茶泰 (健威坊)

营业中

休息中

Lunch time常常見到大排長龍，所以要來會一會。試左佢的葱油雞肶飯，雞肶幾大隻，新鮮炸的金黃，外脆內軟，加埋葱油汁，超正配搭非常香口，雖然普通但絕不簡單，套餐加埋凍檸檬茶，都係$58蚊，佢d檸檬茶是沒有檸檬的，不用自己篤，咁哂懶人的我，低食的一餐，唔怪得咁多人幫親，下次再試其他菜式。

咁啱黎開北角午餐入左呢間泰國餐廳估唔到又幾好食生牛肉扎肉船河 $59生牛肉正正常常但係扎肉真係好好食出邊啲扎肉通常都係比較鞋身呢一間個扎肉入邊係有粒粒豬耳😍一邊食落去爽滑彈牙 好有口感不過個湯底就略嫌比較甜我本人鍾意鹹嘅湯底多啲🤣

話說老公每朝都會經常都經過呢間餐廳，但係都冇從未試過，今日經過決定試試佢，我哋去到係下午茶時段，叫咗個輕量牛肉船河、泰式臘腸炒飯仲有酸辣鳳爪，炒飯炒得好香好好味，船河湯底超濃超好味，全部都好好食，會再幫襯！

當日我叫咗一杯奶茶同埋同肉碎飯，見佢門口裝修同埋排版得幾靚嘅餐牌，以為入邊真平時食嘅泰式餐廳咁，點知啲食物嚟到我就覺得完全唔掂，奶茶首先係普通港式茶餐廳嘢，冇奶味冇茶味，好似一杯有色嘅水咁樣。而肉碎飯，冇香料，肉碎雖然炒得夠乾身，但係完全冇味，用餐嘅體驗就好似你以為自己食緊泰國嘢，其實就係食緊港式茶餐廳。首先佢唔應該扮泰國菜，明明個廚師同埋啲茶水淨係識整港式嘢，仲有入邊啲侍應成日都好似好嬲咁樣，由響門口等位嗰一刻開始，佢哋就一路好忙好嬲咁樣，搞到我坐響度都周身唔自在。

這店已不是第一次慢，也試過單方面取消訂單(see below)。今天慢及漏單情況非常嚴重，每個客都等30-60mins才有午餐, 店內安排混亂，執餐混亂，店員對自己出了甚麼餐，甚麼單還未出，完全不知道。編號 i8wh-q4kx很抱歉，因餐廳沒有回應，所以需要取消你的訂單。請放心，交易已即時取消，我們將不會收取任何費用（即使你收到銀行或信用卡公司發出的交易短訊）。 我們將與餐廳緊密聯繫，並提點他們應盡量積極回應訂單以防止事件再次發生。

嗌外賣自取喺OpenRice落單，12:30落單，話1:00可以攞， 1:00去到， 1:30先攞到，中間不停追，啲人就話整緊，根本就係漏單，之後落單嘅人，無論係OpenRice定係職場落單的，都全部已經可以攞！有冇搞錯！我企咗喺度半個鐘！

不知所為，叫個沙爹牛麵外賣等左23分鐘，拎到反屋企重要係比左沙爹牛通，又要我拎返去換，今時今日咁嘅服務態度，實在差，太差，就真係唔會再幫襯，好火，食個早餐都要行兩轉，用左我45分鐘，不知所為

今日要來北角見客，約咗兩個喺附近工作嘅朋友出嚟食下午茶，他們點了：1. 沙嗲雞肉串燒拼椒鹽炸豬皮下午茶套餐$35（飲凍檸檬茶加$3）2. 輕量雙丸船河下午茶套餐$36（飲凍檸茶少甜加$3）3. 芝士火腿手肘餅拼蒜蓉牛油雞中翼$34（飲熱檸檬茶唔使加錢）4. 泰式烤豬頸肉單出$36合共$147，平均每位消費大約$50。除咗沙嗲雞肉串燒比較普通之外，樣樣都做得比一般泰國餐廳好食、好飲！不過可能第一次食芝士火腿手肘餅拼蒜蓉牛油雞中翼覺得超好食！呢度嘅凍檸茶味道非常之好，見唔到一片片嘅檸檬因為餐牌話佢哋用咗冷榨的檸檬汁製作凍檸檬茶，不過我要飲少甜才不會太甜。

下午茶時段入去食，明明大把位，但D員工糸都要安排D客坐埋一堆，另一邊座位就情願擺糸度空閒唔俾客坐！而家咁嘅疫情，糸都要谷D客坐到排排坐，黐住隔離！原因只有一個，就糸懶，D客坐得開，疏得遠，傳菜要走多幾步，覺得辛苦！幫襯好多次，都糸一樣無改善！糸都要將D客堆埋一齊！其實何必咁做？如果D客怕坐得太近而唔入去食，跟住就會向政府喊苦喊忽，話限聚令導致佢哋無生意做！如果俾D客自由坐位，包佢一定有生意，因為D食物確實幾好味！

呢間店雖然開咗好幾個月，我都叫做長期食客食咗好幾次但係等待時間實在太耐有時等半個鐘都未到想問吓上班一族嘅話如果想食根本就無辦法可以等到上次同朋友去食仲要漏咗張單搞到朋友冇得食真係有待改進今次就叫外賣等咗成個鐘都未有我覺得真係好過份可唔可以改善一下經營手法呢好食話好食但服務質素有待改進

疫情期間成日用外賣 app叫早餐，終於等倒今日試健威呢間新餐廳。不過佢同隔離間意樂連住， 唔知係唔係share同一個廚房今日我哋叫咗三份早餐，分別係（1）香茅沙嗲牛肉麵（2牛扒煎蛋配火腿通粉（3仲有炒蛋配蒜蓉包 嘢飲就叫左凍華田凍檸檬茶同熱奶茶首先雖然我哋係叫foodpanda， 但我都要大讚呢間餐廳嘅服務！ 事緣係因為foodpanda order錯左野食，waitress好有禮貌咁提翻今次可以特別做俾我地。下次就無辨法。 我覺得佢同經理呢種處事方法令人聽倒好舒服👍👍再講返佢啲嘢食， 特別要大讚係牛扒同埋沙嗲牛肉麵!!! 牛扒個quality好好, 好有彈性又唔會un. 至於沙嗲牛肉麵，我都唔知點解佢可以做到啲公仔麵咁彈牙！ 我哋一般叫foodpanda，嗌到返嚟就算分湯都淋曬。但佢個麵真係無呢個情況👍👍沙爹牛肉好香好濃，香茅係新鮮香茅，意外地又幾夾 borD野飲都唔失禮， 呢間餐廳絕對會encore

又到星期日奶油包一家又出去覓食食過隔離間itamama今次就試下茶泰但真心係失望既首先鋪頭真係好細所以等位人龍都幾長而且攞位係憑職員記憶唔係拎晒號碼等叫位我地一家3口睇住啲2位2位既枱係咁入覺得安排有啲失當餐廳設計同隔離既itamama差唔多都係用木同光管去裝飾野食方面選擇唔少奶油包爸爸叫左個黑椒豬手飯份量夠多飯同豬手都好多肉質都好淋好入味而手抓餅就一般水準係個醬食落去辣到hihi奶油包就叫左個Cha Thai船河超級失望首先份量少河粉得4啖左右丸類只有2粒牛肉2片但豬皮係一碗我懷疑我食緊既係Cha Thai船「豬皮」其次個湯勁咸真心咸到唔想食仲有就係啲杯好dirty因為太咸關係問店員拎水但水都要落單先有而家香港係制水定咩點解客人坐低左唔俾水而杯水個杯係dirty有前顧客既唇膏印未清潔好我真係唔知飲唔飲好超級嘔心因為疫症期間餐廳咁既衛生情況真心唔ok囉

本人很喜歡吃泰國餐，最近在我家附近開了一間泰國快餐，餐牌也是一人套餐為主，這店裝修用麻布袋包住天花喉管，我第一次見，門囗也放了很多酱油和零食可以選購我們4人中午去吃飯，點了4個套餐加一份小食牛油雞翼，牛油味很香，但面炸粉太硬紅咖哩牛肉，內有嫩滑牛肉，咖哩不會太辣，柴洋蔥，毛茄，連皮迷你薯仔，我喜歡咖哩炒金邊粉，肉比較份量少，有數粒蝦仔，炒工火喉味道也ok豬頸肉通菜，廚師師傅，都炒得不錯套餐價錢由$60多至$80多，抵食最後一碗大船粉材料：比較多，豬扒，牛丸，肉丸，生牛肉，芽菜，但湯底實在太甜了

新開店已經人頭湧湧，店內坐位舒適寬敞，餐牌選擇多，泰國餐廳食物茶記價錢，食品有一定水準👍🏻👍🏻海南雞飯🐥特別欣賞㕑師連跟湯蘿白都認真煮過，好淋甜🤤泰式豬頸肉炒河足料，好鑊氣主菜加飲品半價，兩個人晚餐$150，真係抵過茶記