好耐冇食茶木，所以就決定去食下，平日夜晚都有晚餐set。入面裝修得幾靚，商場人流都多所以要等位，入到去安排左個窗邊位，最中意坐窗邊卡位，兩個人坐幾闊落。晚餐set叫左個滷水拼盤，款式夠多但個滷水汁就明顯唔夠，而且加上配飯就覺得好乾爭爭。飲品方面就揀左黑糖薑母茶，個薑茶我個人覺得唔太夠薑味。甜品揀左豆花仙草，賣相都唔差。追加左黃金鹽酥雞就正常水準，不過不失夠酥脆又唔會太多炸粉。另外再追加左碟白灼時蔬得幾條個人覺得唔太值。唔想食set就單點左個酥炸排骨肉燥飯，份量都幾大，所以食唔唒。不過今次因為太飽就冇叫到多士，見到做緊特價好吸引，下次再試。豆花仙草酥炸排骨肉燥飯台式滷味拼盤白灼時蔬

今晚又係同細妹撐枱腳嘅日子，我哋揀咗食台灣野，阿妹今日介紹咗我飲一杯黑糖珍珠奶茶，的確比一般係街邊飲嘅好好味，奶茶好滑，珍珠柔軟又淋好煙韌之後仲要整多碗鹽酥炸雞扒面，雞扒分量十足，面嘅湯底都好濃郁其實食完都好飽，但係最後都叫多咗個滷水拼盤，拼盤好入味，最鍾意食佢個滷水雞翼同埋滷水牛展，好入味，呢間又唔需要排隊，服務員態度好好，呢間啲嘢食又上得快，成個用餐過程又乾淨衛生，唔錯唔錯，餐廳亦都做足防疫措施，食得開心又放心

以前講起茶木，就會諗起大大件麵包多士甜品，疫情期間又推出外賣自取優惠，於是就試下。嗌咗個豬手和炸雞扒肉燥飯，肉燥份量唔錯 ，有少少油膩，不過這就是台灣肉燥的重點嘛。豬手有點硬身，可能外賣擺耐左嘅關係啦，炸雞扒份量算可以接受，總括來說食物質素喺合格有餘嘅

茶木近来一直推陈出新今天来试试茶木的一人火锅。沙茶味牛肉锅，汤底不错，很有沙茶味道，肉配菜都种类齐全，加15可以有个米饭饮料套餐。今天还试了个莲蓬鱿鱼圈，莲蓬菜偏粗，鱿鱼圈倒是挺嫩的，加上罗勒和豆豉去炒，味道还不错。甜点么，选了个冰火两重天。热热的凤梨酥和冰冰的蜂蜜西多士一直是茶木的经典，今天再次回味。需要吐槽一下的是她的服务，严重人手不够。

平時食開牛肉麵或者飯都正正常常，見有火鍋諗住試下，點知出晒事，仲俾老婆話人哋都唔係做開火鍋你都點，唉，佢又無鬧錯，一黎到個鍋細細個，果堆菜、菇、瓜，我都唔知點放落去，主題牛肉得三塊，仲要係牛肉飯果隻牛肉，放左落去散晒揾唔番，最出事係個湯，沙茶湯完全無味，結果啲菜就有菜腥味，牛肉同牛丸就有雪味，唯有叫侍應攞豉油，點知佢哋話無豉油提供，唉！跟住果個鍋仔，滾兩滾無水，我問可唔可以加湯，佢哋話無湯，咁我話乾水點算，佢話可以加滾水，咁焗加啦，唔通乾炒咩，反正個湯都無味。下次去都係食番平時啲飯麵算！

晚餐來到V Walk尋找吃的。遠遠看到茶木，趁人潮還不多趕緊入座點餐。晚市的套餐大致上是一些台式快炒，加30有主食甜品跟飲品。主餐牌選擇滿多的，也可以再升級飲品或加小食。沙茶玉藕帶骨牛小排一端上桌香氣撲鼻，沙茶味道好濃郁。牛小排非常有咬勁，帶骨的肉吃起來非常下飯。古早味三杯鮮雞三杯雞用的是加熱中的瓷碗盛裝，味道很香很下飯。可惜雞肉偏硬且肉較少，薑放得有點太多。整體而言，食物味道很不錯，份量適中價位合理。

【食物】1. 燒乳鴿先說說他們的一個優惠推介就是乳鴿買一送一$58有兩隻, 這兩個乳鴿雖然不大隻但是燒得很脆口， 話明是優惠當然是要買咗其他嘢食先可以幫襯呢一個優惠。2. 台式滷味拼盤聲稱是台式食物但相信他們有調節過而配合香港人的飲食習慣和口味，感覺上同廣東省嘅滷味食物有點相似；雖然好食但份量很少，$75呢個價錢如果系出邊應該可以食得比較豐富嘅滷味拼盤。所以好味但卻不推介3. 跟餐甜品Ok  ,  涼涼地夏天食一流.    雖然是甜品但他不算太甜，所以感覺上還算健康。豆腐花很滑， 丸子也很彈牙。4. 芋艿燉無骨牛腩想講白飯很好吃！用的是珍珠米， 粒粒分明， 有口感。 似是去日本當地餐廳食的白飯， 完全不是hea底。牛腩就正常， 食完沒有難忘的感覺。 芋頭都幾粉， 雖然同牛腩一齊煮， 但不會吸太多油。5. 糖心蛋 跟餐【價錢】由於佢的份量不算多，如果一男一女食， 要夠飽的話，套餐之外還要另外加一些小食才夠飽， 埋單270幾蚊兩位 以普通一餐晚飯黎講其實都不化算。念環境坐得舒適位置夠大，感覺上也很乾淨， 所以整體OK。