茶點

营业中

休息中

可能喺呢間嘢做嘢好辛苦，可能每個客都比氣佢哋受，收錢嘅哥仔、派外賣嘅哥仔、比辣椒油嘅姐姐，唔知以為佢比錢我食，嘢食再好食又點，真係可能幫襯佢哋都似係做錯事。可以每一位員工都keep到同一service, 勁。

平日中午去食，勁多學生。大概一點幾左右嘅時間到達都要等位，可能係因為店員太年輕唔係好識安排，搞到我等咗好耐。明明見到幾個客埋單出嚟，但係都唔叫我入座。要主動問先知原來搭枱（我一位）一早入得🫠。本人好鍾意食辣，struggle緊嗌麻辣湯定雞白湯。見到枱面有辣椒油，於是嗌咗個蟲草花手撕雞雞白湯米線，打算自己再另外落辣椒油。雞白湯超好味！甜甜嘅湯頭，不知不覺飲咗好多😂手撕雞都好好味👍跟餐有埋餐飲，嗌咗個台式奶茶微糖少冰，好飲，不過Basically都係奶精、台式奶茶味。但真係飲過一啲好水嘅台式奶茶，所以呢個係唔錯。

我最近品嚐了一碗特級肥牛肉燥飯，整體而言，這道菜的味道相當不錯。肥牛片的厚度剛剛好，吃起來口感鮮嫩，肥瘦適中，令人回味無窮。然而，我對於肉燥的份量感到些許失望，因為它的份量不夠多，無法完全滿足我的口感需求。當我撈飯時，感覺肉燥的數量有些不足，無法讓每一口都能夠均衡地搭配到飯粒。儘管如此，這碗特級肥牛肉燥飯的整體風味仍然讓人滿意。肥牛的鮮美與飯的香糯相得益彰，使得這道菜成為一道值得推薦的美食。如果能夠增加肉燥的份量，這道菜將會更加完美。總的來說，特級肥牛肉燥飯給我留下了美好的印象，我會再次光顧。

💛鹽酥雞排飯鹽酥雞排飯是台灣最受歡迎的快速午餐之一。一盤鹽酥雞排飯包含了炸得酥脆的雞排、熱騰騰的白飯和多種配菜。首先，讓我們來談談雞排。這片雞排炸得金黃酥脆，外層的鹽酥皮帶著微微的鹹香，內部的雞肉鮮嫩多汁。每一口都能感受到鹽酥皮的脆口和雞肉的鮮美。配上蓬鬆的白飯和綠色蔬菜，這道鹽酥雞排飯提供了豐富的口感和營養。它是一種經典的台灣街頭小吃，絕對值得一試。💛珍珠奶茶珍珠奶茶是台灣最具代表性的飲料之一。它由茶葉、鮮奶和珍珠組成，給人帶來了口感豐富的飲品體驗。茶葉的香氣和奶茶的滑順口感融合在一起，為這杯珍珠奶茶帶來了獨特的風味。而最令人著迷的部分是珍珠，這些Q彈的黑色珍珠加入了飲品的口感層次，每一口都能感受到咀嚼的樂趣。無論是冷飲還是熱飲，珍珠奶茶都能帶來一份甜蜜的享受。

蟲草花手撕雞手工湯麵🍜湯底唔算太鹹或冇味，可以飲唒整碗湯都唔會覺得口渴。麵條厚身及彈牙，有好多雞絲及蟲草花雞絲唔會太柴又健康又好味，叫餐會配埋飲品份量剛剛好👌

第一次令我寫食評這餐廳沒有服務可言落單職員無禮貌都算一行四人，我們其中兩人座位上都已放食物職員再放低係唔會問或者放係沒有食物的那人上（或者是我以為常識吧）只是一聲不響地放在我和另一人的中間（正正就是我們已各自食緊）食物已經麻麻，以前多選擇又有吐司現在選擇少，某些飲品加錢正常，但一是淡而無味一是甜到不堪🤦🏿‍♀️🤦🏿‍♀️雞絲一般，靠的是芝麻醬汁那個職員長髮帶cap 帽和她說她的態度也是懶懶閒，以後唔會再食

大埔做完野搵飯食，搵到呢間台灣菜睇落唔錯，又多人等位，決定試試佢😂由於店鋪細，座位不多，等左15-20分鐘入座，還可。（估：小店有自己堅持，唔會俾客人搭枱；雖然會耐左，但店舖面積限制下都仍然考慮到食客舒適度，可以）叫左手撕雞肉燥飯 + 奶茶 + 蝦春卷，食物上菜快，5分鐘內到，賣相可，熱。手撕雞唔鞋，有淡麻油味；肉燥一般，正常；蛋，普通啦，如果入味d救及唔係全熟較好。 奶茶，無特別要求甜度，冰唔多，正常唔會太甜，可。蝦春卷，脆既，都好食，普通，面頭有少少椒鹽/胡椒鹽/梅粉整體，坐得舒服，上菜快，味道可，唔錯（聽講遲下又開第2度定分鋪，希望到時大d，縮短等候時間。

茶點雖然地方細小，但尚算乾淨企理。餐牌可供食物種類不多，只有台灣手功麵，肉燥伴麵或飯及特式冷麵，還有台式飲品。今晚晚餐品嚐手功麵，包括花雕雞翼湯麺及麻辣手撕雞湯麵，還有追加小食椒鹽豆腐。花雕雞翼湯麺，配菜有腐竹、芽菜及韮菜，手功麵以粗麵為主，口感一般，湯底白雪雪，味道清淡。如果喜歡濃味的話，選擇麻辣湯底比較合適。花雕雞翼是冷的，即使浸入湯底暖一暖，也不會失去花雕酒的味道。麻辣手撕雞湯麵，也有腐竹、芽菜及韮菜。在寒冷的冬天𥚃，來一碗熱辣辣的湯麵🍜，非常暖心。然後再喝一口冰凍台式飲品，冷熱交替，滿足口福。椒鹽豆腐，即叫即炸，外脆內軟，有淡淡椒鹽味，又不失豆腐香，剛剛恰當。

雖然大埔都幾多嘢食，但見到呢間小店好似幾吸引咁所以就入咗去食午餐🍴-🍗鹽酥雞冷麵 $54個冷麵有鹽酥雞、蟹柳、青瓜絲同胡麻醬。佢個麵質都ok，加埋啲青瓜絲一齊食感覺清爽啲。但可惜鹽酥雞一上菜已經淋淋哋，同埋唔知係咪佢重手咗，胡麻醬落得太多，搞到有啲鹹，撈勻晒之後都仲有一堆醬留咗喺底。下次再試嘅話，一定會叫佢少醬。🧋鐵觀音珍珠奶綠 (跟餐免費)呢杯野真係有驚喜，飲得出茶嘅香味之餘，奶味都好濃郁。啲珍珠都好煙韌，好有咬口，而且每啖都會飲到珍珠。同埋今次冇叫少糖，佢嘅甜度都啱啱好。呢杯飲品就算唔跟餐都只係$21，好抵飲😋呢間餐廳嘅上菜速度都幾快，服務態度都幾好。而食物方面，佢個麵就麻麻哋，反而係杯珍珠奶綠幾有驚喜。如果想快手平平哋食個飯，呢間都會係個唔錯選擇。-味道: 6/10服務: 8/10環境: 7/10回頭率: 6/10總評: 6.5/10💰人均消費: $54

今日又紅雨又大風 所以都留返係大埔今次試既餐廳位於海寶花園樓下 或者八號花園對面 門面走木系風格貴店裝修過幾次 其實每次風格都係日系人到去 中間有個收銀枱 比較迫狹而且座位唔多 勉強應該可以同時坐十個人蟲草花手撕雞湯麵$62裝修前都有食過 但餐牌的確係有變更 之前係無咁多款湯麵選擇 所以決定一試上到檯 嘩 都好大碗下 蟲草花同手撕雞鋪滿面呷左啖湯 好鮮味 唔似味精湯 手撕雞雞肉份量好多 而且無黏骨同埋每舊都好滑另外麵底唔係烏冬或者普通米線 係粗身既手打麵 食落好煙韌同好掛湯 好味唔錯🥣椒鹽豆腐係跟餐加配 份量都唔少 不過略嫌灑得比較多椒鹽 比較鹹 外層炸得唔脆古早味珍珠奶茶$21大大杯 珍珠份量都算多 每吸一啖都有珍珠同埋奶茶味均勻又唔會太甜 唔會飲完好渴喉💛 貴店雖小 但服務 食物質素都有

高質台食 平民價錢外賣同樣好味！—————————————————————茶點👀大埔安慈路1號海寶花園7B地舖電話：2765 0198♪ ♪ ♪ ♪ ♪ ♪ ♪ ♪ ♪ ♪ ♪ ♪ ♪ ♪ ♪ ♪ ♪ ♪ ♪ ♪今日星期六下午茶時間去好多人😂🤣所以外賣自取裝修設計簡潔整齊一眼望哂店舖面積雖然不大但上菜速度 外賣速度與質素都好得佢哋嘅外賣平台生意應該幾好見好多送餐員出出入入有樣嘢幾欣賞巨峰提子梳打另外有罐梳打水確保唔會因為時間嘅過去令到梳打水冇晒氣品嚐到最好飲嘅moment佢哋嘅小食都正順帶一提 佢哋個蜜糖花枝丸好味係之前食過今次嘅椒鹽豆腐都可以再吃炸豬扒肉燥食飯麻辣手撕雞冷麵椒鹽豆腐巨峰提子梳打冬瓜檸椽綠茶

☕️下午茶📍 大埔安慈路海寶花園地下7B（茶點）👉酥炸豬扒拌麵，個肉燥冇茶木嘅好食😂偏鹹，炸豬扒唔錯幾入味，麵質地煙韌有咬感✍🏾3.5分（5分最高）👉手撕雞冷麵，手撕雞都幾入味，冷麵配上胡麻醬，麵同拌面個個一樣，口感比起拌面好食😋✍🏾4分（5分最高）👉青蘋果綠茶，唔係我飲，我妹話ok😂👉鐵觀音珍珠奶綠，啲珍珠咬落去煙煙韌韌同埋有d蜂蜜味都幾好飲，茶就都ok，唔太甜🌟推薦指數：❤️❤️❤️（5❤️最高）

今日又出嚟大埔行街🧡咁岩就見到依間生面口嘅台式小店，見冇乜人就入嚟試吓。lunch set全部都包一杯台式飲品，特飲就+5至$10左右。今次叫咗兩個冷麵套餐：🌈麻辣手撕雞冷麵 $54一上枱就見個冷麵鋪滿雞肉，青瓜絲同蟹柳絲，聞落好香麻辣味。一開始食幾啖覺得好惹味，佢嘅辣唔會話好辣，但就真係好麻，食到最尾條脷係麻曬嘅。唔係好鍾意麻嘅人呢一點要考慮吓啦，不過整體都唔錯，份量都好足夠。🌈鹽酥雞冷麵 $54一上枱大概有七舊左右鹽酥雞，首先趁佢新鮮試下先～鹽酥雞係新鮮炸，炸粉唔會話太厚，都夠曬味。冷面嗰度用咗胡麻醬去撈，而且落咗超多醬，個面唔會乾爭爭。食到差唔多，枱面都有花椒油提供俾大家，轉下口味，麻麻地都唔錯嫁！🌈跟餐飲品—古早珍珠奶茶/鐵觀音珍珠奶綠珍珠係煙韌嘅，但黑糖味就冇乜，少少甜甜地。值得一讚嘅係茶味都夠，唔會覺得好似溝咗好多水咁。不過唔使加錢就有杯珍珠奶茶，唔好要求咁多la～因為今次叫嘅依兩杯都係熱，所以裏面係冇加糖嘅，想飲甜嘅可以自己另外落白糖！

🔺手撕雞絲肉燥飯飯係珍珠米，抵讚！肉燥好多，不過個人認為略鹹，要配埋佢個秘製醬汁先會易啲入口。講起個秘製醬汁，佢係小小甜又少少鹹，好開胃，好惹味，記得一定要落！手撕雞好嫩滑，不過個人就麻麻哋跟雞啲青瓜， 下次應該會叫翻豬扒或肥牛。🔺古早珍珠奶茶珍珠有咬口，唔粉，有驚喜！整體嚟講，呢個餐$60，都算幾抵，推薦！

疫情已經有兩年有多，真係好掛住台灣。😢今次就揀咗台式餐廳，位於大埔市中心。不知道是否因為六點後禁堂食的關係，我哋五點前去到已經幾乎滿座。空間擺位好特別，收銀處位於蓋舖位的中間，雖然不算大，但每個位置的確有自己的空間，坐得好舒服，意想不到的，是細細的舖位可以容納長枱的獨立位/「自閉位」。🔹🔹🔹🔹🔹你會見到價錢都好抵食， 50幾蚊去食到一個主食跟飲品🔹🔹🔹🔹🔹1. 酥炸豬扒湯麵清湯底令我很驚喜，有點似大型連鎖米線專門店，但佢呢隻湯底濃郁之餘亦唔覺佢有味精味道而炸豬扒向線酥炸程度及鬆軟度簡直一流，只係有少量連骨豬扒2. 手撕雞胡麻醬冷麵雞肉好滑，係雞髀肉的雞絲，肉的份量也很多冷麵麵底亦很彈牙，再配上厚厚的胡麻醬，實在美味！以下兩款小食都是跟主食加配的：3. 甜不辣外脆內軟口感豐富，配上甜甜辣辣的醬汁，簡直食唔停口4. 炸蝦肉春卷熱辣辣的炸蝦春卷是我非常之喜歡的一個小食外面有層薄薄的炸脆外層，而食落啖啖蝦肉味5. 古早珍珠奶茶出面坊間不多餐廳飲品能夠走冰，但茶點的飲品就可以而沒有變得份量少了。古早珍奶（走甜）是我的極力推介的！6. 鐵觀音珍珠奶綠奶味都算不錯，珍珠即使浸了一段時間也很有咬口🔹🔹