茶湯會 (利園山道) (已結業)

去搵肥髀前，先去買珍珠奶茶比佢，呢排銅鑼灣開了好多台式飲品店，呢間未試過，門面日式淺木簡約舒服，店面不細，可以入內坐低等，我飲緊我杯鮮榨果汁行入去，前面有兩個男仔等緊，我落單後同佢哋一齊等，佢哋出飲品，好快到我！女店員好親切，落單時我講咗少甜，店員主動問我使唔使少冰，到嗰兩個男仔出飲品，店員會問係唔係即刻飲，佢會幫客人開筒插飲管，再來到我，我急急叫住唔係即飲，其實同一時間已見店員開緊膠袋入袋，同時佢見我杯果汁已飲完，再笑笑口問我使唔使幫我掉咗個杯，短短10分鐘買杯台式飲品，竟然窩心咗3次，仲要好自然，唔係令人覺人刻意！紅茶珍珠拿鐵（$28）杯子設計簡約，不透明睇唔到珍珠，少甜少冰，茶味無溝淡，奶味幾鮮，茶味幾香，唔太甜，珍珠煙韌有咬口！整體好味！茶幾好味，女店員有禮斯文，仲十分窩心！呢杯奶茶令人窩心舒服！窩心拿鐵

今日去開悕慎行街知道珍煮丹開左就一心諗住去試下，點知去到排隊買嘅人多到成條街都係。結果我同朋友排左5分鐘已經放棄，走果時見到隔離茶湯會都有人排，不過條隊冇咁長。見佢有紅茶拿鐵試飲就打算試下好冇飲先睇下排唔排。一試好驚喜，紅茶味好濃！最後我同朋友就排到每人買左杯紅茶珍珠拿鐵。 珍珠細細粒，煙煙韌韌，軟硬啱啱好，紅茶拿鐵照舊冇令我地失望。正！

排隊好快買到，但等左二十分鐘，明明買的人不算多，店內有三名員，兩名已經摩打手，另一名就行行企企，人手少難怪製作時間長。原本叫了冬瓜鐵觀音，出到黎變左拿鐵，因為唔想再等多二十分鐘，決定照飲。味道方面，真係好難飲，應該是上一個水壺未沖乾淨，冬瓜味帶苦又帶少少酸，加上奶，真係好難飲。奶味唔出，似加左好多水，太稀唔滑。唔可以叫少甜，但杯野真係太甜。飲飲下好想扔左佢，但又怕浪費，逼自己飲，每一口都帶住幾種味道混合埋一齊，好難受。

本來諗住天氣熱買杯新野「冬瓜拿鐵」試飲，19:09落order,等 等 等⋯等了又等 等了三年又三年咁耐都未到，咁大間舖得一條友沖野飲？唔系呀化？卒之等到19:33先有野飲，等到我腰骨都痛埋！幾好飲都系假啦！早知去隔離果間買好過

每次經過銅鑼灣希禛附近就一定會買一杯，加上出面天氣33度，沒有理由不喝凍飲解解暑吧！全部都係台式飲品，我最中意嘅凍芋香銀玉翡翠拿鐵，我自己會叫少冰半糖，因為飲品入面有超級多芋頭粒粒而且有甜度，半糖就岩岩好，翡翠係茉莉花茶，茶底都濃，好香茉莉花味，加上銀玉細細粒煙煙un un，每一啖都食到芋頭粒和銀玉，太滿足了

叫7杯野比錯5杯冬瓜茶 茶濃 2杯 加 珍珠 >2杯都冇珍珠，珍珠奶茶 微冰 多奶，變> 紅茶珍珠拿鐵 微冰 多奶，蔗香奶茶加 珍珠，變> 珍珠奶茶，百香蘆薈綠茶 加珍珠> 冇珍珠錯得過份，希望下次買唔好再錯。再一次買，今次d野o岩喇，叫左冬瓜茶加珍珠 > 但加左珍珠，杯野淡到喊，完全冇冬瓜茶味，and d珍珠係冇味既。唔加珍珠既冬瓜茶好飲。我自己都做過珍珠奶茶店，個時跟住鋪頭條方整，整完d珍珠係有黑糖味既，d珍珠好好食，而家搵唔返十幾年前既珍珠味。

今日喉嚨唔太舒服，於是外賣咗杯茶湯會熱飲:熱觀音拿鐵 - 微糖 / 加紅豆 ($26) 👍👍👍飯落肚好暖，喉嚨都舒服哂👍微糖飲到鐵觀音嘅茶香味，強烈建議至少微糖甚至無糖。紅豆夠淋，飲啲茶都有淡淡紅豆味，係正嘅👍

尋日有朋友送左兩張茶湯會飲品卷比我所以今日就即刻去左買黎飲😍銅鑼灣呢間分店真係搞唔掂次次黎都至少十幾廿個人喺度等我地叫左一杯翡翠珍珠拿鐵同一杯鐵觀音珍珠拿鐵等左十幾分鐘終於都有得攞喇🙆🏻‍♀️好多時珍珠奶茶店啲飲品都偏甜而且啲茶唔夠濃但我就好中意茶杯會會將重點放番喺茶度唔會喧賓奪主👍🏻鐵觀音味香得黎又夠濃就算冇叫少甜都冇糖水泛濫既感覺但我個人就覺得啲珍珠淋得滯 唔夠咬口整體黎講茶湯會啲茶類飲品係唔錯既 不過下次要搵間少人啲既分店先得😍

行年宵前好一班人最好緊係飲杯暖野啦5杯一樣既number one!鐵觀音珍珠拿鐵☝️☝️🤗🤗🤗本身想熱走糖🤔由於熱飲只可以半糖☝🏻☝🏻☝🏻暖暖既拿鐵👏🏻配鐵觀音比一般既珍奶特別得多。傳說中既茶湯會果然名不虛傳！可以話係菜濃奶滑！珍珠咬口一流！成為$28👏🏻👏🏻👏🏻👏🏻銅鑼灣區不錯的選擇！

唔係收10點既咩？！門口又無標示早收！！但21:44 就話閂舖！！我响附近住成日突然想飲就落街買，試過21:55都仲可以買倒！！想請問一下，究竟所寫既店舖時間係咪真㗎？！

在公司食完午飯，行下出街，天氣寒冷，快快找合溫暖湯會先得啦薑最容易辟寒氣，加埋黑糖，飲一啖，甜蜜帶有薑味，好溫暖的，暖氣流入全身杯裝轉型，變成靚靚大面狗，好可愛～旺

原本上咗去天仁，但又想試下新野，落翻去hysan旁邊既茶湯會... 點知一個字：伏。本身想點豆漿紅茶但買哂，所以叫咗珍珠冬瓜觀音。呢排興珍珠alternative，上次試過丸作覺得無乜特別，想試下茶湯會既銀玉，所以是次將原本既珍珠改銀玉，不另加收費。入面既員工有4人，但我一杯野飲等咗10分鐘以上。終於等到杯茶，第一淡就飲到佢既銀玉。銀玉好爛，好細粒，完全無咬口。同埋不嬲會叫半糖既我，員工話無得改甜度，一飲落去真係得個甜字，亦沒有一點茶味。我建議大家都係去翻天仁。- L

今日和同事們食完午飯，好想買野飲拿鐵不是咖啡，是茶的一種叫法珍珠好細粒，滑溜溜，我覺得有少少偏甜，下次可以叫少甜竽頭好香，加埋珍珠，好好飲啊隻杯好靚啊銅鑼灣這間分店次次都好多人排隊努力制作中

今晚同墨丸米路經此地見到未飲過，於是又發揮冒險精神試下佢吸引我地之處係銀玉，用純天然銀耳製成，看似食得健康過珍珠，而且又可以免費升級銀玉，我地都點了試試！薑汁奶茶加銀玉墨丸米飲後評語是薑汁太濃烈了，蓋過奶茶味！觀音珍珠拿鐵珍珠轉左銀玉，我覺得銀玉雖然冇珍珠咁"漏"，但口感偏淋味淡，不過卡路里無咁高是可以接受的！而奶茶我點了半糖，我認知的觀音是茶味清香，但這杯奶茶沒有茶味之餘，又沒有奶香我只是叫半糖，未至於減埋我的茶味掛？？本人覺得天Ｘ好飲好多！

放工時間約左朋友食飯, 未等齊人時就黎呢度飲杯野先..好少會經呢面, 要飲茶可能都會上去HYSAN. 今日朋友提議試呢間, 又好丫冇問題, 試下新野嘛~茶湯會, 唔知以為有賣湯賣, 但實質只有茶, 又係一間來自台灣的外賣飲品店.亦係現泡真茶黎. 唔係科學茶~~~可以放心飲~睇MENU 有好多款, 又選擇困難症上身.好想試冬季限定既紫米紅豆拿鐵 /紫米芋頭拿鐵, 不過當日天氣唔太凍, 留返凍D先去試.同埋感覺會好飽, 我地都未食晚飯, 唔可以咁快KO 自己~~~爭扎一輪後, 又係叫返最穩陣既野--招牌  觀音LATTE$23都等左一段時間先出到貨, 店員每杯都會問洗唔洗幫你吉埋飲管XDDDDD 好似都幾貼心, 不過都幾慘, 唔知佢一日唔知要講幾多次呢?!頭幾啖都幾有茶味, 有時呢D得個死甜, 但冇茶味, 所以我多數都會揀濃味茶黎飲~不過飲到尾就得返奶味. 茶味可以再香D咁就GOOD喇~P.S. 好在呢度有幾個位畀人坐下, 我地都坐左幾耐先有野飲, 要現泡就真係要有耐性, 我諗黎度HK 都好D, 係TW 既真係等得重耐...