茶果財

营业中

休息中

與朋友去大澳遊逛，早已搜集資料，知道這裡的茶果和糯米糍好味，於是臨走時買了幾個。花生糯米糍($4)：外皮軟靭適中。花生、椰絲和砂糖的餡料，十分飽滿，香甜而不膩。十分好味！紅豆糯米糍($4)：外皮軟靭適中。豆沙餡同樣是十分飽滿，甜度適中，甜而不膩。十分好味！眉豆茶果($4)：外皮軟靭及黏度適中。眉豆餡帶少許鹹味，很香，十分飽滿。好味！花生茶果($4)：外皮軟靭及黏度適中。與花生糯米糍的餡一樣。也是十分飽滿而且香甜美味。但與眉豆比較，似乎眉豆與茶果比較「夾」，花生餡好像差少許。不過也是十分好吃。四款茶果及糯米糍的餡料都超多，非常飽滿；餡和皮都非常好味。是我吃過的茶果和糯米糍中最好味又最足料的。價錢不貴，老闆又友善。希望這小店繼續經營下去，將來有幸再來大澳，一定要再光顧。

第一次到大澳 出發前少不了的就是openrice一下發掘一下有乜野去大澳係必食!今日天氣熱到不得了剛落車不到一分鐘 流汗流到傻-_-加上唔識路 左問右問 最後搵到茶果財喇!!即刻開心返哂 實不相瞞 我還是頭一次吃茶果茶果是什麼也不知道 只知有甜和咸兩種口味友人推介天口熱 咸的會比較易入口於是即刻試一個咸的! $4一個 價錢唔貴重點係拎上手勁熱辣辣 極新鮮咬落第一啖餡料就立即出現!!認真皮薄餡多 糯米皮除了好薄仲好軟綿綿餡料則有好香的眉豆,花生粒同五香粉(伯伯話我知既!)食完一個茶果會夠喉嗎?本想買一個紅豆口味糯米糍 但最後一個剛比一個叔叔買左於是買了一個花生糯米糍$4我可以話呢個花生糯米糍係我食過最好食大粒皮薄不特止 仲要完全唔痴牙花生碎,糖撈埋作餡 口感一流不過食到無哂儀態 唇上痴滿粉外面熱辣辣 伯伯提議我地可以係佢屋下慢慢食聽友人講 伯伯會係假日煲糖人派街坊 為人降溫!我地一路食又一路同伯伯傾計佢話佢係第三代做茶果 要用心做既茶果 就會好好食所以佢每日八點訓 零晨4:00就會起身開始做茶果如此有人情味的小食店真係好值得去試下!我地走時 伯伯拎出一大盤糯米糕同紅豆開始包紅豆味糯米糍l

黎到大澳，一心想食茶果，行到石仔埗街，見到有間賣茶果既檔仔，即刻買左個咸茶果食！一拎上手，好熱辣辣，好軟綿綿！一食，個皮好軟好薄，第一啖已經見到餡！之後啖啖都係餡同埋好薄好黏既皮，d餡係好粉既眉豆同花生，仲有淡淡既五香粉味。不過我略厭d餡可以咸d，佢個味帶點甜味(個人口味問題)。但我都覺得哩個咸果已經係99%無懈可擊，食完第二日仲好掛住佢><之後食左隱姑既咸茶果，果個d皮厚d，細個d，d餡就不相伯仲，我都係中意茶果財多d！

一落車就行入去買茶果食~好多人係到買緊茶果..佢地係旅行團個d我同個伯伯講話要3個鹹1個甜佢都諗住拎比我,但有個女人行過黎話要10個糯米糍佢就無視左我唯有等佢拎埋比個女人再同佢講多次終於買到喇~新鮮熱辣(y)茶果皮薄多餡~幾好味鹹茶果係眉豆餡~吾錯甜就好似係花生,不過我冇食到

好多年前去過大澳, 食過財記d 茶果.前幾日同媽咪入去大澳, d 皮又薄又軟熟, 熱辣辣好正啊 第二日係清明節, 我諗因為做節ge 關係所以係紅色掛?? 哈哈我不知道啊 Anyway, 入去大澳一定要食財記的茶果呀

百忙中都得抽空讓自已reboot一下嘛~~平平無奇的周四~無所事事~~在家看一下往大澳的船期後~拿起相機就出發了~一於獨自在大澳過悠閒的半天~下船還是一如以往向財叔的小屋進發~過橋後向左行~消防局前就是了~~平日的正午~大澳沒有太多本地團~沒有太多家庭樂~~只有少數遊客和行山者~換來的一隻又一隻的小貓咪~~~$4仍然是抵上加抵的價錢~作為支持老人家的手作功夫~即使有天質素不變但加到$6~也覺得合理~~花生糯米慈[$4] : 吃了多年~質素偶有失準但仍然上佳~如伯伯所說~要以陰力才可慢慢在手中展開糯米皮才可均勻地薄~~~平時自已在家包~總是戰戰兢兢的把一匙餡放在中心就立刻以最快速度將四角黏在一起~又鬆一口氣~~~但伯伯是可以不停在粉池中上粉~包~上粉~包~~親眼近距離看了幾次都學不曉~~伯伯笑說~經驗之談~花生炒得香脆微焦~壓碎後拌入椰絲砂糖等成餡料~~甜度適中~有微焦的濃濃花生味作平衡~~~另外也有豆沙餡~~與伯伯談起來~豆沙餡料不同其他餡~多年來都有一個不變的配方~真材實料~~每每有傳媒想訪問~有人想作經銷商~紛紛被拒於門外~~最怕出名後維持不了水準~~”人老了~搞咁多做乜?” 我欣

we visit tai-o for this peanut mochi and it didnt disappointed me!花生茶果its a good try. warm and the mochi is chewy and the peanuts filling is not so sweet.peanuts mochiits incredible!!!!!!!!!!! it is stuffed with filling, the filling is not sweet but very crunchy!!!in stead of peanuts, the filling mixed with shredded coconut. the mochi is soft and chewy, even better than 茶果;]should really visit tai-o if you like chewy stuffed mochi!

去大澳食茶果財茶果, 味道果然同傳聞一樣: YUMMY !甜的真的好好味, 不舔牙時又不油膩 ! 多吃也可 !最緊要個主人翁待客友善, 結果我和朋友都決定買茶果俾屋企人試試 !ps: 其時見到師傅整茶果, 仲好似 滿腹歷史, 與人分享, 講得 頗然生動, 令我回想起我的歷史課 ....

星期日去~~ 搵左好耐大約已經5點幾個陣啦~終於搵到茶果啦 5點幾個陣成張台只係得返幾個咋 !!我就買左每樣一個 , 每個4蚊 ! ( 抵 !!)因為我太飽既關係~我只係食左個茶果~暖暖地~~ D皮軟綿綿,好新鮮好好食丫 餡好多..同埋唔似出面一般食開個D, 呢度既茶果冇咁咸~~味道岩岩好 ~~ ( 但可能對於一D平時食慣比較咸野既人就可能唔夠味~)而我男朋友就食左花生糯米糍 , 我拎上手個陣都感覺到D皮好軟綿綿,一定好正 ;P

偶有失手?? 財伯伯的糯米慈在小比心目中的起位無可取代~第一次吃的時候向伯伯偷師~當然不果~因為確實神乎奇技~一向只會怕糯米糰沾粉後失去黏性~伯伯卻能在粉中不停包餡~平時人家小心翼翼放餡在中心再將四周包上~但伯伯竟然在糕粉中包不特止~還要不停撥入花生芝麻餡~有三四次之多~~看得小比呆若木雞現在每次來大澳一落船第一站~都會先來探訪伯伯們~吃個糯米慈~喝碗桑寄生~好吃的東西帶不走~為免失真~每次都只會堂吃~並不是自私不與家人朋友分享呢~~~這次放入口中的一件似乎厚了一點~~話無失望就假了吧~~但依然黏黏軟軟的~沒有退步~~餡料依舊是飽滿的椰絲花生芝麻白糖~~見大比手中的一件並無厚薄不均一的情況~~只好說是自已的一件偶有失手而非偷工減料~~我相信伯伯的用心~畢竟每件都是人手製作~又怎會一式一樣呢~rite?桑寄生只在weekend免費供應~條件是自己洗碗~~有好些人會覺不衛生~所以不試~~但其實清甜的桑寄生非常足料~愛吃雞蛋的話~不妨不一兩隻來吃~~以伯伯的糯米慈作為每次大澳之行的首站~絕對是一個美好的開始

男友這天放假陪我，晚上要跟我家人吃飯，早上這段空檔見無聊就到大澳去，先到屯門叫我的爛訓男友起床，然後到屯門碼頭乘船去還未吃早餐，因此到大澳後第一時間來找茶果財！門面完全不像賣茶果，若不是伯伯開聲，我們極有可能走過頭了買了一個花生茶果，一個花生糯米糍和豆沙糯米糍，坐在街坊們搬出來的椅子上開餐花生茶果 : 茶果皮不黏膠袋！暖暖的，用料十足，絕無欺場五香粉味很香，男友非常Impressed花生糯米糍 : 皮較茶果厚但餡料同樣「迫爆」！椰絲與花生的配搭不錯，但男友較喜歡咸的茶果，我也是豆沙糯米糍 : 三款中較不推薦的，皮最厚，餡料亦不多，但勝在豆沙不太甜茶果伯伯邊工作亦會邊不斷走出來跟街坊婆婆「話當年」，性格很可愛，很有趣

我們兵分兩路, 一面排雞蛋仔, 我和老媽就出發去買茶果。初時我們都不知道這邊原來有茶果賣的, 但聽見路人的對話後, 也跟著人潮一道去了。果然, 簡陋的鐵皮攤子外, 此時已堆滿人了。買東西分兩條隊, 家裡人不喜好糯米糍, 所以大把人排都沒買了。反而排另一邊, 掃了最後 5 隻茶果 ($4@)。 茶果是眉豆和花生餡的, 熱辣辣即食就最好。盛茶果的膠袋沾了油, 而且糯米皮比較黏, 吃得有點狼狽, 不過都不緊要啦, 因為好吃嘛。餡料是粗粒眉豆和花生碎, 有嚼頭, 又有濃烈的五香粉的味道。不過吃完一隻都頗滯的。(未吃過永安街上隱姑的出品, 下次有機會再來大澳的話也去吃一吃, 跟這邊的比較一下。)

眉豆茶果暖暖的,皮做得好軟熟,眉豆餡好多,好香五香粉味!花生糯米滋攞上手十分之軟綿綿,層皮好薄,勁多花生椰絲餡~比例一份皮,九份餡~真係無得頂呀!必食推介!我地一口氣買左12個返屋企做手信呢~

這間店行呀行，行過左都唔知添！因為無門牌。同麻我早入去，當時都仲未有人圍住間店！睇完景點出返黎，先知原來自己差D走寶。幾驚佢買晒呀！即場食左2個糯米糍，花生及紅豆各一！真係皮唔厚，花生超多，真係唔可以睇少！見到D遊客一合合買走，勁呀，人流一D都無減。我老公就食左個紅豆，佢好鐘意個味道！食飽飽，外買左5個回家同家人分享！5個都非常之平，$3.5一個！抵食又好食。GOOD

別看小一件小小的糯米糍..它的吸引力可能遠超於你所想~~說的是大澳伯伯的無敵花生糯米糍~雖然茶果也是招牌作~人家畢竟也是叫茶果財~但絕對絕對不能錯過茶果以外的東西~~這件糯米糍足以把小比老早特地搭船來吃上兩三個之後搭船回家~~~憶起第一次來的小趣事~自已也回心微笑~從此就與伯伯們結緣說要吃軟熟黏黏的糯米糰子已經數個星期~~這天拋下書本的包袱~毅然大膽地出走半天~在周末的大清早就起床來~希望大比會帶我一起前往~~最後當然是音波功獲勝~周日的正午果真熱鬧~一落船第一時間就搶在其他人慢慢走的時候先衝來伯伯這裡~先來兩個!!因為要應付大量的周日客~除了茶果不斷搓搓蒸蒸以外~糯米糍都已包好數大盤了~~先吃一口!是不是因為冬天較乾而且包好了一段時間?糯米皮好像比從前吃到較為難拉長~黏力沒那麼強~~不過當然仍然值85分!!伯伯曾謂包糯米糍必要用暗力~這樣就不怕會包唔埋口~~外邊的舖多數都少餡~因為怕裂開~但伯伯是在糯粉堆中包合的~而且掃餡料都掃上三四趟~絕對做到9:1比的薄皮爆餡效果~小妹甘拜下風~找了數年..始終坊間比得上伯伯的…沒有…..但沒有郊遊的日子..民豐的可算是僅僅替代得到粗粒碎粒花生加