茶湯會 (海光街)

营业中

休息中

好多人排隊買呢間手搖飲品!叫咗柳橙鳳梨茶,茶底本身都好香濃,柳橙加鳳梨呢個組合感覺超清新,好啱夏天飲👍🏻觀音奶蓋我哋額外加左珍珠,鐵觀音茶不錯,奶蓋好香滑👍🏻

路過見到呢間茶飲真係好多人排隊好多人買，價錢又唔貴喎，咁就一於試吓佢嘅新出黃金桂烏龍奶茶啦！黃金桂係烏龍茶中稱為極品，也是安溪四大名茶之一，叫為黃金是因為其葉底黃亮，呈現黃金色澤，而且香氣奇佳似桂花~🧋黃金桂烏龍奶茶 加晶球 $24+$5 (9/10)好濃茶味，好香好出，晶球好爽口有口感，少少桂花香，飲完之後少少澀，奶都好滑，好好飲。原來晶球是由紅藻類海藻提煉而來，有豐富食物纖維(咁即係唔怕肥啦😆 口感Q彈好爽口，有啲啲黑糖香，幾好食幾好咬口，平時唔係好鍾意食珍珠但呢個清爽好多！推薦指數: 9/10真心係幾好飲，推薦俾大家！美中不足係太細杯好快飲完🥹

茶湯會相信大家並不陌生，採用台灣頂級茶葉來製作茶底，現時除了香港，還跨國到上海、日本、新加坡、泰國、美國、加拿大等等，因此足以證明其店的知名度甚高❈單點 (散叫)❈☞ 黃金桂烏龍奶茶 (微冰) Golden Oolong Milk Tea HK$24 | 評分：9/10因為看到是新產品，所以想試試看茶味很香濃，甜度恰到好處 等的期間還可以試喝他們的檸檬蜜honey lemon drink，非常冰爽解渴，建議大家可一試 ★温馨提示★不收$1000紙幣和毫子硬幣可經openrice下單 他們還有售賣些小吃喲，有魚肉燒賣、牛丸、吞拿魚吐司 (有辣和不辣的可選)等等，可以單點或者購買任何飲品的話可加點錢追加小吃~ (詳情請向店員查詢)❈總括❈這麼有名又好喝的，$24覺得性價比還算高，相比之下其他同一類型的也有起碼$50起跳

我落單買一杯珍珠奶茶($24)和一杯黑糖晶球奶茶($26)，店員問要鮮奶或奶粉。我答了鮮奶，付款拿到單後發覺變了紅茶珍珠拿鐵($29)和黑糖觀音晶球拿鐵（$31)。用奶粉的是紅茶，用鮮奶的是拿鐵？一直以為拿鐵是咖啡，唯有請教谷歌大神，原來意大利文拿鐵是牛奶，也不是鮮奶。第一次寫食評，原來咁辛苦。同電影中古時告官一樣，原告要先被打五十大板。食評要寫最少寫八十字，好辛苦寫完。到整體評分，還要寫最少二百字才能使用，以為最多唔用啦，誰知又提交唔到，我唯有繼續拉布。

手搖飲品 無論春夏秋冬都好合適合大庭廣眾 男女老少right😊😊飲茶對身體減肥😚😚夏天來杯冰的 涼涼地令body wake up！喜歡飲冰凍嘅 又點會錯過飲珍珠奶茶嘅呢😉😉

初初開張都仲好好飲，有茶香。已每況越下，依家超難飲，我叫左黑糖觀音拿鐵+珍珠（$29+$3），已經係微糖，直情係糖漿加水既味道，無奶味無茶味，最後飲左1/5都無就放棄。已比左兩次機會，唔會再回購。👎🏻👎🏻

今日食完飯之後有啲口渴，所以就去咗茶湯會到買杯嘢飲😙我諗由於因爲太古坊附近嘅台式飲品店真係比較少，所以lunchtime嘅時候都幾多人等買嘢飲🙈睇咗一陣餐牌，就決定飲佢嘅人氣No.1 - 觀音珍珠拿鐵😆觀音同拿鐵原來係好夾㗎😍茶味同奶味都好香濃🤤我嗌咗半糖，甜度啱啱好😂如果真係唔係幾鐘意飲甜嘢嘅朋友可能就要選擇微糖了🙈呢到嘅珍珠係偏細粒，份量好多，每一啖都會食到一粒粒嘅珍珠🤩珍珠非常qq有咬口💯會再幫襯💰

近年珍珠奶茶風氣流行，愈黎愈多台飲店，茶湯會係其中一間, 自己都飲過唔少舖頭既珍珠奶茶，都開始想停一停試下第二款既飲品。我間中都會飲下quota飲料,因為Happy Friday，同同事放工就去買咗杯熱冬瓜鐵觀音飲。用手機app 外賣自取，可以直接skip左買完等杯茶ge時間，好方便。熱冬瓜鐵觀音 - 入口先嚐到清甜的冬瓜茶， 清涼舒暢。茶茶香厚實，回甘濃郁 。兩邊味都好夾，吾會話有一邊搶過另一邊。

食完午飯珍奶癮又起經過茶湯會，即刻叫杯黑糖觀音拿鐵提神先黑糖觀音拿鐵$33黑糖一貫無甜度選擇呢杯唔會過甜, 但黑糖既焦味唔夠香喺咁濃味既黑糖下都微微飲得出鐵觀音茶味冰量唔多，唔會溝淡茶味而且最特別係珍珠茶湯會既珍珠同一般珍珠唔同細細粒，偏淋，有小小煙靭感覺都幾好咬，細細粒唔會咬到牙都軟珍珠份量都好多太古坊附近有3間珍珠奶茶店呢間既茶底暫時比較香而以黑糖珍珠奶茶黎講，佢表現係比較平均唔會偏甜下次可以再encore

Walking  around the Quarry Bay area, boyfriend and I came across TP Tea. We didn't think anything of it until we saw a promotion offering $9 for Tieguanyin Latte. There seemed to be quite a few people who were in on the deal.It seems we always jump on any promotion at this place so we lined up and got a drink! It was pretty good. A nice amount of milk so it didn't over power the taste of the tea. Even after I mixed it up. The tea as fragrant. Serving size was just right. It wasn't too sweet and

#首領 講咗要幫襯「茶湯會」好幾日，我哋今日終於有時間去「輪籌」喇！點解買嘢飲都要「輪籌」咁誇張？因為 #茶湯會 真係好好生意囉😌 排隊買飛加埋等候製作，分分鐘要等10-15分鐘杯嘢飲先會到手，趕時間嘅話... 最好第2日再嚟過😄今日我要嘅係 #紅豆拿鐵（走珍珠... 因為 #小秘書 一向唔like珍珠嘅味道） ，而 #首領 就要 #紅茶珍珠拿鐵 。事實上 #茶湯會 嘅品資比對手強，強調自家飲品唔用 #奶精 沖泡，#小秘書 我聽落已經放心好多。我果杯 #紅豆拿鐵 唔會太甜，但又食到粒粒紅豆，好甜蜜好滿足

開咗成朝會😌 小秘書終於可以落街透透氣，好想飲杯凍嘢醒吓神🤯 喺太古坊同海光街、海灣街之間，街頭巷尾都有唔少咖啡店/茶餐廳/台式飲品...，好多不同選擇。不過要真正守得住間舖就無幾多間，事關呢頭嘅生意模式同出邊好唔同，除咗星期一至五嘅朝早/午餐時段人流比較多，收咗工六點半後都唔使旨意有晚市，所以中午時段必定要好好好生意先為到皮！「茶湯會」似乎捉到附近街坊同打工仔嘅口味，門口長期排滿人嘅小店，除咁佢... 都無乜邊間做到👍🏻小秘書今日揀咗「凍紅豆拿鐵」，紅豆煲到起沙又仍然保持粒狀，「拿鐵」味雖然唔夠突出，不過配埋紅豆同啲鮮奶又起到相當唔錯嘅化學作用👍🏻👍🏻 真係抵佢咁好生意！

我是一個吸水怪 , 而且習慣在每一餐之前都必定會喝一杯飲品 , 可能是 Iced Americano , 或是 cocktail , 凍檸茶、奶茶、花茶、涼茶 .... 總之沒喝個飲品 , 我就不能吃正餐 ; 我當然知道這樣對身體健康不太好 , 但反正我就是行將入木之人 , 我就是開開心心 , 做我喜歡做的事 , 不枉此生 , 就 OK 了 ~ 今次就在 鰂魚涌 - 海光街 的 茶湯會 TP Tea, 喝台式飲料 ~Menu ~ 冬瓜奶茶 + 珍珠 : 冬瓜茶 , 本來已經是十分可口的飲料 , 把冬瓜茶變成冬瓜珍珠奶茶 , 這又是什麼玩法 ; 就是既有冬瓜茶的甜蜜 , 又有順喉的奶滑和奶香 , 再加上口感煙韌又甜甜的珍珠 .... 是很獨特又奇妙的味道 ~本篇完 ~

冬天梗係飲番杯熱辣辣嘅奶茶令到個人舒服啲啦今日幫襯左茶湯會，叫咗一個紫米紅豆奶茶同埋一杯鐵觀音珍珠奶茶。而家做緊冬天杯設計 係柴犬 用嚟打卡呃like一流。但味道就普普通通。子樹紅豆奶茶味道偏甜下次應該會叫分少甜。紫米紅豆都尚算好食。但係鐵觀音珍珠奶茶，味道麻麻，鐵觀音茶底不夠茶味，珍珠奶茶珍珠唔夠甜。普普通通

日日行過都好多人堆晒係個門口度，食完飯行過見今日唔多人，咪買杯黎飲吓囉～款式唔算多，但係有嚴重選擇恐懼症既我都係企咗係度5分鐘都唔知飲乜好，咁唯有睇吓有咩推介，最後都係飲返基本野，珍珠紅豆拿鐵，半糖。第一次飲都係驚甜得濟，係咪都叫半糖冇死。等左5分鐘左右，佢先沖到比我，都唔算太耐啦（lunch 時間)算係咁。呢杯野都要成$27！都唔平～第一啖飲落口，普普通通啦～奶味都算香，唔係用奶粉沖，紅豆唔會話太甜最有驚喜係係D珠珠，細細粒容易食，又有咬口，唔會食多幾粒就覺得哽胃，幾好